1 Bụo ạKorint 3
3
Awe oḍighi Ẹnaan
1Bụo asiya, mị ụ́kaaph mụdi nyina elegheri ni rạraar uwaloor phọ, mị ụghaaph mụdi nyina aweye dị ẹphamanam rụuphua iphulupul phọ, mụdi nyina ạnmuny ịbaam-ọman aKraist. 2#Hib 5.12, 13Mị iikonomom inyina mạmaam. Nyina kẹ̋manam olhe eḍien, ghạlamo kꞌarodon phọ ni, 3ịdi eḍighi bọ nyina ẹpamanam ni rụuphua iphulupul phọ. Ịdipho ẹḍim mọ rꞌịgbaragbara phọ edi bọ ni sịphe ogbo phọ anyina, pọ nyina edi ni dọl oopho awe phọ, ẹḅile ni ẹpamanam rụuphua iphulupul phọ. 4#1 Kọr 1.12Mesi bọ dị oniin rạḅem ghan mọ, “Mị rạdaph Pọl,” oniin mọ, “Mị rạdaph Ạpolos,” pọ nyina ẹpamanam ni dọl awe aḅirini phọ.
5Nyina ịmiin eeghe loor Ạpolos? Nyina ịmiin eeghe loor ạPol? Yoor phọ ạbudi Ọmoogh-we phọ ạḅogh bin oḍighi phọ ạlogh rạghaagh kụ nyina ẹtuan bọ ẹmoogh omeeraam mọ. 6#Iiḍ 18.4-11; Iiḍ 18.24-28Mị kụ ụzuph bọ ịizupha phọ, Ạpolos aaḍuom ghan mụum, kụ Ẹnaan kụ iphophe bọ. 7Ọpo ạzuph bọ rꞌọpo aaḍuom ghan bọ mụum mọ ụ́man ịyaar. Ẹnaan phọ ephophe bọ bịn kụ ịman ịyaar. 8Ọpo ạzuph bọ rꞌọpo aaḍuom ghan bọ mụum mọ ooleeny ni, kụ oye ye kạmoogh ni ịikpia phọ ịpe oḍighi phọ ọdi ạman bọ. 9Yoor ọḅoph oḍighi rokumu kọngo Ẹnaan. Nyina kụ ịizupha ozo phọ Ẹnaan.
Nyina kẹn kụ otu dị Ẹnaan rẹlogh. 10Mị ụsighe ịikpo phọ Ẹnaan ịngo bọ ịmi kụ aphighiom bọ otu phọ ịdipho ọloghom ruutu dị ạmaar oḍighi, kụ ọnon oye mamiigh sịphe phọ kụ ạlogh rạkiom. Kụ tọrobo oye amiigha ni loor esi ạraraar phọ dị rạloghom bọ otu phọ, 11ịdi eḍighi bọ ẹnon ephighiom dị oye katue apighi ílho mun dị epel Jịzos Kraist! Ọdi kụ ephighiom mọ mophighi bọ. 12Buniin rọsighe ghan rạraar dị rẹkpo ghan ịdipho agol mꞌasilva mꞌọgiata kụ omiighom sịphe ephighiom mọ ọlogh rọkiom. Buniin romiighom ghan ireeny rꞌạroogho rꞌịipeeph. 13Kụ ḍio phọ aKraist katu bọ ịiḅeghion phọ, kọmiin ni ịlo oḍighi ạtorobo oye ạman. Ọdi kạsighe nịan kụ ạaḅeghionom ạmiin ịdi oḍighi phọ ạtorobo oye ạman. 14Kụ oye lọ ạnian phọ íle aani oḍighi ọdi kạmoogh ni ruunmo. 15Kụ oye lọ ạnian phọ ele oḍighi phọ ọdi kạmoogh ni muphe, kụ ọlo ẹmhu phọ ọdi bịn kụ kesoor, ẹnon ịyaar késughanaan nyọdi.
