Matiu 16
16
Oka Ẹguọnọ
(Mak 8.11-13; Luk 12.54-56)
1Ihwo ri Farisi kugbe Sadiusi de bro rhe re nọ enanọ, rẹ ayen vwo davwọ ni sọ sa vwẹ oka nẹ obo odjuvwu rhe. 2Ẹkẹvuọvo ọ da kpahe ọ da ta kẹ ayen nẹ, ovwọnvwọn de te, ovwan me ta nẹ, ọke na che yovwi: kidie obenu na ọvwavware. 3Vwẹ irhiọke ovwan me ta nẹ, ọke na omiomiovwi, kidie enu na pha vwavware kpurhu kpurhu. Ovwan se vughe oka rẹ obo odjuvwu; ẹkẹvuọvo we gbi se vughe oka rẹ ọke nana-a. 4Orua brabra ri gbe igberadja na me a guọnọ oka; a sa vwẹ oka kẹ-ẹ, jokpa rẹ oka ri Jona. Ọ da yan jẹ ayen vwo yanran.
Iphuephu ri Farisi kugbe Saduisi
(Mak 8.14-21)
5Idibo rọye de rhi te ẹbẹre rivẹ, emuọre da chọrọ ayen ẹro. 6Jesu da ta kẹ ayen nẹ, Ovwan jomaotọ vwẹ oma rẹ emu ri Farisi kugbe Sadiusi. 7Ayen ki roro vwẹ omoma rẹ ayen nẹ, kẹ obo rẹ avwanre rha ghwa emuọre-e. 8Jesu vwọ riẹn obọ rẹ ayen roro, ọ da ta nẹ, Edje ri jẹ esegbuyota evwo na, Die ovwan roro vwẹ udu rẹ ovwan nẹ, avwanre vwo emuọre-e? 9Ovwan rhe roro, ghinẹ ovwan karohọ ikara iyori vẹ ihwo uriori iyori-i, bro ibere ovwan sanọ reyọ? 10Yẹrẹ ọ rẹ ikara ighwrẹ vẹ ihwo uriori ẹne na, bro ibere ovwan sanọ no? 11Kidie ovwan vwo roro nẹ me ta ota kpahe emu diodi ra ria? Ẹkẹvuọvo ovwan jomaotọ kpahe emu ri Farisi kugbe Sadiusi. 12Kẹsiẹye ayen ke rhe riẹn nẹ, ọ dia emuọre ghevweghe ọ ta na-a, ẹkẹvuọvo vwọ kpahe uyono ri Farisi kugbe Sadiusi.
Pita Rhọvwe Jesu
(Mak 8.27-30; Luk 9.18-21)
13Ọke ri Jesu rhi vwo te Sizaria Filipae, ọ da nọ idibo rọye nẹ, Ono ihwo na ta nẹ me epha? 14Ayen da ta nẹ, evo nẹ Jọn ri Baptist, evo nẹ Ilaija; evo nẹ Jẹrimaya, eyẹ ọvo vwẹ emraro na. 15Ọ da ta kẹ ayen nẹ, kono ovwan ta ne me epha? 16Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na. 17Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu. 18Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e. 19Ke me je vwẹ usiaphrẹ rẹ uvie rẹ odjuvwu kẹ wẹ, rere kemu kemu wọ gbare vwẹ akpọ ya gbarọ vwẹ odjuvwu: kemu kemu re wọ rhanre vwẹ akpọ na ya rhanrọ vwẹ odjuvwu. 20Ọ de ji urhi kẹ idibo rọye nẹ, a ta kẹ ohwo ọvuọvo nẹ ọye hẹ Kristi na-a.
Jesu ta Ota kpahe Ughwu vẹ Evrẹnushi Rọye rọ cha
(Mak 8.31–9.1; Luk 9.22-27)
21Nẹ ọke yena yanran Jesu de muhọ edje kẹ idibo rọye, obo ro che kpo Jerusalẹm rọ da re oja rẹ emu buebu vwẹ obọ rẹ ekpako kugbe irherẹn kugbe isiẹbe, ke che hwe, ẹdẹ rerha ko vrẹn. 22Pita de nene phro nẹ, Ọrovwohwo gbobọnyẹ eta yena, emuọvo che ru we-e. 23Ẹkẹvuọvo o de kuoma rhẹriẹ, ọ da ta kẹ Pita nẹ, Wan nẹ obuko mẹ wẹ Ẹdjọ na; Wẹ oshegberi kẹ vwẹ, kidie wọ guọnọ emu rẹ Ọghẹnẹ-ẹ, ẹkẹvuọvo ọ rẹ ihwo rẹ akpọ. 24Jesu da ta kẹ idibo rọye nẹ, ohwo da guọnọ nẹ ọye nene uvwe, e jọ siẹn oma rọye re o mu agbagba rọye re o nene uvwe. 25Kohwo kohwo ro sivwi arhọ rọye o kuọfia; ọ ro ku arhọ rọye fia kọ mrẹ reyọ. 26Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye? 27Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri. 28Uyota me ta kẹ wẹ, evo herọ ri mudia vwẹ etinẹ na, re cha davwe ughwu phiephie-e, bẹsiẹ rẹ ayen cha vwọ mrẹ Ọmọ rẹ ohwo rọ cha vwẹ uvie rọye.
