Marqoosa 6
6
Yesuusi Naazireten Ixetis
(Maato 13:53-58; Luqa 4:16-30)
1Yesuusi yaape keyidi, ba tamaareta kaalethidi, ba katama Naazirete bis. 2Sambaata gallas ayhude woosa keethan tamaarso oykis. I tamaarseysa si7ida daro asay malaaletidi, “Haysi ha ubbaa awupe demmidee? Ha cincatethaa I awupe ekidee? Ha malaatata oothiya maata I awupe demmidee? 3Haysi anaaxiya gidennee? Mayraami na7a, Yayqooba, Yoosa, Yihudanne Simoona ishaa gidenneyee? Iya micheti nuura haysan de7okonayee?” yaagidi, I giyaba ekonna ixidosona.
4Yesuusi he asaako, “Nabey ba biittan, ba dabbotaninne ba soo asan bonchetenafe attishin, harata matan bonchetees” yaagis.#Yoha 4:43. 5I he bessan ba kushiya guutha asaa bolla wothidi pathidaysafe attishin, hara malaatata oothanaw danda7ibeenna. 6Asay ammanibona gisho daro malaaletis.
Tammanne Nam7u Hawaareta Kiitetidosona
(Maato 10:5-15; Luqa 9:1-6)
Hessafe guye, Yesuusi he heeran de7iya gutatan asaa tamaarsees. 7Yesuusi tammanne nam7u tamaareta baako xeegidi, nam7aa nam7aa gathidi kiittis. Entaw tuna ayyaanata kessiya wolqaa immis. 8Enta, “Oge xam7afe attishin, kathi, karxiita, hinte kiisen miishe aybibaaka oykofite.#Luqa 10:4-11. 9Hinte tohuwan caamma aathite, shin nam7u afila oykofite” yaagis. 10Qassika, “Hintena asi mokida soo awunka gidin he bessaa yeddidi baana gakanaw he keethan gam7ite. 11Hintena asi mokonasuwa woyko hinte odiyaba si7onnasuwa awun gidikoka, he biittan de7iya asaas marka gidana mela he bessaafe keyishe, hinte tohuwape baana pitite” yaagis.#Hawa 13:51.
12Tammanne nam7u tamaareti bidi, asay banta nagaraape simmanaada qaala odidosona. 13Enti asape daro tuna Ayyaanata kessidosona. Daro harganchota zayte tiyidi pathidosona.#Yay 5:14.
Xammaqiya Yohaanisa Hayquwa
(Maato 14:1-12; Luqa 9:7-9)
14Yesuusa sunthay ubba bessan keyida gisho, Kawoy Herodiisi iyabaa si7is. Issi issi asay, “Xammaqiya Yohaanisi hayqope dendis, hessa gisho ha malaatata oothey iya” yaagidosona.#Maato 16:14; Mar 8:28; Luqa 9:19.
15Baggati, “Haysi Eeliyaasa gidennee?” yaagidosona.
Harati qassi, “Haysi beni wode nabetape issuwa gidonna aggenna” yaagidosona.
16Shin Herodiisi hessa si7ida wode, “Haysi taani qoodhiya qanxisida Xammaqiya Yohaanisa gidennee? I hayqope dendis” yaagis.
17Herodiisi ba ishaa Filphoosa machiw Herodiyada ekida gisho I gaason Yohaanisa oythidi qashisis. 18Yohaanisi Herodiisa, “Neeni ne ishaa machiw ekanaw bessenna” yaagis.#Luqa 3:19-20.
19Herodiyada Yohaanisa ba ulon morkada iya wodhisanaw koyasu, shin danda7abuku. 20Yohaanisi xillonne geeshsha asi gididaysa Herodiisi erida gisho, iyaw babidi loythi naagisees. Herodiisi Yohaanisi giyaba si7anaw dosikoka I giyaba si7iya wode daro dagammees.
