ALuka 16
16
Igorok icɛɛt naton aduk agbat asam
1AYeso fɛ̀ na bafi imɛɛs wu, “Arum akak kin se, fɛ́ a kin bɛ̀ agbat asam, ba tsɛ ba te kukun wu narɔ atekari me yɛ, agbat asam e mi ku wey ni kurúm. 2Atekari me ku yɛs, a fɛ̀ ni wu, ‘Akyɛ dɔng in foos naton ngɔn ɛ? Di fa ikyɛng fi i di nye ni itsɔm in, nek nkum atut, ngɔn da ti i sot anet itomong hom awo.’
3“Asam me fɛ̀ ni ice wu, ‘Akyɛ fi in da nye yɔkɔnɔng ɛ? Atekari hom yɔng a da shan kutomong e ni bɔk in. Imi me yong vit imi na agap ikap, ama anɔng, nfok nsum ira awon. 4Gyat! In mi rēn ikyɛng ira, nek izen fɛ́ a di ro ni tomong e, in bi sɛ bafidang fɛ́ ba bi di shashang na nasa bá.’
5“Wat a yes ngma bayɔng fɛ́ atekari me ka ba kuus kuta. A fɛ̀ na afi imɛsɛng e, ‘Imang fɛ́ atekari hom da kuus ɛ?’
6“Anet e yɔng fɛ̀ ni wu, ‘Ágbat átsung-imaas name anakat azining.’
“Agbat asam e, fɛ̀ ni wu, ‘Shan kufumung ijɛk kuta me, shesheng ziri sak átsung-imaas nsɔk ntoon.’
7“A tɛ a rip afɛ́ afaa, ‘Ngɔn anɛ? A da kuus imang ɛ?’
“Anet afɛ́ afaa me, fɛ̀ ni wu, ‘Itsɛn imaas iratek ifɛ́ alikama anakat atoon.’
“Agbat asam e, fɛ̀ ni wu, ‘Nga kufumung ijɛk kutá me, shesheng ziri ziri sak itsɛn imaas anakat anaas.’
8“Atekari me, tere kutsitsɛng fɛ́ aduk agbat asam e nye. Nek banet azatse kang, wat bafi mgbɛy ni irēn irén fɛ́ ba di gosok na bafidang.”
9In ki tak yin, nye kutomong ni kurúm azatse di bɔ yin ifidang, nek ki ku bi gang, ba bi ki shan ni kutɔmɔng fi ku sot ayɛ vit igang.
10“Ngma ayɔng fɛ́ ba da kyem ba di te iyɛ ni wu ni ikyɛng ibaane, ba da kyem ba di te iyɛ ni wu ni ikyɛng iratek. Ngma ayɔng fɛ́ a tonong avit atsak ni ikyɛng ibaane, a da tonong avit atsak ni ikyɛng iratek. 11Nek anɔng, kɛ vit atsak ni yin naton kurúm azatse kang awo, angan da ki nɔɔk yin atitup kurúm ɛ? 12Kɛ ba da kyem ba di te iyɛ ni yin ni ibereng ikyɛng akak awo, angan da ki nɔɔk yin ikyɛng ice yin ɛ?
13“Vit asam fɛ́ a ra isam ne bátékari bafaa. I se gbing-gbing na shim azining, na rawu azining, ke na te nhwyɛ wu na azining, na byɛs azining ayi. I da kyem imoon yin ikuus Adakunom, ni itsɛt kurúm azatse kang awo.”
Ntsi ni igwɔm Adakunom
(AMatiyu 11:12-13; 5:31-32)
14BaFarasi fɛ́ ba bɛ̀ ishim itsɔm tɛ akyɛ ayi, fɛ́ ba fok ikyɛng fɛ́ aYeso fɛ̀, ba kpa ikɔk icɛp. 15AYeso fɛ̀ ni ba, “Iyin yet yin bayɔng fi ishim itononso yin banet fok iyin yet yin bafɛ́ atsak, awɛt Adakunom rēn ayɛ yin. Nek ikyɛng fɛ́ banet dung tere ide, ide de fi idung se gbɛk-gbɛk ashon Adakunom.
