ᓇᒼᐸᕒᐢ 3
3
1ᐁᐊᐧᑯᓂ ᒫᑲ ᐅᐦᐃ ᐅᐟ ᐋᔮᓂᐢᑫᐢᑲᒫᑫᐃᐧᓂᐋᐧᐊᐧ ᐁᕒᐊᐣ ᒥᓇ ᒧᓯᐢ ᐊᓂᒪ ᐁ ᑭᓯᑳᐠ ᑳ ᑎᐯᔨᐦᒋᑫᔨᐟ ᑳ ᑭ ᐊᔭᒥᐃᑯᐟ ᒧᓯᐢ ᓴᐃᓇᐩ ᐊᐧᒋᕽ. 2#ᓇᒼᐸᕒᐢ 26:60ᐁᐊᐧᑯᓂ ᒫᑲ ᐅ ᐃᐧᔪᐃᐧᓂᔨᐊᐧ ᐅᑯᓯᓴ ᐁᕒᐊᐣ ᓀᑖᑊ ᓂᐢᑕᒧᓵᐣ, ᒥᓇ ᐊᐸᐃᔪ, ᐁᓬᐃᐁᓴᕒ ᒥᓇ ᐃᐦᑌᒫᕒ. 3ᐁᐊᐧᑯᓂ ᐅᐦᐃ ᐅ ᐃᐧᔪᐃᐧᓂᐋᐧᐊᐧ ᐅᑯᓯᓴ ᐁᕒᐊᐣ, ᐊᔭᒥᐦᐁᐃᐧᔨᓂᐊᐧᐠ ᑳ ᑭ ᑐᒥᓂᐦᒋᐠ, ᑳ ᑭ ᑭᐅᔭᑭᒫᐟ ᑭᑕ ᐊᑐᐢᑫᔨᐟ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᓂᕽ. 4#ᓬᐃᐱᑎᑲᐢ 10:1,2; ᓇᒼᐸᕒᐢ 26:61ᓀᑖᑊ ᒫᑲ ᒥᓇ ᐊᐸᐃᔪ ᑭ ᓂᐱᐊᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᐃᐢᐱ ᑳ ᐸᑭᑎᓇᑭᐠ ᐱᑐᓯ ᐃᐢᑯᑌᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᓴᐃᓇᐩ ᐱᑲᐧᑕᐢᑭᕽ, ᐁᑯᓯ ᓇᒪᐃᐧᔭ ᑭ ᐅᐟ ᐊᐋᐧᓯᒥᓯᐊᐧᐠ; ᐁᑯᓯ ᐁᓬᐃᐁᓴᕒ ᒥᓇ ᐃᐦᑌᒫᕒ ᑭ ᐊᑐᐢᑫᐊᐧᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᓂᕽ ᐁ ᑲᓇᐋᐧᐸᒥᑯᒋᐠ ᐅᑖᐃᐧᐋᐧᐊᐧ ᐁᕒᐊᐣ.
5ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑖᐟ, 6ᑭᓯᐋᐧᐠ ᐯᓯᐃᐧᐠ ᐅ ᐱᐢᑭᑐᑌᐃᐧᓯᐃᐧᐣ ᓬᐃᐸᐩ, ᐁᑯᓯ ᐃᑕᔨᐠ ᑭᑕ ᑲᓇᐋᐧᐸᒫᐟ ᐁᕒᐊᐣ ᐊᔭᒥᐦᐁᐃᐧᔨᓂᐤ, ᑭᑕ ᐊᑐᐢᑳᑯᐟ. 7ᑭᑕ ᑲᓇᐁᐧᔨᑕᒪᐧᐠ ᒫᑲ ᑳ ᐸᒥᓇᒧᐃᑯᒋᐠ ᒥᓇ ᑳ ᐸᒥᓇᒧᐃᑯᒋᐠ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐅᐦᑎᐢᑲᐤ ᒫᐊᐧᒋᐦᐃᑐᐃᐧ ᒥᑭᐋᐧᑊ, ᑭᑕ ᐸᒥᑖᒋᐠ ᒥᑭᐋᐧᑊ. 8ᑭᑕ ᑲᓇᐁᐧᔨᑕᒪᐧᐠ ᒫᑲ ᑲᐦᑭᔭᐤ ᐁ ᐃᓯ ᐅᐦᑎᓇᒪᐋᐧᑌᐠ ᐊᓂᒪ ᒫᐊᐧᒋᐦᐃᑐᐃᐧ ᒥᑭᐋᐧᑊ, ᒥᓇ ᐁ ᐃᓯ ᐸᒥᓇᒧᐃᑯᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐸᒥᑖᒋᐠ ᐊᓂᒪ ᒥᑭᐋᐧᑊ. 9ᓬᐃᐸᐃᑕᐠ ᒫᑲ ᑭ ᑲ ᒥᔮᐤ ᐁᕒᐊᐣ ᒥᓇ ᐅᑯᓯᓴ; ᒥᑐᓂ ᒥᔮᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ. 10ᑭ ᑲ ᐅᔭᑭᒫᐤ ᒫᑲ ᐁᕒᐊᐣ ᒥᓇ ᐅᑯᓯᓴ, ᐁᑯᓯ ᑭᑕ ᐋᑲᒥᑖᐊᐧᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᐣ; ᒫᓂᑌᐤ ᒫᑲ ᑭᓯᐋᐧᐠ ᑳ ᐯ ᐃᑐᐦᑌᐟ ᑭᑕ ᓂᐸᐦᐋᐤ.
11ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑖᐟ, 12#ᐁᐠᓴᑕᐢ 13:2ᓂᔭ ᒫᑲ ᒫᑎᑲ, ᓂ ᑭ ᐅᑎᓈᐋᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ ᒥᐢᑯᐨ ᑲᐦᑭᔭᐤ ᓂᐢᑕᒧᓴᓇᐠ ᓂᐢᑕᒼ ᑳ ᓂᐦᑖᐃᐧᑭᐦᐋᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐁᑯᓯ ᓬᐃᐸᐃᑕᐠ ᓂᔭ ᓂ ᑲ ᐊᔮᐋᐧᐊᐧᐠ. 13ᒋᑫᒫ ᑲᐦᑭᔭᐤ ᓂᐢᑕᒧᓵᓇᐠ ᓂᔭ ᓂᐟ ᐊᔮᓇᐠ; ᐊᓂᒪ ᐁ ᑭᓯᑳᐠ ᑳ ᑭ ᓂᐸᐊᑭᐠ ᑲᐦᑭᔭᐤ ᓂᐢᑕᒧᓵᓇᐠ ᐃᒋᑊᐟ ᐊᐢᑭᕽ ᓂ ᑭ ᑲᓈᒋᑕᒫᓱᐣ ᑲᐦᑭᔭᐤ ᓂᐢᑕᒧᓴᓇᐠ ᐃᐢᕒᐁᐃᓬᐃᕽ ᐊᔨᓯᔨᓂᐤ ᒥᓇ ᐱᓯᐢᑭᐤ; ᓂᔭ ᓂ ᑲ ᐊᔮᐋᐧᐊᐧᐠ ᓂᔭ ᑳ ᑎᐯᔨᐦᒋᑫᔮᐣ.
14ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᓴᐃᓇᐩ ᐱᑲᐧᑕᐢᑭᕽ, ᐁ ᐃᑖᐟ, 15ᐊᑭᒥᐠ ᐅᐟ ᐊᐋᐧᓯᒥᓴ ᓬᐃᐸᐩ ᐁ ᐋᐃᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ, ᐁ ᐋᐃᓯ ᐋᐧᑯᑐᒋᐠ; ᑕᐦᑐ ᑳ ᓈᐯᐃᐧᒋᐠ ᐁ ᐯᔭᑯᐱᓯᒣᐧᒋᐠ ᐅᐦᒋ ᒥᓇ ᐊᔨᐋᐧᐠ ᑭ ᑲ ᐊᑭᒫᐊᐧᐠ. 16ᒧᓯᐢ ᒫᑲ ᑭ ᐊᑭᒣᐤ ᒣᐧᐦᒋ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ, ᑳ ᑭ ᐃᑕᓱᐋᐧᑎᐦᐟ. 17ᐁᐊᐧᑯᓂ ᒫᑲ ᐅᐦᐃ ᐅᑯᓯᓴ ᓬᐃᐸᐩ ᐁ ᐋᐃᓯᔨᐦᑳᓱᔨᐟ; ᑲᕒᓴᐣ, ᒥᓇ ᑳᐦᐋᐦᐟ, ᒥᓇ ᒣᕒᐊᕒᐊᐩ. 18ᐁᐊᐧᑯᓂ ᒫᑲ ᐅᐦᐃ ᐅ ᐃᐧᔪᐃᐧᓂᔨᐊᐧ ᐅᑯᓯᓴ ᑲᕒᓴᐣ ᐁ ᐋᐃᓯ ᐋᐧᑯᑐᔨᐟ; ᓬᐃᑊᓇᐩ ᒥᓇ ᓯᒥᐊᐩ. 19ᑳᐦᐋᐦᐟ ᒫᑲ ᐅᑯᓯᓴ ᐁ ᐋᐃᓯᔨᐦᑳᓱᔨᐟ; ᐋᒪᕒᐋᒼ ᒥᓇ ᐃᐢᐦᐋᕒ, ᐦᐁᐸᕒᐊᐣ, ᒥᓇ ᐊᓵᔨᓬ. 20ᒣᕒᐊᕒᐊᐩ ᒫᑲ ᐅᑯᓯᓴ ᐁ ᐋᐃᓯ ᐋᐧᑯᑐᔨᐟ; ᒫᓬᐊᐩ, ᒥᓇ ᒪᓴᐩ, ᐁᐊᐧᑯᓂᐠ ᐅᑭ ᐁ ᐃᓯ ᐋᐧᑯᑐᒋᐠ ᓬᐃᐸᐃᑕᐠ ᐁ ᐃᓯ ᐊᐧᐃᐧᑭᔨᐟ ᐅᑖᐃᐧᐋᐧᐊᐧ.
21ᑲᕒᓴᐣ ᑭ ᐅᐦᒋᐊᐧᐠ ᓬᐃᑊᓇᐃᑕᐠ ᐁ ᐃᓯ ᐋᐧᑯᑐᒋᐠ, ᒥᓇ ᓯᒥᐊᐃᑕᐠ ᐁ ᐃᓯ ᐋᐧᑯᑐᒋᐠ; ᐁᐊᐧᑯᓂᐠ ᐅᑭ ᐁ ᐃᓯ ᐋᐧᑯᑐᒋᐠ ᑲᕒᓴᓇᐃᑕᐠ. 