Zẹfanaya 3
3
Umwemwu ri Jerusalẹm Kugbe Ẹtanhirhe
1Ekan kẹ ọ ro muẹkpahe ihwo ro gbe ihwo kuẹ
orere rẹ oshenyẹ na!
2Ọ kerhọn rẹ urhuru ọvuọvọ-o,
ọ reyọ obo re dje kẹ-ẹ.
Ọ vwẹ ẹro so Ọrovwohwo-o,
o si kẹrẹ Ọghẹnẹ rọye-e.
3Inotu rọye re dia evun rọye
epha kerẹ ikpohrokpo re guan,
iguẹdjọ rọyẹ epha kerẹ ikpohrokpo rẹ ovwọnvwọn
ri jẹ emuọvo vwo hẹrhẹ irhiọke-e.
4Emraro rọye ihwo ogbarogba,
i vwo esegbuyota-a,
irherẹn rọye gbe obo re fonro ẹgua,
ayen zighẹ urhi na.
5Ọrovwohwo rọ hẹ evun rọye na ọvwata o ruẹ,
o ruẹ obo re chọrẹ-ẹ;
kirhiọke kirhiọke o vwo dje ọsoso rọye phia,
ọke rọ rhieri chọ obọ-ọ;
ẹkẹvuọvo ohwo rọ dia ọsosọ-ọ riẹn omaẹvuọ-ọ.
6Me nyavwe ẹgborho buebu kufia,
ekuakua rẹ ofovwi rayen buebu ghwọrọ kufia;
Me vwe irhuvwu rayen ejobi te otọ riae
ọtiọye na ohwo ọvuọvo rha sa yan vwẹ aye-en,
ẹgborho rayen ejobi rhi hirhe oma phihọ ọfefe,
kaka ohwo, o vwo ohwo ọvuọvo rọ dia-a.
7Me da ta, uyota kọ djẹ oshọ mẹ
kọ cha reyọ obo re dje kẹ
emu ejobi ri mi dje kẹ o gbi ni ayen kuerofia-a.
Jẹ urhuru rẹ emu umwemwu rayen ji sie ayen phihọ
ke rhoma miovwẹ phihọ.
8Fiki rẹ ọtiọye na gba hẹrhẹ ovwẹ,
eriyin Ọrovwohwo na tare,
vwẹ ẹdẹ ri mi de che vrẹn rhe kerẹ oseri.
Kidie orhiẹbro mẹ na mi se ẹgborho na koko,
me me ghwẹ uvie na koko,
ki mi che ku ivuemiovwo mẹ ku ayen,
ọrhorho rẹ ophu mẹ na,
kidie vwẹ evun rẹ erhanre rẹ omeriọ rẹ ophu mẹ na
akpọ na ejobi kọ cha tọrhe re.
9Uyota, vwẹ ọke yena ki mi che ku ephẹrẹ rẹ ihwo na
rhẹriẹ vwo kpo omamọ rẹ ephẹrẹ,
rere ayen ejobi vwo se se odẹ rẹ Ọrovwohwo
re ayen ku evun gbe ọvo vwọ ga.
10Nẹ abọ oboyi rẹ irhie rẹ Itiọpia
ihwo re rẹ vwẹ na, ọmọtẹ rẹ ihwo mẹ re hrabọ na,
ke cha vwẹ ẹkpẹvwẹ rhe vwe.
11Vwẹ ẹdẹ yena oma gbe cha vo vwẹ-ẹ
fiki re uruemu ru we vwo mukpahe ovwẹ;
kidie vwẹ ọke yena ki mi che kpono nẹ ohri rẹ ovwan
ihwo rẹ ovwan ri herẹ ri mu oma kpenu na,
wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.
12Kidie ki mi che ji ihwo evo vwẹ uherevie rẹ
ovwan ihwo dẹndẹn re vwẹ oma kpotọ.
Ayen ke cha djẹ sioma nu vwẹ ọde rẹ Ọrovwohwo na,
13Ayen otu ri chekọ vwẹ Izrẹl,
gbi che ru oru chọ-ọ ayen gbe cha vwọrọ efia-an,
eyẹ a gbe cha mrẹ ẹrẹnvwe rọ vwọrefia vwẹ unu raye-en.
Kidie ayen che sun igegede rayen ayen ki shevwerhe
te otọ, ohwo ọvuọvo gbe vwẹ oshọ mu aye-en.
