Luqaasa 1
1
1Boncho Tewofloosa, nu giddon poletidabas daroti, bantaw danda7etida mela xaafidosona. 2He taarikiya enti xaafiday koyrope doomidi ayfe markatinne qaala haggaazeysati nuus odidaysa. 3Taka ta baggara koyrope akeeka xeellidaape guye, he taarikiya hanota maarayada new xaafoy lo77o gididi bentis. 4Hessika, ne tamaaridabay tuma gideysa erisanaasa.
Xammaqiya Yohaanisa Yeletethi
5Yihuda kawa Herodiisa wode Abiya yaraape gidida Zakaryaasa geetetiya Ayhude kahiney de7ees. Iya machiyaka Aarona sheeshape. I sunthayka Elsabeexo.#1 Taari 24:10. 6Nam7ayka Godaa wogaanne kiita ubbaa naagidi borey bayna Xoossaa sinthan xillotethan de7idosona. 7Hanope attishin, Elsabeexa maynthi gidida gisho entaw na7i baawa; nam7ayka qassi cimidosona.
8Issi gallas Zakaryaasi ba gishuwa maaran Xoossaa sinthan kahinetethan haggaazees. 9Kahinetetha wogan Xoossa Keethi gelidi ixaane cuyisanaw iya saami gakis. 10Ixaaney cuyaa wode asay karen woossees.
11Godaa kiitanchoy yarsho yarshiya bessaafe ushacha baggara eqidi bentis. 12Zakaryaasi iya be7ida wode dagammidi daro yayyis. 13Shin kiitanchoy iyako, “Zakaryaasa yayyofa; ne woosay si7etis. Ne machiya Elsabeexa adde na7a yelana, iya Yohaanisa gada ne sunthana. 14I new injenne ufaysi gidana; daroti iya yeletethan ufaytana. 15Godaa sinthan I gita gidana; woyne ushshi gidin hara mathoyiya ushsha uyenna. Ba aaye ulon de7ishe Geeshsha Ayyaanan kumana.#Taybo 6:3. 16Isra7eele asatape darota banta Godaa, Xoossaako zaarana. 17Aawata wozana naytako zaarana, kiitetonayisata xillota cincatethaako zaarana mela, Godaas bessiya dere giigisanaw Eeliyaasa ayyaananinne wolqan Godaa sinthan baana” yaagis.#Milki 4:5-6.
18Zakaryaasi kiitanchuwako, “Ta hessa aybin eranee? Taaranne ta machera cimida” yaagis.
19Kiitanchoy zaaridi, “Taani Xoossaa sinthan eqiya Gabreele. Ha mishiraachuwa new odanaw Xoossaafe kiitetas.#Daane 8:16; 9:21. 20Heko, wodiya naagidi poletiya ta qaala ne ammanonna ixida gisho, haysi poletana gakanaw neeni muume gidana, odetanawuka danda7aka” yaagis.
21He wode Zakaryaasi Xoossa Keethi gelidi gam7ida gisho, aybi hanide gidi asay karen naagishe gam7is. 22I kare keyidi entana odisanaw danda7ibeenna. Malli besope attishin, odetanaw danda7onaysa be7ida wode qoncethi be7idaysa eridosona.
23Zakaryaasi ba haggaazuwa polidi soo simmis. 24Hessafe guye, iya machiya Elsabeexa qanthatasu. Ichashu ageena kumethi bana genthada gam7asu. 25Iya, “Goday ba maarotan ta boriya asaa giddofe digganaw be7idi ha wodiyan haysa oothis” yaagasu.
Yesuusa yeletethay koyrottidi odetis
26Elsabeexa qanthatin usupuntho ageenan, Xoossay kiitanchuwa Gabreele Galila biittan de7iya Naazirete katamaa kiittis. 27Kawa Dawita sheeshape gidida Yoosefa geetetiya uraas oyshetida geela7eeko kiittis. He geela7iya Mayraamo geetetawusu.#Maato 1:18. 28Kiitanchoy iiko bidi, “Daro dosetidaare, saroy new gido, Xoossay neera de7ees; neeni anjetidaaro” yaagis.