22ᐊᓂᑭ ᑳ ᑭ ᐊᑭᒥᐦᒋᐠ ᐁᐊᐧᑯᓂᐠ, ᐁ ᐃᐦᑕᓯᒋᐠ ᑳ ᓈᐯᐃᐧᒋᐠ, ᐁ ᐯᔭᑯᐱᐳᓀᐧᒋᐠ ᐅᐦᒋ ᒥᓇ ᐊᔨᐋᐧᐠ, ᐊᓂᑭ ᐅᑎ ᐁ ᑭ ᐊᑭᒥᐦᒋᐠ, ᑌᐸᑯᐹᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᓂᔮᓇᓈᐧᐤ ᒥᑖᐦᑐᒥᑕᓇᐤ. 23ᐁ ᐋᐃᓯ ᐋᐧᑯᑐᒋᐠ ᑲᕒᓴᓇᐃᑕᐠ ᑭᑕ ᑲᐯᓯᐊᐧᐠ ᐊᐊᐧᓵᔨᕽ ᒥᑭᐋᐧᐱᕽ ᓀᑳᐯᐊᓄᕽ ᐃᑌᐦᑫ. 24ᐁᑯᓯ ᑳ ᐊᔮᒋᐠ ᑲᕒᓴᓇᐃᑕᐠ ᐅᑖᐃᐧᐋᐧᐊᐧ ᐃᐧᑭᔨᕽ ᑭᑕ ᐅᑭᒫᒥᐊᐧᐠ ᐃᓬᐋᔭᓵᑊ ᐅᑯᓯᓴ ᓬᐁᐃᓬ. 25ᐊᓂᒪ ᒫᑲ ᑫ ᐸᒥᓇᒧᐃᐦᒋᐠ ᐅᑯᓯᓴ ᑲᕒᓴᐣ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᐁᐊᐧᑯ ᐊᐸᑳᐧᓱᐣ, ᒥᓇ ᒥᑭᐋᐧᑊ ᑳ ᐅᐦᒋ ᐊᑲᐧᓇᐃᑳᑌᐠ, ᒥᓇ ᑳ ᑭᐯᑲᒣᐠ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ; 26ᒥᓇ ᐊᑯᒋᑲᓇ ᐱᐢᑭᑖᔭᐋᐧᕽ, ᒥᓇ ᑳ ᑭᐯᑲᒧᐠ ᐁ ᐃᐢᑳᐧᑌᒥᐊᐧᕽ ᑳ ᐱᐢᑭᑖᔭᐋᐧᐠ, ᒋᑭ ᒥᑭᐋᐧᐱᕽ ᑳ ᐊᔮᐠ, ᒥᓇ ᒋᑭ ᐸᑭᑎᓈᓱᐃᐧᓈᐱᐢᑯᕽ ᐋᐧᐢᑳ, ᒥᓇ ᑕᐦᑯᐱᒋᑲᓇ ᑲᐦᑭᔭᐤ ᐁ ᐊᔨᑖᐸᑕᑭ.
27ᑳᐦᐋᐦᐟ ᒫᑲ ᑭ ᐅᐦᒋᐊᐧᐠ ᐋᒪᕒᐋᒪᐃᑕᐠ ᐁ ᐃᓯ ᐋᐧᑯᑐᒋᐠ, ᒥᓇ ᐃᐢᐦᐋᕒᐊᐃᑕᐠ ᐁ ᐃᓯ ᐋᐧᑯᑐᒋᐠ, ᒥᓇ ᐦᐁᐸᕒᐊᓇᐃᑕᐠ ᐁ ᐃᓯ ᐋᐧᑯᑐᒋᐠ, ᒥᓇ ᐊᓵᔨᓬᐊᐃᑕᐠ ᐁ ᐃᓯ ᐋᐧᑯᑐᒋᐠ; ᐁᐊᐧᑯᓂᐠ ᐅᑭ ᐁ ᐃᓯ ᐋᐧᑯᑐᒋᐠ ᑳᐦᐋᐦᑕᐃᑕᐠ. 28ᐁ ᐃᐦᑕᓯᒋᐠ ᑲᐦᑭᔭᐤ ᑳ ᓈᐯᐃᐧᒋᐠ, ᐁ ᐯᔭᑯᐱᓯᒣᐧᒋᐠ ᐅᐦᒋ ᒥᓇ ᐊᔨᐋᐧᐠ, ᐊᔨᓈᓀᐋᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᑭ ᐃᑕᓯᐊᐧᐠ, ᐁ ᑲᓇᐁᐧᔨᑕᐦᑭᐠ ᑳ ᐃᓯ ᐸᒥᓇᒧᐃᐦᒋᐠ ᑲᓈᒋᑲᒥᑯᕽ. 