ᐁᐠᓴᑕᐢ 20
20
1ᑭᓭᒪᓂᑐ ᒫᑲ ᑭ ᐃᐧᐦᑕᒪᐁᐧᐤ ᑲᐦᑭᔭᐤ ᐅᐦᐃ ᐃᑌᐧᐃᐧᓇ, ᐅᒥᓯ ᐁ ᐃᑌᐧᐟ.
2ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒼ, ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᐠ ᐃᒋᑊᐟ ᐊᐢᑭᕽ, ᐊᐊᐧᑳᑎᑯᐃᐧᑲᒥᑯᕽ ᐅᐦᒋ.
3ᓇᒪᐃᐧᔭ ᑭ ᑲ ᐊᔮᐋᐧᐊᐧᐠ ᑯᑕᑭᐠ ᒪᓂᑐᐊᐧᐠ ᓂᔭ ᐱᑯ.
4 #
ᐁᐠᓴᑕᐢ 34:17; ᓬᐃᐱᑎᑲᐢ 19:4; 26:1; ᑎᔪᑕᕒᐊᓇᒥ 4:15-18; 27:15 ᓇᒪᐃᐧᔭ ᑭ ᑲ ᐅᓯᐦᑖᐧᓱᐣ ᓈᐣᑕᐤ ᓇᐢᐱᓯᒋᑲᐣ, ᐊᐦᐳ ᑭᑲᐧᐩ ᐁ ᐃᓯᓈᑯᓯᐟ ᐊᐃᐧᔭᐠ ᐃᐢᐱᒥᕽ ᐁ ᐊᔮᐟ, ᐊᐦᐳ ᐊᐢᑭᕽ ᓂᐦᒑᔨᕽ ᐁ ᐊᔮᐟ ᐊᐦᐳ ᓂᐱᕽ ᐊᑖᒥᕽ ᐁ ᐊᔮᐟ ᐊᐢᑭᕽ. 5#ᐁᐠᓴᑕᐢ 34:6,7; ᓇᒼᐸᕒᐢ 14:18; ᑎᔪᑕᕒᐊᓇᒥ 7:9,10ᓇᒪᐃᐧᔭ ᑭ ᑲ ᐅᒋᐦᒋᐦᑲᐧᓂᐢᑕᐋᐧᐊᐧᐠ ᐊᐦᐳ ᓇᒪᐃᐧᔭ ᑭ ᑲ ᐊᑐᐢᑲᐋᐧᐊᐧᐠ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᐣ ᐁ ᐅᐦᑌᔨᑕᒧᐃᐧ ᒪᓂᑐᐃᐧᔮᐣ ᐁ ᐋᔨᒥᐊᑭᐠ ᐊᐋᐧᓯᓴᐠ ᐅᑖᐃᐧᐋᐧᐊᐧ ᐅ ᒪᒋᑐᑕᒧᐃᐧᓂᔨᐊᐧ ᐅᐦᒋ ᐱᔨᐢ ᓂᐢᑖᐧᐤ ᐊᐦᐳ ᓀᐋᐧᐤ ᐁ ᐋᔮᓂᐢᑫ ᐱᒫᑎᓯᒋᐠ ᐊᓂᑭ ᑳ ᐸᑳᐧᓯᒋᐠ. 6ᐁᑯᓯ ᓂ ᑲ ᐋᐧᐸᐦᑕᐋᐊᐧᐠ ᑭᓭᐋᐧᑎᓯᐃᐧᐣ ᐊᓂᑭ ᑭᐦᒋᒥᑖᐦᑐᒥᑕᓇᐤ ᑳ ᓵᑭᐦᐃᒋᐠ, ᒥᓇ ᑳ ᑲᓀᐧᔨᑕᐦᑭᐠ ᓂᐟ ᐃᑕᓱᐁᐧᐃᐧᓇ.
