Slene 10
10
Piyɛre ki ghɛa Kornɛy
1Kwete wəndə ya shɛ kwa Sɛzarɛ nya nza sləa ŋkɛ kaKornɛy. Nahe ŋkɛ kenza kawəndə nya te ghəa sewajɛa ka Rome gwəmsə nya heka mbelia kawəvəsəa sewajɛa ka Itali. 2Kande zele Shala wəndəa shɛ, kwele kwele hawe ŋkɛ ve, tsagha mbeli nyi ki ghɛa ŋkɛ pɛtɛ. Kwele kwele kemane ka titikwəa kɛfi nyi hwa ka Zhəwif ŋkɛ, te ŋkwa shɛ te ŋkwa shɛ səkwə ghə ŋkɛ. 3Ma te kwete hɛ, kwa mtsa veci ne, pa ŋkɛ nakɛ nde ghwene ta Shala. Ma kwa dzeki nde ghwenea shɛ shɛ ne, ma ke hekakɛ ŋkɛ: «Kornɛy.» 4Walaŋe ke le ghazlənə, ma ke: «Wa wəsəa shɛ wa, Nde sleke ŋkwa.» Ma ke nde ghwene ta Shala shɛ: «Kezaghəyite səkwə ghə ta ŋa ba'a kemane ta ŋa laka titikwə Shala we, mbe zəzə ŋa ŋkɛ. 5Ma tsetsenya gɛ, ghwene mbeli kadzawa Zhopɛ yitea heka kwete wəndə nya nza sləa ŋkɛ kaSimon, nya hekate nda slə mbeli ɓiyitsa kaPiyɛre. 6Ki ghɛa Simon nde keɓe hweta nya nza ghɛa ŋkɛ mɛa ndərə ŋkɛ.» 7Ma kwa dzeghwanyɛ nde ghwene ta Shala nya kese kageze nda ghena ne, pa Kornɛy hekakɛ mbelia ŋkɛ bake ba'a kwete sewajɛ nya nza ŋkɛ le ghalanza, nya kehawe va Shala kwele kwele. 8Pa ŋkɛ gezete nda wəsə nya kemenete nda geva ke hɛ ba'a ghweneghe hɛ kadzawa Zhopɛ.
9Ma te hendɛ ta ŋkwa kwa hweŋkwa hɛ kalə ba'a kwa nza hɛ takwa takwa yitea Zhopɛ ne, tarame Piyɛre pelɛ dɛɓere#10.9 Dɛɓere: ma dɛɓerea shɛ ne, nahe ŋkɛ kenza kaŋkwa nya kənəa ghɛ nya kentsape ntsape sha ka Zhəwif. nya kənəa ghɛ kezha səkwə ghə, kala wəsə kwa ghə veci. 10Pa ma zhɛte nda, kaɗe ŋkɛ kazeme wəsə kezeme. Ma mbe mene nda wəsə kezeme mbeli ne, pa ŋkɛ nakɛ kwete wəsə laka kelɛŋə. 11Pa ŋkɛ nakɛ ŋkwa kedzeme ghweme kepele pele: kasawa kwete wəsə kala gwada nya wəba nya keseve mbeli te sleme wəfaɗe kadzete hɛɗi. 12Ma te gwada shɛ ne, pɛtɛa mama ta wəshi, wəshi nyi kentsehe geva dzate te hɛɗi ba'a 'yɛ nyi kezlə yitea ghweme ya shɛ. 13Ma ke ŋwələ shɛ: «Piyɛre, sate te ŋkwa, henekɛ ba'a zehwe.» 14Ma ke Piyɛre zhɛnete: «Ewə, Nde sleke ŋkwa we! Kegha 'ya kazehwe wəsə kezeme nya kefɛake geva keɗema nya wale wale we.» 15Ma ke ŋwələ shɛ zhɛkwa: «Ma wəsə nya zhɛrete Shala wɛŋe ne, gezema na kawəsə nya wale wale ŋkɛ ma.» 16Mahekene zhigə menete geva ŋkɛ, kwetere wəmbəa ŋkɛ te ŋkwa shɛnyɛ ne, pa wəsəa shɛ keleghe geva kadzeme ghweme.