14Van sọ une, E ọmọte ri Zayọn; kperi, E Izrẹl!
Ghọghọ re wọ vwẹ udu wẹn ejobi mu oma kpenu,
E ọmọtẹ ri Jerusalẹm!
15Ọrovwohwo si orhiẹ rẹ obruhwe we nẹ uwe oma,
ọ djẹ ivwighrẹ wẹn nẹ uwe oma
Ovie rẹ Izrẹl na, Ọrovwohwo na, ọ hẹ uherevie wẹn,
wọ gbe djẹ oshọ rẹ umiovwo ọfa-a.
16Vwẹ ẹdẹ yena kọ ta kpahe Jerusalẹm,
wọ djẹ oshọ-ọ, E Zayọn,
wọ jẹn abọ rhọ wẹ-ẹn.
17Ọrovwohwo na Ọghẹnẹ wẹn, ọ hẹ uherevie wẹn,
ọgba rẹ ofovwi rọ kẹ ohwo obọẹkparọ,
kọ ghọghọ aghọghọ riarie owe phihọ,
kọ vwẹ ẹguọnọ rọye ru we phihọ ọkpọkpọ,
kọ sọ une rẹ aghọghọ riariẹ owẹ phihọ
18kere ẹdẹ rẹ orẹ.
Ki mi si ughwu nẹ uwe oma,
vwẹ ọtiọye na wo gbe mrẹ omaephọphọ-ọ.
19Nighẹ, vwẹ ọke yena
ki mi hirhe opharo ku otu ri shenyẹ wẹ.
Ki mi sivwi ukpono
ki mi se otu ra djẹ kufia koko,
ki mi wene omaevuọ rayen phihọ ejiro
ki mi kperi usi vwẹ akpọ na.
20Vwẹ ọke yena ki mi se we kpo uwevwi,
vwẹ ọke yena ri mi de che se ovwan koko;
e, ki mi ru we vwo kperi usi re de jiri uwe
vwẹ ohri rẹ ihwo rẹ akpọ na,
re me da vwẹ ughwẹ rẹ ovwan rhivwi rhe
vwẹ irharo rẹ ovwan na, eriyin Ọrovwohwo na tare.
നിലവിൽ തിരഞ്ഞെടുത്തിരിക്കുന്നു:
Zẹfanaya 3: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Zẹfanaya 3
3
Umwemwu ri Jerusalẹm Kugbe Ẹtanhirhe
1Ekan kẹ ọ ro muẹkpahe ihwo ro gbe ihwo kuẹ
orere rẹ oshenyẹ na!
2Ọ kerhọn rẹ urhuru ọvuọvọ-o,
ọ reyọ obo re dje kẹ-ẹ.
Ọ vwẹ ẹro so Ọrovwohwo-o,
o si kẹrẹ Ọghẹnẹ rọye-e.
3Inotu rọye re dia evun rọye
epha kerẹ ikpohrokpo re guan,
iguẹdjọ rọyẹ epha kerẹ ikpohrokpo rẹ ovwọnvwọn
ri jẹ emuọvo vwo hẹrhẹ irhiọke-e.
4Emraro rọye ihwo ogbarogba,
i vwo esegbuyota-a,
irherẹn rọye gbe obo re fonro ẹgua,
ayen zighẹ urhi na.
5Ọrovwohwo rọ hẹ evun rọye na ọvwata o ruẹ,
o ruẹ obo re chọrẹ-ẹ;
kirhiọke kirhiọke o vwo dje ọsoso rọye phia,
ọke rọ rhieri chọ obọ-ọ;
ẹkẹvuọvo ohwo rọ dia ọsosọ-ọ riẹn omaẹvuọ-ọ.
6Me nyavwe ẹgborho buebu kufia,
ekuakua rẹ ofovwi rayen buebu ghwọrọ kufia;
Me vwe irhuvwu rayen ejobi te otọ riae
ọtiọye na ohwo ọvuọvo rha sa yan vwẹ aye-en,
ẹgborho rayen ejobi rhi hirhe oma phihọ ọfefe,
kaka ohwo, o vwo ohwo ọvuọvo rọ dia-a.
7Me da ta, uyota kọ djẹ oshọ mẹ
kọ cha reyọ obo re dje kẹ
emu ejobi ri mi dje kẹ o gbi ni ayen kuerofia-a.
Jẹ urhuru rẹ emu umwemwu rayen ji sie ayen phihọ
ke rhoma miovwẹ phihọ.
