Maatosa 21
21
Gita Bonchon Yerusalaame Geluwa
(Mar 11:1-11; Luqa 19:28-40; Yoha 12:12-19)
1Yesuusaranne iya tamaaretara Yerusalaame matidi, Shamaho zuma bolla de7iya Beetefaage geetetiya gutaa gakishe, Yesuusi ba tamaaretape nam7ata baape sinthe yaagidi kiittis: 2“Hintefe sinthan de7iya guta biite. Yan issi harey qashon de7iyaro I maarara hinte demmana. Enta billidi haa eki yiite. 3Oonika hintena oychiko, ‘Goday entana koyees’ yaagite. I entana iiraka yeddi aggana” yaagis.
4Hessika nabey,
5“Xiyoone katamaas,
‘Heko, ne kawoy ashke gididi, hare bollanne
hare mara bolla uttidi, neeko yees’ yaagite”
yaagidi xaafidaysi poletana mela hessi hanis.#Zaka 9:9.
6Iya tamaareti bidi Yesuusi enta kiitidaysada oothidosona. 7Hariiwunne hare maraa ehidi bollara ma7ida banta ma7uwa enta zokon yeggidosona. Yesuusi ma7ota bolla uttis. 8Daro asay banta ma7uwa ogiyan hiixidosona. Harati bonco tashidi oge bolla yeggidosona. 9Yesuusape sinthara hemeteysatinne iyape guyera kaalliya daro asay,
“Hosaana!#21:9 Hosaana: Ibraawetho doonan hosaana guussay “Nuna ashsha” guussu. Qassi asay Xoossaa galatanaw go7etiya qaala. Dawita na7ay galatetto!
Godaa sunthan yeysi anjetidaysa!
Bonchoy Ubbaafe Dhoqa Saluwan Xoossaas gido!”
yaagidi waassidosona.#Maz 118:25.
10Yesuusi Yerusalaame katamaa gelida wode he kataman de7iya asa ubbay, “Haysi oonee?” yaagidi yarkidosona.
11Asay, “Haysi Galilan de7iya Naazirete katamaape yida nabiya Yesuusa” yaagidosona.
Xoossa Keethafe Zal7eyisata Kessis
(Mar 11:15-19; Luqa 19:45-48; Yoha 2:13-22)
12Yesuusi Xoossa Keethi gelidi, yan bayzeysatanne shammeyisata ubbaa kare goodis. Miishe laammeyisata xarpheezatanne holleta bayziya oydeta shiri yeggis. 13Ika entako, “Xoossaa qaalan, ‘Ta keethay Xoossaa woossiya keethi geetetana’ geetetidi xaafetis. Shin hinte pangati qosetiya gongolo oothideta” yaagis.#Isa 56:7; Ermi 7:11.
14Yesuusi xoossa keethan de7ishin qooqetinne gundati iyako yin enta pathis. 15Shin kahine halaqatinne higge astamaareti Yesuusi oothida malaalsiyabata be7idaysasinne guutha nayti xoossa keethan, “Dawita na7ay, galatetto” yaagidi waasseysa si7idi hanqetidosona. 16Enti Yesuusako, “Haysati geysa ne si7ay?” yaagidosona.
Yesuusi, “Ee si7ayis, Xoossaa qaalan, ‘Guutha nayta doonaninne dhammiya nayta doonan galata wothadasa’ geetetidi xaafetidaysa hinte nabbabibeketii?” yaagis. 17Entana yan aggidi Bitaane katamaa bidi aqis.
Yesuusi Baaddida Balase Mithiw
(Mar 11:12-14, 20-24)
18Yesuusi wonta guura katama simmidi yishe koshatis. 19Oge gaxan issi balase mithi be7idi iiko bis. Shin haythafe attishin, hara aykoka demmibeenna. Hessa gisho, iyo, “Hizape nam7antho ayfe ayfopa!” yaagis. He balase mithiya ellesada mela aggasu.
20Iya tamaareti hessa be7idi, “Ha balasiya waanada ellesa meladee?” yaagidi malaaletidosona.
21Yesuusi zaaridi, “Taani hintew tuma odayis; hintew ammanoy de7iko, qassi hinte sidhonna ixiko balase bolla taani oothidaysa mela xalaala ootheketa, shin ‘Ha zumaa shodetada abban wodha’ yaagiko hanana.#Maato 17:20; 2 Qoro 13:2. 22Ammanidi hinte woossiyaba aybiba gidikoka hinte ekana” yaagis.
Yesuusa Maatay Oyshetetha
(Mar 11:27-33; Luqa 20:1-8)
23Yesuusi Xoossa Keetha gelidi tamaarsishin, kahine halaqatinne Ayhude cimati iyako yidi, “Neeni haysa oothana mela new ay maati de7ii? New ha maata immiday oonee?” yaagidi oychidosona.