17Keyirə yirə Piyɛre va ghena shɛ, ma ke: «Wa yaɗe wəsə nya nakɛ nya 'ya kancɛ ɗa tse wa?» Ma mbeli nyi ghweneke nyi Kornɛy, pelɛ hɛ kwa degha ka'yɛwe ghɛa Simon vəa ŋkwa shɛ. 18Pa hɛ hekakɛ ŋkwa, ma ke hɛ 'yɛwete: «Teke Simon nya heka mbeli kaPiyɛre na?» 19Mba Piyɛre kazəzə ghena ta wəsə nya nakɛ nya ŋkɛ laka kelɛŋə shanda, nda gezete ghena nda Sefəa Shala, ma ke shɛ: «Wa nyi mbeli nyi mahekene teke kazele ŋa. 20Sate ba'a dzawa sha hɛ, kwiɗi le hɛ, mba na kezhɛne ghə, kwa nza ŋkɛ 'ya nde ghweneke hɛ.» 21Pa Piyɛre sawa sha mbelia shɛhɛ, ma ke: «'Ya ya kawəndə nya zele yɛ. Yitea wa se yɛ wa?» 22Ma ke hɛ shɛ: «Kornɛy, wəndə nya te ghəa ka sewajɛ nde ghweneke n'yɛ. Wəndə nya tiɗiɗi ŋkɛ, kahawe ŋkɛ va Shala. Pɛtɛa ka Zhəwif kaɗe ŋkɛ. Nahe nde ghwene ta Shala kegezete nda kezha heka ŋa yitea fa ghena nya tegeze nda na.» 23Pa Piyɛre fəghe hɛ kadzeki ghɛ ba'a ndeke nda ŋkwa kehɛ ke hɛ.
Ma masheke ne, cape ŋkɛ le hɛ, pa kweci ka kesaka ma nyi mbe Zhopɛ begheghe ŋkɛ kalə. 24Ma te kwa bake ta hɛ ne, hwa'a hɛ mbe Sɛzarɛ. Neghe yaneghe hɛ Kornɛy le mbelia ŋkɛ ba'a ka mcɛhɛnyɛ ganji nyi hekakɛ ŋkɛ. 25Ma vəa ŋkwa nya dzeki Piyɛre ne, kashave Kornɛy kezha begeme le. Pa ŋkɛ gwəɗəŋə kwa kema ta ŋkɛ kezha hawe ve. 26Pa Piyɛre kesakate ŋkɛ, ma ke shɛ: «Sate, wəndə ŋelɛ 'ya kala gha perə.» 27Ntake ŋkɛ kageze ghena le Kornɛy, shilimə ŋkɛ ki ghɛ hwa mbeli kwele kwele nyi ketsenete geva. 28Ma ke sha hɛ: «Nahe yɛ keɗepe mahalegə ŋkɛ sha ka Zhəwif kejikə geva le nde mtake, mahalegə ŋkɛ sha hɛ kedzeki ghɛa ŋkɛ perə. Ama nahe Shala kencɛte ɗa kezha ɗema 'ya kenewe kwete wəndə kala wəndə wale wale keɗema kala wəndə nya kehitema geva. 29Vatse se 'ya kwa hekakɛ ɗa yɛ, kese 'ya kaghəpə we. Kaɗe 'ya kaɗepe wəsə nya hekakɛ ɗa yɛ yite tsetsenya.»
30Ma ke Kornɛy: «Hɛ mahekene ɓeshi, kasəkwə ghə 'ya ki ghɛa ɗa kwa mtsa veci ŋkwa. Vəkə kwete wəndə kwa kema ta ɗa le lekwesa nya keslesla. 31Ma ke sha 'ya: Kornɛy, nahe Shala kefate səkwə ghə ta ŋa, kezaghəyite kemane nya kemane ka titikwəa kɛfi na ŋkɛ we. 32Ghwenakɛ mbeli kadzawa Zhopɛ kaheka Simon nya heka mbeli kaPiyɛre. Ki ghɛa Simon, nde keɓe hweta nya nza ghɛa ŋkɛ mɛa ndərə ŋkɛ. 33Te ŋkwa shɛnyɛ ghweneghe mbeli 'ya kaheka ŋa, megela kwa yɛhwe na kase. Tsetsenya teke ghen'yɛ pɛtɛ kwa kema ta Shala kezha fa ghena nyi ghweneke ŋa Nde sleke ŋkwa kageze.»
