ᓬᐃᐱᑎᑲᐢ 23
23
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᒥᓯ ᐃᓯᐠ, ᐊᓂᐦᐃ ᑳ ᐅᔭᑭᑕᕽ ᑭᑕ ᐃᐧᐦᑯᑫᐢᑖᐦᐟ ᑳ ᑎᐯᔨᐦᒋᑫᐟ, ᑫ ᑌᐹᐧᑕᒣᐠ ᑭᑕ ᑲᓈᒋ ᒫᐊᐧᒋᐦᐃᑐᕽ, ᐁᐊᐧᑯᓂ ᑳ ᐅᔭᑭᑕᒫᐣ ᐃᐧᑯᑫᐃᐧᓇ. 3#ᐁᐠᓴᑕᐢ 20:8-10; 23:12; 31:15; 34:21; 35:2; ᑎᔪᑕᕒᐊᓇᒥ 5:12-14ᓂᑯᑖᐧᓱᑭᓯᑳᐤ ᐊᑐᐢᑫᐃᐧᐣ ᑭᑕ ᐃᑐᒋᑳᑌᐤ, ᒫᑲ ᑌᐸᑯᑊ ᐁ ᑕᐦᑐ ᑭᓯᑳᐠ ᐁᐊᐧᑯ ᐊᓂᒪ ᐊᔦᐧᐱᐃᐧᐣ ᐁ ᐊᔮᑳᐧᒣᔨᑖᑲᐧᕽ ᐊᔦᐧᐱᐃᐧᐣ, ᑲᓈᒋ ᒫᐊᐧᒋᐦᐃᑐᐃᐧᐣ; ᓇᒪᐃᐧᔭ ᓈᐣᑕᐤ ᐊᑐᐢᑫᐃᐧ ᑭ ᑲ ᐃᑐᑌᓈᐋᐧᐤ; ᐁᐊᐧᑯ ᐊᓂᒪ ᐁ ᐊᔦᐧᐱᐢᑖᐦᐟ ᑳ ᑎᐯᔨᐦᒋᑫᐟ ᑲᐦᑭᔭᐤ ᑭᑭᐋᐧᕽ.
4ᐁᐊᐧᑯᓂ ᐅᐦᐃ ᑳ ᑭ ᐅᔭᑭᑕᕽ ᑭᑕ ᐃᐧᑯᑫᐢᑖᐦᐟ ᑳ ᑎᐯᔨᐦᒋᑫᐟ, ᑲᓇᒋ ᒫᐊᐧᒋᐦᐃᑐᐃᐧᓇ ᐅᑎ, ᑫ ᑌᐸᐧᑕᒣᐠ ᐃᑕ ᐁᐧᑎᐦᒋᐸᔨᑳᐧᐃᐧ. 5#ᐁᐠᓴᑕᐢ 12:1-13; ᑎᔪᑕᕒᐊᓇᒥ 16:1,2ᓂᐢᑕᒼ ᐱᓯᒼ, ᒥᑖᑕᐦᐟ ᓀᐅᓴᑊ ᐁ ᐃᑕᑭᒥᐦᐟ ᐱᓯᒼ ᐁ ᐅᑖᑯᓯᐠ, ᐁᐊᐧᑯ ᑳ ᑎᐯᔨᐦᒋᑫᐟ ᐅ ᒪᔮᐢᑳᑫᐃᐧᐣ. 6#ᐁᐠᓴᑕᐢ 12:14-20; 23:15; 34:18; ᑎᔪᑕᕒᐊᓇᒥ 16:3-8ᒥᑖᑕᐦᐟ ᓂᔮᓇᓄᓵᑊ ᒫᑲ ᐁ ᐃᑕᑭᒥᐦᐟ ᐁᐊᐧᑯ ᐱᓯᒼ ᐁᐊᐧᑳᐧᓂᒪ ᐁ ᐃᐧᑯᑫᐢᑖᐦᐟ ᑳ ᑎᐯᔨᐦᒋᑫᐟ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ; ᑌᐸᑯᑊ ᑭᓯᑳᐤ ᑭ ᑲ ᒧᐋᐧᐋᐧᐤ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ. 7ᓂᐢᑕᒼ ᐁ ᑭᓯᑳᐠ ᑭ ᑲ ᐊᔮᓈᐋᐧᐤ ᑲᓈᒋ ᒫᐊᐧᒋᐦᐃᑐᐃᐧᐣ; ᓇᒪᐃᐧᔭ ᓈᐣᑕᐤ ᐱᑯᓇᑕ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ ᐁᑯᑕ. 8ᒫᑲ ᐸᑭᑎᓈᓱᐃᐧᐣ ᑭ ᑲ ᐸᑭᑎᓇᒪᐋᐧᐋᐧᐤ ᑳ ᑎᐯᔨᐦᒋᑫᐟ ᐃᐢᑯᑌᐤ ᐅᐦᒋ ᑌᐸᑯᑊ ᑭᓯᑳᐤ; ᐊᑎ ᑌᐸᑯᑊ ᑕᐦᑐ ᑭᓯᑳᑭ ᐁᐊᐧᑯ ᑲᓈᒋ ᒫᐊᐧᒋᐦᐃᑐᐃᐧᐣ; ᓇᒪᐃᐧᔭ ᑭ ᑲ ᐃᑐᑌᓈᐋᐧᐤ ᓈᐣᑕᐤ ᐱᑯᓇᑕ ᐊᑐᐢᑫᐃᐧᐣ.
9ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 10ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐅᒥᓯ ᑭ ᑲ ᐃᑖᐊᐧᐠ, ᐃᐢᐱ ᐅᑎᑕᒣᑯ ᐊᓂᒪ ᐊᐢᑭ ᑳ ᒥᔨᑕᑯᐠ ᒪᓇ ᒪᓂᓯᑫᔦᑯ ᑫ ᐅᐦᐱᑭᕽ ᐁᑯᑕ, ᐁᑲᐧ ᑭ ᑲ ᐯ ᒥᔮᐋᐧᐤ ᐊᔭᒥᐦᐁᐃᐧᔨᓂᐤ ᐊᓴᐱᒋᑲᐣ ᑳ ᓂᐢᑕᒥᑭᑭ ᑭ ᑭᐢᑎᑳᓇ. 11ᑭᑕ ᐁᐧᐊᐧᒋᐸᔨᑖᐤ ᒫᑲ ᐊᓂᒪ ᐊᓴᐱᒋᑲᐣ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᑭᑕ ᐅᑎᓇᒫᑲᐃᐧᔦᐠ, ᐊᓂᒪ ᐁ ᐊᑎ ᐋᐧᐸᕽ ᐁ ᑭ ᐊᔦᐧᐱᐃᐧᑭᓯᑳᐠ ᐊᔭᒥᐦᐁᐃᐧᔨᓂᐤ ᑭᑕ ᐁᐧᐋᐧᒋᐸᔨᑖᐤ. 12ᐊᓂᒪ ᐁ ᑭᓯᑳᐠ ᑳ ᐁᐧᐋᐧᒋᐸᔨᑖᔦᐠ ᐊᓂᒪ ᐊᓴᐱᒋᑲᐣ, ᑭ ᑲ ᐸᑭᑎᓈᐋᐧᐤ ᔮᐯᒫᔭᑎᑯᓯᐢ ᐁᑳ ᐁ ᒫᐢᑭᓯᐟ ᐁ ᐊᑎ ᐯᔭᑯᐱᐳᓀᐧᐟ ᑭᑕ ᒪᒍᐢᑌᐊᒪᐋᐧᔦᐠ ᑳ ᑎᐯᔨᐦᒋᑫᐟ. 13ᐊᓂᒪ ᒫᑲ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᐁᑯᑕ ᐁ ᐃᐧᒋᐦᐃᐁᐧᒪᑲᕽ ᐁᐊᐧᑯ ᓂᐢᑐ ᑭᐦᒋ ᒥᓂᑳᐧᑲᐣ ᐁ ᒥᔪᓯᐟ ᐸᐦᑫᐧᓯᑲᐣ ᐱᒥ ᐁ ᑭᔨᑲᐃᐧᓂᑳᑌᐠ, ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ ᐁ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ ᑭᑕ ᐃᐧᑭᒫᓴᒫᐦᐟ; ᐁᑯᓯ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ ᓱᒥᓈᐳ, ᓂᓱ ᒥᓂᑳᐧᑲᐣ ᒥᓇ ᐋᐱᑕᐤ. 14ᓇᒪᐃᐧᔭ ᒫᑲ ᐸᐦᑫᐧᓯᑲᐣ ᑭ ᑲ ᒧᐋᐧᐋᐧᐤ ᐊᐦᐳ ᐁ ᑳᐢᐱᓱᐟ ᐸᐦᑫᐧᓯᑲᓂᑳᐣ, ᐊᐦᐳ ᐁ ᐅᐢᑭᐊᑎᓱᐟ ᐹᑎᒫ ᐁᐊᐧᑯ ᐅᒪ ᐁ ᑭᓯᑳᐠ, ᐹᑎᒫ ᑭ ᐯᑖᔦᑯ ᐁ ᐸᑭᑎᓇᒪᐋᐧᔦᐠ ᑭ ᑭᓭᒪᓂᑐᒥᐋᐧᐤ; ᐁᐋᐧᑯᒪ ᑳᑭᑫ ᑲᑫᐢᑫᐧᐃᐧᐣ ᐊᑎ ᐋᔮᓂᐢᑫ ᐱᒫᑎᓯᔦᑯ ᑲᐦᑭᔭᐤ ᑭᐟ ᐃᐦᑖᐃᐧᓂᐋᐧᕽ.
15 #
ᐁᐠᓴᑕᐢ 23:16; 34:22; ᑎᔪᑕᕒᐊᓇᒥ 16:9-12 ᑭ ᑲ ᒫᑕᑭᐦᒋᑳᓈᐋᐧᐤ ᒫᑲ ᐁ ᐊᑎ ᐋᐧᐸᕽ ᐁ ᑭ ᐊᔦᐧᐱᐃᐧᑭᓯᑳᐠ, ᐊᓂᒪ ᐁ ᑭᓯᑳᐠ ᐅᐦᒋ ᑳ ᑭ ᐯᑖᔦᐠ ᐊᓴᐱᒋᑲᐣ ᐊᓂᒪ ᐁᐧᐊᐧᒋ ᐸᑭᑎᓈᓱᐃᐧᐣ; ᑌᐸᑯᑊ ᐊᔦᐧᐱᐃᐧᑭᓯᑳᐊᐧ ᒥᑐᓂ ᑭᑕ ᑎᐱᐸᔨᐊᐧ. 16ᐁ ᐊᑎ ᐋᐧᐸᕽ ᐊᓂᒪ ᑌᐸᑯᑊ ᐁ ᑭ ᐊᔭᒥᐦᐁᑭᓯᑳᐠ ᓂᔮᓇᓄᒥᑕᓇᐤ ᑭᓯᑳᐊᐧ ᑭ ᑲ ᐊᑭᑌᐣ; ᐁᑲᐧ ᒫᑲ ᑭ ᑲ ᐸᑭᑎᓇᒪᐋᐧᐋᐧᐤ ᑳ ᑎᐯᔨᐦᒋᑫᐟ ᐅᐢᑭ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ. 17ᑭ ᑲ ᐯᑖᓈᐋᐧᐤ ᑭᑭᐋᐧᕽ ᐅᐦᒋ ᓂᓱ ᐁᐧᐋᐧᒋ ᐸᐦᑫᐧᓯᑲᓇᐠ ᓂᐢᑐ ᑭᐦᒋ ᒥᓂᑳᐧᑲᐣ ᐸᐦᑫᐧᓯᑲᐣ ᐃᔨᑯᕽ; ᐁ ᒥᔪᓯᐟ ᐸᐦᑫᐧᓯᑲᐣ ᑭᑕ ᐋᐸᒋᐋᐤ, ᐅᐦᐱᐦᒋᒋᑲᐣ ᑭᑕ ᐋᐸᒋᐋᐤ ᐁ ᑭᓯᓱᒋᐠ, ᐁᐊᐧᑳᐧᓂᒪ ᓂᐢᑕᒥᑭᐦᒋᑲᐣ ᐁ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ. 18ᑭᑭ ᒫᑲ ᐊᓇ ᐸᐦᑫᐧᓯᑲᐣ ᑭ ᑲ ᐸᑭᑎᓈᐋᐧᐊᐧᐠ ᑌᐸᑯᑊ ᒫᔭᑎᐦᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᐁᑳ ᐁ ᒫᐢᑭᓯᒋᐠ, ᒥᓇ ᐯᔭᐠ ᐅᐢᑭ ᔮᐯᒧᐢᑐᐢ, ᒥᓇ ᓂᓱ ᔮᐯᒫᔭᑎᑲᐧᐠ; ᐁᐊᐧᑯᓂᐠ ᑭᑕ ᒪᒍᐢᑌᐦᐊᒫᐦᐟ ᑳ ᑎᐯᔨᐦᒋᑫᐟ, ᑭᑭ ᐊᓂᒪ ᐅ ᐸᐦᑫᐧᓯᑲᓂ ᐸᑭᑎᓈᓱᐃᐧᓂᐋᐧᐤ, ᒥᓇ ᐅ ᒥᓂᐦᑫᐧᐃᐧ ᐸᑭᑎᓈᓱᐃᐧᓂᐋᐧᐊᐧ, ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᐸᑭᑎᓂᑳᑌᐠ, ᐁ ᐃᐧᐦᑭᒫᓴᒫᐦᐟ ᑳ ᑎᐯᔨᐦᒋᑫᐟ. 19ᐁᑯᓯ ᑭ ᑲ ᐸᑭᑎᓈᐋᐧᐤ ᐯᔭᐠ ᔮᐯᐊᐧᐸᑎᕽ ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᒥᓇ ᓂᓱ ᔮᐯᒫᔭᑎᑯᓯᓴᐠ ᐁ ᐊᑎ ᐯᔭᑯᐱᐳᓀᐧᒋᐠ ᐁᐊᐧᑯ ᐁ ᐸᑭᑎᓂᑳᑌᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ. 20ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐁᐧᐊᐧᒋᐸᔨᐁᐤ ᐊᓯᒋ ᐊᓂᐦᐃ ᐸᐦᑫᐧᓯᑲᓇ ᓂᐢᑕᒥᑭᐦᒋᑫᐃᐧᐣ ᐁᐊᐧᑯ ᐁᐧᐋᐧᒋ ᐸᑭᑎᓈᓱᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᐊᓯᒋ ᐊᓂᑭ ᓂᓱ ᒫᔭᑎᐦᑯᓯᓴᐠ; ᑭᑕ ᑲᓈᑖᑭᑕᒪᐋᐧᐤ ᑳ ᑎᐯᔨᐦᒋᑫᐟ ᐊᔭᒥᐦᐁᐃᐧᔨᓂᐤ ᐅᐦᒋ. 21ᑭ ᑲ ᑌᐹᐧᑌᓈᐋᐧᐤ ᒫᑲ ᐁᐊᐧᑳᐧᓂᒫ ᐁ ᑭᓯᑳᐠ; ᑭ ᑲ ᑲᓈᒋ ᒫᐊᐧᒋᐦᐃᑐᓈᐋᐧᐤ; ᓇᒪᐃᐧᔭ ᐱᑯᓇᑕ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ; ᐁᐊᐧᑯᒫ ᑲᑫᐢᑫᐧᐃᐧᐣ ᑳᑭᑫ ᑭᑕ ᐃᑐᑕᒣᐠ ᑲᐦᑭᔭᐤ ᑭᑭᐋᐧᕽ, ᐁ ᐊᑎ ᐋᔮᓂᐢᑫ ᐱᒫᑎᓯᔦᐠ.
22 #
ᓬᐃᐱᑎᑲᐢ 19:9,10; ᑎᔪᑕᕒᐊᓇᒥ 24:19-22 ᐃᐢᐱ ᒫᑲ ᒪᓂᓯᑫᔦᑯ ᑭ ᑭᐢᑎᑳᓂᐋᐧᐊᐧ ᑭᐟ ᐊᐢᑭᐋᕽ, ᓇᒪᐃᐧᔭ ᑭ ᑲ ᒧᓴᐢᑯᓵᐋᐧᑌᐣ ᐁ ᑲᑭᑫᔮᐠ ᑭ ᑭᐢᑎᑳᐣ, ᐊᐦᐳ ᓇᒪᐃᐧᔭ ᑭ ᑲ ᒧᓴᐢᑯᓈᐤ ᑳ ᐱᐃᐧᐸᔨᐟ ᑭ ᑭᐢᑎᑳᐣ; ᑭ ᑲ ᐃᐢᑯᓇᒪᐋᐧᐤ ᑳ ᑭᑎᒫᑭᓯᐟ, ᒥᓇ ᒫᓂᑌᐤ; ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒼ.
23ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 24ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐅᒥᓯ ᐃᓯᐠ, ᑌᐸᑯᑊ ᐱᓯᒼ ᐁ ᒫᑕᑭᒥᐦᐟ ᐁᐊᐧᑯ ᐱᓯᒼ, ᑳ ᐊᔮᑳᐧᒣᔨᑖᑲᕽ ᐊᔦᐧᐱᐃᐧᐣ ᑭ ᑲ ᐊᔮᓈᐋᐧᐤ, ᐁ ᐳᑖᑕᒥᕽ ᐱᐱᑲᐧᓇ ᑭᑕ ᐅᐦᒋ ᑭᐢᑭᓯᑐᑖᑲᐧᕽ ᑲᓈᒋ ᒫᐊᐧᒋᐦᐃᑐᐃᐧᐣ. 25ᓇᒪᐃᐧᔭ ᐱᑯᓇᑕ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ, ᒥᓇ ᑭ ᑲ ᐸᑭᑎᓇᒪᐋᐧᐋᐧᐤ ᐸᑭᑎᓈᓱᐃᐧᐣ ᑳ ᑎᐯᔨᐦᒋᑫᐟ ᐃᐢᑯᑌᐤ ᐅᐦᒋ.
26 #
ᓬᐃᐱᑎᑲᐢ 16:29-34
ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑌᐧᐟ, 27ᒥᓇ ᒫᑲ ᒥᑖᑕᐦᐟ ᐃᑕᑭᒥᐦᒋ ᐊᐊᐧ ᑌᐸᑯᑊ ᐱᓯᒼ ᐁᐊᐧᑯ ᐯᔭᑯᐃᑐᐃᐧ ᑭᓯᑳᐤ; ᐁᐊᐧᑯ ᑲᓈᒋ ᑳᐊᐧᒋᐃᑐᐃᐧᐣ ᑭ ᑲ ᐃᑕᑭᑌᓈᐋᐧᐤ, ᒥᓇ ᑭ ᑲ ᑯᑕᑭᐦᐋᐋᐧᐊᐧᐠ ᑭᐟ ᐊᐦᒑᐦᑯᐋᐧᐊᐧᐠ; ᐁᑯᓯ ᑭ ᑲ ᐸᑭᑎᓇᒪᐋᐧᐋᐧᐤ ᑳ ᑎᐯᔨᐦᒋᑫᐟ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ. 28ᓇᒪᐃᐧᔭ ᒫᑲ ᓈᐣᑕᐤ ᑐᐃᐧ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ ᐁᐊᐧᑯ ᐁ ᑭᓯᑳᐠ; ᒋᑫᒫ ᐁᐊᐧᑯ ᐯᔭᑯᐃᑐᐃᐧ ᑭᓯᑳᐤ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᑲᐃᐧᔦᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ. 