24Yesuusi entako, “Taanika hintena issiba oychayis; hinte taw hessa zaariko, taani ay maatan oothiyako hintew odana. 25Yohaanisi xammaqana mela maatay awupe imetidee? Xoossafeye asapee?” yaagis.
Enti banta giddon zoretidi, “Nuuni, ‘Xoossafe’ giiko, I nuna, ‘Yaatin ayis ammanibeketii?’ yaagana. 26Nuuni, ‘Asape’ giiko, asa ubbay Yohaanisa nabe oothi xeelliya gisho, asaa yayyoos” yaagidosona. 27Hessa gisho, “Nuuni eroko” yaagidi zaaridosona.
Ika, “Hiza, taanika haysa ay maatan oothiyako hintew odike” yaagis.
Nam7u Nayta Leemiso
28“Yesuusi kaallidika haysada yaagis: nam7u adde nayti de7iya issi uray de7ees. He uray bayra na7aako bidi, ‘Ta na7aw, hachi woyne giddo bada ootha’ yaagis. 29Na7ay zaaridi, ‘Atto biike’ yaagis. Shin guyepe ba wozanan qopi ekidi oothanaw bis. 30Aaway ba kaalo na7aako bidi, ba bayra na7aako gidaysada kiittis. Ika, ‘Ero, ta aawaw’ yaagis. Shin bibeenna. 31Ha nam7u naytape ba aawas kiitetidaysi awusee?” yaagis.
Entika, “Bayra” yaagidosona.
Yesuusi entako, “Ta hintew tuma odayis; qaraxa qanxiseysatinne laymateysati hintefe sinthatidi Xoossaa kawotethaa gelana. 32Xammaqiya Yohaanisi suure ogiya tamaarsishe yin I geysa ammanibeketa. Shin qaraxa qanxiseysatinne laymateysati ammanidosona. Hinte hari attoshin, enta be7idika hinte nagaraape simmidi ammanibeketa” yaagis.#Luqa 3:12; 7:29-30.
Goshshanchota Leemiso
(Mar 12:1-12; Luqa 20:9-19)
33Qassika Yesuusi haysada yaagis; “Hara leemiso si7ite, woyne tokida issi uray de7ees. He woyniya yuushuwa diris. Woyne gum7iya olla bookis. Woyniya naaganaw shako shaakis. Hessafe guye, gadiya kothe immidi hara biitta bis.#Isa 5:1-2. 34Woyne ayfiya maxiya wodey gakin bana gakiya baggaa ekidi yaana mela ba aylleta entako yeddis. 35Kothe aawati iya aylleta oykidi issuwa wadhidosona, hankuwa wodhidosona qassi attidaysa shuchan caddidosona. 36Woyne atakiltiya goday kaseysatape dariya hara aylleta kiittis. Kothe aawati enta bollaka hankoyisata bolla oothidaysada oothidosona. 37Wursethan I, ‘Ta na7aa enti bonchana!’ yaagidi ba na7aa entako kiittis.
38“Shin kothe aawati na7aa be7idi banta giddon ‘Gadiya laattanaysi haysa, iya wodhidi gadiya nuuni laattoos!’ yaagidosona. 39Na7a oykidi woyne gadiya giddofe gaxa kessidi wodhidosona.
40“Hiza, woyne gadiya goday yaa wode he kothe aawata waatanee?” yaagidi oychis.
41Enti zaaridi, “I he iita asata iita wodho wodhidi, woyney ayfiya wode iya gakiya baggaa woden woden immiya hara kothe aawatas immana” yaagidosona.
42Yesuusi zaaridi entako, Xoossaa qaalan,
“ ‘Gimbeysati boridi ixida shuchay,
godaa xaphuwa minthiya, ubbaafe aadhiya shuchaa gidis.
Haysi Goday oothidaba;
nu ayfiyas malaalsiyaba’
geetetidi xaafetidaysa nabbabibeketii?#Maz 118:22.
43“Hessa gisho, taani hintew odayis; Xoossaa kawotethay hintefe eketidi lo77o ayfe ayfiya asatas imetana. 44[Ha shucha bolla kundiya oonika meqeretana. Qassi ha shuchay iya bolla wodhiya urayka gaacetana”]#21:44: Issi issi beni maxaafati paydo 44 gujoosona. (Luqa 20:18 xeellite) yaagis.
45Kahine halaqatinne Farsaaweti Yesuusi odida leemisuwan bantana odidaysa eridosona. 46Enti Yesuusa oykanaw koydosona, shin asay Yesuusa nabe oothidi xeelliya gisho, asaas yayyidosona.
