Matiu 19
19
Uyono kpahe Obọesiono rẹ aye
(Mak 10.1-12; Luk 16.18)
1Rẹ ọke rhi vwo te, ri Jesu vwọ ta eta nana ejobi nu, o de kpo Galili, kugbe eko ri Judia vwẹ abọ rivẹ ri Jọdan. 2Ihwo buebu de nene; o de sivwi ayen.
3Ihwo ri Farisi de bro rhe re davwọ ni ta nẹ, Ọ fori rẹ ohwo siobọ nẹ aye rọye? 4Ọ da kpahe ọ da ta nẹ, Ovwan ji se nẹ ohwo rọ ma ayen notọrhe ọshare vẹ aye a ma ayen? 5Ọ da ta nẹ, Fiki rẹ ọnana ọshare vwo jẹ ọsẹ vẹ oni rọye vwo ọ me ra gbanọ aye rọye, ayen ivẹ na ke cha dia oma ọvo. 6Fiki rẹ eriyin na ayen gbe hẹ ihwo ivẹ ọfa, ẹkẹvuọvo ayen kẹ oma ọvo. Obo rẹ Ọgbẹnẹ tan kugbe nu, e jẹn ohwo hẹriẹ-ẹ. 7Ayen da ta kẹ nẹ, Die sorọ ri Mosis rha vwọ ta nẹ e siọbe rẹ obọ esiono rere e siobọ no? 8Ọ da ta kẹ ayen nẹ, fiki rẹ udu ọgangan rẹ ovwan Mosis vwo ji urhi na nẹ we siobọ nẹ aye rẹ ovwan; ẹkẹvuọvo notọrhe ọ dia ọtiọye-e. 9Me ta kẹ ovwan, kohwo kohwo ro siobọ nẹ ayen rọye, jokpa nẹ ko gbe ọfaurhiẹ, rẹ ọ da reyọ ọfa, yo gbe igberadja; ọshare rọ reyọ aye re siobọ nu, yo gbe igberadja. 10Idibo rọye da ta kẹ nẹ, Obo rọ epha kẹ ọshare na, ọ da dia ọtiọye o gbi fo rere a rọvwọ-ọ. 11Ẹkẹvuọvo ọ da ta kẹ ayen nẹ, Ihwo ejobi sa reyọ ota nana-a, jokpa nẹ otu re djere kẹ. 12Kidie ihwo evo herọ ri jẹ eya ese nene vwerhẹ. Evo herọ rẹ ihwo rẹ akpọ hirhe phihọ ochibẹ, efa herọ ri hirhe oma phihọ ochibẹ vwi fiki rẹ uvie rẹ Ọghẹnẹ. Ohwo rẹ udu rọye gbarọ e jẹ reyọ ota nana.
Jesu nẹ Ẹrhorwo kẹ Imitete
(Mak 10.13-16; Luk 18.15-17)
13Etiyin e de mu imitete vwo bro rhe, re ọ ghwẹ obọ kpahe ayen, re ọ nẹ ẹrhovwo kẹ ayen. Idibo rọye da ghwọ ku ayen. 14Ẹkẹvuọvo Jesu da ta nẹ, Jẹn imitete na bru uvwe rhe, wa da ayen jẹ-ẹ kidie edje nana hẹ uvie rẹ Ọghẹnẹ. 15Ọ da ghwẹ obọ kpahe ayen ọ da nẹ ẹrhovwo kẹ ayen.
Emeghene ro Feri na
(Mak 10.17-31; Luk 18.18-30)
16Nighe, ohwo ọvo da rhe o da ta nẹ, Oyono didi emu esiri mi se ru, mi vwo vwo arhọ ri bẹdẹ na? 17Ọ da kpahe kẹ nẹ, Die wọ vwọ nọ ekpẹn rẹ emu esiri? Ohwo ọvuọvo ri yoma: ẹkẹvuọvo wọ da guọnọ arhọ na vwo gba yọnrọn irhi na. 18Ọ da ta kẹ nẹ, kọ rhọ? Jesu da ta, wo hwe ohwo-o, wo gbe igberadja-a, Wo cho uji-i, Wo se iseri rẹ eku-u, 19Vwẹ ọghọ kẹ ọsẹ wẹn vẹ oni wẹn rere wọ rha guọnọ ọrivẹ wẹ kirobo wọ guọnọ oma wẹn. 20Emeghene na da ta kẹ nẹ, Me yọnrọn irhi na ejobi. Kọ rhọ ji chekọ? 21Jesu da ta kẹ nẹ, Wọ da guọnọ nẹ wọ fon, gba ra she obo ri wo vwori ejobi, re wọ vwẹ ayen kẹ ivwiogbere, ku wo vwo efe vwẹ obo odjuvwu, gba yanrhe ri wo nene uvwe. 22Ẹkẹvuọvo ọke rẹ emeghene na vwo nyo, o de mu opharo phihọ: kidie o vwo efe buebu.