21Herodiisi ba yeletida gallasa bonchanaw deriya haareysatas, shaalaqatasinne Galilan de7iya gita asaas imato giigisis. Hessi Herodiyadas inje gallas gidis. 22Herodiyada na7iya imathay moketiya bessaa gela durada, Herodiisanne iya imathata ufaysasu. Kawoy na7iw, “Ne koyaba ayba gidikoka tana oycha, taani new immana” yaagis. 23Qassi iw caaqidi, “Neeni oychiyaba ayba gidikoka, taani new immana. Hari attoshin, ta kawotethaa baggaa gidikoka taani new immana” yaagis.
24Na7iya kare keyada ba aayeko, “Ay imma go?” gada oychasu.
I aayiya, “Xammaqiya Yohaanisa huuphiya imma ga” yaagasu.
25Na7iya ellesada kawako bada, “Xammaqiya Yohaanisa huuphiya saanen wothada ha77i taw immana mela koyayis” yaagasu.
26Yaanin, kawoy daro qiirotis, shin ba imathata gisho iw caaqida ba caaquwa menthanaw koybeenna. 27Hessa gisho, ellesidi naageysa Yohaanisa huuphiya ehana mela kiittis. Naageysi qasho keethi bidi Yohaanisa qoodhiya qanxis. 28He qanxetida huuphiya saanen wothi ehidi na7ees immis. Na7iya qassi ba aayes immasu. 29Yohaanisa tamaareti hessa si7ida wode bidi iya aha eki efidi moogidosona.
Ichashu Mukulu Asaa
(Maato 14:13-21; Luqa 9:10-17; Yoha 6:1-14)
30Tammanne nam7u hawaareti simmi yidi enti oothidabaanne tamaarsidaba ubbaa Yesuusas odidosona. 31Entako yaa asaynne biya asay darida gisho, Yesuusaranne iya tamaaretara, hari attoshin kathi maanawuka enta gathonna ixis. Yaanin, Yesuusi entako, “Nurka guuthi shempi ekanaw asi bayna bessi yedhite” yaagis. 32Hessa gisho, enti bantarka wogolon gelidi asi bayna bessi bidosona.
33Enti bishin daro asay enta be7idi eridosona. Yaatin, katama ubbaafe asay tohora woxi bidi enti biya bessaa entafe sinthe gakidosona. 34Yesuusi wogoluwape wodhidi daro asa be7is. Asay heemmiya asi bayna dorsa mela gididaysa be7idi entaw qadhetidi enta darobaa tamaarsis.#Taybo 27:17; 1 Kawo 22:17; Hiz 34:5; Maato 9:36.
35Sa7ay omarsiya wode Yesuusa tamaareti iyako yidi, “Haysi bessay asi bayna bessi; ha77i sa7ika qammis. 36Asay gutatanne katamata bidi bantaw miyaba shammana mela asa yedda” yaagidosona.
37Shin Yesuusi zaaridi entako, “Asaas miyaba hinte immite” yaagis.
Enti, “Nuuni bidi nam7u xeetu dinaaren uythu shammidi asaa muzana mela koyay?” yaagidi oychidosona.
38Yesuusi entako, “Hintew aapun uythi de7ii? Ane bidi be7ite” yaagis.
Enti be7idi, “Ichashu uythunne nam7u molo” yaagidosona.
39Yesuusi ba tamaareta asa ubbaa cugan cugan shaakidi maatan utisana mela kiittis. 40Asay xeetu cuganinne ishatamu cugan shaaketi shaaketi uttidosona. 41Yesuusi ichashu uythaanne nam7u molota ekidi, pude salo xeellidi Xoossaa galatis. Uythaa menthidi asaas gishana mela ba tamaaretas immis. Qassi nam7u molota enta ubbaas shaakis. 42Asa ubbay midi kallidosona. 43Attida uytha tiifiyanne molota tiifiya, iya tamaareti tammanne nam7u gayta kumethi denthidosona. 44Uythaa mida adde asaa tayboy ichashu mukulu.