നിലവിൽ തിരഞ്ഞെടുത്തിരിക്കുന്നു:
Maatosa 21: GFBLVF
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Ethiopia
Maatosa 21
21
Gita Bonchon Yerusalaame Geluwa
(Mar 11:1-11; Luqa 19:28-40; Yoha 12:12-19)
1Yesuusaranne iya tamaaretara Yerusalaame matidi, Shamaho zuma bolla de7iya Beetefaage geetetiya gutaa gakishe, Yesuusi ba tamaaretape nam7ata baape sinthe yaagidi kiittis: 2“Hintefe sinthan de7iya guta biite. Yan issi harey qashon de7iyaro I maarara hinte demmana. Enta billidi haa eki yiite. 3Oonika hintena oychiko, ‘Goday entana koyees’ yaagite. I entana iiraka yeddi aggana” yaagis.
4Hessika nabey,
5“Xiyoone katamaas,
‘Heko, ne kawoy ashke gididi, hare bollanne
hare mara bolla uttidi, neeko yees’ yaagite”
yaagidi xaafidaysi poletana mela hessi hanis.#Zaka 9:9.
6Iya tamaareti bidi Yesuusi enta kiitidaysada oothidosona. 7Hariiwunne hare maraa ehidi bollara ma7ida banta ma7uwa enta zokon yeggidosona. Yesuusi ma7ota bolla uttis. 8Daro asay banta ma7uwa ogiyan hiixidosona. Harati bonco tashidi oge bolla yeggidosona. 9Yesuusape sinthara hemeteysatinne iyape guyera kaalliya daro asay,
“Hosaana!#21:9 Hosaana: Ibraawetho doonan hosaana guussay “Nuna ashsha” guussu. Qassi asay Xoossaa galatanaw go7etiya qaala. Dawita na7ay galatetto!
Godaa sunthan yeysi anjetidaysa!
Bonchoy Ubbaafe Dhoqa Saluwan Xoossaas gido!”
yaagidi waassidosona.#Maz 118:25.
10Yesuusi Yerusalaame katamaa gelida wode he kataman de7iya asa ubbay, “Haysi oonee?” yaagidi yarkidosona.
11Asay, “Haysi Galilan de7iya Naazirete katamaape yida nabiya Yesuusa” yaagidosona.
Xoossa Keethafe Zal7eyisata Kessis
(Mar 11:15-19; Luqa 19:45-48; Yoha 2:13-22)
12Yesuusi Xoossa Keethi gelidi, yan bayzeysatanne shammeyisata ubbaa kare goodis. Miishe laammeyisata xarpheezatanne holleta bayziya oydeta shiri yeggis. 13Ika entako, “Xoossaa qaalan, ‘Ta keethay Xoossaa woossiya keethi geetetana’ geetetidi xaafetis. Shin hinte pangati qosetiya gongolo oothideta” yaagis.#Isa 56:7; Ermi 7:11.
14Yesuusi xoossa keethan de7ishin qooqetinne gundati iyako yin enta pathis. 15Shin kahine halaqatinne higge astamaareti Yesuusi oothida malaalsiyabata be7idaysasinne guutha nayti xoossa keethan, “Dawita na7ay, galatetto” yaagidi waasseysa si7idi hanqetidosona. 16Enti Yesuusako, “Haysati geysa ne si7ay?” yaagidosona.
Yesuusi, “Ee si7ayis, Xoossaa qaalan, ‘Guutha nayta doonaninne dhammiya nayta doonan galata wothadasa’ geetetidi xaafetidaysa hinte nabbabibeketii?” yaagis. 17Entana yan aggidi Bitaane katamaa bidi aqis.
Yesuusi Baaddida Balase Mithiw
(Mar 11:12-14, 20-24)
18Yesuusi wonta guura katama simmidi yishe koshatis. 19Oge gaxan issi balase mithi be7idi iiko bis. Shin haythafe attishin, hara aykoka demmibeenna. Hessa gisho, iyo, “Hizape nam7antho ayfe ayfopa!” yaagis. He balase mithiya ellesada mela aggasu.
20Iya tamaareti hessa be7idi, “Ha balasiya waanada ellesa meladee?” yaagidi malaaletidosona.
21Yesuusi zaaridi, “Taani hintew tuma odayis; hintew ammanoy de7iko, qassi hinte sidhonna ixiko balase bolla taani oothidaysa mela xalaala ootheketa, shin ‘Ha zumaa shodetada abban wodha’ yaagiko hanana.#Maato 17:20; 2 Qoro 13:2. 22Ammanidi hinte woossiyaba aybiba gidikoka hinte ekana” yaagis.
Yesuusa Maatay Oyshetetha
(Mar 11:27-33; Luqa 20:1-8)
23Yesuusi Xoossa Keetha gelidi tamaarsishin, kahine halaqatinne Ayhude cimati iyako yidi, “Neeni haysa oothana mela new ay maati de7ii? New ha maata immiday oonee?” yaagidi oychidosona.