23Jesu da ta ke idibo rọye nẹ, Uyota me ta kẹ ovwan, Ọ bẹre gangan kẹ ọdafe rọ vwọ ro uvie rẹ odjuvwu. 24Me je rhoma ta kẹ ovwan nẹ, Ọ lọhọre kẹ uyovwi rẹ erhuẹn rọ vwọ wan unu rẹ ukoti vrẹn, vwọ kẹ ọdafe rọ vwọ ro uvie rẹ Ọghẹnẹ. 25Ọke rẹ idibo na vwo nyo, o de gbe ayen unu gangan, ayen da ta nẹ, kono re sa rhọ vwo? 26Ri Jesu vwo ni ayen ọ da ta kẹ ayen nẹ, Ihwo ọye ona bẹn kẹ; ẹkẹvuọvo ọ sa bẹn kẹ Ọghẹnẹ-ẹ. 27Pita da kpahe ọ da ta kẹ nẹ, Nighe, avwanre jẹ emu na ejobi vwo vwo nene uwe re. Kidie avwanre se vwo? 28Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl. 29Kohwo kohwo rọ yan jẹ uwevwi, eyẹ imoni rẹ eshare, eyẹ e re eya, eyẹ ọsẹ, eyẹ oni, kugbe emọ eyẹ etọ vwi fiki mẹ, kọ mrẹ erere kpahe uri akuri kugbe arhọ ri bẹdẹ na. 30Ihwo re karo jovwo e cha ka uko, e re ka uko e cha karo.
നിലവിൽ തിരഞ്ഞെടുത്തിരിക്കുന്നു:
Matiu 19: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Matiu 19
19
Uyono kpahe Obọesiono rẹ aye
(Mak 10.1-12; Luk 16.18)
1Rẹ ọke rhi vwo te, ri Jesu vwọ ta eta nana ejobi nu, o de kpo Galili, kugbe eko ri Judia vwẹ abọ rivẹ ri Jọdan. 2Ihwo buebu de nene; o de sivwi ayen.
3Ihwo ri Farisi de bro rhe re davwọ ni ta nẹ, Ọ fori rẹ ohwo siobọ nẹ aye rọye? 4Ọ da kpahe ọ da ta nẹ, Ovwan ji se nẹ ohwo rọ ma ayen notọrhe ọshare vẹ aye a ma ayen? 5Ọ da ta nẹ, Fiki rẹ ọnana ọshare vwo jẹ ọsẹ vẹ oni rọye vwo ọ me ra gbanọ aye rọye, ayen ivẹ na ke cha dia oma ọvo. 6Fiki rẹ eriyin na ayen gbe hẹ ihwo ivẹ ọfa, ẹkẹvuọvo ayen kẹ oma ọvo. Obo rẹ Ọgbẹnẹ tan kugbe nu, e jẹn ohwo hẹriẹ-ẹ. 7Ayen da ta kẹ nẹ, Die sorọ ri Mosis rha vwọ ta nẹ e siọbe rẹ obọ esiono rere e siobọ no? 8Ọ da ta kẹ ayen nẹ, fiki rẹ udu ọgangan rẹ ovwan Mosis vwo ji urhi na nẹ we siobọ nẹ aye rẹ ovwan; ẹkẹvuọvo notọrhe ọ dia ọtiọye-e. 9Me ta kẹ ovwan, kohwo kohwo ro siobọ nẹ ayen rọye, jokpa nẹ ko gbe ọfaurhiẹ, rẹ ọ da reyọ ọfa, yo gbe igberadja; ọshare rọ reyọ aye re siobọ nu, yo gbe igberadja. 10Idibo rọye da ta kẹ nẹ, Obo rọ epha kẹ ọshare na, ọ da dia ọtiọye o gbi fo rere a rọvwọ-ọ. 11Ẹkẹvuọvo ọ da ta kẹ ayen nẹ, Ihwo ejobi sa reyọ ota nana-a, jokpa nẹ otu re djere kẹ. 12Kidie ihwo evo herọ ri jẹ eya ese nene vwerhẹ. Evo herọ rẹ ihwo rẹ akpọ hirhe phihọ ochibẹ, efa herọ ri hirhe oma phihọ ochibẹ vwi fiki rẹ uvie rẹ Ọghẹnẹ. Ohwo rẹ udu rọye gbarọ e jẹ reyọ ota nana.