Yesuusi Abba bollara Hemetis
(Maato 14:22-33; Yoha 6:15-21)
45Ellesidi Yesuusi ba tamaareti wogoluwan gelidi, abbaafe hefinthan de7iya Beetesayda baape sinthatidi baana mela kiittis. Shin baw asaa moyzanaw guye attis. 46Asaa moyzidaape guye, Xoossaa woossanaw zuma bolla keyis.
47Sa7ay qammiya wode wogoloy abba giddon de7ees, shin Yesuusi abbaafe gaxan barka de7ees. 48Carkoy iya tamaaretako carkiya gisho, abba pidhoy waayseysa Yesuusi be7is. Wontimaathe sa7i geeyana haniya wode I abba bolla hemetishe entako yidi, enta yeggidi aadhanaw koyis. 49Shin I abba bolla hemetishin, enti be7idi, entaw moytille daanin waassidosona. 50Enti ubbay iya be7idi, yashshan kokoridosona.
Shin Yesuusi ellesidi entako, “Tana, aykoy baawa; yayyofite” yaagis. 51Yesuusi wogoluwan gelidi entara issife uttin carkoy wopu gis. Enti daro malaaletidosona. 52Enta wozanay zel7umida gisho, enti uythabaa akeekibokona.
Gensareexen Harganchoti Paxidosona
(Maato 14:34-36)
53Enti abba pinnidi, Gensareexe biitta gakidi, wogoluwa gaxa shiishidi qachidosona. 54Enti wogoluwape wodhiya wode asay ellesidi Yesuusa eridosona. 55Enti heeran de7iya biitta ubban woxeretidi harganchota halan tookidi, “Yesuusi de7ees” gin si7ida bessaa ehidosona. 56Asay I bida soo ubban, gaxariyan gidin, kataman, de7iya harganchota dabaaba efoosona. Harganchoti iya afilaa macaraa gidikoka bochana mela asay iya woossidosona. Bochida ubbay paxis.
നിലവിൽ തിരഞ്ഞെടുത്തിരിക്കുന്നു:
Marqoosa 6: GFBLVF
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Ethiopia
Marqoosa 6
6
Yesuusi Naazireten Ixetis
(Maato 13:53-58; Luqa 4:16-30)
1Yesuusi yaape keyidi, ba tamaareta kaalethidi, ba katama Naazirete bis. 2Sambaata gallas ayhude woosa keethan tamaarso oykis. I tamaarseysa si7ida daro asay malaaletidi, “Haysi ha ubbaa awupe demmidee? Ha cincatethaa I awupe ekidee? Ha malaatata oothiya maata I awupe demmidee? 3Haysi anaaxiya gidennee? Mayraami na7a, Yayqooba, Yoosa, Yihudanne Simoona ishaa gidenneyee? Iya micheti nuura haysan de7okonayee?” yaagidi, I giyaba ekonna ixidosona.
4Yesuusi he asaako, “Nabey ba biittan, ba dabbotaninne ba soo asan bonchetenafe attishin, harata matan bonchetees” yaagis.#Yoha 4:43. 5I he bessan ba kushiya guutha asaa bolla wothidi pathidaysafe attishin, hara malaatata oothanaw danda7ibeenna. 6Asay ammanibona gisho daro malaaletis.
Tammanne Nam7u Hawaareta Kiitetidosona
(Maato 10:5-15; Luqa 9:1-6)
Hessafe guye, Yesuusi he heeran de7iya gutatan asaa tamaarsees. 7Yesuusi tammanne nam7u tamaareta baako xeegidi, nam7aa nam7aa gathidi kiittis. Entaw tuna ayyaanata kessiya wolqaa immis. 8Enta, “Oge xam7afe attishin, kathi, karxiita, hinte kiisen miishe aybibaaka oykofite.#Luqa 10:4-11. 9Hinte tohuwan caamma aathite, shin nam7u afila oykofite” yaagis. 10Qassika, “Hintena asi mokida soo awunka gidin he bessaa yeddidi baana gakanaw he keethan gam7ite. 11Hintena asi mokonasuwa woyko hinte odiyaba si7onnasuwa awun gidikoka, he biittan de7iya asaas marka gidana mela he bessaafe keyishe, hinte tohuwape baana pitite” yaagis.#Hawa 13:51.
