Matiu 9
9
Jesu sivwi ohwo ro Ghwoma
(Mak 2.1-12; Luk 5.17-26)
1Rọ vwọ ro evun rẹ okọ, ọ da samu kpo abọ rivẹ, ra ro orere rẹ obọ rọye. 2E de mu ohwo ọvo ro ghwoma bro rhe, o shevwerhẹ ehwa; ri Jesu vwọ mrẹ esegbuyota rayen, ọ da ta kẹ ọ ro ghwoma na, ọmọ mẹ, jẹ oma wẹn sasa, a vwẹ imwemwu wẹn ghovwo uwe. 3Evo vwẹ isiẹbe na da ta kẹ omoma rẹ ayen nẹ, Ohwo nana ta ota rẹ ẹgua. 4Jesu vwọ riẹn iroro rayen, ọ da ta nẹ, Die ovwan vwo roro iroro omiomiovwi vwẹ udu rẹ ovwan? 5Kẹ ọrhọ lọhọre ra vwọ ta nẹ, A vwẹ imwemwu wẹn ghovwo uwe: eyẹ ra vwọ ta nẹ, Vrẹn wọ yan? 6Ẹkẹvuọvo re ovwan vwọ riẹn nẹ Ọmọ rẹ ohwo vwo ogangan vwẹ akpọ ro vwo ghovwo ihwo, ọ da ta kẹ ọ ro ghwoma na, Vrẹn mu ehwa wẹn, rere wọ kpo uwevwi wẹn. 7O de vrẹn ọ da yan kpo uwevwi rọye. 8Ẹkẹvuọvo ọke rẹ otu buebu na vwọ mrẹ, oshọ de mu ayen, ayen de jiri Ọghẹnẹ, rọ vwẹ ogangan tiọna kẹ ihwo.
Ese ri Matiu
(Mak 2.13-17; Luk 5.27-32)
9Ri Jesu vwọ yan nẹ etiyin, ọ da mrẹ ọshare ọvo re se Matiu, ro tidia vwẹ ọguan re de toro arhọghọ. Ọ da ta kẹ nẹ, Nene uvwe. O de vrẹn, o de nene.
10Ọke rhi vwo te, ro vwo tidia udemu vwẹ uwevwi rọye, nighe imiarhọghọ buebu kugbe iruimwemwu vẹ ọye de tidia kugbe idibo rọye. 11Ọke ri Farisi na vwọ mrẹ, ayen da ta kẹ idibo rọye nẹ, Die jabọ ọ vẹ imiarhọghọ kugbe iruimwemwu vwọ ria emu kuẹgbe? 12Ẹkẹvuọvo ro vwo nyo, ọ da ta nẹ, Ihwo rẹ oma rẹ ayen ganre guọnọ ọbo-o, jokpa rẹ otu rẹ oma da. 13Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.
Enanọ kpahe Owẹvwe Echiro
(Mak 2.18-22; Luk 5.33-39)
14Idibo ri Jọn de bro rhe ayen da ta nẹ, Die sorọ rẹ avwanre kugbe otu ri Farisi vwo chirẹ owẹvwe kọke kọke, ẹkẹvuọvo ewẹn gbi chirẹ owẹvwe-e. 15Jesu da ta kẹ ayen nẹ, Kẹ ikopha se chiri owẹvwe vwẹ ọke rẹ ọpha na vẹ ayen da herọ? Ẹkẹvuọvo ọke cha ra da vwẹ opha na yanran kẹsiẹye owẹvwe ki rhi hwe ayen. 16Ohwo se ko amwa ọkpokpọ phihọ ọ rẹ awanre-e, ọkpokpọ na ko si ọ rẹ awanre na bẹre, uphrophro na ko miovwi phihọ. 17Ohwo se ku udi ọkpokpọ phihọ oghwara rẹ awanre-e, oghwara na ko ghwu, udi na kọ hwẹ kufia, oghwara na ko miovwi. Ẹkẹvuọvo udi ọkpokpọ ke kuo phihọ oghwara ọkpokpọ ayen ivẹ ke tọn kugbe.