Piyɛre kageze ghena ta Shala ki ghɛa Kornɛy
34Tagha gɛ, ntake Piyɛre kageze ghena, ma ke: «Nahe 'ya keɗepe tsetsenya kaɗema Shala kanta ghala kwa mbeli. 35Nahe yayata wəndə nya mbe yayata hwelefe nya kehawe ve ba'a nya tiɗiɗi kenza zeɗehwe nda. 36Nahe Shala keghweneke ghena ta ŋkɛ laka ka Israyɛl, gheŋkɛ Ghena kwatenca nya ganyɛ ta ŋkɛ ta kwelɛŋe, nya kese laka Yɛsə Kriste Nde sleke pɛtɛa mbeli nyi te hɛɗi. 37Nahe yɛ keɗepe wəsə nya kemenete geva te hɛɗia Zhəwdɛ. Nahe ŋkɛ keghate geva te hɛɗia Galilɛ, kwa sebe ta batɛme nya zlapete nda Zhaŋe ke mbeli. 38Nahe Shala kevaghe berete ta Sefəa ŋkɛ kənəa Yɛsə nde Nazarɛt. Nahe yɛ keɗepe dzeghwa nya dzeghwate Yɛsə te yayata ŋkwa laka mene ganyɛ ba'a laka mbe mbeli nyi mbe dzeve ta gətəli, kwa nza ŋkɛ nahe Shala kenza le Yɛsə. 39Ghen'yɛ ya kaka negha fete yitea wəshi nyi menete ŋkɛ te hɛɗia ka Zhəwif ba'a mbe Zhɛrəzalɛm. Nahe ka Zhəwif kepeslekɛ ŋkɛ laka baŋe ŋkɛ te sheghwə. 40Gheŋkɛ yakelakame Shala same kwa kwele le mpi te kwa maheke ta hɛ. Pa ŋkɛ ndeke nda berete kencɛ nda ghə ke mbeli. 41Ke mbeli pɛtɛ ncɛte nda ghəa ŋkɛ Yɛsə we, ama ke ghen'yɛ nyi kaka negha fete nyi tsehave Shala vəashi, nahe n'yɛ kezehwe ɗafa ba'a kesahwe wəsə kesa le kwetere wəmbəa same ta ŋkɛ kwa kwele. 42Nahe Shala keghwenakɛ n'yɛ kezha zlape nda ke mbeli pɛtɛ ba'a kezha gheŋkɛ ya kawəndə nya veyi Shala kezha meha ghwə te mbeli nyi teghweme ba'a nyi kempə mpə. 43Nahe pɛtɛa ka mɛ ŋkwa kegezete ghena te ghəa ŋkɛ. Ma ke hɛ: Ma yayata wəndə nya keyɛte ŋkɛ ne, katekelemte geva jaɗafa ta ŋkɛ te wənə.»
Kweci hwelefefi kakemave Sefəa Shala
44Ma vəa ŋkwa nya geze ghena shɛ Piyɛre ne, pa Sefəa Shala sawa kadzeghəa pɛtɛa mbeli nyi kefa ghena shɛ. 45Heheɓake ka Kriste nyi kaka Zhəwif nyi kebeghakɛ Piyɛre, va nya peslaghe geva Sefəa Shala kənəa kweci hwelefefi. 46Nahe hɛ kefa kageze kweci ghena ba'a katsahe kwelea Shala hɛ. Tagha gɛ, ma ke Piyɛre: 47«Wa nde tefɛa ɓəmə kemene nda batɛme ke mbelia shɛhɛ le yɛmə kwa nza ŋkɛ nahe hɛ kemave Sefəa Shala kala gheɓəmə wa?» 48Pa ŋkɛ gezete nda ke mbeli kamene nda batɛme ke hɛ le sləa Yɛsə Kriste. Tagha gɛ, pa hɛ səkwəve Piyɛre kezha hɛakɛ hɛ ŋkɛ le hɛ ɓɛhwɛ.