16 #
1 Kọr 6.19; 2 Kọr 6.16 Nyina ke̋lhoghoma mọ Uwaloor Ẹnaan phọ atugh loor anyina ḍụghum? Ḅịle kẹn mọ nyina kụ otu ịiḅereghi phọ ọdi? 17Ẹnaan kepiemi ni oye lọ aphiemi otu ịiḅereghi phọ ọdi ịdi eḍighi bọ otu ịiḅereghi phọ ọdi esi iigbia ni, kụ nyina kụ otu phọ ọpo phọ.
18Kébia loor anyina. Ọnyo anyina lọ ạsighe dọl aḅirini phọ ọphon kụ agbiighiom mọ ọno uwo ologhi ni, pọ aghola ḍien elegheri ịyaar, ọbo ọdi ạsu aani ologhi! 19#Job 5.13Ịpe awe aḅirini phọ ogbiighiom bọ mọ olegheri ịyaar phọ, pọ elologhi esi Ẹnaan. Ịdipho ạḍinya iigbia phọ ẹḅem bọ, “Ẹnaan rẹsighe ghan olegheri ịyaar ạbuo igbogh iloghi phọ kụ kẹḍaaghiom bịdi.” 20#Ạsuo 94.11Kụ ẹnon esi ẹḅile kẹn ni ẹḅem mọ, “Ọmoogh-we phọ alegheri ni mọ ịitughian ạbuo igbogh iloghi phọ ị́moogh ịyaar oḍighinom.” 21Oye kúbaga ghan ịlo awe kotue oḍighi. Ọkaraghi igey, oomo ạraraar ịlo anyina ni. 22ẠPol rꞌẠpolos rꞌaPita; aḅirini phọ ọphon rꞌaḍuugh rꞌaghuḍum; ịphen ạnyiidipho rꞌịlo edi risigh — oomo phọ ịphen phọ ịlo anyina ni, 23kụ nyina phọ ạbuo aKraist, ḅịle kẹn aKraist phọ ọlo Ẹnaan.
നിലവിൽ തിരഞ്ഞെടുത്തിരിക്കുന്നു:
1 Bụo ạKorint 3: ẠḌI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
1 Bụo ạKorint 3
3
Awe oḍighi Ẹnaan
1Bụo asiya, mị ụ́kaaph mụdi nyina elegheri ni rạraar uwaloor phọ, mị ụghaaph mụdi nyina aweye dị ẹphamanam rụuphua iphulupul phọ, mụdi nyina ạnmuny ịbaam-ọman aKraist. 2#Hib 5.12, 13Mị iikonomom inyina mạmaam. Nyina kẹ̋manam olhe eḍien, ghạlamo kꞌarodon phọ ni, 3ịdi eḍighi bọ nyina ẹpamanam ni rụuphua iphulupul phọ. Ịdipho ẹḍim mọ rꞌịgbaragbara phọ edi bọ ni sịphe ogbo phọ anyina, pọ nyina edi ni dọl oopho awe phọ, ẹḅile ni ẹpamanam rụuphua iphulupul phọ. 4#1 Kọr 1.12Mesi bọ dị oniin rạḅem ghan mọ, “Mị rạdaph Pọl,” oniin mọ, “Mị rạdaph Ạpolos,” pọ nyina ẹpamanam ni dọl awe aḅirini phọ.
5Nyina ịmiin eeghe loor Ạpolos? Nyina ịmiin eeghe loor ạPol? Yoor phọ ạbudi Ọmoogh-we phọ ạḅogh bin oḍighi phọ ạlogh rạghaagh kụ nyina ẹtuan bọ ẹmoogh omeeraam mọ. 6#Iiḍ 18.4-11; Iiḍ 18.24-28Mị kụ ụzuph bọ ịizupha phọ, Ạpolos aaḍuom ghan mụum, kụ Ẹnaan kụ iphophe bọ. 7Ọpo ạzuph bọ rꞌọpo aaḍuom ghan bọ mụum mọ ụ́man ịyaar. Ẹnaan phọ ephophe bọ bịn kụ ịman ịyaar. 8Ọpo ạzuph bọ rꞌọpo aaḍuom ghan bọ mụum mọ ooleeny ni, kụ oye ye kạmoogh ni ịikpia phọ ịpe oḍighi phọ ọdi ạman bọ. 9Yoor ọḅoph oḍighi rokumu kọngo Ẹnaan. Nyina kụ ịizupha ozo phọ Ẹnaan.