Ọmọtẹ rẹ Osun na kugbe Aye rọ vwẹ obọ te Ewun ri Jesu
(Mak 5.21-43; Luk 8.40-56)
18Ọke rọ vwọ je ta ota na kẹ ayen na, Siẹvuọvo na onotu ọvo de bro rhe, o de yere ọ da ta kẹ nẹ, Ọmọtẹ mẹ o muegbe rẹ ughwu, biko yanrhe re wọ rhe ghwẹ obọ kpahọ rere wo sivwo. 19Jesu de vrẹn o de nene, kugbe idibo rọye. 20Nighe aye ọvo ro diare ẹgbukpe ihwivẹ re, ọ da rhẹrẹ rhe obuko rọye, ọ da bẹbẹ vwẹ obọ te akakọ rẹ ewun rọye. 21Kidie ọ bẹbẹ ta vwẹ udu rọye nẹ, me da sa vwẹ obo te ewun rọye, oma me na kpo. 22Ẹkẹvuọvo ri Jesu vwo kuoma rhẹriẹ ọ da mrẹ; ọ da ta kẹ nẹ, Ọmọte jẹn oma wẹn vworo uwe; esegbuyota wẹn o sivwi uwe. Oma rẹ aye na de ghwe kpo nẹ ọke yena yanran. 23Ọke ri Jesu rhi vwo te uwevwi rẹ onotu na, rọ rhe vwọ mrẹ ihwo ri kuenu rẹ oviẹ kugbe otu ri do, 24ọ da ta nẹ, We bioma; ọmọte na ghwuru-u, ẹkẹvuọvo ọ vwerhe; ayen ke vwọ jevwẹ. 25Ẹkẹvuọvo ọke rọ vwọ djẹ ayen ro otafe nu, ọ da ro uwevwi, ọ da yọnrọn obọ, ọmọte na de ghwe vrẹn. 26Usi rọye de kperi ro asan ejobi.
Jesu Sivwi Irhuẹrẹ Ivẹ
27Ri Jesu vwo nẹ etiyin yanran, irhuẹro ivẹ de nene, ayen de kperi ta nẹ, Ni arodọvwẹ rẹ avwanre, Wẹ ọmọ ri Devid. 28O rhi vwo te uwevwi, irhuẹro na de bro rhe; Jesu da nọ ayen nẹ, We segbuyota ni mi se ru ọnana? Ayen da kpahe nẹ, E Ọrovwohwo. 29Ọ da vwẹ obọ te ẹro rayen, ọ da ta nẹ, ọ dia kẹ ovwan kirobo rẹ esegbuyota rẹ ovwan epha. 30Ẹro rayen de rhie. Jesu de ji urhi kẹ ayen nẹ, ovwan ta kẹ ohwo ọvuọvo-o. 31Ẹkẹvuọvo ayen da yanran re tue ota na phia.
Jesu Sivwi Ohwo ro Diunu
32Rẹ ayen vwọ yanran nu, nighe e de mu ohwo ọvo ro diunu, ro ji vwo erhi re idẹbono vwo rhe. 33Ọke rọ vwọ djẹ erhi rẹ idẹbono na no nu, odiunu na da ta ota phia. O de gbe ihwo na ejobi unu, ayen da ta nẹ, a je mrẹ ọtiọna vwẹ Izrẹl na dẹvo-o. 34Ẹkẹvuọvo otu ri Farisi na da ta nẹ, Ogangan ri osun rẹ idẹbono ọ vwo djẹ idẹbono phia na.
Jesu ni Aruẹdẹn rẹ Ihwo na
35Etiyin Jesu da yan ro irere na, vẹ eko na ejobi, o de yono vwi Sinagọg, ọ da ta ota rẹ iyẹnrẹ esiri rẹ uvie rẹ odjuvwu, o de sivwi ihwo buebu re mwa ọga dohwo doghẹre rẹ emiavwe rọye. 36Ẹkẹvuọvo ọke rọ vwọ mrẹ otu buebu na, ẹro da dọn, fikiridie ayen da hra ke ro ẹnwan kerẹ igegede ri vwo osu-un. 37Ọ da ta kẹ idibo rọye nẹ, orhọ na buru gangan, ẹkẹvuọvo otu rẹ owian rhe bu-u. 38Gba rẹ Ọghẹnẹ ro vwo orhọ rere a mrẹ ihwo vwo vun orhọ na.