നിലവിൽ തിരഞ്ഞെടുത്തിരിക്കുന്നു:
Slene 10: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Slene 10
10
Piyɛre ki ghɛa Kornɛy
1Kwete wəndə ya shɛ kwa Sɛzarɛ nya nza sləa ŋkɛ kaKornɛy. Nahe ŋkɛ kenza kawəndə nya te ghəa sewajɛa ka Rome gwəmsə nya heka mbelia kawəvəsəa sewajɛa ka Itali. 2Kande zele Shala wəndəa shɛ, kwele kwele hawe ŋkɛ ve, tsagha mbeli nyi ki ghɛa ŋkɛ pɛtɛ. Kwele kwele kemane ka titikwəa kɛfi nyi hwa ka Zhəwif ŋkɛ, te ŋkwa shɛ te ŋkwa shɛ səkwə ghə ŋkɛ. 3Ma te kwete hɛ, kwa mtsa veci ne, pa ŋkɛ nakɛ nde ghwene ta Shala. Ma kwa dzeki nde ghwenea shɛ shɛ ne, ma ke hekakɛ ŋkɛ: «Kornɛy.» 4Walaŋe ke le ghazlənə, ma ke: «Wa wəsəa shɛ wa, Nde sleke ŋkwa.» Ma ke nde ghwene ta Shala shɛ: «Kezaghəyite səkwə ghə ta ŋa ba'a kemane ta ŋa laka titikwə Shala we, mbe zəzə ŋa ŋkɛ. 5Ma tsetsenya gɛ, ghwene mbeli kadzawa Zhopɛ yitea heka kwete wəndə nya nza sləa ŋkɛ kaSimon, nya hekate nda slə mbeli ɓiyitsa kaPiyɛre. 6Ki ghɛa Simon nde keɓe hweta nya nza ghɛa ŋkɛ mɛa ndərə ŋkɛ.» 7Ma kwa dzeghwanyɛ nde ghwene ta Shala nya kese kageze nda ghena ne, pa Kornɛy hekakɛ mbelia ŋkɛ bake ba'a kwete sewajɛ nya nza ŋkɛ le ghalanza, nya kehawe va Shala kwele kwele. 8Pa ŋkɛ gezete nda wəsə nya kemenete nda geva ke hɛ ba'a ghweneghe hɛ kadzawa Zhopɛ.
9Ma te hendɛ ta ŋkwa kwa hweŋkwa hɛ kalə ba'a kwa nza hɛ takwa takwa yitea Zhopɛ ne, tarame Piyɛre pelɛ dɛɓere#10.9 Dɛɓere: ma dɛɓerea shɛ ne, nahe ŋkɛ kenza kaŋkwa nya kənəa ghɛ nya kentsape ntsape sha ka Zhəwif. nya kənəa ghɛ kezha səkwə ghə, kala wəsə kwa ghə veci. 10Pa ma zhɛte nda, kaɗe ŋkɛ kazeme wəsə kezeme. Ma mbe mene nda wəsə kezeme mbeli ne, pa ŋkɛ nakɛ kwete wəsə laka kelɛŋə. 11Pa ŋkɛ nakɛ ŋkwa kedzeme ghweme kepele pele: kasawa kwete wəsə kala gwada nya wəba nya keseve mbeli te sleme wəfaɗe kadzete hɛɗi. 12Ma te gwada shɛ ne, pɛtɛa mama ta wəshi, wəshi nyi kentsehe geva dzate te hɛɗi ba'a 'yɛ nyi kezlə yitea ghweme ya shɛ. 13Ma ke ŋwələ shɛ: «Piyɛre, sate te ŋkwa, henekɛ ba'a zehwe.» 14Ma ke Piyɛre zhɛnete: «Ewə, Nde sleke ŋkwa we! Kegha 'ya kazehwe wəsə kezeme nya kefɛake geva keɗema nya wale wale we.» 15Ma ke ŋwələ shɛ zhɛkwa: «Ma wəsə nya zhɛrete Shala wɛŋe ne, gezema na kawəsə nya wale wale ŋkɛ ma.» 16Mahekene zhigə menete geva ŋkɛ, kwetere wəmbəa ŋkɛ te ŋkwa shɛnyɛ ne, pa wəsəa shɛ keleghe geva kadzeme ghweme.