നിലവിൽ തിരഞ്ഞെടുത്തിരിക്കുന്നു:
Matiu 16: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Matiu 16
16
Oka Ẹguọnọ
(Mak 8.11-13; Luk 12.54-56)
1Ihwo ri Farisi kugbe Sadiusi de bro rhe re nọ enanọ, rẹ ayen vwo davwọ ni sọ sa vwẹ oka nẹ obo odjuvwu rhe. 2Ẹkẹvuọvo ọ da kpahe ọ da ta kẹ ayen nẹ, ovwọnvwọn de te, ovwan me ta nẹ, ọke na che yovwi: kidie obenu na ọvwavware. 3Vwẹ irhiọke ovwan me ta nẹ, ọke na omiomiovwi, kidie enu na pha vwavware kpurhu kpurhu. Ovwan se vughe oka rẹ obo odjuvwu; ẹkẹvuọvo we gbi se vughe oka rẹ ọke nana-a. 4Orua brabra ri gbe igberadja na me a guọnọ oka; a sa vwẹ oka kẹ-ẹ, jokpa rẹ oka ri Jona. Ọ da yan jẹ ayen vwo yanran.
Iphuephu ri Farisi kugbe Saduisi
(Mak 8.14-21)
5Idibo rọye de rhi te ẹbẹre rivẹ, emuọre da chọrọ ayen ẹro. 6Jesu da ta kẹ ayen nẹ, Ovwan jomaotọ vwẹ oma rẹ emu ri Farisi kugbe Sadiusi. 7Ayen ki roro vwẹ omoma rẹ ayen nẹ, kẹ obo rẹ avwanre rha ghwa emuọre-e. 8Jesu vwọ riẹn obọ rẹ ayen roro, ọ da ta nẹ, Edje ri jẹ esegbuyota evwo na, Die ovwan roro vwẹ udu rẹ ovwan nẹ, avwanre vwo emuọre-e? 9Ovwan rhe roro, ghinẹ ovwan karohọ ikara iyori vẹ ihwo uriori iyori-i, bro ibere ovwan sanọ reyọ? 10Yẹrẹ ọ rẹ ikara ighwrẹ vẹ ihwo uriori ẹne na, bro ibere ovwan sanọ no? 11Kidie ovwan vwo roro nẹ me ta ota kpahe emu diodi ra ria? Ẹkẹvuọvo ovwan jomaotọ kpahe emu ri Farisi kugbe Sadiusi. 12Kẹsiẹye ayen ke rhe riẹn nẹ, ọ dia emuọre ghevweghe ọ ta na-a, ẹkẹvuọvo vwọ kpahe uyono ri Farisi kugbe Sadiusi.
Pita Rhọvwe Jesu
(Mak 8.27-30; Luk 9.18-21)
13Ọke ri Jesu rhi vwo te Sizaria Filipae, ọ da nọ idibo rọye nẹ, Ono ihwo na ta nẹ me epha? 14Ayen da ta nẹ, evo nẹ Jọn ri Baptist, evo nẹ Ilaija; evo nẹ Jẹrimaya, eyẹ ọvo vwẹ emraro na. 15Ọ da ta kẹ ayen nẹ, kono ovwan ta ne me epha? 16Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na. 17Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu. 18Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e. 19Ke me je vwẹ usiaphrẹ rẹ uvie rẹ odjuvwu kẹ wẹ, rere kemu kemu wọ gbare vwẹ akpọ ya gbarọ vwẹ odjuvwu: kemu kemu re wọ rhanre vwẹ akpọ na ya rhanrọ vwẹ odjuvwu. 20Ọ de ji urhi kẹ idibo rọye nẹ, a ta kẹ ohwo ọvuọvo nẹ ọye hẹ Kristi na-a.
Jesu ta Ota kpahe Ughwu vẹ Evrẹnushi Rọye rọ cha
(Mak 8.31–9.1; Luk 9.22-27)
21Nẹ ọke yena yanran Jesu de muhọ edje kẹ idibo rọye, obo ro che kpo Jerusalẹm rọ da re oja rẹ emu buebu vwẹ obọ rẹ ekpako kugbe irherẹn kugbe isiẹbe, ke che hwe, ẹdẹ rerha ko vrẹn. 22Pita de nene phro nẹ, Ọrovwohwo gbobọnyẹ eta yena, emuọvo che ru we-e. 23Ẹkẹvuọvo o de kuoma rhẹriẹ, ọ da ta kẹ Pita nẹ, Wan nẹ obuko mẹ wẹ Ẹdjọ na; Wẹ oshegberi kẹ vwẹ, kidie wọ guọnọ emu rẹ Ọghẹnẹ-ẹ, ẹkẹvuọvo ọ rẹ ihwo rẹ akpọ. 24Jesu da ta kẹ idibo rọye nẹ, ohwo da guọnọ nẹ ọye nene uvwe, e jọ siẹn oma rọye re o mu agbagba rọye re o nene uvwe. 25Kohwo kohwo ro sivwi arhọ rọye o kuọfia; ọ ro ku arhọ rọye fia kọ mrẹ reyọ. 26Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye? 27Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri. 28Uyota me ta kẹ wẹ, evo herọ ri mudia vwẹ etinẹ na, re cha davwe ughwu phiephie-e, bẹsiẹ rẹ ayen cha vwọ mrẹ Ọmọ rẹ ohwo rọ cha vwẹ uvie rọye.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.