29ᐁ ᐋᐃᓯ ᐋᐧᑯᑐᒋᐠ ᐅᑯᓯᓴ ᑳᐦᐋᐦᐟ ᑭᑕ ᑲᐯᓯᐊᐧᐠ ᓵᐊᐧᓄᑖᕽ ᐃᑌᐦᑫ ᒥᑭᐋᐧᐱᕽ. 30ᐁᑯᓯ ᑳ ᐊᔮᒋᐠ ᑳᐦᐋᐦᑕᐃᑕᐠ ᐅᑖᐃᐧᐋᐧᐊᐧ ᐃᐧᑭᔨᕽ ᐁ ᐋᐃᓯ ᐋᐧᑯᑐᒋᐠ ᑭᑕ ᐅᑭᒫᒥᐊᐧᐠ ᐃᓬᐊᐃᓴᐹᐣ ᐅᑯᓯᓴ ᐊᓵᔨᓬ. 31ᐃᐧᔭᐋᐧᐤ ᒫᑲ ᑭᑕ ᐸᒥᓇᒧᐋᐊᐧᐠ ᐊᓂᒪ ᑭᐢᑭᓇᐊᐧᒋᐅᐃᐧᓂᐊᐧᐟ, ᒥᓇ ᒥᒋᓱᐃᐧᓈᑎᐠ, ᒥᓇ ᐋᐧᓴᐢᑯᑌᓂᑲᓈᑎᐠ, ᒥᓇ ᐸᑭᑎᓈᓱᐃᐧᓈᐱᐢᑲᐧ, ᒥᓇ ᐊᓯᐊᐧᒋᑲᓇ ᑲᓈᒋᑲᒥᑯᕽ ᑳ ᐋᐸᑕᑭ, ᒥᓇ ᐋᑯᔦᑲᐦᐃᑲᐣ, ᒥᓇ ᑲᐦᑭᔭᐤ ᐁᐊᐧᑯᓂ ᐁ ᐃᓯ ᐸᒥᑖᕽ. 32ᐁᓬᐃᐁᓴᕒ ᒫᑲ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ ᑭᑕ ᐅᑭᒫᒥᐊᐧᐠ ᓬᐃᐸᐃᑕᐠ ᐅᑭᒫᒥᐋᐧᐊᐧ, ᒥᓇ ᑭᑕ ᓈᓈᑲᑕᐋᐧᐸᒣᐤ ᐊᓂᐦᐃ ᑳ ᐸᒥᑖᔨᐟ ᑲᓈᒋᑲᒥᐠ.
33ᒣᕒᐊᕒᐊᐩ ᑭ ᐅᐦᒋᐊᐧᐠ ᐁ ᐃᓯ ᐊᐧᑯᑐᒋᐠ ᒫᓬᐊᐃᑕᐠ, ᒥᓇ ᐁ ᐃᓯ ᐋᐧᑯᑐᒋᐠ ᒪᓴᐃᑕᐠ; ᐁᐊᐧᑯᓂᐠ ᐅᑭ ᐁ ᐃᓯ ᐋᐧᑯᑐᒋᐠ ᒣᕒᐊᕒᐊᐩ. 34ᐊᓂᒪ ᒫᑲ ᑳ ᑭ ᐊᑭᒥᐦᒋᐠ ᐁᐊᐧᑯᓂᐠ, ᐁ ᐃᐦᑕᓯᒋᐠ ᑲᐦᑭᔭᐤ ᑳ ᓈᐯᐃᐧᒋᐠ, ᐁ ᐯᔭᑯᐱᓯᒣᐧᒋᐠ ᐅᐦᒋ ᒥᓇ ᐊᔨᐋᐧᐠ, ᓂᑯᑖᐧᓵᐧᐤ ᑭᐦᒋ ᒥᑖᐦᑐᒥᑕᓇᐤ ᒥᓇ ᓂᓵᐧᐤ ᒥᑖᐦᑐᒥᑕᓇᐤ. 35ᐁᑯᓯ ᑳ ᐊᔮᒋᐠ ᒣᕒᐊᕒᐊᐩ ᐅᑖᐃᐧᐋᐧᐊᐧ ᐃᐧᑭᔨᕽ ᐁ ᐋᐃᓯ ᐋᐧᑯᑐᒋᐠ ᑭ ᐅᑭᒫᒥᐊᐧᐠ ᓱᕒᐃᔦᓬ ᐅᑯᓯᓴ ᐋᐱᐦᐁᓬ; ᐁᐊᐧᑯᓂᐠ ᑭᑕ ᑲᐯᓯᐊᐧᐠ ᑭᐁᐧᑎᓄᑖᕽ ᐃᑌᐦᑫ ᒥᑭᐋᐧᐱᕽ. 