7 #
ᓬᐃᐱᑎᑲᐢ 19:12
ᓇᒪᐃᐧᔭ ᐱᑯᓇᑕ ᑭ ᑲ ᐊᐧᐃᐧᔮᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᒋᑫᒫ ᑳ ᑎᐯᔨᐦᒋᑫᐟ ᓇᒪᐃᐧᔭ ᑭᑕ ᑲᓈᑌᔨᒣᐤ ᐊᓂᐦᐃ ᐱᑯᓇᑕ ᑳ ᐊᐧᐃᐧᔨᑯᐟ.
8 #
ᐁᐠᓴᑕᐢ 16:23-30; 31:12-14 ᑲᓄᑭᐢᑭᓯ ᐊᔦᐧᐱᐃᐧ ᑭᓯᑳᐤ, ᑭᑕ ᑲᓈᒋ ᑎᐱᑐᑕᒪᐣ. 9#ᐁᐠᓴᑕᐢ 23:12; 31:15; 34:21; 35:2; ᓬᐃᐱᑎᑲᐢ 23:3ᓂᑯᑖᐧᓱ ᑭᓯᑳᐤ ᑭ ᑲ ᐊᑐᐢᑳᐣ, ᒥᓇ ᑭ ᑲ ᐃᐦᑐᑌᐣ ᑲᐦᑭᔭᐤ ᑭᐟ ᐊᑐᐢᑫᐃᐧᐣ. 10ᒫᑲ ᑌᐸᑯᑊ ᐁ ᐃᑕᐦᑐ ᑭᓯᑳᐠ ᐁᐊᐧᑫᐧᔨᐤ ᐅᐟ ᐊᔦᐧᐱᐃᐧᑭᓯᑳᒼ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᐁᑯᑕ ᓇᒪᐃᐧᔭ ᑭ ᑲ ᐃᐦᑐᑌᐣ ᓈᐣᑕᐤ ᐊᑐᐢᑫᐃᐧᐣ, ᑭᔭ, ᒥᓇ ᑭᑯᓯᐢ, ᒥᓇ ᑭᑖᓂᐢ, ᑭ ᓈᐯᐊᐧᑐᐢᑫᔮᑲᐣ, ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ, ᑭ ᐱᓯᐢᑭᒪᐠ, ᒥᓇ ᐊᓇ ᒫᓂᑌᐤ ᐱᐦᒋ ᑭᐟ ᐃᐢᑳᐧᑌᒥᕽ ᑳ ᐊᔮᐟ. 11#ᒉᓂᓯᐢ 2:1-3; ᐁᐠᓴᑕᐢ 31:17ᒋᑫᒫ ᓂᑯᑖᐧᓱᑭᓯᑳᐤ ᑳ ᑎᐯᔨᐦᒋᑫᐟ ᑭ ᐅᓯᐦᑖᐤ ᑭᓯᐠ ᒥᓇ ᐊᐢᑭ, ᑭᐦᒋᑲᒥ ᒥᓇ ᑲᐦᑭᔭᐤ ᑫᑲᐧᐩ ᐁᑯᑕ ᑳ ᐊᔮᐠ, ᐁᑯᓯ ᐁ ᑭ ᐊᔦᐧᐱᐟ ᑌᐸᑯᑊ ᐁ ᐃᐦᑕᐦᑐᑭᓯᑳᔨᐠ; ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑭ ᒥᔭᐧᑭᐦᑕᒼ ᐊᔦᐧᐱᐃᐧᑭᓯᑳᐤ ᒥᓇ ᑭ ᑲᓈᒋᐦᑖᐤ.
12 #
ᑎᔪᑕᕒᐊᓇᒥ 27:16; ᒫᐟᔪ 15:4; 19:19; ᒫᕒᐠ 7:10; 10:19; ᓬᐅᐠ 18:20; ᐃᐱᓯᔭᓇ 6:2;
ᐃᐱᓯᔭᓇ 6:3
ᑭᐢᑌᔨᒥᐠ ᑯᑖᐃᐧ ᒥᓇ ᑭᑳᐃᐧ; ᑭ ᑭᓯᑳᒪ ᑭᓀᐧᐢ ᑭᑕ ᐊᔮᑭ ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ.
13 #
ᒉᓂᓯᐢ 9:6; ᓬᐃᐱᑎᑲᐢ 24:17; ᒫᐟᔪ 5:21; 19:18; ᒫᕒᐠ 10:19; ᓬᐅᐠ 18:20; ᕒᐅᒪᓇ 13:9; ᒉᒥᐢ 2:11 ᓇᒫᐃᐧᔭ ᑭ ᑲ ᓂᐸᑖᑳᐣ.
14 #
ᓬᐃᐱᑎᑲᐢ 20:10; ᒫᐟᔪ 5:27; 19:18; ᒫᕒᐠ 10:19; ᓬᐅᐠ 18:20; ᕒᐅᒪᓇ 13:9; ᒉᒥᐢ 2:11 ᓇᒪᐃᐧᔭ ᑭ ᑲ ᒫᒪᐃᐧᐃᑐᐣ.
15 #
ᓬᐃᐱᑎᑲᐢ 19:11; ᒫᐟᔪ 19:18; ᒫᕒᐠ 10:19; ᓬᐅᐠ 18:20; ᕒᐅᒪᓇ 13:9 ᓈᒪᐃᐧᔭ ᑭ ᑲ ᑭᒧᑎᐣ.
16 #
ᐁᐠᓴᑕᐢ 23:1; ᒫᐟᔪ 19:18; ᒫᕒᐠ 10:19; ᓬᐅᐠ 18:20 ᓇᒪᐃᐧᔭ ᑭ ᑲ ᑭᔮᐢᑭᐋᐧᒋᒫᐤ ᑭᒋ ᐊᔨᓯᔨᓂᐤ.
17 #
ᕒᐅᒪᓇ 7:7; 13:9 ᓇᒪᐃᐧᔭ ᑭ ᑲ ᒧᐢᑕᐃᐧᓇᒪᐋᐧᐤ ᑭᒋ ᐊᔨᓯᔨᓂᐤ ᐃᐧᑭ, ᓇᒪᐃᐧᔭ ᑭ ᑲ ᒧᐢᑕᐃᐧᓇᒪᐋᐧᐤ ᑭᒋ ᐊᔨᓯᔨᓂᐤ ᐃᐧᐊᐧ, ᐊᐦᐳ ᐅᐟ ᐊᑐᐢᑫᔮᑲᓇ, ᐊᐦᐳ ᐅᐟ ᐊᑐᐢᑫᔮᑲᓂᐢᑫᐧᒪ, ᐊᐦᐳ ᐅ ᒧᐢᑐᓱᒪ, ᐊᐦᐳ ᐅ ᓱᓱᒥᐢᑕᑎᒧᒪ, ᐊᐦᐳ ᓈᐣᑕᐤ ᑫᑲᐧᐩ ᑭᒋ ᐊᔨᓯᔨᓂᐤ ᑳ ᐊᔮᐟ.