12Tammanne nam7u tamaareti bidi, asay banta nagaraape simmanaada qaala odidosona. 13Enti asape daro tuna Ayyaanata kessidosona. Daro harganchota zayte tiyidi pathidosona.#Yay 5:14.
Xammaqiya Yohaanisa Hayquwa
(Maato 14:1-12; Luqa 9:7-9)
14Yesuusa sunthay ubba bessan keyida gisho, Kawoy Herodiisi iyabaa si7is. Issi issi asay, “Xammaqiya Yohaanisi hayqope dendis, hessa gisho ha malaatata oothey iya” yaagidosona.#Maato 16:14; Mar 8:28; Luqa 9:19.
15Baggati, “Haysi Eeliyaasa gidennee?” yaagidosona.
Harati qassi, “Haysi beni wode nabetape issuwa gidonna aggenna” yaagidosona.
16Shin Herodiisi hessa si7ida wode, “Haysi taani qoodhiya qanxisida Xammaqiya Yohaanisa gidennee? I hayqope dendis” yaagis.
17Herodiisi ba ishaa Filphoosa machiw Herodiyada ekida gisho I gaason Yohaanisa oythidi qashisis. 18Yohaanisi Herodiisa, “Neeni ne ishaa machiw ekanaw bessenna” yaagis.#Luqa 3:19-20.
19Herodiyada Yohaanisa ba ulon morkada iya wodhisanaw koyasu, shin danda7abuku. 20Yohaanisi xillonne geeshsha asi gididaysa Herodiisi erida gisho, iyaw babidi loythi naagisees. Herodiisi Yohaanisi giyaba si7anaw dosikoka I giyaba si7iya wode daro dagammees.
21Herodiisi ba yeletida gallasa bonchanaw deriya haareysatas, shaalaqatasinne Galilan de7iya gita asaas imato giigisis. Hessi Herodiyadas inje gallas gidis. 22Herodiyada na7iya imathay moketiya bessaa gela durada, Herodiisanne iya imathata ufaysasu. Kawoy na7iw, “Ne koyaba ayba gidikoka tana oycha, taani new immana” yaagis. 23Qassi iw caaqidi, “Neeni oychiyaba ayba gidikoka, taani new immana. Hari attoshin, ta kawotethaa baggaa gidikoka taani new immana” yaagis.
24Na7iya kare keyada ba aayeko, “Ay imma go?” gada oychasu.
I aayiya, “Xammaqiya Yohaanisa huuphiya imma ga” yaagasu.
25Na7iya ellesada kawako bada, “Xammaqiya Yohaanisa huuphiya saanen wothada ha77i taw immana mela koyayis” yaagasu.
26Yaanin, kawoy daro qiirotis, shin ba imathata gisho iw caaqida ba caaquwa menthanaw koybeenna. 27Hessa gisho, ellesidi naageysa Yohaanisa huuphiya ehana mela kiittis. Naageysi qasho keethi bidi Yohaanisa qoodhiya qanxis. 28He qanxetida huuphiya saanen wothi ehidi na7ees immis. Na7iya qassi ba aayes immasu. 29Yohaanisa tamaareti hessa si7ida wode bidi iya aha eki efidi moogidosona.
Ichashu Mukulu Asaa
(Maato 14:13-21; Luqa 9:10-17; Yoha 6:1-14)
30Tammanne nam7u hawaareti simmi yidi enti oothidabaanne tamaarsidaba ubbaa Yesuusas odidosona. 31Entako yaa asaynne biya asay darida gisho, Yesuusaranne iya tamaaretara, hari attoshin kathi maanawuka enta gathonna ixis. Yaanin, Yesuusi entako, “Nurka guuthi shempi ekanaw asi bayna bessi yedhite” yaagis. 32Hessa gisho, enti bantarka wogolon gelidi asi bayna bessi bidosona.