29Mayraama iya odan daro dagammada, “Haysi aybi sarotho” gada heetasu. 30Kiitanchoy zaaridi, “Mayraame, babofa; neeni Xoossa sinthan saba demmadasa. 31Heko neeni qanthatana adde na7a yelana, iya sunthaa Yesuusa gada sunthana.#Maato 1:21. 32I gita gidana, Ubbaafe Bolla Xoossaa na7aa geetetidi xeegetana. Godaa Xoossay iya aawa Dawita araata iyaw immana.#2 Same 7:12-13, 16; Isa 9:7. 33I Yayqooba sheesha bolla merinaw kawotana; iya kawotethaas zawi baawa” yaagis.
34Mayraama kiitanchuwako, “Hessi waanidi hananee? Ta adde erike” yaagasu.
35Kiitanchoy zaaridi, “Geeshsha Ayyaanay ne bolla wodhana, Ubbaafe Bolla Xoossaa wolqay ne bolla kuyatana. Hessa gisho, yeletiya geeshsha na7ay Xoossaa Na7aa geetetana. 36Heko, ne dabiya Elsabeexa ba cimatetha laythan adde na7a qanthatasu. Iya maynthi geetetidaaro, shin ha77i usupuntho ageena oykasu. 37Xoossaa xooniyabay baawa”#Medhe 18:14. yaagis.
38Mayraama, “Heko, taani Godaa aylliw, ne qaalada taw hano” yaagasu. Hessafe guye, kiitanchoy iipe shaaketis.
39Mayraama he saamintan dendada Yihuda biittan de7iya issi derey dariya katama basu. 40Zakaryaasa soo gelada Elsabeexo sarothasu. 41Elsabeexa Mayraami sarothuwa si7ida wode I uluwan de7iya na7ay ufaysan gupis. Elsabeexa Geeshsha Ayyaanan kumada, 42ba qaala dhoqu oothada, “Neeni maccasa giddofe anjetidaaro, ne qanthatida na7ayka anjetidaysa. 43Hanoshin, ta Godaa aaye, neeni taako yaana mela taani oonee? 44Heko ne sarothuwa ta si7ida wode ta uluwan de7iya na7ay ufaysan gupis. 45Goday polana gidi immida qaala ammanidara, iya anjetidaaro” yaagasu.
Mayraami mazmuriya
46Mayraama haysada yaagasu:
“Ta shempiya Godaa bonchawusu,#1 Same 2:1-10.
47ta Ayyaanay dhaliya Xoossan ufaytees.
48I ba aylle kawushatethaa be7is.
Hachife doomidi yeletethi ubbay tana anjetidaaro gaana.#1 Same 1:11.
49Ayis giiko, wolqaama gidida I, taw gitaba oothis.
Iya sunthay Geeshshaa.
50Iya boncheyisata bolla,
iya maarotethay merinaape merinaa gakanaasa.
51Ba qesiyan minoba oothis,
banta wozanan otorteyisata laallis.
52Wolqaama kawota araatape kawushis;
bantana kawushidaysata kaaboyis.#Iyyo 5:11; 12:19.
53Koshatidaysata lo77oban kalsis,
shin dureta mela kushe yeddis.
54Ba maarota qopidi,
Ba aylliya Isra7eele maaddis.
55Hessika nu aawatas odida qaala,
Abrahaamesinne iya sheeshas gidaysa merinaw polanaasa”#Medhe 17:7.
yaagasu.
56Mayraama Elsabeexi matan heedzu ageena mela gam7ada ba soo simmasu.
Xammaqiya Yohaanisa yeletethaa
57Elsabeexis yelo qammay gakin adde na7a yelasu. 58I shoorotinne I dabboti Goday gita maarota oothidaysa si7idi, iira issife ufaytidosona. 59Hospuntha gallasan yooga na7aa qaxaranaw yidosona. Iya aawa sunthan Zakaryaasa gidi sunthanaw koydosona.#Leewe 12:3. 60Shin aayiya, “Akay, Yohaanisa geetetanaw bessees” yaagasu. 61Entika, “Ne dabbotape ha sunthan xeegetiday oonika baawa” yaagidosona. 62Iya aaway oona gidi sunthaneko eranaw koyidi iya malla oychidosona. 63I xaafiyabaa oychi ekidi, “Iya sunthay Yohaanisa” gidi xaafis. Ubbay I xaafidaysa be7idi malaaletidosona. 64Iira Zakaryaasa inxarsay biletis, Xoossaa galatishe odetethi oykis. 65Shooroti ubbay yashshan kumidosona. Ha hanidabay derey dariya Yihuda biittan odetis. 66Hessa si7ida ubbay, “Ha na7ay ay hanandesha” gidi banta giddon odetidosona. Godaa kushey iyara de7ees.
