ᓬᐃᐱᑎᑲᐢ 10
10
1ᓀᑖᑊ ᒫᑲ ᒥᓇ ᐊᐸᐃᔪ, ᐅᑯᓯᓴ ᐁᕒᐊᐣ, ᑭ ᐅᑎᓇᒪᐧᐠ ᑖᑖᐱᐢᑯᐨ ᐅ ᐃᐧᑭᒫᓯᑲᓂᑳᑲᐣ, ᐁᑯᓯ ᐃᐢᑯᑌᐤ ᑭ ᐊᐢᑖᐊᐧᐠ, ᒥᓇ ᐃᐧᑭᒫᓯᑲᐣ ᐁᑯᑕ ᑭ ᐊᐢᑖᐊᐧᐠ, ᐁᑯᓯ ᐱᑐᐢ ᐃᐢᑯᑌᐤ ᑭ ᐸᑭᑎᓂᑳᑫᐊᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᐊᓂᒪ ᐁᑳ ᑳ ᑭ ᐃᑕᓱᐋᐧᑎᑯᒋᐠ. 2ᐃᐢᑯᑌᐤ ᒫᑲ ᑭ ᐅᐦᒋᐸᔨᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᐁᑯᓯ ᑭ ᓂᓯᐊᐧᓈᒋᐃᑲᐧᐠ; ᑭ ᓂᐱᐊᐧᐠ ᒫᑲ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 3ᐁᑲᐧ ᒧᓯᐢ ᑭ ᐃᑌᐤ ᐁᕒᐊᓇ, ᐁᐊᐧᑫᐧᔨᐤ ᐅᒪ ᑳ ᑎᐯᔨᐦᒋᑫᐟ ᑳ ᑭ ᐃᑕᕽ, ᐁ ᐃᑌᐧᐟ, ᓂ ᑲ ᑲᓈᑌᔨᒥᑲᐧᐠ ᑲᐦᑭᔭᐤ ᐊᓂᑭ ᑭᓯᐋᐧᐠ ᑳ ᐯ ᓈᓯᒋᐠ, ᒥᓇ ᐅᐦᑎᐢᑲᐤ ᑲᐦᑭᔭᐤ ᐊᔨᓯᔨᓂᐊᐧᐠ ᓂ ᑲ ᑭᐢᑌᔨᑖᑯᐃᑲᐃᐧᐣ. ᐁᕒᐊᐣ ᒫᑲ ᓇᒪ ᓈᐣᑕᐤ ᐃᑌᐧᐤ. 4ᐁᑯᓯ ᒧᓯᐢ ᑭ ᓇᑐᒣᐤ ᒥᓭᐃᓬ ᒥᓇ ᐁᓬᓭᐦᐹᐣ, ᐅᑯᓯᓴ ᐊᓵᔨᓬ ᐅᐦᑯᒥᓴ ᐁᕒᐊᐣ, ᒥᓇ ᑭ ᐃᑌᐤ, ᑭᓯᐋᐧᐠ ᐯ ᐃᑐᐦᑌᐠ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ ᐃᑐᑕᐃᑯᐠ ᑭᒋᐋᐧᒥᐋᐧᐊᐧᐠ ᐅᐦᑎᐢᑲᐤ ᑲᓈᒋᑲᒥᑯᕽ ᐅᐦᒋ. 5ᐁᑯᓯ ᑭᓯᐋᐧᐠ ᑭ ᐯ ᐃᑐᐦᑌᐊᐧᐠ ᒥᓇ ᐁ ᐃᓯ ᑭᑲᓵᑫᔨᐟ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ ᑭ ᐃᑐᐦᑕᐦᐁᐊᐧᐠ; ᑳ ᑭ ᐃᑌᐧᔨᐟ ᒧᓯᓴ. 6ᒧᓯᐢ ᒫᑲ ᑭ ᐃᑌᐤ ᐁᕒᐊᓇ ᒥᓇ ᐁᓬᐃᐁᓴᕒᐊ ᒥᓇ ᐃᐦᑌᒫᕒ, ᐅᑯᓯᓯᔨᐊᐧ, ᐁᑳᐃᐧᔭ ᑭᐢᑕᑳᐋᐧᐊᐧ ᑭ ᑲ ᐋᐱᑯᐱᑌᓈᐋᐧᐤ, ᒥᓇ ᐁᑳᐃᐧᔭ ᔮᔨᑭᐱᑕᒧᐠ ᑭ ᑭᑭᐢᑳᒋᑲᓂᐋᐧᐊᐧ; ᐁᑳ ᑭᑕ ᓂᐱᔦᐠ; ᒥᓇ ᐁᑳ ᑭᑕ ᑭᓯᐢᑕᐊᐧᐟ ᑲᐦᑭᔭᐤ ᐁ ᒫᒪᐁᐧᔭᑎᔨᐟ; ᒫᑲ ᑭᔮᒼ ᑭᒋᐋᐧᒥᐋᐧᐊᐧᐠ ᑲᐦᑭᔭᐤ ᐃᐢᕒᐁᐃᓬ ᐃᐧᑭᕽ, ᑭᑕ ᒫᑐᐊᐧᐠ ᐊᓂᒪ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᑳᐧᑯᑌᓇᕽ. 7ᑭᔭᐋᐧᐤ ᒫᑲ ᓇᒪᐃᐧᔭ ᑭ ᑲ ᐊᐧᔭᐃᐧᓈᐋᐧᐤ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᐁᑳ ᑭᑕ ᓂᐱᔦᐠ; ᒋᑫᒫ ᑭ ᑭᑭᐢᑳᑯᓈᐋᐧᐤ ᑳ ᑎᐯᔨᐦᒋᑫᐟ ᐅ ᑐᒥᓂᑲᓂ ᐱᒥ. ᑭ ᐃᑐᑕᒪᐧᐠ ᒫᑲ ᐊᓂᒪ ᑳ ᑭ ᐃᑌᐧᔨᐟ ᒧᓯᓴ.
8ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᐁᕒᐊᓇ ᐁ ᐃᑌᐧᐟ, 9ᐁᑳᐃᐧᔭ ᒥᓂᐦᑫᐧ ᓱᒥᓈᐳ ᐊᐦᐳ ᐁ ᒪᐢᑲᐋᐧᐠ ᒥᓂᐦᑫᐧᐃᐧᐣ, ᑭᔭ ᒥᓇ ᑭᑯᓯᓵᐠ ᐊᓯᒋ, ᐱᔨᑕᑫᔦᑯ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᐁᑳ ᑭᑕ ᓂᐱᔦᐠ; ᐁᐊᐧᑯᒪ ᑫ ᐃᑕᐢᑌᐠ ᑲᑫᐢᑫᐧᐃᐧᐣ ᑳᑭᑫ ᐃᔨᑯᕽ ᑫ ᐋᔮᓂᐢᑫ ᐱᒫᑎᓯᔦᐠ. 10ᐁᑯᓯ ᐱᑐᐢ ᑭᑕ ᐃᑕᑭᑕᒣᐠ ᐊᓂᒪ ᑳ ᑲᓈᑕᕽ ᒥᓇ ᐁᑳ ᑳ ᑲᓈᑕᕽ, ᒥᓇ ᐊᓂᒪ ᐁᑳ ᑳ ᐯᑲᕽ ᒥᓇ ᑳ ᐯᑲᕽ. 11ᒥᓇ ᑭᑕ ᑭᐢᑭᓄᐦᐊᒪᐋᐧᔦᑯᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑲᐦᑭᔭᐤ ᐊᓂᐦᐃ ᑲᑫᐢᑫᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᐧᐦᑕᒪᐋᐧᐟ ᒧᓯᓴ ᐁ ᐋᐸᒋᐋᐟ.
12 #
ᓬᐃᐱᑎᑲᐢ 6:14-18
ᒧᓯᐢ ᒫᑲ ᑭ ᐃᑌᐤ ᐁᕒᐊᓇ ᒥᓇ ᐁᓬᐃᐁᓴᕒ ᒥᓇ ᐃᐦᑌᒫᕒ, ᐅᑯᓯᓯᔨᐊᐧ ᑳ ᐃᐢᑯᓀᔨᐟ, ᐅᑎᓇᒧᐠ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳ ᐃᐢᑯᐸᔨᐠ ᐸᑭᑎᓈᓱᐃᐧᓇ ᐃᐢᑯᑌᐤ ᐅᐦᒋ ᑳ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ, ᐁᑯᓯ ᒧᐃᐧᕽ ᐁᑳ ᐁ ᐅᐦᐱᓱᐟ ᒋᑭ ᐸᑭᑎᓈᓱᐃᐧᓈᐱᐢᑯᕽ; ᒋᑫᒫ ᐊᔨᐋᐧᐠ ᑲᓈᑕᐣ. 13ᐁᑯᓯ ᐃᑕ ᐁ ᑲᓈᑕᕽ ᑭ ᑲ ᒥᒋᓈᐋᐧᐤ, ᒋᑫᒫ ᑭᔭ ᑭᐟ ᐊᔮᐣ ᒥᓇ ᑭᑯᓯᓴᐠ ᐅᐟ ᐊᔮᓂᐋᐧᐤ, ᐸᑭᑎᓈᓱᐃᐧᓇ ᐅᐦᒋ ᐃᐢᑯᑌᕽ ᑳ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ; ᒋᑫᒫ ᐁᑯᓯ ᐁᑕᓱᐋᐧᑎᑲᐃᐧᔮᐣ. 14#ᓬᐃᐱᑎᑲᐢ 7:30-34ᒥᓇ ᐁᐧᐋᐧᒋ ᐅᑕᓯᓇᑫᐤ ᒥᓇ ᐅᐦᐱᓈᓱᐃᐧ ᒥᐹᐧᒼ ᑭ ᑲ ᒥᒋᓈᐋᐧᐤ ᐃᑕ ᐁ ᐯᑲᕽ; ᑭᔭ ᒥᓇ ᑭᑯᓯᓴᐠ ᒥᓇ ᑭᑖᓂᓴᐠ ᐊᓯᒋ ᑭᔭ; ᒋᑫᒫ ᐃᑕᐢᑌᐤ ᑭᔭ ᑭᑕ ᒥᔨᑲᐃᐧᔭᐣ ᒥᓇ ᑭᑯᓯᓴᐠ ᑭᑕ ᒥᔨᐦᒋᐠ, ᐊᓂᐦᐃ ᐅᐦᒋ ᐸᑭᑎᓂᑫᐃᐧᓇ ᐅ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 15ᐊᓂᒪ ᐅᐦᐱᓈᓱᐃᐧ ᒥᐹᐧᒼ ᒥᓇ ᐁᐧᐋᐧᒋ ᐅᑕᓯᓈᑫᐤ ᑭᑕ ᐯᑖᐊᐧᐠ ᑭᑭ ᐊᓂᒪ ᐃᐧᔨᐣ ᑳ ᐸᑭᑎᓈᓱᕽ ᐃᐢᑯᑌᕽ, ᑭᑕ ᐁᐧᐋᐧᒋᐸᔨᑖᒋᐠ ᐁᐧᐋᐧᒋ ᐸᑭᑎᓈᓱᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᐁᑯᓯ ᒫᑲ ᑭᔭ ᑭ ᑲ ᐊᔮᐣ, ᒥᓇ ᑭᑯᓯᓴᐠ ᐊᓯᒋ ᑭᔭ, ᑳᑭᑫ ᑭᑕ ᐃᑕᐢᑌᐠ; ᑳ ᑭ ᐃᑕᓯᐁᐧᐟ ᑳ ᑎᐯᔨᐦᒋᑫᐟ.
16ᒧᓯᐢ ᒫᑲ ᑭ ᐊᐦᑲᒥ ᓇᑐᓇᐁᐧᐤ ᐊᓂᐦᐃ ᐋᐧᐸᑎᑲᐧ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᓇ, ᐁᑯᓯ ᐳᑎ ᑭ ᒣᐢᑎᑲᓵᐧᐤ; ᐁᑯᓯ ᐁ ᑭᓯᐋᐧᐃᑯᐟ ᐁᓬᐃᐁᓴᕒ ᒥᓇ ᐃᐦᑌᒫᕒ ᐅᑯᓯᓴ ᐁᕒᐊᐣ ᑳ ᐃᐢᑯᓀᔨᐟ, ᑭ ᐃᑌᐤ, 17#ᓬᐃᐱᑎᑲᐢ 6:24-26ᑖᓀᐦᑭ ᐁᑳ ᑳ ᑭ ᒥᒋᔦᐠ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐊᓂᑕ ᑲᓈᑕᓄᕽ ᐃᐧᔭ ᐊᔨᐋᐧᐠ ᐁ ᑲᓈᑕᕽ, ᐁᑯᓯ ᑭ ᑭ ᒥᔨᑯᐋᐧᐤ ᑭᑕ ᓇᔭᑕᒪᐧᔦᐠ ᐅ ᒪᒋᐃᑎᐃᐧᓂᐋᐧᐤ ᑳ ᒫᒪᐁᐧᔭᑎᒋᐠ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐋᐧᔦᑯᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ? 18ᒫᑎᑲ, ᐁ ᒥᐦᑯᐊᐧᕽ ᓇᒪᐃᐧᔭ ᐅᐦᒋ ᐱᑐᑲᑖᓂᐊᐧᐣ ᐱᐦᒋ ᑲᓈᒋᑲᒥᑯᕽ; ᑭ ᑲ ᑭ ᒥᒋᓈᐋᐧᐤ ᑲᓈᑕᓄᕽ, ᑖᐱᐢᑯᐨ ᑳ ᑭ ᐃᑕᓱᐋᐧᑎᑕᑯᐠ. 19ᐁᕒᐊᐣ ᒫᑲ ᑭ ᑭᑐᑌᐤ ᒧᓯᓴ, ᒫᑎᑲ, ᐊᓄᐦᐨ ᑳ ᑭᓯᑳᐠ ᑭ ᐸᑭᑎᓇᒪᐧᐠ ᐅ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᓂᐋᐧᐤ ᒥᓇ ᐅ ᒪᒍᐢᑌᐦᐊᒫᑫᐃᐧᓂᐋᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᐁᑯᓯ ᒫᑲ ᐅᐦᐃ ᑲ ᑭ ᐃᐢᐸᔨᐃᑯᔮᐣ; ᑭᐢᐱᐣ ᒫᑲ ᑭ ᒥᒋᔮᐣ ᐊᓂᒪ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐊᓄᐦᐨ ᑳ ᑭᓯᑳᐠ, ᐅ ᑲ ᑭ ᒥᔮᐧᐱᓯᒥᑯᐣ ᒋ ᑳ ᑎᐯᔨᐦᒋᑫᐟ? 20ᐃᐢᐱ ᒫᑲ ᒧᓯᐢ ᐁᐊᐧᑫᐧᔨᐤ ᐱᔦᐦᑕᕽ ᑭ ᒥᔮᐧᐱᓯᒥᐠ.
നിലവിൽ തിരഞ്ഞെടുത്തിരിക്കുന്നു:
ᓬᐃᐱᑎᑲᐢ 10: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.