ᓬᐃᐱᑎᑲᐢ 27
27
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐃᓯᐠ, ᑭᐢᐱᐣ ᐊᔨᓯᔨᓂᐤ ᑎᐱᑐᑕᑭ ᑭᐦᒋᐃᑌᐧᐃᐧᐣ ᑭᔭ ᑭ ᑲ ᐅᔭᑭᑌᐣ ᐃᔨᑯᕽ ᑭᑕ ᐸᑭᑎᓇᒪᐋᐧᒋᐠ ᑳ ᑎᐯᔨᐦᒋᑫᔨᐟ. 3ᐁᑯᓯ ᑭ ᑲ ᐃᑕᑭᒫᐤ ᓈᐯᐤ ᓂᓯᑕᓇᐤ ᐁ ᐃᑕᐦᑐ ᐱᐳᓀᐧᐟ ᐃᐢᑯ ᓂᑯᑖᐧᓱᒥᑕᓇᐤ ᐁ ᐃᑕᐦᑐ ᐱᐳᓀᐧᐟ ᑭ ᑲ ᐃᑕᑭᑕᒪᐋᐧᐤ ᓂᔮᓇᓄᒥᑕᓇᐤ ᑕᐦᑐ ᓭᑭᓬ ᐋᐧᐱᐢᑭᓱᓂᔮᐤ ᐁ ᐃᑕᑭᒋᑳᑌᐠ ᓭᑭᓬ ᑲᓈᒋᑲᒥᑯᕽ. 4ᑭᐢᐱᐣ ᒫᑲ ᐃᐢᑫᐧᐤ ᑭ ᑲ ᐃᑕᑭᑕᒪᐋᐧᐤ ᓂᐢᑐᒥᑕᓇᐤ ᓭᑭᓬᐊ. 5ᑭᐢᐱᐣ ᒫᑲ ᐁ ᓂᔭᓇᓄᐱᐳᓀᐧᐟ ᐃᐢᑯ ᓂᓯᑕᓇᐤ ᐁ ᐃᑕᐦᑐ ᐱᐳᓀᐧᐟ ᐁᑲᐧ ᑭ ᑲ ᐃᑕᑭᒫᐤ ᑳ ᓈᐯᐃᐧᐟ ᓂᔮᓇᐣ ᓭᑭᓬᐊ ᐋᐧᐱᐢᑭᓱᓂᔮᐤ, ᒥᓇ ᐃᐢᑫᐧᐤ ᑭ ᑲ ᐃᑕᑭᒫᐤ ᓂᐢᑐ ᓭᑭᓬᐊ ᐋᐧᐱᐢᑭᓱᓂᔮᐊᐧ. 6ᑭᐢᐱᐣ ᒫᑲ ᐁ ᐯᔭᑯᐱᓯᒣᐧᐟ ᐃᐢᑯ ᐁ ᓂᔮᓇᓄᐱᐳᓀᐧᐟ, ᐁᑲᐧ ᑭ ᑲ ᐃᑕᑭᒫᐤ ᓈᐯᐤ ᓂᔮᓇᐣ ᓭᑭᓬᐊ ᐋᐧᐱᐢᑭᓱᓂᔮᐊᐧ ᒥᓇ ᐃᐢᑫᐧᐤ ᑭ ᑲ ᐃᑕᑭᒫᐤ ᓂᐢᑐ ᓭᑭᓬᐊ ᐋᐧᐱᐢᑭᓱᓂᔮᐊᐧ. 7ᑭᐢᐱᐣ ᒫᑲ ᓂᑯᑖᐧᓱᒥᑕᓇᐤ ᐁ ᐃᑕᐦᑐᐱᐳᓀᐧᐟ ᐊᐦᐳ ᐊᔨᐋᐧᐠ; ᑭᐢᐱᐣ ᓈᐯᐤ, ᐁᑲᐧ ᑭ ᑲ ᐃᑕᑭᒫᐤ ᒥᑖᑕᐦᐟ ᓂᔮᓇᓄᓴᑊ ᓭᑭᓬᐊ, ᐃᐢᑫᐧᐤ ᒫᑲ ᒥᑖᑕᐦᐟ ᓭᑭᓬᐊ. 8ᒫᑲ ᑭᐢᐱᐣ ᐊᔨᐋᐧᐠ ᑭᑎᒪᑭᓯᒋ ᐃᔨᑯᕽ ᐊᓂᒪ ᑳ ᐃᑕᑭᒋᑫᔭᐣ, ᐁᑲᐧ ᑭᑕ ᐅᑎᐢᑲᐃᐧᐢᑲᐁᐧᐤ ᐊᔭᒥᐦᐁᐃᐧᔨᓂᐊᐧ, ᐊᔭᒥᐦᐁᐃᐧᔨᓂᐊᐧ ᒫᑲ ᑭᑕ ᐅᔭᑭᒥᐠ; ᐃᔨᑯᕽ ᐁ ᐃᓯ ᑲᐢᑭᑖᐟ ᐊᓇ ᑳ ᑭ ᑭᐦᒋᐃᑌᐧᐟ ᑭᑕ ᐃᑕᑭᒥᐠ ᐊᔭᒥᐦᐁᐃᐧᔨᓂᐊᐧ.