Nyina kẹn kụ otu dị Ẹnaan rẹlogh. 10Mị ụsighe ịikpo phọ Ẹnaan ịngo bọ ịmi kụ aphighiom bọ otu phọ ịdipho ọloghom ruutu dị ạmaar oḍighi, kụ ọnon oye mamiigh sịphe phọ kụ ạlogh rạkiom. Kụ tọrobo oye amiigha ni loor esi ạraraar phọ dị rạloghom bọ otu phọ, 11ịdi eḍighi bọ ẹnon ephighiom dị oye katue apighi ílho mun dị epel Jịzos Kraist! Ọdi kụ ephighiom mọ mophighi bọ. 12Buniin rọsighe ghan rạraar dị rẹkpo ghan ịdipho agol mꞌasilva mꞌọgiata kụ omiighom sịphe ephighiom mọ ọlogh rọkiom. Buniin romiighom ghan ireeny rꞌạroogho rꞌịipeeph. 13Kụ ḍio phọ aKraist katu bọ ịiḅeghion phọ, kọmiin ni ịlo oḍighi ạtorobo oye ạman. Ọdi kạsighe nịan kụ ạaḅeghionom ạmiin ịdi oḍighi phọ ạtorobo oye ạman. 14Kụ oye lọ ạnian phọ íle aani oḍighi ọdi kạmoogh ni ruunmo. 15Kụ oye lọ ạnian phọ ele oḍighi phọ ọdi kạmoogh ni muphe, kụ ọlo ẹmhu phọ ọdi bịn kụ kesoor, ẹnon ịyaar késughanaan nyọdi.
16 #
1 Kọr 6.19; 2 Kọr 6.16 Nyina ke̋lhoghoma mọ Uwaloor Ẹnaan phọ atugh loor anyina ḍụghum? Ḅịle kẹn mọ nyina kụ otu ịiḅereghi phọ ọdi? 17Ẹnaan kepiemi ni oye lọ aphiemi otu ịiḅereghi phọ ọdi ịdi eḍighi bọ otu ịiḅereghi phọ ọdi esi iigbia ni, kụ nyina kụ otu phọ ọpo phọ.
18Kébia loor anyina. Ọnyo anyina lọ ạsighe dọl aḅirini phọ ọphon kụ agbiighiom mọ ọno uwo ologhi ni, pọ aghola ḍien elegheri ịyaar, ọbo ọdi ạsu aani ologhi! 19#Job 5.13Ịpe awe aḅirini phọ ogbiighiom bọ mọ olegheri ịyaar phọ, pọ elologhi esi Ẹnaan. Ịdipho ạḍinya iigbia phọ ẹḅem bọ, “Ẹnaan rẹsighe ghan olegheri ịyaar ạbuo igbogh iloghi phọ kụ kẹḍaaghiom bịdi.” 20#Ạsuo 94.11Kụ ẹnon esi ẹḅile kẹn ni ẹḅem mọ, “Ọmoogh-we phọ alegheri ni mọ ịitughian ạbuo igbogh iloghi phọ ị́moogh ịyaar oḍighinom.” 21Oye kúbaga ghan ịlo awe kotue oḍighi. Ọkaraghi igey, oomo ạraraar ịlo anyina ni. 22ẠPol rꞌẠpolos rꞌaPita; aḅirini phọ ọphon rꞌaḍuugh rꞌaghuḍum; ịphen ạnyiidipho rꞌịlo edi risigh — oomo phọ ịphen phọ ịlo anyina ni, 23kụ nyina phọ ạbuo aKraist, ḅịle kẹn aKraist phọ ọlo Ẹnaan.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS