၂ မိ 33
33
33
ယွၩမၪလူၬအံၫစရ လၭဖိၪလၧအမိစဲၪ့ထၪ့ခွံၬ လၧခိၪလီၩ့စဲနၫ.
1တၭယဟိဝၩစံၭစမိစ့ၭ, စဲၪ့ထၪ့ခွံၬ ထီးယီၩလ့ၩ ထၪ့ဆံၭ. နဝ့ၫဒၪ, ဒဲၦခမျၧးလၧနဒုၭဂဲၫထၪ့ လၧခးအံ ဇံၭနီၪ, ထီၩ့လၧခးလဘံၪ့ လၧယဆိၪလၩ့ယၥၭလၧ အဂဲးလၧစအၫဘြဟၫ့, ဒဲစအံစၭ, ဒဲစယၫကူၭ, စံၭဝ့ၫ, 2ယမိဖ့ၪလၫ့ဝ့ၫ လၧနချံၫနၥၪလီၫ.- တၭယမိအၪ့မၧၫ့ အၥီၫ့လဂၩလ့ၩလၧနမ့ၬယၫလီၫ. တၭယမိနၫ့ထၪ့ခွံၬ ၦကၫနအၫ့ဖိၪ, ၦအၫမိၫဖိၪ, ဒဲၦဟ့ၥၭဖိၪ, ဒဲၦပံရ့ၭဖိၪ, ဒဲၦဟ့ဝဲၭဖိၪ, ဒဲၦယ့ဘုၫဖိၪတၭ, မိၥိၫ့နၧၩ လၧခးလၧ 3အယွၩလၩ့ဝ့ၫလၧဆၧနူထံၫ, ဒဲန့ၫစၩ့လီၫ.- အဂဲးဘဲၫ ယီၩ ယမိလ့ၩထၪ့ဘၪလၧနၥၭကျၩအ့ၬ. နမွဲၦလၧအ ခိၬဆီၪ့လဆၨၩအဂဲးတၭး ယမိဒုၭအၪ့ခွံၬဘၪခိၬနၧၩ လၧဖၧၩ့ၥၭလီၫ.
4ထီးၦခမျၧးၥံၪနါဂၧၫ့, ဆၧချဲၩ့အၧၩ့အပရၧၫ့နီၪတၭ, အၥုၪ့အုၭအၥၭအုၭတၭ, ကယၧၩ့အၥၭနးဂၩအ့ၬ. 5အဂဲးဘဲၫယီၩ ယဟိဝၩစံၭယူၭစမိစ့ၭ, လီၩဘၪၦအံၫ စရ့လၭဖိၪ, နၥံၪမွဲၦအခိၬဆီၪ့လဆၨၩလီၫ. ယအ့ၪဂဲၫ လၧနၥံၪအကျၩလဆိဖိၪတၭ, ယမိမၩလူၬခွံၬနၥံၪလီၫ. တၭဘိၩ့နဲၪ့ယီၩ ယမိမၩနၧၩဘဲၫၥ့ၪလဲၪနီၪ, ဘဲၫၥိၭယ 6မိၥ့ၪယၫတၭ, ဘဲၪ့လၩ့ခွံၬနကယၧၩ့ကယီၫဆံၭ.- တၭ ၦအံၫစရ့လၭဖိၪ ဘဲၪ့လၩ့ခွံၬအကယၧၩ့ကယီၫလၧခိၪ လီၩ့ဟိရ့ၭအခၪ့ထံၭလီၫ.
တဲၩဆံၫ့ဎံၪလၧယွၩအီၪဝ့ၫအဂး.