9ᑭᐢᐱᐣ ᒫᑲ ᐱᓯᐢᑭᐤ ᑐᐊᐧ ᐅᐦᒋ ᐊᔨᓯᔨᓂᐊᐧᐠ ᑳ ᐸᑭᑎᓇᒪᐋᐧᒋᐠ ᐸᑭᑎᓂᑫᐃᐧᐣ ᑳ ᑎᐯᔨᐦᒋᑫᐟ, ᑲᐦᑭᔭᐤ ᐁᑯᑐᐊᐧ ᐱᑳᐧᓇ ᐊᔨᓯᔨᓂᐤ ᐁ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ ᑭᑕ ᑲᓈᑎᓯᔨᐊᐧ. 10ᓇᒪᐃᐧᔭ ᑭᑕ ᐋᐦᒋᐁᐤ ᐊᐦᐳ ᑭᑕ ᒥᐢᑯᑐᓀᐤ, ᐁ ᒥᔪᓯᔨᐟ ᒥᐢᑯᐨ ᐁ ᒫᔮᑎᓯᔨᐟ, ᐊᐦᐳ ᐁ ᒫᔮᑎᓯᔨᐟ ᒥᐢᑯᐨ ᐁ ᒥᔪᓯᔨᐟ; ᑭᐢᐱᐣ ᒫᑲ ᓈᐣᑕᐤ ᐃᓯ ᒥᐢᑯᑐᓈᒋ ᐱᓯᐢᑭᐊᐧ, ᑖᐱᐢᑯᐨ ᑭᑕ ᑲᓈᑎᓯᐊᐧᐠ ᐊᓇ ᑳ ᒥᐢᑯᒋᐸᑭᑎᓂᐦᐟ ᒥᓇ ᐊᓇ ᑳ ᐅᐦᒋ ᒥᐢᑯᒋᐸᑭᑎᓂᐦᐟ. 11ᑭᐢᐱᐣ ᒫᑲ ᓈᐣᑕᐤ ᐁᑳ ᐁ ᐯᑭᓯᔨᐟ ᐱᓯᐢᑭᐊᐧ ᐁᑳ ᐁᑯᑐᐊᐧ ᑳ ᐸᑭᑎᓂᑫᐢᑕᐋᐧᒋᐠ ᑳ ᑎᐯᔨᐦᒋᑫᔨᐟ ᑭᑕ ᐋᐧᐸᐦᑕᐦᐁᐤ ᐊᔭᒥᐦᐁᐃᐧᔨᓂᐊᐧ ᐊᓂᐦᐃ ᐱᓯᐢᑭᐊᐧ. 12ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐅᔭᑭᒣᐤ ᑭᐢᐱᐣ ᐁ ᒥᔪᓯᔨᐟ ᐊᐦᐳ ᐁ ᒫᔮᑎᓯᔨᐟ; ᐊᔭᒥᐦᐁᐃᐧᔨᓂᐤ ᒫᑲ ᐁ ᐃᑕᑭᒫᐟ ᐁᑯᓯ ᑫ ᐃᑕᑭᒋᑳᓱᐟ. 13ᒫᑲ ᑭᐢᐱᐣ ᐃᐧ ᑎᐸᐋᐧᒋ ᐯᔭᐠ ᐁ ᑭ ᓂᔮᓇᓄᑖᕽ ᐃᔨᑯᕽ ᑭᑕ ᑕᑯ ᐊᐢᑖᐤ ᐃᔨᑯᕽ ᑳ ᑭ ᐃᑕᑭᒥᒪᐟ.
14ᑭᐢᐱᐣ ᒫᑲ ᐊᔨᓯᔨᓂᐤ ᐃᐧ ᑲᓈᒋᐦᑖᒋ ᐅ ᐋᐧᐢᑳᐦᐃᑲᐣ ᑭᑕ ᑲᓈᑕᓂᔨᐠ ᑳ ᑎᐯᔨᐦᒋᑫᐟ ᐃᓯ, ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᐅᔭᑭᐦᑕᒼ ᑭᐢᐱᐣ ᐁ ᒥᔮᐧᓯᓂᔨᐠ ᐊᐦᐳ ᐁ ᒫᔮᑕᓂᔨᐠ; ᐊᔭᒥᐦᐁᐃᐧᔨᓂᐤ ᒫᑲ ᐁ ᐃᑕᑭᑕᕽ ᐁᑯᓯ ᑫ ᐃᑕᐢᑌᐠ. 15ᑭᐢᐱᐣ ᒫᑲ ᐊᓇ ᑳ ᑲᓈᒋᐦᑖᐟ ᐃᐧ ᑎᐸᐦᐃᑫᐢᑕᒪᐋᐧᑕᑭ ᐅ ᐋᐧᐢᑳᐦᐃᑲᐣ, ᐁᑲᐧ ᑭᑕ ᑕᑯ ᐊᐢᑖᐤ ᐯᔭᐠ ᐁ ᑭ ᓂᔮᓇᓄᑖᕽ ᐃᔨᑯᕽ ᓱᓂᔮᐤ ᑳ ᑭ ᐃᑕᑭᑕᒪᐣ, ᐁᑯᓯ ᐃᐧᔭ ᑭᑕ ᑎᐯᔨᐦᑕᒼ.
16ᑭᐢᐱᐣ ᒫᑲ ᐊᔨᓯᔨᓂᐤ ᐃᐧ ᑲᓈᒋᑕᒪᐋᐧᒋ ᑳ ᑎᐯᔨᐦᒋᑫᔨᐟ ᐸᐦᑭ ᐊᓂᒪ ᐅ ᑭᐢᑎᑳᐣ ᑳ ᑎᐯᔨᐦᑕᕽ, ᐁᓯ ᐸᑭᑎᓂᑫᕽ ᐁᑯᓯ ᑫ ᐃᑕᑭᑕᒪᐣ; ᐃᔨᑯᕽ ᑭᑕ ᑭ ᑭᐢᑎᑫᕽ ᐯᔭᐠ ᐦᐋᒪᕒ ᓂᔮᓇᓄᒥᑕᓇᐤ ᓭᑭᓬᐊ ᐋᐧᐱᐢᑭᓱᓂᔮᐤ ᑭᑕ ᐃᑕᑭᑌᐤ. 17ᑭᐢᐱᐣ ᑲᓈᒋᐦᑖᒋ ᐅ ᑭᐢᑎᑳᐣ ᐁ ᔪᐱᓬᐃ ᐊᐢᑭᐊᐧᕽ ᐅᐦᒋ, ᐊᓂᒪ ᐁ ᐃᑕᑭᑕᒪᐣ ᑭᑕ ᐃᑕᐢᑌᐤ. 18ᒫᑲ ᑭᐢᐱᐣ ᑲᓈᒋᐦᑖᒋ ᐅ ᑭᐢᑎᑳᐣ ᒣᐧᐢᑕᐢ ᐃᔨᑯᕽ ᐊᓂᒪ ᐁ ᔪᐱᓬᐃ ᐊᐢᑭᐊᐧᕽ, ᐁᑲᐧ ᐊᔭᒥᐦᐁᐃᐧᔨᓂᐊᐧ ᑭᑕ ᐊᑭᐦᑕᒫᐠ ᓱᓂᔮᐊᐧ ᐁ ᐊᑭᐦᑕᐠ ᑕᐦᑐ ᐊᐢᑭ ᑫᔮᐱᐨ ᐁ ᐊᐢᑌᐠ ᐃᔨᑯᕽ ᑭᑕ ᐅᑎᐦᒋᐸᔨ ᔪᐱᓬᐃ ᐊᐢᑭᐊᐧᕽ, ᐁᑯᓯ ᑭᑕ ᐊᒋᐊᐧᑭᑌᐤ ᐊᓂᒪ ᑳ ᐃᑕᑭᑕᒪᐣ. 