24Yesuusi entako, “Taanika hintena issiba oychayis; hinte taw hessa zaariko, taani ay maatan oothiyako hintew odana. 25Yohaanisi xammaqana mela maatay awupe imetidee? Xoossafeye asapee?” yaagis.
Enti banta giddon zoretidi, “Nuuni, ‘Xoossafe’ giiko, I nuna, ‘Yaatin ayis ammanibeketii?’ yaagana. 26Nuuni, ‘Asape’ giiko, asa ubbay Yohaanisa nabe oothi xeelliya gisho, asaa yayyoos” yaagidosona. 27Hessa gisho, “Nuuni eroko” yaagidi zaaridosona.
Ika, “Hiza, taanika haysa ay maatan oothiyako hintew odike” yaagis.
Nam7u Nayta Leemiso
28“Yesuusi kaallidika haysada yaagis: nam7u adde nayti de7iya issi uray de7ees. He uray bayra na7aako bidi, ‘Ta na7aw, hachi woyne giddo bada ootha’ yaagis. 29Na7ay zaaridi, ‘Atto biike’ yaagis. Shin guyepe ba wozanan qopi ekidi oothanaw bis. 30Aaway ba kaalo na7aako bidi, ba bayra na7aako gidaysada kiittis. Ika, ‘Ero, ta aawaw’ yaagis. Shin bibeenna. 31Ha nam7u naytape ba aawas kiitetidaysi awusee?” yaagis.
Entika, “Bayra” yaagidosona.
Yesuusi entako, “Ta hintew tuma odayis; qaraxa qanxiseysatinne laymateysati hintefe sinthatidi Xoossaa kawotethaa gelana. 32Xammaqiya Yohaanisi suure ogiya tamaarsishe yin I geysa ammanibeketa. Shin qaraxa qanxiseysatinne laymateysati ammanidosona. Hinte hari attoshin, enta be7idika hinte nagaraape simmidi ammanibeketa” yaagis.#Luqa 3:12; 7:29-30.
Goshshanchota Leemiso
(Mar 12:1-12; Luqa 20:9-19)
33Qassika Yesuusi haysada yaagis; “Hara leemiso si7ite, woyne tokida issi uray de7ees. He woyniya yuushuwa diris. Woyne gum7iya olla bookis. Woyniya naaganaw shako shaakis. Hessafe guye, gadiya kothe immidi hara biitta bis.#Isa 5:1-2. 34Woyne ayfiya maxiya wodey gakin bana gakiya baggaa ekidi yaana mela ba aylleta entako yeddis. 35Kothe aawati iya aylleta oykidi issuwa wadhidosona, hankuwa wodhidosona qassi attidaysa shuchan caddidosona. 36Woyne atakiltiya goday kaseysatape dariya hara aylleta kiittis. Kothe aawati enta bollaka hankoyisata bolla oothidaysada oothidosona. 37Wursethan I, ‘Ta na7aa enti bonchana!’ yaagidi ba na7aa entako kiittis.
38“Shin kothe aawati na7aa be7idi banta giddon ‘Gadiya laattanaysi haysa, iya wodhidi gadiya nuuni laattoos!’ yaagidosona. 39Na7a oykidi woyne gadiya giddofe gaxa kessidi wodhidosona.
40“Hiza, woyne gadiya goday yaa wode he kothe aawata waatanee?” yaagidi oychis.
41Enti zaaridi, “I he iita asata iita wodho wodhidi, woyney ayfiya wode iya gakiya baggaa woden woden immiya hara kothe aawatas immana” yaagidosona.
42Yesuusi zaaridi entako, Xoossaa qaalan,
“ ‘Gimbeysati boridi ixida shuchay,
godaa xaphuwa minthiya, ubbaafe aadhiya shuchaa gidis.
Haysi Goday oothidaba;
nu ayfiyas malaalsiyaba’
geetetidi xaafetidaysa nabbabibeketii?#Maz 118:22.
43“Hessa gisho, taani hintew odayis; Xoossaa kawotethay hintefe eketidi lo77o ayfe ayfiya asatas imetana. 44[Ha shucha bolla kundiya oonika meqeretana. Qassi ha shuchay iya bolla wodhiya urayka gaacetana”]#21:44: Issi issi beni maxaafati paydo 44 gujoosona. (Luqa 20:18 xeellite) yaagis.
45Kahine halaqatinne Farsaaweti Yesuusi odida leemisuwan bantana odidaysa eridosona. 46Enti Yesuusa oykanaw koydosona, shin asay Yesuusa nabe oothidi xeelliya gisho, asaas yayyidosona.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Ethiopia