36ᐊᓂᒪ ᒫᑲ ᐅᑯᓯᓴ ᒣᕒᐊᕒᐊᐩ ᑳ ᐅᔭᑭᑕᒫᐦᒋᐠ ᑭᑕ ᐸᒥᑖᒋᐠ ᐁᐊᐧᑯᓂ ᓇᐸᑭᑕᑲᐧ ᒥᑭᐋᐧᐱᕽ, ᒥᓇ ᓯᑖᐧᐢᑯᐃᑲᓈᑎᑲᐧ, ᒥᓇ ᒋᒪᒋᑲᓇ, ᒥᓇ ᑖᐱᑎᑖᑲᓇ, ᒥᓇ ᑲᐦᑭᔭᐤ ᐁᑯᑕ ᐋᐸᒋᐦᒋᑲᓇ, ᒥᓇ ᑲᐦᑭᔭᐤ ᐁᐊᐧᑯᓂ ᐁ ᐃᓯ ᐸᒥᑖᕽ. 37ᒥᓇ ᒋᒪᒋᑲᓇ ᐊᓂᒪ ᐱᐢᑭᑖᔭᐃᐧᑲᒥᐠ ᐋᐧᐢᑳ, ᒥᓇ ᑖᐱᑎᑖᑲᓇ, ᒥᓇ ᒋᐢᑌᑲᐦᐃᑲᓇ ᒥᓇ ᒋᐢᑌᑲᐱᒋᓇ.
38ᐊᓂᑭ ᒫᑲ ᑫ ᑲᐯᓯᒋᐠ ᐅᐦᑎᐢᑲᐤ ᒥᑭᐋᐧᑊ ᐋᐧᐸᓄᑖᕽ, ᐅᐦᑎᐢᑲᐤ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᐁ ᓵᑳᐢᑌᐠ ᐃᑌᑫ, ᐁᐊᐧᑯᓂᐠ ᒧᓯᐢ ᒥᓇ ᐁᕒᐊᐣ ᒥᓇ ᐅᑯᓯᓴ, ᐁ ᑲᓇᐁᐧᔨᑕᐦᑭᐠ ᑭᑕ ᐃᓯ ᐸᒥᑖᕽ ᑲᓈᒋᑲᒥᐠ ᐁ ᐸᒥᑐᐋᐧᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᒫᓂᑌᐤ ᒫᑲ ᑭᓯᐋᐧᐠ ᐯ ᐃᑐᐦᑌᒋ ᑭᑕ ᓂᐸᐦᐋᐤ. 39ᑲᐦᑭᔭᐤ ᐊᓂᑭ ᓬᐃᐸᐃᑕᐠ ᑳ ᑭ ᐊᑭᒥᐦᒋᐠ, ᒧᓯᐢ ᒥᓇ ᐁᕒᐊᐣ ᑳ ᑭ ᐊᑭᒫᒋᐠ ᐁ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ ᐁ ᐋᐃᓯ ᐋᐧᑯᑐᒋᐠ, ᑲᐦᑭᔭᐤ ᑳ ᓈᐯᐃᐧᒋᐠ ᐁ ᐯᔭᑯᐱᓯᒣᐧᒋᐠ ᐅᐦᒋ ᒥᓇ ᐊᔨᐋᐧᐠ, ᓂᓯᑕᓇᐤ ᒥᓇ ᓂᓱ ᐊᔨᐋᐧᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ ᑭ ᐃᑕᓯᐊᐧᐠ.
40ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐊᑭᒥᐠ ᑲᐦᑭᔭᐤ ᓂᐢᑕᒧᓵᓇᐠ ᑳ ᓈᐯᐃᐧᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐯᔭᑯᐱᓯᒣᐧᒋᐠ ᐅᐦᒋ ᒥᓇ ᐊᔨᐋᐧᐠ, ᒥᓇ ᐅᑎᓇᒼ ᐁ ᐃᑖᐦᑎᓂᔨᑭ ᐅ ᐃᐧᔪᐃᐧᓂᐋᐧᐊᐧ. 41ᑭ ᑲ ᐅᑎᓈᐋᐧᐠ ᒫᑲ ᓬᐃᐸᐃᑕᐠ ᓂᔭ ᐅᐦᒋ (ᓂᔭ ᑳ ᑎᐯᔨᐦᒋᑫᔮᐣ) ᐁ ᒥᐢᑯᑎᐢᑲᒪᐋᐧᒋᐠ ᑲᐦᑭᔭᐤ ᓂᐢᑕᒧᓵᓇ ᑳ ᐊᔮᐋᐧᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᒥᓇ ᐅ ᒧᐢᑐᓱᒥᐋᐧᐊᐧ ᓬᐃᐸᐃᑕᐠ ᐁ ᒥᐢᑯᑎᐢᑲᒪᐊᐧᒋᐠ ᑳ ᓂᐢᑕᒥᓂᑖᐃᐧᑭᐋᔨᐟ ᐅ ᐱᓯᐢᑭᒥᐋᐧᐊᐧ ᐃᐢᕒᐁᐃᓬ ᐅᐟ ᐊᐋᓯᒥᓴ. 42ᒧᓯᐢ ᒫᑲ ᑭ ᐊᑭᒣᐤ ᐁ ᑭ ᐃᑕᓱᐋᐧᑎᑯᐟ ᑳ ᑎᐯᔨᐦᒋᑫᔨᐟ, ᑲᐦᑭᔭᐤ ᐅ ᓂᐢᑕᒧᓵᓂᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 43ᑲᐦᑭᔭᐤ ᒫᑲ ᓂᐢᑕᒧᓵᓇᐠ ᑳ ᓈᐯᐃᐧᒋᐠ, ᐁ ᐃᑕᑎᓂᔨᑭ ᐅ ᐃᐧᔪᐃᐧᓂᐋᐧᐊᐧ ᐁ ᐯᔭᑯᐱᓯᒣᐧᒋᐠ ᐅᐦᒋ ᒥᓇ ᐊᔨᐋᐧᐠ, ᐊᓂᑭ ᑳ ᑭ ᐊᑭᒥᐦᒋᐠ, ᓂᓯᑕᓇᐤ ᒥᓇ ᓂᓱ ᐊᔨᐋᐧᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ ᒥᓇ ᓂᓵᐧᐤ ᒥᑖᐦᑐᒥᑕᓇᐤ ᑌᐸᑯᐦᐳᒥᑕᓇᐤ ᓂᐢᑐ ᐊᔨᐊᐧᐠ.
44ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 45ᐅᑎᓂᐠ ᓬᐃᐸᐃᑕᐠ ᑭᑕ ᒥᐢᑯᑎᐢᑲᒪᐋᐧᒋᐠ ᑲᐦᑭᔭᐤ ᐅ ᓂᐢᑕᒧᓵᓂᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐅ ᐱᓯᐢᑭᒥᐋᐧᐊᐧ ᓬᐃᐸᐃᑕᐠ ᑭᑕ ᒥᐢᑯᑎᐢᑲᒪᐋᐧᔨᐟ ᐅ ᐱᓯᐢᑭᒥᔨᐊᐧ; ᐁᑯᓯ ᓬᐃᐸᐃᑕᐠ ᓂᔭ ᓂ ᑲ ᐊᔮᐋᐧᐊᐧᐠ; ᓂᔭ ᑳ ᑎᐯᔨᐦᒋᑫᔮᐣ. 46ᐁᑯᓯ ᑭᑕ ᑎᐸᐦᐃᑫᐢᑕᒫᐦᒋᐠ ᐊᓂᑭ ᓂᓵᐧᐤ ᒥᑖᐦᑐᒥᑕᓇᐤ ᑌᐸᑯᐳᒥᑕᓇᐤ ᒥᓇ ᓂᐢᑐ ᐊᔨᐋᐧᐠ ᐅ ᓂᐢᑕᒧᓵᓂᐋᐧᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᔨᐋᐧᐠ ᑳ ᐃᐦᑕᓯᒋᐠ ᐁ ᐃᐦᑕᓯᔨᐟ ᓬᐃᐸᐃᑕ. 47ᑭ ᑲ ᐅᑎᓂᒫᐊᐧ ᓈᓂᔮᓇᐣ ᓭᑭᓬᐊ ᐁ ᐃᑕᑭᒋᑳᓱᒋᐠ; ᑳ ᐃᑕᑭᒥᐦᐟ ᓭᑭᓬ ᑲᓈᒋᑲᒥᑯᕽ ᑭ ᑲ ᐃᓯ ᐅᑎᓈᐊᐧᐠ (ᐯᔭᐠ ᓭᑭᓬ ᐁᐊᐧᑳᐧᓂᒪ ᓂᓯᑕᓇᐤ ᑭᕒᐊ); 48ᐁᑯᓯ ᐊᓂᐦᐃ ᓱᓂᔮᐊᐧ ᑳ ᐃᓯ ᑎᐸᐅᐦᒋᐠ ᐊᓂᑭ ᐊᔨᐋᐧᐠ ᑳ ᐃᐦᑕᓯᒋᐠ ᑭ ᑲ ᒥᔮᐊᐧᐠ ᐁᕒᐊᐣ ᒥᓇ ᐅᑯᓯᓴ. 49ᒧᓯᐢ ᒫᑲ ᑭ ᐅᑎᓀᐤ ᐊᓂᐦᐃ ᑎᐸᐦᐃᑫᐢᑕᒫᑫᐃᐧ ᓱᓂᔮᐊᐧ, ᐊᓂᑭ ᐅᐦᒋ ᐊᔨᐋᐧᐠ ᑳ ᑭ ᐃᐦᑕᓯᒋᐠ ᐊᓂᐦᐃ ᑳ ᑭ ᑎᐸᐦᐃᑫᐢᑕᒫᑯᔨᐟ ᓬᐃᐸᐃᑕ. 50ᐅ ᓂᐢᑕᒧᓵᓂᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐅᐦᒋ ᐅᑎᓀᐤ ᐊᓂᐦᐃ ᓱᓂᔮᐊᐧ; ᑭᐦᒋᒥᑖᐦᑐᒥᑕᓇᐤ ᓂᐢᑖᐧᐤ ᒥᑖᐦᑐᒥᑕᓇᐤ ᒥᓇ ᓂᑯᑖᐧᓱᒥᑕᓇᐤ ᓂᔮᓇᐣ ᐊᔨᐊᐧᐠ ᓭᑭᓬᐊ, ᐁ ᐃᑕᑭᒥᐦᐟ ᓭᑭᓬ ᑲᓈᒋᑲᒥᑯᕽ; 51ᒧᓯᐢ ᒫᑲ ᑭ ᒥᔦᐤ ᐁᕒᐊᓇ ᒥᓇ ᐅᑯᓯᓯᔨᐊᐧ ᐊᓂᐦᐃ ᑎᐸᐦᐃᑫᐢᑕᒫᑫᐃᐧ ᓱᓂᔮᐊᐧ, ᐁ ᐃᑕᐢᑌᔨᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᑳ ᑭ ᐃᑕᓱᐋᑖᐟ ᒧᓯᓴ ᑳ ᑎᐯᔨᐦᒋᑫᐟ.
നിലവിൽ തിരഞ്ഞെടുത്തിരിക്കുന്നു:
ᓇᒼᐸᕒᐢ 3: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.