19ᑭᐢᐱᐣ ᒫᑲ ᐊᓇ ᑳ ᑲᓈᒋᐦᑖᐟ ᑭᐢᑎᑳᐣ ᑖᐯᐧ ᐃᐧ ᑎᐸᐦᐃᑫᐢᑕᒪᐋᐧᑕᑭ, ᐁᑲᐧ ᑭᑕ ᑕᑯ ᐊᐢᑖᐤ ᐯᔭᐠ ᐁ ᑭ ᓂᔮᓇᓄᑖᕽ ᐃᔨᑯᕽ ᓱᓂᔮᐤ ᑳ ᑭ ᐃᑕᑭᑕᒪᐣ, ᐁᑯᓯ ᑭᑕ ᐋᔮᑕᐢᑕᒪᐋᐧᐤ. 20ᑭᐢᐱᐣ ᒫᑲ ᐁᑳ ᐃᐧ ᑎᐸᐦᐃᑫᐢᑕᒪᐋᐧᑕᑭ ᐊᓂᒪ ᑭᐢᑎᑳᐣ, ᐊᐦᐳ ᑭᐢᐱᐣ ᑯᑕᑲ ᐊᔨᓯᔨᓂᐊᐧ ᑳ ᐊᑖᒥᑯᑫᐧ ᐊᓂᒪ ᑭᐢᑎᑳᐣ, ᓇᒪᐃᐧᔭ ᒥᓇ ᑭᑕ ᑎᐸᐦᐃᑫᐢᑕᒪᐋᐧᒋᑳᑌᐤ. 21ᒫᑲ ᐊᓂᒪ ᑭᐢᑎᑳᐣ ᐃᐢᐱ ᐋᐧᔭᐃᐧᒪᑲᐦᑭ ᔪᐱᓬᐃ ᐅᑎᐦᒋᐸᔨᑭ, ᑭᑕ ᑲᓈᑕᐣ ᑳ ᑎᐯᔨᐦᒋᑫᐟ ᐃᓯ, ᑖᐱᐢᑯᐨ ᑭᐢᑎᑳᐣ ᐁ ᐸᑭᑎᓂᑳᑌᐠ; ᐊᔭᒥᐦᐁᐃᐧᔨᓂᐤ ᑭᑕ ᑎᐯᔨᐦᑕᒼ. 22ᑭᐢᐱᐣ ᒫᑲ ᑲᓈᒋᑕᒪᐋᐧᒋ ᑳ ᑎᐯᔨᐦᒋᑫᔨᐟ ᑭᐢᑎᑲᐣ ᐁ ᑭ ᐊᑖᐁᐧᐟ, ᐁᑳ ᑲᔭᐦᑌ ᐁ ᑭ ᑎᐯᔨᐦᑕᕽ; 23ᐁᑲᐧ ᐊᔭᒥᐦᐁᐃᐧᔨᓂᐊᐧ ᑭᑕ ᐊᑭᐦᑕᒫᐠ ᐃᔨᑯᕽ ᐁ ᐃᑕᑭᑕᒪᐣ ᐃᐢᑯ ᐁ ᔪᐱᓬᐃ ᐊᐢᑭᐊᐧᕽ; ᐁᑯᓯ ᑭᑕ ᒣᑭᐤ ᑳ ᐃᑕᑭᑕᒪᐣ ᐁᐊᐧᑯ ᐁ ᑭᓯᑳᐠ, ᑲᓈᒋ ᑫᑲᐧᐩ ᐁ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ. 24ᔪᐱᓬᐃ ᐊᐢᑭᐊᐧᑭ ᒫᑲ ᑭᑕ ᑭᐁᐧᑐᑖᐠ ᐊᓇ ᑳ ᑭ ᐊᑖᒥᐦᐟ, ᐊᓇ ᐅᑎ ᑳ ᐊᔮᐟ ᑎᐱᔭᐁᐧᐃᐧᓯᐃᐧᐣ ᐁᐊᐧᑳᐧᓂᒪ ᐊᐢᑭ. 25ᑲᐦᑭᔭᐤ ᒫᑲ ᐁ ᐃᑕᑭᒋᑫᔭᐣ ᑭ ᑲ ᐋᐸᒋᐦᑖᐣ ᓭᑭᓬ ᑲᓈᒋᑲᒥᑯᕽ; ᓂᓯᑕᓇᐤ ᑭᕒᐊ ᐁᐊᐧᑳᐧᓂᒪ ᐯᔭᐠ ᓭᑭᓬ.