17Keyirə yirə Piyɛre va ghena shɛ, ma ke: «Wa yaɗe wəsə nya nakɛ nya 'ya kancɛ ɗa tse wa?» Ma mbeli nyi ghweneke nyi Kornɛy, pelɛ hɛ kwa degha ka'yɛwe ghɛa Simon vəa ŋkwa shɛ. 18Pa hɛ hekakɛ ŋkwa, ma ke hɛ 'yɛwete: «Teke Simon nya heka mbeli kaPiyɛre na?» 19Mba Piyɛre kazəzə ghena ta wəsə nya nakɛ nya ŋkɛ laka kelɛŋə shanda, nda gezete ghena nda Sefəa Shala, ma ke shɛ: «Wa nyi mbeli nyi mahekene teke kazele ŋa. 20Sate ba'a dzawa sha hɛ, kwiɗi le hɛ, mba na kezhɛne ghə, kwa nza ŋkɛ 'ya nde ghweneke hɛ.» 21Pa Piyɛre sawa sha mbelia shɛhɛ, ma ke: «'Ya ya kawəndə nya zele yɛ. Yitea wa se yɛ wa?» 22Ma ke hɛ shɛ: «Kornɛy, wəndə nya te ghəa ka sewajɛ nde ghweneke n'yɛ. Wəndə nya tiɗiɗi ŋkɛ, kahawe ŋkɛ va Shala. Pɛtɛa ka Zhəwif kaɗe ŋkɛ. Nahe nde ghwene ta Shala kegezete nda kezha heka ŋa yitea fa ghena nya tegeze nda na.» 23Pa Piyɛre fəghe hɛ kadzeki ghɛ ba'a ndeke nda ŋkwa kehɛ ke hɛ.
Ma masheke ne, cape ŋkɛ le hɛ, pa kweci ka kesaka ma nyi mbe Zhopɛ begheghe ŋkɛ kalə. 24Ma te kwa bake ta hɛ ne, hwa'a hɛ mbe Sɛzarɛ. Neghe yaneghe hɛ Kornɛy le mbelia ŋkɛ ba'a ka mcɛhɛnyɛ ganji nyi hekakɛ ŋkɛ. 25Ma vəa ŋkwa nya dzeki Piyɛre ne, kashave Kornɛy kezha begeme le. Pa ŋkɛ gwəɗəŋə kwa kema ta ŋkɛ kezha hawe ve. 26Pa Piyɛre kesakate ŋkɛ, ma ke shɛ: «Sate, wəndə ŋelɛ 'ya kala gha perə.» 27Ntake ŋkɛ kageze ghena le Kornɛy, shilimə ŋkɛ ki ghɛ hwa mbeli kwele kwele nyi ketsenete geva. 28Ma ke sha hɛ: «Nahe yɛ keɗepe mahalegə ŋkɛ sha ka Zhəwif kejikə geva le nde mtake, mahalegə ŋkɛ sha hɛ kedzeki ghɛa ŋkɛ perə. Ama nahe Shala kencɛte ɗa kezha ɗema 'ya kenewe kwete wəndə kala wəndə wale wale keɗema kala wəndə nya kehitema geva. 29Vatse se 'ya kwa hekakɛ ɗa yɛ, kese 'ya kaghəpə we. Kaɗe 'ya kaɗepe wəsə nya hekakɛ ɗa yɛ yite tsetsenya.»
30Ma ke Kornɛy: «Hɛ mahekene ɓeshi, kasəkwə ghə 'ya ki ghɛa ɗa kwa mtsa veci ŋkwa. Vəkə kwete wəndə kwa kema ta ɗa le lekwesa nya keslesla. 31Ma ke sha 'ya: Kornɛy, nahe Shala kefate səkwə ghə ta ŋa, kezaghəyite kemane nya kemane ka titikwəa kɛfi na ŋkɛ we. 32Ghwenakɛ mbeli kadzawa Zhopɛ kaheka Simon nya heka mbeli kaPiyɛre. Ki ghɛa Simon, nde keɓe hweta nya nza ghɛa ŋkɛ mɛa ndərə ŋkɛ. 33Te ŋkwa shɛnyɛ ghweneghe mbeli 'ya kaheka ŋa, megela kwa yɛhwe na kase. Tsetsenya teke ghen'yɛ pɛtɛ kwa kema ta Shala kezha fa ghena nyi ghweneke ŋa Nde sleke ŋkwa kageze.»