7စမိစ့ၭမၩန့ဆၧအတဲၩဆံၫ့ဎံၪလဖျိၪ့နီၪတၭ, ၥုၪ့ဝ့ၫ လၧၥုၪ့တဲၩလဖၪအလးလၧခီၫ့, ယဲၩ့ယိၬလၧၦၥုၪ့တဲၩ အလးတၭ, ကိၭဝ့ၫအမံၩ့လၧဆၧအီၪကီၪ့အတဲၩဆံၫ့ ဎံၪလီၫ. တၭဆၧမၩအၥၭ လၧကယဲၦလၧအအၪ့ဎၬ ယဟိဝၩလဂၩဂၩနီၪ လ့ၩထၪ့လၧဆၧအီၪကီၪ့အတဲၩ ဆံၫ့ဎံၪလၧအအီၪ လၧၦၥုၪ့တဲၩလဖၪအလး လၧခီၫ့ 8လီၫ.- ထီးစမိစ့ၭလ့ၩထၪ့လၧတဲၩဖၧၩ့နီၪတၭ, ဆၧမၩ အၥၭလၧၦခမျၧးဂဲထုၪ့ထီးအလူၬတၭ, ဆၧၫ့ထုၪ့လ ဂၩ လၧအတဲၩအတရၫ့, လဂၩ လၧအတဲၩ အတရၫ့ တၭ,ယိထွ့ၫစမိစ့ၭအခဲၫ့ထီးအလ့ၩနုၬ လၧတဲၩဆံၫ့ဎံၪ ဖၧၩ့နီၪလီၫ.
9ထီးစမိစ့ၭလ့ၩနုၬလၧတဲၩဆံၫ့ဎံၪဖၧၩ့နီၪ ဆၧမၩအ ၥၭလၧဆၧအုၪ့အထုၪ့ဂဲၫလၩ့တၭ, ဆၧၫ့ထုၪ့လၧတဲၩ 10ဆံၫ့ဎံၪအတရၫ့နီၪ, ယဟိဝၩချဲၩ့ဒုၪ့စမိစ့ၭလီၫ.- ၦခ မျၧးထီးအလူၬ ဒၪဘၪဆၧအုၪ့အထုၪ့ အီၪဆၧၫ့ထုၪ့ လၧတဲၩဆံၫ့ဎံၪ အတရၫ့နီၪတၭ, ၦခမျၧးထီးအလူၬ ဂဲ ထုၪ့ဝ့ၫ, ဒဲဘၩထၪ့ဝ့ၫ, လဂၩလၧအတဲၩအတရၫ့, လ 11ဂၩလၧအတဲၩ့အတရၫ့ဆုၬဆုၬလီၫ.- တၭယဟိဝၩ ချဲၩ့ဒုၪ့စမိစ့ၭ ယိဆၧၫ့ယၫဝ့ၫ, ဘဲၫၦၡၩချဲၩ့ဒုၪ့လိၬအ ၥၭအၥိၭနီၪလီၫ. မွဲအထဲၩ့ထဲၩ့လၧၦၥုၪ့တဲၩလဖၪအ လးဖၧၩ့လီၫ. အ့ၪမွဲအခ့ၫအၡၩ, ၦဖိၪၥၪခွၫ, စယီရှုၫ အ့ၫလဂၩနီၪ စဲၪ့ထၪ့လၧတဲၩဆံၫ့ဎံၪဖၧၩ့နီၪအ့ၬ.
ယွၩအုၩ့လၩ့လၧအမိအီၪလၧ အၡၩလဆၨၩအၥိၭ.