Jesu nẹ Ẹrhorwo kẹ Imitete
(Mak 10.13-16; Luk 18.15-17)
13Etiyin e de mu imitete vwo bro rhe, re ọ ghwẹ obọ kpahe ayen, re ọ nẹ ẹrhovwo kẹ ayen. Idibo rọye da ghwọ ku ayen. 14Ẹkẹvuọvo Jesu da ta nẹ, Jẹn imitete na bru uvwe rhe, wa da ayen jẹ-ẹ kidie edje nana hẹ uvie rẹ Ọghẹnẹ. 15Ọ da ghwẹ obọ kpahe ayen ọ da nẹ ẹrhovwo kẹ ayen.
Emeghene ro Feri na
(Mak 10.17-31; Luk 18.18-30)
16Nighe, ohwo ọvo da rhe o da ta nẹ, Oyono didi emu esiri mi se ru, mi vwo vwo arhọ ri bẹdẹ na? 17Ọ da kpahe kẹ nẹ, Die wọ vwọ nọ ekpẹn rẹ emu esiri? Ohwo ọvuọvo ri yoma: ẹkẹvuọvo wọ da guọnọ arhọ na vwo gba yọnrọn irhi na. 18Ọ da ta kẹ nẹ, kọ rhọ? Jesu da ta, wo hwe ohwo-o, wo gbe igberadja-a, Wo cho uji-i, Wo se iseri rẹ eku-u, 19Vwẹ ọghọ kẹ ọsẹ wẹn vẹ oni wẹn rere wọ rha guọnọ ọrivẹ wẹ kirobo wọ guọnọ oma wẹn. 20Emeghene na da ta kẹ nẹ, Me yọnrọn irhi na ejobi. Kọ rhọ ji chekọ? 21Jesu da ta kẹ nẹ, Wọ da guọnọ nẹ wọ fon, gba ra she obo ri wo vwori ejobi, re wọ vwẹ ayen kẹ ivwiogbere, ku wo vwo efe vwẹ obo odjuvwu, gba yanrhe ri wo nene uvwe. 22Ẹkẹvuọvo ọke rẹ emeghene na vwo nyo, o de mu opharo phihọ: kidie o vwo efe buebu.
23Jesu da ta ke idibo rọye nẹ, Uyota me ta kẹ ovwan, Ọ bẹre gangan kẹ ọdafe rọ vwọ ro uvie rẹ odjuvwu. 24Me je rhoma ta kẹ ovwan nẹ, Ọ lọhọre kẹ uyovwi rẹ erhuẹn rọ vwọ wan unu rẹ ukoti vrẹn, vwọ kẹ ọdafe rọ vwọ ro uvie rẹ Ọghẹnẹ. 25Ọke rẹ idibo na vwo nyo, o de gbe ayen unu gangan, ayen da ta nẹ, kono re sa rhọ vwo? 26Ri Jesu vwo ni ayen ọ da ta kẹ ayen nẹ, Ihwo ọye ona bẹn kẹ; ẹkẹvuọvo ọ sa bẹn kẹ Ọghẹnẹ-ẹ. 27Pita da kpahe ọ da ta kẹ nẹ, Nighe, avwanre jẹ emu na ejobi vwo vwo nene uwe re. Kidie avwanre se vwo? 28Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl. 29Kohwo kohwo rọ yan jẹ uwevwi, eyẹ imoni rẹ eshare, eyẹ e re eya, eyẹ ọsẹ, eyẹ oni, kugbe emọ eyẹ etọ vwi fiki mẹ, kọ mrẹ erere kpahe uri akuri kugbe arhọ ri bẹdẹ na. 30Ihwo re karo jovwo e cha ka uko, e re ka uko e cha karo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.