33Enti bishin daro asay enta be7idi eridosona. Yaatin, katama ubbaafe asay tohora woxi bidi enti biya bessaa entafe sinthe gakidosona. 34Yesuusi wogoluwape wodhidi daro asa be7is. Asay heemmiya asi bayna dorsa mela gididaysa be7idi entaw qadhetidi enta darobaa tamaarsis.#Taybo 27:17; 1 Kawo 22:17; Hiz 34:5; Maato 9:36.
35Sa7ay omarsiya wode Yesuusa tamaareti iyako yidi, “Haysi bessay asi bayna bessi; ha77i sa7ika qammis. 36Asay gutatanne katamata bidi bantaw miyaba shammana mela asa yedda” yaagidosona.
37Shin Yesuusi zaaridi entako, “Asaas miyaba hinte immite” yaagis.
Enti, “Nuuni bidi nam7u xeetu dinaaren uythu shammidi asaa muzana mela koyay?” yaagidi oychidosona.
38Yesuusi entako, “Hintew aapun uythi de7ii? Ane bidi be7ite” yaagis.
Enti be7idi, “Ichashu uythunne nam7u molo” yaagidosona.
39Yesuusi ba tamaareta asa ubbaa cugan cugan shaakidi maatan utisana mela kiittis. 40Asay xeetu cuganinne ishatamu cugan shaaketi shaaketi uttidosona. 41Yesuusi ichashu uythaanne nam7u molota ekidi, pude salo xeellidi Xoossaa galatis. Uythaa menthidi asaas gishana mela ba tamaaretas immis. Qassi nam7u molota enta ubbaas shaakis. 42Asa ubbay midi kallidosona. 43Attida uytha tiifiyanne molota tiifiya, iya tamaareti tammanne nam7u gayta kumethi denthidosona. 44Uythaa mida adde asaa tayboy ichashu mukulu.
Yesuusi Abba bollara Hemetis
(Maato 14:22-33; Yoha 6:15-21)
45Ellesidi Yesuusi ba tamaareti wogoluwan gelidi, abbaafe hefinthan de7iya Beetesayda baape sinthatidi baana mela kiittis. Shin baw asaa moyzanaw guye attis. 46Asaa moyzidaape guye, Xoossaa woossanaw zuma bolla keyis.
47Sa7ay qammiya wode wogoloy abba giddon de7ees, shin Yesuusi abbaafe gaxan barka de7ees. 48Carkoy iya tamaaretako carkiya gisho, abba pidhoy waayseysa Yesuusi be7is. Wontimaathe sa7i geeyana haniya wode I abba bolla hemetishe entako yidi, enta yeggidi aadhanaw koyis. 49Shin I abba bolla hemetishin, enti be7idi, entaw moytille daanin waassidosona. 50Enti ubbay iya be7idi, yashshan kokoridosona.
Shin Yesuusi ellesidi entako, “Tana, aykoy baawa; yayyofite” yaagis. 51Yesuusi wogoluwan gelidi entara issife uttin carkoy wopu gis. Enti daro malaaletidosona. 52Enta wozanay zel7umida gisho, enti uythabaa akeekibokona.
Gensareexen Harganchoti Paxidosona
(Maato 14:34-36)
53Enti abba pinnidi, Gensareexe biitta gakidi, wogoluwa gaxa shiishidi qachidosona. 54Enti wogoluwape wodhiya wode asay ellesidi Yesuusa eridosona. 55Enti heeran de7iya biitta ubban woxeretidi harganchota halan tookidi, “Yesuusi de7ees” gin si7ida bessaa ehidosona. 56Asay I bida soo ubban, gaxariyan gidin, kataman, de7iya harganchota dabaaba efoosona. Harganchoti iya afilaa macaraa gidikoka bochana mela asay iya woossidosona. Bochida ubbay paxis.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Ethiopia