Zakaryaasa mazmuriya
67Yohaanisa aaway Zakaryaasi Geeshsha Ayyaanan kumidi haysada yaagidi tinbite odis.
68“Isra7eele Goday galatetto,
yidi ba asaa wozis.
69Ba aylliya Dawita keethan
atotetha kaciya denthis.
70Hessika beni wode geeshsha nabeta doonan odetidaysa mela,
71Iya ashoy nu morketapenne
nuura eqetiya ubbaa kushiyape.
72Hessa I oothiday nu aawatas ba maarota bessanaasinne,
ba geeshsha caaquwa naaganaassa.
73Nu aawa Abrahaames caaqida
caaquwa qopanaasinne
74nu morketa kushepe kessidi
yashshi bayna iya haggaazana melasa.
75Nu laytha ubban geeshshatethaninne xillotethan
ba sinthan nuna essanaasa.
76Qassi la na7aw, neeni Ubbaafe Bolla Xoossaa nabe geetetana.#Milki 3:1.
Godaa ogiya loythanaw ne iya sinthan baana.
77Enta nagaray qushetin,
enti atotethi demmanaysa ne Godaa deriyas odana.
78Nu Xoossaa lo77o maarotethaafe dendoysan
wonta xalqey nuus saluwape keyis.
79Hessika dhumaninne,
hayqo kuya garsan de7eysatas poo7isanaasa,
nu tohuwaka saro ogiyako zaaranaasa”
yaagis.#Isa 9:2.
80Na7ay diccis, Ayyaanan minnis, Isra7eele asaas qoncana gakanaw mela biittan de7is.
നിലവിൽ തിരഞ്ഞെടുത്തിരിക്കുന്നു:
Luqaasa 1: GFBLVF
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Ethiopia
Luqaasa 1
1
1Boncho Tewofloosa, nu giddon poletidabas daroti, bantaw danda7etida mela xaafidosona. 2He taarikiya enti xaafiday koyrope doomidi ayfe markatinne qaala haggaazeysati nuus odidaysa. 3Taka ta baggara koyrope akeeka xeellidaape guye, he taarikiya hanota maarayada new xaafoy lo77o gididi bentis. 4Hessika, ne tamaaridabay tuma gideysa erisanaasa.
Xammaqiya Yohaanisa Yeletethi
5Yihuda kawa Herodiisa wode Abiya yaraape gidida Zakaryaasa geetetiya Ayhude kahiney de7ees. Iya machiyaka Aarona sheeshape. I sunthayka Elsabeexo.#1 Taari 24:10. 6Nam7ayka Godaa wogaanne kiita ubbaa naagidi borey bayna Xoossaa sinthan xillotethan de7idosona. 7Hanope attishin, Elsabeexa maynthi gidida gisho entaw na7i baawa; nam7ayka qassi cimidosona.
8Issi gallas Zakaryaasi ba gishuwa maaran Xoossaa sinthan kahinetethan haggaazees. 9Kahinetetha wogan Xoossa Keethi gelidi ixaane cuyisanaw iya saami gakis. 10Ixaaney cuyaa wode asay karen woossees.
11Godaa kiitanchoy yarsho yarshiya bessaafe ushacha baggara eqidi bentis. 12Zakaryaasi iya be7ida wode dagammidi daro yayyis. 13Shin kiitanchoy iyako, “Zakaryaasa yayyofa; ne woosay si7etis. Ne machiya Elsabeexa adde na7a yelana, iya Yohaanisa gada ne sunthana. 14I new injenne ufaysi gidana; daroti iya yeletethan ufaytana. 15Godaa sinthan I gita gidana; woyne ushshi gidin hara mathoyiya ushsha uyenna. Ba aaye ulon de7ishe Geeshsha Ayyaanan kumana.#Taybo 6:3. 16Isra7eele asatape darota banta Godaa, Xoossaako zaarana. 17Aawata wozana naytako zaarana, kiitetonayisata xillota cincatethaako zaarana mela, Godaas bessiya dere giigisanaw Eeliyaasa ayyaananinne wolqan Godaa sinthan baana” yaagis.#Milki 4:5-6.