8Fiki rẹ ọtiọye na gba hẹrhẹ ovwẹ,
eriyin Ọrovwohwo na tare,
vwẹ ẹdẹ ri mi de che vrẹn rhe kerẹ oseri.
Kidie orhiẹbro mẹ na mi se ẹgborho na koko,
me me ghwẹ uvie na koko,
ki mi che ku ivuemiovwo mẹ ku ayen,
ọrhorho rẹ ophu mẹ na,
kidie vwẹ evun rẹ erhanre rẹ omeriọ rẹ ophu mẹ na
akpọ na ejobi kọ cha tọrhe re.
9Uyota, vwẹ ọke yena ki mi che ku ephẹrẹ rẹ ihwo na
rhẹriẹ vwo kpo omamọ rẹ ephẹrẹ,
rere ayen ejobi vwo se se odẹ rẹ Ọrovwohwo
re ayen ku evun gbe ọvo vwọ ga.
10Nẹ abọ oboyi rẹ irhie rẹ Itiọpia
ihwo re rẹ vwẹ na, ọmọtẹ rẹ ihwo mẹ re hrabọ na,
ke cha vwẹ ẹkpẹvwẹ rhe vwe.
11Vwẹ ẹdẹ yena oma gbe cha vo vwẹ-ẹ
fiki re uruemu ru we vwo mukpahe ovwẹ;
kidie vwẹ ọke yena ki mi che kpono nẹ ohri rẹ ovwan
ihwo rẹ ovwan ri herẹ ri mu oma kpenu na,
wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.
12Kidie ki mi che ji ihwo evo vwẹ uherevie rẹ
ovwan ihwo dẹndẹn re vwẹ oma kpotọ.
Ayen ke cha djẹ sioma nu vwẹ ọde rẹ Ọrovwohwo na,
13Ayen otu ri chekọ vwẹ Izrẹl,
gbi che ru oru chọ-ọ ayen gbe cha vwọrọ efia-an,
eyẹ a gbe cha mrẹ ẹrẹnvwe rọ vwọrefia vwẹ unu raye-en.
Kidie ayen che sun igegede rayen ayen ki shevwerhe
te otọ, ohwo ọvuọvo gbe vwẹ oshọ mu aye-en.
14Van sọ une, E ọmọte ri Zayọn; kperi, E Izrẹl!
Ghọghọ re wọ vwẹ udu wẹn ejobi mu oma kpenu,
E ọmọtẹ ri Jerusalẹm!
15Ọrovwohwo si orhiẹ rẹ obruhwe we nẹ uwe oma,
ọ djẹ ivwighrẹ wẹn nẹ uwe oma
Ovie rẹ Izrẹl na, Ọrovwohwo na, ọ hẹ uherevie wẹn,
wọ gbe djẹ oshọ rẹ umiovwo ọfa-a.
16Vwẹ ẹdẹ yena kọ ta kpahe Jerusalẹm,
wọ djẹ oshọ-ọ, E Zayọn,
wọ jẹn abọ rhọ wẹ-ẹn.
17Ọrovwohwo na Ọghẹnẹ wẹn, ọ hẹ uherevie wẹn,
ọgba rẹ ofovwi rọ kẹ ohwo obọẹkparọ,
kọ ghọghọ aghọghọ riarie owe phihọ,
kọ vwẹ ẹguọnọ rọye ru we phihọ ọkpọkpọ,
kọ sọ une rẹ aghọghọ riariẹ owẹ phihọ
18kere ẹdẹ rẹ orẹ.
Ki mi si ughwu nẹ uwe oma,
vwẹ ọtiọye na wo gbe mrẹ omaephọphọ-ọ.
19Nighẹ, vwẹ ọke yena
ki mi hirhe opharo ku otu ri shenyẹ wẹ.
Ki mi sivwi ukpono
ki mi se otu ra djẹ kufia koko,
ki mi wene omaevuọ rayen phihọ ejiro
ki mi kperi usi vwẹ akpọ na.
20Vwẹ ọke yena ki mi se we kpo uwevwi,
vwẹ ọke yena ri mi de che se ovwan koko;
e, ki mi ru we vwo kperi usi re de jiri uwe
vwẹ ohri rẹ ihwo rẹ akpọ na,
re me da vwẹ ughwẹ rẹ ovwan rhivwi rhe
vwẹ irharo rẹ ovwan na, eriyin Ọrovwohwo na tare.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.