16“Nɛ aYohana anet abatisma resek dang bɛ́, ba ras kutomong ni ijɛk aMusa ni ifɛ̀ batan. Neme izen e yɔng, ba shara ifɛ̀ itek ifi igwɔm Adakunom, kaangan di muu ice a shim a nɔ. 17I se bɛrɛ kazanɛn na kazatse na ka gang, aza fi itin ifɛ̀ izining ni ntsi aMusa ni i wey.
Itees naton ifɛt kuweneng
(AMatiyu 19:1-12; AMarkus 10:1-12)
18“Ngma anet fɛ́ a fɛt kuweneng nɛ abining wu, a tɛ a di bɔ akak, a tsin ra kujang; anet fɛ́ a bɔ abining yɔng fɛ́ a fɛt kuweneng nɛ amatek, a tsin ra kujang.
Arum akak nɛ aLazarus
19“Arum akak kin se fɛ́ ares ite wu kin yet asiliki, a kin se ayɛt kusonong nta kaakyi izen. 20Azɔng atitu ari wu, ba tsɛ na ba saas anet awon akak azɔng fɛ́ ba ku yes aLazarus, anot mi ku shining kurɔm. 21A tsɛt iya kuyak fi ku kpas nikon iyak arum e. Ne ákabu ku res anot wu.
22“Ba se ne anɔng, anet awon bɛ́ a ku, batomaza bɛ́ ba ku sok sak ni kufam aIbrahim#16:22 AIbrahim Fɛ́ a yet adakop banet Adakunom.. Arum me bɛ́ a ku bà, ba tse ba ku nɛt. 23Ba tse ni wu ari-irong, na ba tsin ku zoot, a sok ayisi naton a di aIbrahim yik-yik, nɛ aLazarus ni ifam wu.
24“A kpa ku yes, ‘Adada aIbrahim! Fok angmishish hom, tom aLazarus na te itsambɔk wu ayɛt ashi, a di te kyang mo ilem, nek in se ayɛt izot makiyi ni rong kang.’
25“Awɛt aIbrahim fɛ̀ ni wu, ‘Ari hom, yiring izen fi i kin se yin ni kutset azatse, ngɔn kin bɛ̀ nkyɔrɔk ntek hwyɛt, aLazarus kin sɔ mgbang, awɛt yɔkɔnɔng, iwu yɔng a tsin ya nta, ngɔn se ayɛt izot. 26Ama anɔng, nkum yit ni iyin, ba mi te kugbat kubong, yɔk bayɔng fɛ́ ba shim ba tat sak ni nyi kuyɔng ba da kyem awo, vit ayɔng fɛ́ a da kyem a ne ni nyi kuyɔng sak i bɛ́ azeng ni yit.’
27“Arum e tɛ a fɛ̀ ni wu, ‘Ki i se anɔng, ada, in tsin ra awon ni ngɔn, tom aLazarus sak ari ada hom, 28nek imi bɛ̀ baruneng batoon. Na a tse a ka ba kɔrɔk kuto, kɔng iba bi bɛ́ azeng narɔ izot kang.’
29“AIbrahim fɛ̀ ni wu, ‘Baruneng ngɔn bɛ̀ afumung fɛ́ aMusa jɛk, na ayɔng fɛ́ batan jɛk, won na ba di te ato ni ifɛ̀ bá.’
30“Arum e tɛ a fɛ̀, ‘Awɛy ada aIbrahim, anɔng da mak nye awo! Ke akak fɛ́ a ma ku tɛ dorok a tse ni ba, ba da wosong anɛn bá.’