നിലവിൽ തിരഞ്ഞെടുത്തിരിക്കുന്നു:
Matiu 9: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Matiu 9
9
Jesu sivwi ohwo ro Ghwoma
(Mak 2.1-12; Luk 5.17-26)
1Rọ vwọ ro evun rẹ okọ, ọ da samu kpo abọ rivẹ, ra ro orere rẹ obọ rọye. 2E de mu ohwo ọvo ro ghwoma bro rhe, o shevwerhẹ ehwa; ri Jesu vwọ mrẹ esegbuyota rayen, ọ da ta kẹ ọ ro ghwoma na, ọmọ mẹ, jẹ oma wẹn sasa, a vwẹ imwemwu wẹn ghovwo uwe. 3Evo vwẹ isiẹbe na da ta kẹ omoma rẹ ayen nẹ, Ohwo nana ta ota rẹ ẹgua. 4Jesu vwọ riẹn iroro rayen, ọ da ta nẹ, Die ovwan vwo roro iroro omiomiovwi vwẹ udu rẹ ovwan? 5Kẹ ọrhọ lọhọre ra vwọ ta nẹ, A vwẹ imwemwu wẹn ghovwo uwe: eyẹ ra vwọ ta nẹ, Vrẹn wọ yan? 6Ẹkẹvuọvo re ovwan vwọ riẹn nẹ Ọmọ rẹ ohwo vwo ogangan vwẹ akpọ ro vwo ghovwo ihwo, ọ da ta kẹ ọ ro ghwoma na, Vrẹn mu ehwa wẹn, rere wọ kpo uwevwi wẹn. 7O de vrẹn ọ da yan kpo uwevwi rọye. 8Ẹkẹvuọvo ọke rẹ otu buebu na vwọ mrẹ, oshọ de mu ayen, ayen de jiri Ọghẹnẹ, rọ vwẹ ogangan tiọna kẹ ihwo.
Ese ri Matiu
(Mak 2.13-17; Luk 5.27-32)
9Ri Jesu vwọ yan nẹ etiyin, ọ da mrẹ ọshare ọvo re se Matiu, ro tidia vwẹ ọguan re de toro arhọghọ. Ọ da ta kẹ nẹ, Nene uvwe. O de vrẹn, o de nene.
10Ọke rhi vwo te, ro vwo tidia udemu vwẹ uwevwi rọye, nighe imiarhọghọ buebu kugbe iruimwemwu vẹ ọye de tidia kugbe idibo rọye. 11Ọke ri Farisi na vwọ mrẹ, ayen da ta kẹ idibo rọye nẹ, Die jabọ ọ vẹ imiarhọghọ kugbe iruimwemwu vwọ ria emu kuẹgbe? 12Ẹkẹvuọvo ro vwo nyo, ọ da ta nẹ, Ihwo rẹ oma rẹ ayen ganre guọnọ ọbo-o, jokpa rẹ otu rẹ oma da. 13Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.
Enanọ kpahe Owẹvwe Echiro
(Mak 2.18-22; Luk 5.33-39)
14Idibo ri Jọn de bro rhe ayen da ta nẹ, Die sorọ rẹ avwanre kugbe otu ri Farisi vwo chirẹ owẹvwe kọke kọke, ẹkẹvuọvo ewẹn gbi chirẹ owẹvwe-e. 15Jesu da ta kẹ ayen nẹ, Kẹ ikopha se chiri owẹvwe vwẹ ọke rẹ ọpha na vẹ ayen da herọ? Ẹkẹvuọvo ọke cha ra da vwẹ opha na yanran kẹsiẹye owẹvwe ki rhi hwe ayen. 16Ohwo se ko amwa ọkpokpọ phihọ ọ rẹ awanre-e, ọkpokpọ na ko si ọ rẹ awanre na bẹre, uphrophro na ko miovwi phihọ. 17Ohwo se ku udi ọkpokpọ phihọ oghwara rẹ awanre-e, oghwara na ko ghwu, udi na kọ hwẹ kufia, oghwara na ko miovwi. Ẹkẹvuọvo udi ọkpokpọ ke kuo phihọ oghwara ọkpokpọ ayen ivẹ ke tọn kugbe.