18Zakaryaasi kiitanchuwako, “Ta hessa aybin eranee? Taaranne ta machera cimida” yaagis.
19Kiitanchoy zaaridi, “Taani Xoossaa sinthan eqiya Gabreele. Ha mishiraachuwa new odanaw Xoossaafe kiitetas.#Daane 8:16; 9:21. 20Heko, wodiya naagidi poletiya ta qaala ne ammanonna ixida gisho, haysi poletana gakanaw neeni muume gidana, odetanawuka danda7aka” yaagis.
21He wode Zakaryaasi Xoossa Keethi gelidi gam7ida gisho, aybi hanide gidi asay karen naagishe gam7is. 22I kare keyidi entana odisanaw danda7ibeenna. Malli besope attishin, odetanaw danda7onaysa be7ida wode qoncethi be7idaysa eridosona.
23Zakaryaasi ba haggaazuwa polidi soo simmis. 24Hessafe guye, iya machiya Elsabeexa qanthatasu. Ichashu ageena kumethi bana genthada gam7asu. 25Iya, “Goday ba maarotan ta boriya asaa giddofe digganaw be7idi ha wodiyan haysa oothis” yaagasu.
Yesuusa yeletethay koyrottidi odetis
26Elsabeexa qanthatin usupuntho ageenan, Xoossay kiitanchuwa Gabreele Galila biittan de7iya Naazirete katamaa kiittis. 27Kawa Dawita sheeshape gidida Yoosefa geetetiya uraas oyshetida geela7eeko kiittis. He geela7iya Mayraamo geetetawusu.#Maato 1:18. 28Kiitanchoy iiko bidi, “Daro dosetidaare, saroy new gido, Xoossay neera de7ees; neeni anjetidaaro” yaagis.
29Mayraama iya odan daro dagammada, “Haysi aybi sarotho” gada heetasu. 30Kiitanchoy zaaridi, “Mayraame, babofa; neeni Xoossa sinthan saba demmadasa. 31Heko neeni qanthatana adde na7a yelana, iya sunthaa Yesuusa gada sunthana.#Maato 1:21. 32I gita gidana, Ubbaafe Bolla Xoossaa na7aa geetetidi xeegetana. Godaa Xoossay iya aawa Dawita araata iyaw immana.#2 Same 7:12-13, 16; Isa 9:7. 33I Yayqooba sheesha bolla merinaw kawotana; iya kawotethaas zawi baawa” yaagis.
34Mayraama kiitanchuwako, “Hessi waanidi hananee? Ta adde erike” yaagasu.
35Kiitanchoy zaaridi, “Geeshsha Ayyaanay ne bolla wodhana, Ubbaafe Bolla Xoossaa wolqay ne bolla kuyatana. Hessa gisho, yeletiya geeshsha na7ay Xoossaa Na7aa geetetana. 36Heko, ne dabiya Elsabeexa ba cimatetha laythan adde na7a qanthatasu. Iya maynthi geetetidaaro, shin ha77i usupuntho ageena oykasu. 37Xoossaa xooniyabay baawa”#Medhe 18:14. yaagis.
38Mayraama, “Heko, taani Godaa aylliw, ne qaalada taw hano” yaagasu. Hessafe guye, kiitanchoy iipe shaaketis.
39Mayraama he saamintan dendada Yihuda biittan de7iya issi derey dariya katama basu. 40Zakaryaasa soo gelada Elsabeexo sarothasu. 41Elsabeexa Mayraami sarothuwa si7ida wode I uluwan de7iya na7ay ufaysan gupis. Elsabeexa Geeshsha Ayyaanan kumada, 42ba qaala dhoqu oothada, “Neeni maccasa giddofe anjetidaaro, ne qanthatida na7ayka anjetidaysa. 43Hanoshin, ta Godaa aaye, neeni taako yaana mela taani oonee? 44Heko ne sarothuwa ta si7ida wode ta uluwan de7iya na7ay ufaysan gupis. 45Goday polana gidi immida qaala ammanidara, iya anjetidaaro” yaagasu.