31“Wɛt aIbrahim fɛ̀ ni wu, ‘Ke ba da wes ato ni ifɛ̀ afumung aMusa, ni ifɛ̀ afumung batan awo, ko da akak fɛ́ a mang ku a tɛ dorok, iba da ku fok awo.’ ”
നിലവിൽ തിരഞ്ഞെടുത്തിരിക്കുന്നു:
ALuka 16: IbaasNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 16
16
Igorok icɛɛt naton aduk agbat asam
1AYeso fɛ̀ na bafi imɛɛs wu, “Arum akak kin se, fɛ́ a kin bɛ̀ agbat asam, ba tsɛ ba te kukun wu narɔ atekari me yɛ, agbat asam e mi ku wey ni kurúm. 2Atekari me ku yɛs, a fɛ̀ ni wu, ‘Akyɛ dɔng in foos naton ngɔn ɛ? Di fa ikyɛng fi i di nye ni itsɔm in, nek nkum atut, ngɔn da ti i sot anet itomong hom awo.’
3“Asam me fɛ̀ ni ice wu, ‘Akyɛ fi in da nye yɔkɔnɔng ɛ? Atekari hom yɔng a da shan kutomong e ni bɔk in. Imi me yong vit imi na agap ikap, ama anɔng, nfok nsum ira awon. 4Gyat! In mi rēn ikyɛng ira, nek izen fɛ́ a di ro ni tomong e, in bi sɛ bafidang fɛ́ ba bi di shashang na nasa bá.’
5“Wat a yes ngma bayɔng fɛ́ atekari me ka ba kuus kuta. A fɛ̀ na afi imɛsɛng e, ‘Imang fɛ́ atekari hom da kuus ɛ?’
6“Anet e yɔng fɛ̀ ni wu, ‘Ágbat átsung-imaas name anakat azining.’
“Agbat asam e, fɛ̀ ni wu, ‘Shan kufumung ijɛk kuta me, shesheng ziri sak átsung-imaas nsɔk ntoon.’
7“A tɛ a rip afɛ́ afaa, ‘Ngɔn anɛ? A da kuus imang ɛ?’
“Anet afɛ́ afaa me, fɛ̀ ni wu, ‘Itsɛn imaas iratek ifɛ́ alikama anakat atoon.’
“Agbat asam e, fɛ̀ ni wu, ‘Nga kufumung ijɛk kutá me, shesheng ziri ziri sak itsɛn imaas anakat anaas.’
8“Atekari me, tere kutsitsɛng fɛ́ aduk agbat asam e nye. Nek banet azatse kang, wat bafi mgbɛy ni irēn irén fɛ́ ba di gosok na bafidang.”
9In ki tak yin, nye kutomong ni kurúm azatse di bɔ yin ifidang, nek ki ku bi gang, ba bi ki shan ni kutɔmɔng fi ku sot ayɛ vit igang.
10“Ngma ayɔng fɛ́ ba da kyem ba di te iyɛ ni wu ni ikyɛng ibaane, ba da kyem ba di te iyɛ ni wu ni ikyɛng iratek. Ngma ayɔng fɛ́ a tonong avit atsak ni ikyɛng ibaane, a da tonong avit atsak ni ikyɛng iratek. 11Nek anɔng, kɛ vit atsak ni yin naton kurúm azatse kang awo, angan da ki nɔɔk yin atitup kurúm ɛ? 12Kɛ ba da kyem ba di te iyɛ ni yin ni ibereng ikyɛng akak awo, angan da ki nɔɔk yin ikyɛng ice yin ɛ?
13“Vit asam fɛ́ a ra isam ne bátékari bafaa. I se gbing-gbing na shim azining, na rawu azining, ke na te nhwyɛ wu na azining, na byɛs azining ayi. I da kyem imoon yin ikuus Adakunom, ni itsɛt kurúm azatse kang awo.”
Ntsi ni igwɔm Adakunom
(AMatiyu 11:12-13; 5:31-32)
14BaFarasi fɛ́ ba bɛ̀ ishim itsɔm tɛ akyɛ ayi, fɛ́ ba fok ikyɛng fɛ́ aYeso fɛ̀, ba kpa ikɔk icɛp. 15AYeso fɛ̀ ni ba, “Iyin yet yin bayɔng fi ishim itononso yin banet fok iyin yet yin bafɛ́ atsak, awɛt Adakunom rēn ayɛ yin. Nek ikyɛng fɛ́ banet dung tere ide, ide de fi idung se gbɛk-gbɛk ashon Adakunom.