Piyɛre kageze ghena ta Shala ki ghɛa Kornɛy
34Tagha gɛ, ntake Piyɛre kageze ghena, ma ke: «Nahe 'ya keɗepe tsetsenya kaɗema Shala kanta ghala kwa mbeli. 35Nahe yayata wəndə nya mbe yayata hwelefe nya kehawe ve ba'a nya tiɗiɗi kenza zeɗehwe nda. 36Nahe Shala keghweneke ghena ta ŋkɛ laka ka Israyɛl, gheŋkɛ Ghena kwatenca nya ganyɛ ta ŋkɛ ta kwelɛŋe, nya kese laka Yɛsə Kriste Nde sleke pɛtɛa mbeli nyi te hɛɗi. 37Nahe yɛ keɗepe wəsə nya kemenete geva te hɛɗia Zhəwdɛ. Nahe ŋkɛ keghate geva te hɛɗia Galilɛ, kwa sebe ta batɛme nya zlapete nda Zhaŋe ke mbeli. 38Nahe Shala kevaghe berete ta Sefəa ŋkɛ kənəa Yɛsə nde Nazarɛt. Nahe yɛ keɗepe dzeghwa nya dzeghwate Yɛsə te yayata ŋkwa laka mene ganyɛ ba'a laka mbe mbeli nyi mbe dzeve ta gətəli, kwa nza ŋkɛ nahe Shala kenza le Yɛsə. 39Ghen'yɛ ya kaka negha fete yitea wəshi nyi menete ŋkɛ te hɛɗia ka Zhəwif ba'a mbe Zhɛrəzalɛm. Nahe ka Zhəwif kepeslekɛ ŋkɛ laka baŋe ŋkɛ te sheghwə. 40Gheŋkɛ yakelakame Shala same kwa kwele le mpi te kwa maheke ta hɛ. Pa ŋkɛ ndeke nda berete kencɛ nda ghə ke mbeli. 41Ke mbeli pɛtɛ ncɛte nda ghəa ŋkɛ Yɛsə we, ama ke ghen'yɛ nyi kaka negha fete nyi tsehave Shala vəashi, nahe n'yɛ kezehwe ɗafa ba'a kesahwe wəsə kesa le kwetere wəmbəa same ta ŋkɛ kwa kwele. 42Nahe Shala keghwenakɛ n'yɛ kezha zlape nda ke mbeli pɛtɛ ba'a kezha gheŋkɛ ya kawəndə nya veyi Shala kezha meha ghwə te mbeli nyi teghweme ba'a nyi kempə mpə. 43Nahe pɛtɛa ka mɛ ŋkwa kegezete ghena te ghəa ŋkɛ. Ma ke hɛ: Ma yayata wəndə nya keyɛte ŋkɛ ne, katekelemte geva jaɗafa ta ŋkɛ te wənə.»
Kweci hwelefefi kakemave Sefəa Shala
44Ma vəa ŋkwa nya geze ghena shɛ Piyɛre ne, pa Sefəa Shala sawa kadzeghəa pɛtɛa mbeli nyi kefa ghena shɛ. 45Heheɓake ka Kriste nyi kaka Zhəwif nyi kebeghakɛ Piyɛre, va nya peslaghe geva Sefəa Shala kənəa kweci hwelefefi. 46Nahe hɛ kefa kageze kweci ghena ba'a katsahe kwelea Shala hɛ. Tagha gɛ, ma ke Piyɛre: 47«Wa nde tefɛa ɓəmə kemene nda batɛme ke mbelia shɛhɛ le yɛmə kwa nza ŋkɛ nahe hɛ kemave Sefəa Shala kala gheɓəmə wa?» 48Pa ŋkɛ gezete nda ke mbeli kamene nda batɛme ke hɛ le sləa Yɛsə Kriste. Tagha gɛ, pa hɛ səkwəve Piyɛre kezha hɛakɛ hɛ ŋkɛ le hɛ ɓɛhwɛ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.