26ᐱᑯ ᓂᐢᑕᒼ ᐅ ᓂᐦᑖᐃᐧᑭᐦᐋᑲᓇ ᐱᓯᐢᑭᐤ ᑳ ᑎᐯᔨᐦᒋᑫᐟ ᑫ ᐊᔮᐊᐧᐟ, ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᓈᒋᐁᐤ; ᑭᐢᐱᐣ ᔮᐯᒧᐢᑐᐢ ᐊᐦᐳ ᒫᔭᑎᕽ, ᐁᐊᐧᑯᓂ ᑳ ᑎᐯᔨᐦᒋᑫᐟ ᐅᐟ ᐊᔮᓇ. 27ᑭᐢᐱᐣ ᒫᑲ ᐁᑳ ᑳ ᐯᑭᓯᐟ ᐱᓯᐢᑭᐤ, ᐁᑲᐧ ᑭᑕ ᑎᐸᐁᐧᐤ ᐃᔨᑯᕽ ᐁ ᐃᑕᑭᒪᐟ, ᒥᓇ ᑭᑕ ᑕᑯ ᐊᐢᑖᐤ ᐯᔭᐠ ᐁ ᑭ ᓂᔮᓇᓄᑖᕽ; ᑭᐢᐱᐣ ᒫᑲ ᐁᑳ ᑎᐸᐦᐅᐦᒋ ᑭᑕ ᐊᑖᐋᐧᑳᓂᐊᐧᐣ ᐃᔨᑯᕽ ᐁ ᐃᑕᑭᒪᐟ.
28 #
ᓇᒼᐸᕒᐢ 18:14
ᐁᔨᐁᐧᕽ ᒫᑲ ᓇᒪᐃᐧᔭ ᑫᑲᐧᐩ ᑳ ᐸᑭᑎᓂᑫᐟ ᑳ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ ᑲᐦᑭᔭᐤ ᐊᓂᒪ ᑳ ᐊᔮᐟ, ᑭᐢᐱᐣ ᐊᔨᓯᔨᓂᐊᐧ ᐅᐦᒋ ᐊᐦᐳ ᐱᓯᐢᑭᐊᐧ ᐅᐦᒋ, ᐊᐦᐳ ᑭᐢᑎᑳᐣ ᑳ ᑎᐱᔭᐁᐧᐃᐧᓯᐟ, ᑭᑕ ᐊᑖᐋᐧᑳᓂᐊᐧᐣ ᐊᐦᐳ ᑭᑕ ᑎᐸᐦᐃᑫᐢᑕᒪᐋᐧᒋᑳᑌᐤ; ᑲᐦᑭᔭᐤ ᑫᑲᐧᐩ ᑳ ᐸᑭᑎᓈᓱᓈᓂᐊᐧᕽ ᐊᔨᐋᐧᐠ ᑲᓈᑕᐣ ᑳ ᑎᐯᔨᐦᒋᑫᐟ ᐃᓯ. 29ᓇᒪᐃᐧᔭ ᐊᐃᐧᔭᐠ ᑳ ᐸᑭᑎᓂᐦᐟ, ᐊᔨᓯᔨᓂᐊᐧᐠ ᑳ ᐸᑭᑎᓈᒋᐠ, ᑭᑕ ᑎᐸᐋᐤ, ᒫᑲ ᑫᐦᒋᓇ ᑭᑕ ᓂᐸᐦᐋᐤ.