16“Nɛ aYohana anet abatisma resek dang bɛ́, ba ras kutomong ni ijɛk aMusa ni ifɛ̀ batan. Neme izen e yɔng, ba shara ifɛ̀ itek ifi igwɔm Adakunom, kaangan di muu ice a shim a nɔ. 17I se bɛrɛ kazanɛn na kazatse na ka gang, aza fi itin ifɛ̀ izining ni ntsi aMusa ni i wey.
Itees naton ifɛt kuweneng
(AMatiyu 19:1-12; AMarkus 10:1-12)
18“Ngma anet fɛ́ a fɛt kuweneng nɛ abining wu, a tɛ a di bɔ akak, a tsin ra kujang; anet fɛ́ a bɔ abining yɔng fɛ́ a fɛt kuweneng nɛ amatek, a tsin ra kujang.
Arum akak nɛ aLazarus
19“Arum akak kin se fɛ́ ares ite wu kin yet asiliki, a kin se ayɛt kusonong nta kaakyi izen. 20Azɔng atitu ari wu, ba tsɛ na ba saas anet awon akak azɔng fɛ́ ba ku yes aLazarus, anot mi ku shining kurɔm. 21A tsɛt iya kuyak fi ku kpas nikon iyak arum e. Ne ákabu ku res anot wu.
22“Ba se ne anɔng, anet awon bɛ́ a ku, batomaza bɛ́ ba ku sok sak ni kufam aIbrahim#16:22 AIbrahim Fɛ́ a yet adakop banet Adakunom.. Arum me bɛ́ a ku bà, ba tse ba ku nɛt. 23Ba tse ni wu ari-irong, na ba tsin ku zoot, a sok ayisi naton a di aIbrahim yik-yik, nɛ aLazarus ni ifam wu.
24“A kpa ku yes, ‘Adada aIbrahim! Fok angmishish hom, tom aLazarus na te itsambɔk wu ayɛt ashi, a di te kyang mo ilem, nek in se ayɛt izot makiyi ni rong kang.’
25“Awɛt aIbrahim fɛ̀ ni wu, ‘Ari hom, yiring izen fi i kin se yin ni kutset azatse, ngɔn kin bɛ̀ nkyɔrɔk ntek hwyɛt, aLazarus kin sɔ mgbang, awɛt yɔkɔnɔng, iwu yɔng a tsin ya nta, ngɔn se ayɛt izot. 26Ama anɔng, nkum yit ni iyin, ba mi te kugbat kubong, yɔk bayɔng fɛ́ ba shim ba tat sak ni nyi kuyɔng ba da kyem awo, vit ayɔng fɛ́ a da kyem a ne ni nyi kuyɔng sak i bɛ́ azeng ni yit.’
27“Arum e tɛ a fɛ̀ ni wu, ‘Ki i se anɔng, ada, in tsin ra awon ni ngɔn, tom aLazarus sak ari ada hom, 28nek imi bɛ̀ baruneng batoon. Na a tse a ka ba kɔrɔk kuto, kɔng iba bi bɛ́ azeng narɔ izot kang.’
29“AIbrahim fɛ̀ ni wu, ‘Baruneng ngɔn bɛ̀ afumung fɛ́ aMusa jɛk, na ayɔng fɛ́ batan jɛk, won na ba di te ato ni ifɛ̀ bá.’
30“Arum e tɛ a fɛ̀, ‘Awɛy ada aIbrahim, anɔng da mak nye awo! Ke akak fɛ́ a ma ku tɛ dorok a tse ni ba, ba da wosong anɛn bá.’
31“Wɛt aIbrahim fɛ̀ ni wu, ‘Ke ba da wes ato ni ifɛ̀ afumung aMusa, ni ifɛ̀ afumung batan awo, ko da akak fɛ́ a mang ku a tɛ dorok, iba da ku fok awo.’ ”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.