Ọmọtẹ rẹ Osun na kugbe Aye rọ vwẹ obọ te Ewun ri Jesu
(Mak 5.21-43; Luk 8.40-56)
18Ọke rọ vwọ je ta ota na kẹ ayen na, Siẹvuọvo na onotu ọvo de bro rhe, o de yere ọ da ta kẹ nẹ, Ọmọtẹ mẹ o muegbe rẹ ughwu, biko yanrhe re wọ rhe ghwẹ obọ kpahọ rere wo sivwo. 19Jesu de vrẹn o de nene, kugbe idibo rọye. 20Nighe aye ọvo ro diare ẹgbukpe ihwivẹ re, ọ da rhẹrẹ rhe obuko rọye, ọ da bẹbẹ vwẹ obọ te akakọ rẹ ewun rọye. 21Kidie ọ bẹbẹ ta vwẹ udu rọye nẹ, me da sa vwẹ obo te ewun rọye, oma me na kpo. 22Ẹkẹvuọvo ri Jesu vwo kuoma rhẹriẹ ọ da mrẹ; ọ da ta kẹ nẹ, Ọmọte jẹn oma wẹn vworo uwe; esegbuyota wẹn o sivwi uwe. Oma rẹ aye na de ghwe kpo nẹ ọke yena yanran. 23Ọke ri Jesu rhi vwo te uwevwi rẹ onotu na, rọ rhe vwọ mrẹ ihwo ri kuenu rẹ oviẹ kugbe otu ri do, 24ọ da ta nẹ, We bioma; ọmọte na ghwuru-u, ẹkẹvuọvo ọ vwerhe; ayen ke vwọ jevwẹ. 25Ẹkẹvuọvo ọke rọ vwọ djẹ ayen ro otafe nu, ọ da ro uwevwi, ọ da yọnrọn obọ, ọmọte na de ghwe vrẹn. 26Usi rọye de kperi ro asan ejobi.
Jesu Sivwi Irhuẹrẹ Ivẹ
27Ri Jesu vwo nẹ etiyin yanran, irhuẹro ivẹ de nene, ayen de kperi ta nẹ, Ni arodọvwẹ rẹ avwanre, Wẹ ọmọ ri Devid. 28O rhi vwo te uwevwi, irhuẹro na de bro rhe; Jesu da nọ ayen nẹ, We segbuyota ni mi se ru ọnana? Ayen da kpahe nẹ, E Ọrovwohwo. 29Ọ da vwẹ obọ te ẹro rayen, ọ da ta nẹ, ọ dia kẹ ovwan kirobo rẹ esegbuyota rẹ ovwan epha. 30Ẹro rayen de rhie. Jesu de ji urhi kẹ ayen nẹ, ovwan ta kẹ ohwo ọvuọvo-o. 31Ẹkẹvuọvo ayen da yanran re tue ota na phia.
Jesu Sivwi Ohwo ro Diunu
32Rẹ ayen vwọ yanran nu, nighe e de mu ohwo ọvo ro diunu, ro ji vwo erhi re idẹbono vwo rhe. 33Ọke rọ vwọ djẹ erhi rẹ idẹbono na no nu, odiunu na da ta ota phia. O de gbe ihwo na ejobi unu, ayen da ta nẹ, a je mrẹ ọtiọna vwẹ Izrẹl na dẹvo-o. 34Ẹkẹvuọvo otu ri Farisi na da ta nẹ, Ogangan ri osun rẹ idẹbono ọ vwo djẹ idẹbono phia na.
Jesu ni Aruẹdẹn rẹ Ihwo na
35Etiyin Jesu da yan ro irere na, vẹ eko na ejobi, o de yono vwi Sinagọg, ọ da ta ota rẹ iyẹnrẹ esiri rẹ uvie rẹ odjuvwu, o de sivwi ihwo buebu re mwa ọga dohwo doghẹre rẹ emiavwe rọye. 36Ẹkẹvuọvo ọke rọ vwọ mrẹ otu buebu na, ẹro da dọn, fikiridie ayen da hra ke ro ẹnwan kerẹ igegede ri vwo osu-un. 37Ọ da ta kẹ idibo rọye nẹ, orhọ na buru gangan, ẹkẹvuọvo otu rẹ owian rhe bu-u. 38Gba rẹ Ọghẹnẹ ro vwo orhọ rere a mrẹ ihwo vwo vun orhọ na.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.