30 #
ᓇᒼᐸᕒᐢ 18:21; ᑎᔪᑕᕒᐊᓇᒥ 14:22-29 ᒥᓇ ᐊᓂᒪ ᐯᔭᐠ ᐁ ᑭ ᒥᑖᑕᐦᑐᑖᕽ ᐊᐢᑭᕽ ᑳ ᐅᐦᒋᐠ, ᑭᐢᐱᐣ ᑭᐢᑎᑳᐣ ᐊᐦᐳ ᐁ ᒥᓂᓯᐃᐧᐟ ᒥᐢᑎᐠ, ᑳ ᑎᐯᔨᐦᒋᑫᐟ ᐅᐟ ᐊᔮᐣ; ᑲᓈᑕᐣ ᑳ ᑎᐯᔨᐦᒋᑫᐟ ᐃᓯ. 31ᑭᐢᐱᐣ ᒫᑲ ᐊᔨᓯᔨᓂᐤ ᐃᐧ ᒫᒪᐃᐧ ᑎᐸᐊᑭ ᐊᓂᒪ ᐯᔭᐠ ᒥᑖᑕᐦᐟ ᐅᐦᒋ ᑳ ᐃᑕᑭᑕᒫᐦ, ᑭᑕ ᑕᑯ ᐊᐢᑖᐤ ᐯᔭᐠ ᐁ ᑭ ᓂᔮᓇᓄᑖᕽ. 32ᒥᓇ ᑲᐦᑭᔭᐤ ᐊᓂᒪ ᐯᔭᐠ ᒥᑖᑕᐦᐟ ᐅᐦᒋ ᐊᐊᐧᑳᓇᐠ ᐊᐦᐳ ᒫᔭᑎᐦᑲᐧ ᑕᐦᑐ ᑳ ᓯᐹᓯᒋᐠ ᑭᐢᑭᓇᐋᐧᑖᐢᑯᐃᑲᓂᕽ, ᐯᔭᐠ ᒥᑖᑕᐦᐟ ᐅᐦᒋ ᑭᑕ ᑲᓈᑎᓯᐤ ᑳ ᑎᐯᔨᐦᒋᑫᐟ ᐃᓯ. 33ᓇᒪᐃᐧᔭ ᑭᑕ ᓇᑕᐋᐧᐯᓂᑫᐤ ᑭᐢᐱᐣ ᐁ ᒥᔪᓯᔨᐟ ᐊᐦᐳ ᐁ ᒫᔮᑎᓯᔨᐟ, ᓇᒪᐃᐧᔭ ᒥᓇ ᑭᑕ ᒥᐢᑯᑐᓀᐤ; ᑭᐢᐱᐣ ᒫᑲ ᒥᐢᑯᑐᓈᒋ ᐊᓂᐦᐃ ᑳ ᒥᐢᑯᑐᓈᐟ ᒥᓇ ᐊᓂᐦᐃ ᑳ ᐅᐦᒋ ᒥᐢᑯᑐᓈᐟ ᑭᑕ ᑲᓈᑎᓯᐊᐧᐠ; ᓇᒪᐃᐧᔭ ᑭᑕ ᑎᐸᐋᐧᐤ.
34ᐁᐊᐧᑯᓂ ᐅᐦᐃ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ ᐊᓂᑕ ᓴᐃᓇᐩ ᐊᐧᒋᕽ.
നിലവിൽ തിരഞ്ഞെടുത്തിരിക്കുന്നു:
ᓬᐃᐱᑎᑲᐢ 27: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.