Mayraami mazmuriya
46Mayraama haysada yaagasu:
“Ta shempiya Godaa bonchawusu,#1 Same 2:1-10.
47ta Ayyaanay dhaliya Xoossan ufaytees.
48I ba aylle kawushatethaa be7is.
Hachife doomidi yeletethi ubbay tana anjetidaaro gaana.#1 Same 1:11.
49Ayis giiko, wolqaama gidida I, taw gitaba oothis.
Iya sunthay Geeshshaa.
50Iya boncheyisata bolla,
iya maarotethay merinaape merinaa gakanaasa.
51Ba qesiyan minoba oothis,
banta wozanan otorteyisata laallis.
52Wolqaama kawota araatape kawushis;
bantana kawushidaysata kaaboyis.#Iyyo 5:11; 12:19.
53Koshatidaysata lo77oban kalsis,
shin dureta mela kushe yeddis.
54Ba maarota qopidi,
Ba aylliya Isra7eele maaddis.
55Hessika nu aawatas odida qaala,
Abrahaamesinne iya sheeshas gidaysa merinaw polanaasa”#Medhe 17:7.
yaagasu.
56Mayraama Elsabeexi matan heedzu ageena mela gam7ada ba soo simmasu.
Xammaqiya Yohaanisa yeletethaa
57Elsabeexis yelo qammay gakin adde na7a yelasu. 58I shoorotinne I dabboti Goday gita maarota oothidaysa si7idi, iira issife ufaytidosona. 59Hospuntha gallasan yooga na7aa qaxaranaw yidosona. Iya aawa sunthan Zakaryaasa gidi sunthanaw koydosona.#Leewe 12:3. 60Shin aayiya, “Akay, Yohaanisa geetetanaw bessees” yaagasu. 61Entika, “Ne dabbotape ha sunthan xeegetiday oonika baawa” yaagidosona. 62Iya aaway oona gidi sunthaneko eranaw koyidi iya malla oychidosona. 63I xaafiyabaa oychi ekidi, “Iya sunthay Yohaanisa” gidi xaafis. Ubbay I xaafidaysa be7idi malaaletidosona. 64Iira Zakaryaasa inxarsay biletis, Xoossaa galatishe odetethi oykis. 65Shooroti ubbay yashshan kumidosona. Ha hanidabay derey dariya Yihuda biittan odetis. 66Hessa si7ida ubbay, “Ha na7ay ay hanandesha” gidi banta giddon odetidosona. Godaa kushey iyara de7ees.
Zakaryaasa mazmuriya
67Yohaanisa aaway Zakaryaasi Geeshsha Ayyaanan kumidi haysada yaagidi tinbite odis.
68“Isra7eele Goday galatetto,
yidi ba asaa wozis.
69Ba aylliya Dawita keethan
atotetha kaciya denthis.
70Hessika beni wode geeshsha nabeta doonan odetidaysa mela,
71Iya ashoy nu morketapenne
nuura eqetiya ubbaa kushiyape.
72Hessa I oothiday nu aawatas ba maarota bessanaasinne,
ba geeshsha caaquwa naaganaassa.
73Nu aawa Abrahaames caaqida
caaquwa qopanaasinne
74nu morketa kushepe kessidi
yashshi bayna iya haggaazana melasa.
75Nu laytha ubban geeshshatethaninne xillotethan
ba sinthan nuna essanaasa.
76Qassi la na7aw, neeni Ubbaafe Bolla Xoossaa nabe geetetana.#Milki 3:1.
Godaa ogiya loythanaw ne iya sinthan baana.
77Enta nagaray qushetin,
enti atotethi demmanaysa ne Godaa deriyas odana.
78Nu Xoossaa lo77o maarotethaafe dendoysan
wonta xalqey nuus saluwape keyis.
79Hessika dhumaninne,
hayqo kuya garsan de7eysatas poo7isanaasa,
nu tohuwaka saro ogiyako zaaranaasa”
yaagis.#Isa 9:2.
80Na7ay diccis, Ayyaanan minnis, Isra7eele asaas qoncana gakanaw mela biittan de7is.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Ethiopia