29ᒋᑫᒫ ᐱᑳᐧᓇ ᐊᐦᒑᕽ ᐁᑳ ᑫ ᑯᑕᑭᐦᐃᐦᐟ ᐁᐊᐧᑳᐧᓂᒪ ᐁ ᑭᓯᑳᐠ ᑭᑕ ᑭᐢᑭᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ. 30ᒥᓇ ᐱᑳᐧᓇ ᐊᐦᒑᕽ ᓈᐣᑕᐤ ᑐᐃᐧ ᐊᑐᐢᑫᐃᐧᐣ ᑫ ᐃᑐᑕᒧᑫᐧ ᐁᐊᐧᑳᐧᓂᒪ ᐁ ᑭᓯᑳᐠ, ᐁᐊᐧᑳᐧᓇ ᐊᐦᒑᕽ ᓂ ᑲ ᓂᓯᐊᐧᓈᒋᐦᐋᐤ ᒣᑳᐧ ᐅᐟ ᐊᔨᓯᔨᓂᒪ ᐅᐦᒋ. 31ᓇᒪ ᑫᑲᐧᐩ ᐊᑐᐢᑫᐃᐧᐣ ᑭ ᑲ ᑐᑌᓈᐋᐧᐤ; ᐁᐊᐧᑯ ᑳᑭᑫ ᑫ ᐅ ᑲᑫᐢᑫᐧᐃᐧᓂᔦᐠ ᐃᔨᑯᕽ ᑫ ᐋᐧᔮᓂᐢᑫᐱᒫᑎᓯᔦᐠ ᑲᐦᑭᔭᐤ ᑭᐟ ᐃᐦᑖᐃᐧᓂᐋᐧᕽ. 32ᐁᐊᐧᑳᐧᓂᒪ ᐊᔦᐧᐱᐃᐧᐣ ᑭᑕ ᐊᔮᑳᐧᒣᔨᑖᑲᐧᕽ ᐊᔦᐧᐱᐃᐧᐣ, ᐁᑯᓯ ᑭ ᑲ ᑯᑕᑭᐦᐋᐋᐧᐊᐧᐠ ᑭᐟ ᐊᐦᒑᐦᑯᐋᐊᐧ, ᑫᑳᐟ ᒥᑖᑕᐦᐟ ᑭᓯᑳᐤ ᐃᑕᑭᒥᐦᒋ ᐱᓯᒼ ᐁ ᐅᑖᑯᓯᐠ, ᐁ ᐅᑖᑯᓯᐠ ᐅᐦᒋ ᐃᐢᑯ ᒥᓇ ᑭᑕ ᐅᑖᑯᓯᐠ ᑭ ᑲ ᑎᐱᑐᑌᓈᐋᐧᐤ ᑭᐟ ᐊᔦᐧᐱᐃᐧᓂᐋᐧᐤ.
33 #
ᑎᔪᑕᕒᐊᓇᒥ 16:13-15
ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 34ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᐃᑕᒋᐠ, ᒥᑖᑕᐦᐟ ᓂᔮᓇᓄᓵᑊ ᐃᑕᑭᒥᐦᒋ ᐊᐊᐧ ᑌᐸᑯᑊ ᐱᓯᒼ ᐁᐊᐧᑯ ᒥᑭᐋᐧᐱ ᐃᐧᑯᐦᑐᐃᐧᐣ ᑌᐸᑯᑊ ᑭᓯᑳᐤ ᑭᑕ ᐃᐧᑯᑫᐢᑖᐦᐟ ᑳ ᑎᐯᔨᐦᒋᑫᐟ. 35ᐊᓂᒪ ᓂᐢᑕᒼ ᐁ ᑭᓯᑳᐠ ᑭᑕᐧᑲᓈᒋ ᒫᐊᐧᒋᐦᐃᑐᓈᓂᐊᐧᐣ; ᓇᒪᐃᐧᔭ ᑭ ᑲ ᐃᑐᑌᓈᐋᐧᐤ ᓈᐣᑕᐤ ᐱᑯᓇᑕ ᐊᑐᐢᑫᐃᐧᐣ. 36ᑌᐸᑯᑊ ᑭᓯᑳᐤ ᑭ ᑲ ᐸᑭᑎᓇᒪᐋᐧᐋᐧᐤ ᑳ ᑎᐯᔨᐦᒋᑫᐟ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ; ᐊᔨᓈᓀᐤ ᒫᑲ ᑕᐦᑐ ᑭᓯᑳᑭ ᑭ ᑲ ᑲᓈᒋ ᒫᐊᐧᒋᐦᐃᑐᓈᐋᐧᐤ; ᐁᑯᓯ ᑭ ᑲ ᐸᑭᑎᓇᒪᐋᐧᐋᐧᐤ ᑳ ᑎᐯᔨᐦᒋᑫᐟ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ; ᐁᐊᐧᑳᐧᓂᒪ ᐁ ᐊᔮᑳᐧᒣᔨᑖᑲᐧᕽ ᒫᐊᐧᒋᐦᐃᑐᐃᐧᐣ; ᓇᒪᐃᐧᔭ ᐱᑯᓇᑕ ᐊᑐᐢᑫᐃᐧᐣ ᑭ ᑲ ᐃᑐᑌᓈᐋᐧᐤ.
37ᐁᐊᐧᑯᓂ ᐅᐦᐃ ᐃᐧᐦᑯᐦᑐᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐅᔭᑭᑕᕽ, ᑫ ᑌᐸᐧᑕᒣᐠ ᑭᑕ ᑲᓈᒋ ᒫᐊᐧᒋᐦᐃᑐᕽ ᑭᑕ ᐸᑭᑎᓇᒪᐋᐧᔦᐠ ᑳ ᑎᐯᔨᐦᒋᑫᐟ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ, ᒪᒍᐢᑌᐦᐊᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᐸᑭᑎᓂᑫᐃᐧᐣ ᒥᓇ ᒥᓂᐦᑫᐧᐃᐧ ᐸᑭᑎᓈᓱᐃᐧᓇ ᐁ ᐊᑎ ᐅᑎᐦᒋᐸᔨᑭ ᑭᓯᑳᐊᐧ. 38ᐁᑯᓯ ᐃᐧᔭ ᒥᓇ ᐋᑕᐃᐧᔭ ᐅᐟ ᐊᔦᐧᐱᐃᐧ ᑭᓯᑳᒪ ᑳ ᑎᐯᔨᐦᒋᑫᐟ, ᒥᓇ ᐋᑕᐃᐧᔭ ᑭ ᒣᑭᐃᐧᓂᐋᐧᐊᐧ, ᒥᓇ ᐋᑕᐃᐧᔭ ᑲᐦᑭᔭᐤ ᑭ ᑭᐦᒋᐃᑌᐧᐃᐧᓂᐋᐧᐊᐧ, ᒥᓇ ᐋᑕᐃᐧᔭ ᑭ ᑌᐯᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ, ᑳ ᒥᔮᔦᐠ ᑳ ᑎᐯᔨᐦᒋᑫᐟ.
