ᓬᐃᐱᑎᑲᐢ 12
12
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐃᑕᑭᐠ, ᑭᐢᐱᐣ ᐃᐢᑫᐧᐤ ᓂᐦᑖᐃᐧᑭᐦᐋᐊᐧᓱᒋ, ᐁᑯᓯ ᓂᐦᑖᐃᐧᑭᐦᐋᒋ ᓈᐯᓯᓴ, ᑌᐸᑯᑊ ᑕᐦᑐ ᑭᓯᑳᐤ ᓇᒪᐃᐧᔭ ᑭᑕ ᐯᑭᓯᐤ, ᑖᐱᐢᑯᐨ ᐊᓂᐦᐃ ᑭᓯᑳᐊᐧ ᑳ ᑭ ᐁᑳ ᐯᑭᓯᐟ ᐅᐟ ᐋᑯᓯᐃᐧᓂᕽ ᓇᒪᐃᐧᔭ ᑭᑕ ᐯᑭᓯᐤ. 3#ᒉᓂᓯᐢ 17:12; ᓬᐅᐠ 2:21ᐊᔨᓈᓀᐤ ᒫᑲ ᑕᐦᑐ ᑭᓯᑳᑭ ᑭᑕ ᓴᕒᑲᒼᓴᐃᓯᐃᐧᐋᐤ ᐊᓇ ᓈᐯᓯᐢ ᐊᐧᐢᑭᐨ ᐊᐧᓴᑲᔭ. 4ᐁᑯᓯ ᑭᑕ ᑕᓯ ᐯᑭᐋᐤ ᐅ ᒥᐦᑯᕽ ᐊᓇ ᐃᐢᑫᐧᐤ ᓂᐢᑐᒥᑕᓇᐤ ᓂᐢᑐᓵᑊ ᑭᓯᑳᐤ; ᓇᒪᐃᐧᔭ ᑫᑲᐧᐩ ᐁ ᑲᓈᑕᓂᔨᐠ ᑭᑕ ᓵᒥᓇᒼ, ᓇᒪᐃᐧᔭ ᒥᓇ ᑭᑕ ᐱᐦᑐᑫᐤ ᑲᓈᒋᑲᒥᑯᕽ, ᐹᑎᒫ ᐃᔨᑯᕽ ᐅ ᐯᑭᐃᑯᐃᐧ ᑭᓯᑳᒪ ᑭ ᑎᐱᐸᔨᔨᑳᐧᐃᐧ. 5ᒫᑲ ᐃᐧᔭ ᐃᐢᑫᐧᓯᓴ ᓂᐦᑖᐃᐧᑭᐦᐋᒋ ᐁᑲᐧ ᓂᓵᐧᐤ ᐁ ᐃᐢᐸᔨᐠ ᓇᒪᐃᐧᔭ ᑭᑕ ᐯᑭᓯᐤ, ᑖᐱᐢᑯᐨ ᐅ ᐱᐢᑭᒋᐅᐃᐧᓂᕽ; ᐁᑯᓯ ᒫᑲ ᑭᑕ ᑕᓯ ᐯᑭᐋᐤ ᐅ ᒥᐦᑯᕽ ᓂᐢᑐᒥᑕᓇᐤ ᓂᑯᑖᐧᓱᓴᑊ ᑭᓯᑳᐤ. 6ᐃᐢᐱ ᒫᑲ ᐅ ᐯᑭᐃᑯᐃᐧ ᑭᓯᑳᒪ ᑎᐱᐸᔨᔨᑳᐧᐃᐧ, ᐅᑯᓯᓴ ᐅᐦᒋ ᐊᐦᐳ ᐅᑖᓂᓴ, ᑭᑕ ᐯᓯᐁᐧᐤ ᒫᔭᑎᐦᑯᓯᓴ ᐁ ᐯᔭᑯᐱᐳᓀᐧᔨᐟ ᑭᑕ ᒪᒍᐢᑌᐦᐊᒫᑫᐃᐧᓂᔨᐟ, ᒥᓇ ᐅᒥᐦᒥᓯᓴ, ᐊᐦᐳ ᑖᐱᐢᑳᑲᓂ ᐅᒥᐦᒥᐊᐧ, ᑭᑕ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᓂᔨᐟ, ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐊᐧᑊ ᑭᑕ ᒥᔦᐤ ᐊᔭᒥᐦᐁᐃᐧᔨᓂᐊᐧ. 7ᐁᑯᓯ ᑭᑕ ᐸᑭᑎᓀᔨᐊᐧ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᒥᓇ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᐠ; ᐁᑯᓯ ᒫᑲ ᑭᑕ ᐯᑭᓯᐤ ᑳ ᑭ ᐅᐦᒋᐸᔨᔨᐠ ᐅᒥᐦᑯ. ᐁᐊᐧᑯ ᐅᒪ ᐁᑕᓱᐋᐧᑎᐦᐟ ᐊᓇ ᑳ ᓂᐦᑖᐃᐧᑭᐦᐋᐊᐧᓱᐟ ᑭᐢᐱᐣ ᓈᐯᓯᓴ ᐊᐦᐳ ᐃᐢᑫᐧᓯᓴ. 8#ᓬᐅᐠ 2:24ᑭᐢᐱᐣ ᒫᑲ ᐁ ᐃᓯ ᑭᑭᐃᐧᓯᐟ ᓄᐦᑌᐸᔨᒋ ᒫᔭᑎᐦᑯᓯᓴ ᐃᐧᔭ, ᐁᑲᐧ ᑭᑕ ᐅᑎᓀᐤ ᓂᓱ ᑖᐱᐢᑳᑲᓂ ᐅᒥᐦᒥᐊᐧ, ᐊᐦᐳ ᓂᓱ ᐅᒥᐦᒥᓯᓴ; ᐯᔭᐠ ᒪᒍᐢᑌᐦᐊᒫᑫᐃᐧᐣ ᐁᑯᓯ ᐊᓇ ᑯᑕᐠ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᐊᔭᒥᐦᐁᐃᐧᔨᓂᐊᐧ ᒫᑲ ᑭᑕ ᐅᓯᐦᑕᒫᐠ ᐯᔭᑯᐃᑐᐃᐧᐣ, ᐁᑯᓯ ᑭᑕ ᐯᑭᓯᐤ.
നിലവിൽ തിരഞ്ഞെടുത്തിരിക്കുന്നു:
ᓬᐃᐱᑎᑲᐢ 12: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.