12တၭစမိစ့ၭစံၭယဟိဝၩ, ယိခွါဘီၪ, နစံၭယၧၩ,ဒုၭ ဂဲၫထၪ့ၦခမျၧးယီၩဆံၭ. တၭနမိအၪ့မၧၫ့ၦလၧယၥိၭ လဂၩလဲၪနီၪ, နဒုၭၥ့ၪယၫယၧၩဒံၭအ့ၬ. မွဲလါနၫ့နစံၭ ယၧၩ, ယၥ့ၪယၫနၧၩ လၧနမံၩ့တၭ, နဘၪခိးဘၪတၩ 13လၧယမ့ၬယၫနီၪလီၫ.- တၭဘိၩ့နဲၪ့ယီၩ, ယအ့ၪဘၪ ခိးဘၪတၩ လၧနမ့ၬယၫတၭ, ဒုၭၥ့ၪယၫလါယၧၩလၧ နဖၧၩ့ၥၭ, ဘဲၫၥိၭယမိၥ့ၪယၫနၧၩ လၧယမိဘၪခိးဘၪ တၩလၧနမ့ၬယၫဆံၭ. ဒဲယိဆီၫ့မီၪ့လၧၦလဆၨၩယီၩ 14မွဲနၡၩခမျၧးဆံၭ.- တၭအဝ့ၫဒၪစံၭ, ယမ့ၬမိလ့ၩဆၧ 15လၧနၥိၭဒဲယမိဒုၭအီၪပွံၭနၧၩလီၫ.- အဝ့ၫဒၪစံၭ, နမ့ၬ အ့ၪလလ့ၩဘၪတၭ, ထီးဒုၭလ့ၩထၪ့ခွံၬပၧၩလၧယီၩ 16လဂ့ၩ,- တၭၦမိၥ့ၪယၫထီးယီၩ လၧယဘၪခိးဘၪတၩ လၧနမ့ၬယၫ, ယၧၩဒဲနၡၩခမျၧးလၧဆၧနီၪလမံၩ့လဲၪ. မွဲလၧနလ့ၩလၧပၥိၭမွဲအ့ၬဧၪး တၭယၧၩဒဲနၡၩခမျၧး လဖၪနီၪ, မိအီၪလၩ့မဲၩလၧၦဆၨၩၥံၪ အီၪလၧဂၪ့ခိၪ ချိၫ့ထီးအလူၬနီၪလီၫ.
17ယဟိဝၩစံၭစမိစ့ၭ, နချဲၩ့ဆၧလမံၩ့ယီၩတၭ, ယမိ မၩဆ့လီၫ. အဂဲးဘဲၫယီၩ နဘၪခိးဘၪတၩလၧ ယမ့ၬ 18ယၫတၭ, ယၥ့ၪယၫနၧၩလၧနမံၩ့အကၠီၩ့လီၫ.- တၭအ 19ဝ့ၫဒၪစံၭ, ဒုၭဒၪဘၪလါယၧၩလၧနလၩနဖၩ့ဆံၭ.- အ ဝ့ၫဒၪစံၭ, ယမိဒုၭလ့ၩဖီၩ့ခွံၬ ယဆၧဂ့ၩထီးအလူၬလၧ နမ့ၬယၫ, ဒဲယမိဒုၭဂၧၫ့ထၪ့ၥၩလၩ့ ယဟိဝၩအမံၩ့လၧ နမ့ၬယၫ, ဒဲၦလၧယမိဖ့ၪလၫ့ လၧဆၧအခိးအတၩလ ဂၩဂၩနီၪ, ယမိဖ့ၪလၫ့ဆၧအခိးအတၩ လၧအဝ့ၫလီၫ. တၭၦလၧယမိယၫ့ၥၭဝ့ၫလဂၩဂၩနီၪ, ယမိယၫ့ၥၭအ 20ဝ့ၫလီၫ.- တၭစံၭဝ့ၫဒၪ နဒၪဘၪယမ့ၬကဲၪအ့ၬ. အဂဲး ဘဲၫယီၩ ၦၡၩလၧအဒၪဘၪယမ့ၬနီၪ မၧၫ့ဘၪအ့ၬ. 21တၭယဟိဝၩစံၭဝ့ၫဒၪ, ယိခွါ, အလးလစီၪ့အီၪဘူၭ လၧယၧၩတၭ, နမိဆၧၫ့ထုၪ့ လၧလိးလဖျိၪ့အဖၫ့ခိၪ 22လီၫ.- တၭဆၧမိမၩအၥၭလၧယလၩယဖၩ့လ့ၩဖီၩ့ ခွံၬအဘိၩ့ဘၭနီၪ ယမိအီၪက့ၪနၧၩ လၧလိးထ့ဖၭအ ဖၧၩ့တၭ, ယမိချႃၬဘံၭနၧၩ လၧယစူၪထီးယလ့ၩဖီၩ့ 23ခွံၬလီၫ.- ယမိထုၭထဲၩ့ယစူၪနီၪ, နမိဒၪဘၪယချိၫ့တၭး အ့ၪမွဲယမ့ၬအီၪဖျီၪဘၪအ့ၬ.
നിലവിൽ തിരഞ്ഞെടുത്തിരിക്കുന്നു:
၂ မိ 33: pwokyn2
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Pwo Kayin Bible © Bible Society of Myanmar, 1883.