39ᒫᑲ ᐃᐧᔭ ᒥᑖᑕᐦᐟ ᓂᔮᓇᓄᓵᑊ ᐁ ᐃᑕᑭᒥᐦᐟ ᑌᐸᑯᑊ ᐱᓯᒼ, ᐃᐢᐱ ᑭ ᒫᐊᐧᒋᐦᑖᔦᑯ ᑳ ᓂᐦᑖᐃᐧᑭᕽ ᐊᐢᑭᕽ, ᑭ ᑲ ᑎᐱᑐᑌᓈᐋᐧᐤ ᑭᑕ ᐃᐧᑯᑫᐢᑕᐋᐧᔦᐠ ᑳ ᑎᐯᔨᐦᒋᑫᐟ ᑌᐸᑯᑊ ᑭᓯᑳᐤ; ᓂᐢᑕᒼ ᐁ ᑭᓯᑳᐠ ᑭᑕ ᐃᐦᑕᑲᐧᐣ ᐁ ᐊᔮᑳᐧᒣᔨᑕᑲᐧᕽ ᐊᔦᐧᐱᐃᐧᐣ, ᒥᓇ ᐊᔨᓈᓀᐤ ᐁ ᑕᐦᑐ ᑭᓯᑳᐠ ᑭᑕ ᐃᐦᑕᑲᐧᐣ ᐁ ᐊᔮᑳᐧᒣᔨᑖᑲᐧᕽ ᐊᔦᐧᐱᐃᐧᐣ. 40ᑭ ᑲ ᐅᑎᓇᒫᓱᓈᐋᐧᐤ ᒫᑲ ᓂᐢᑕᒼ ᐁ ᑭᓯᑳᐠ ᐁ ᒥᔪᓯᒋᐠ ᒥᐢᑎᑲᐧᐠ ᐅᐦᒋ, ᐹᒼ ᒥᐢᑎᑲᐧᐠ ᐅᐦᒋ, ᒥᓇ ᓯᐦᑕᐠ ᐁ ᓭᐦᑫᐧ ᓂᐦᑖᐃᐧᑭᒋᐠ ᒥᐢᑎᑲᐧᐠ, ᒥᓇ ᓂᐱᓯᔭ ᓯᐱᓯᓯᕽ ᐅᐦᒋ; ᐁᑯᓯ ᑭ ᑲ ᒪᒪᐦᑖᑯᓯᓈᐋᐧᐤ ᐁ ᐅᐦᑎᐢᑲᐃᐧᐢᑲᐋᐧᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑌᐸᑯᑊ ᑭᓯᑳᐤ. 41ᐁᑯᓯ ᑭ ᑲ ᑎᐱᑐᑌᓈᐋᐧᐤ ᐁᐊᐧᑯ ᐁ ᐃᐧᑯᑫᐢᑕᐋᐧᔦᐠ ᑳ ᑎᐯᔨᐦᒋᑫᐟ ᑌᐸᑯᑊ ᑭᓯᑳᐤ ᐯᔭᐠ ᐊᐢᑭ; ᐁᐊᐧᑳᐧᓂᒪ ᑲᑫᐢᑫᐧᐃᐧᐣ ᑳᑭᑫ ᐁ ᐊᑎ ᐋᔮᓂᐢᑫ ᐱᒫᑎᓯᔦᐠ; ᑌᐸᑯᑊ ᐱᓯᒼ ᐁ ᐱᒪᑭᒥᐦᐟ ᐁᑯᑕ ᑫ ᑎᐱᑐᑕᒣᐠ. 42ᑭ ᑲ ᐃᐧᑭᓈᐋᐧᐤ ᐋᑲᐋᐧᐢᑌᐃᑲᓂᕽ ᑌᐸᑯᑊ ᑭᓯᑳᐤ; ᑲᐦᑭᔭᐤ ᐃᐢᕒᐁᐃᓬ ᐊᐢᑭᕽ ᑳ ᓂᐦᑖᐃᐧᑭᒋᐠ ᐋᑲᐋᐧᐢᑌᐃᑲᓂᕽ ᑭᑕ ᐃᐧᑭᐊᐧᐠ. 43ᐁ ᐊᑎ ᐋᔮᓂᐢᑫ ᐱᒫᑎᓯᔦᐠ ᑭᑕ ᑭᐢᑫᔨᑕᐦᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᑭ ᐃᐧᑭᑫᒧᐊᑭᐠ ᐋᑲᐋᐧᐢᑌᐃᑲᓂᕽ, ᐃᐢᐱ ᑳ ᓯᐯᐧᑕᐊᑭᐠ ᐃᒋᑊᐟ ᐊᐢᑭᕽ ᐅᐦᒋ; ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ. 44ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᐦᐃ ᐃᐧᐦᑯᐦᑐᐃᐧᓇ ᑳ ᑭ ᐅᔭᑭᑕᒥᔨᐟ ᑳ ᑎᐯᔨᐦᒋᑫᔨᐟ.
നിലവിൽ തിരഞ്ഞെടുത്തിരിക്കുന്നു:
ᓬᐃᐱᑎᑲᐢ 23: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.