18 #
ᐦᐃᐸᕒᐅᐊᐧ 12:18,19 ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᐋᐧᐸᐦᑕᒪᐧᐠ ᐅᓂᒥᐢᑭᐊᐧ ᐁ ᑭᑐᔨᐟ, ᐁ ᐋᐧᐋᐧᐢᑌᐸᔨᐠ, ᒥᓇ ᐁ ᐯᑖᑲᐧᕽ ᐱᐱᑲᐧᐣ, ᒥᓇ ᐊᐧᒋ ᐁ ᑲᐢᑳᐸᑌᐠ; ᐃᐢᐱ ᒫᑲ ᐊᔨᓯᔨᓂᐊᐧᐠ ᐃᐧᔮᐸᐦᑕᑭᐠ ᑭ ᓇᓇᒥᐸᔨᐊᐧᐠ, ᒥᓇ ᐋᐧᔭᐤ ᑭ ᐅᐦᒋᑳᐸᐃᐧᐊᐧᐠ. 19ᑭ ᐃᑌᐊᐧᐠ ᒫᑲ ᒧᓯᓴ, ᑭᔭ ᐊᔭᒥᐦᐃᓈᐣ ᐁᑯᓯ ᓂ ᑲ ᓇᑐᐦᑌᓇᐣ; ᒫᑲ ᑭᔮᒼ ᐁᑳᐃᐧᔭ ᑭᓭᒪᓂᑐ ᓂ ᑲ ᐊᔭᒥᐃᑯᓈᐣ ᐁᑳ ᑭᑕ ᓂᐱᔮᕽ. 20ᒧᓯᐢ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᐁᑳᐃᐧᔭ ᓭᑭᓯᐠ; ᒋᑫᒫ ᑭᓭᒪᓂᑐ ᑭ ᐯ ᓇᑕᐃᐧ ᑯᒋᐦᐃᑯᐋᐧᐤ, ᒥᓇ ᐅ ᑯᓯᑫᐧᔨᑖᑯᓯᐃᐧᐣ ᑭᑕ ᐅᑎᐢᑲᐃᐧᐢᑳᑯᐋᐧᔦᐠ ᐁᑳ ᑭᑕ ᒪᒋᑐᑕᒣᐠ. 21ᐊᔨᓯᔨᓂᐊᐧᐠ ᒫᑲ ᐋᐧᔭᐤ ᑭ ᐅᐦᒋᑳᐸᐃᐧᐊᐧᐠ, ᐁᑯᓯ ᒧᓯᐢ ᑭᓯᐋᐧᐠ ᑭ ᓈᑕᒼ ᐸᓴᑯ ᐊᐧᓂᑎᐱᐢᑳᐤ ᐃᑕ ᑭᓭᒪᓂᑐᐊᐧ ᑳ ᐊᔮᔨᐟ.
22ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐅᒥᓯ ᑭ ᑲ ᐃᑖᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᔭᐋᐧᐤ ᑫᐦᒋᐋᐧᐠ ᑭ ᑭ ᐋᐧᐸᐦᑌᓈᐋᐧᐤ ᐁ ᑭ ᐊᔭᒥᐃᑕᑯᐠ ᑭᓯᑯᕽ ᐅᐦᒋ. 23ᓇᒪᐃᐧᔭ ᑭ ᑲ ᐅᓯᐦᐋᐋᐧᐊᐧᐠ ᑯᑕᑲᐠ ᒪᓂᑐᐊᐧᐠ ᑭᑭ ᓂᔭ ᑭᑕ ᐊᔮᐋᐧᔦᑯᐠ; ᐊᐧᐱᐢᑭ ᓱᓂᔮᐤ ᒪᓂᑐᐊᐧᐠ, ᐊᐦᐳ ᐅᓴᐃᐧ ᓱᓂᔮᐤ ᒪᓂᑐᐊᐧᐠ, ᓇᒪᐃᐧᔭ ᑭ ᑲ ᐅᓯᐦᑕᒫᓱᓈᐋᐧᐤ. 24ᐊᓯᐢᑭᐃᐧ ᐸᑭᑎᓈᓱᐃᐧᓈᐱᐢᐠ ᑭ ᑲ ᐅᓯᐦᑕᒪᐃᐧᐣ, ᐁᑯᑕ ᒫᑲ ᑭ ᑲ ᐸᑭᑎᓈᓱᐣ ᑭ ᒪᒍᐢᑌᐦᐊᒫᑫᐃᐧᓇ, ᒥᓇ ᑭ ᐯᔭᑕᑭ ᐸᑭᑎᓈᓱᐃᐧᓇ, ᑭ ᒫᔭᑎᐦᑯᒫᐠ ᒥᓇ ᑭ ᒧᐢᑐᓱᒪᐠ; ᒥᓯᐁᐧ ᐃᑕ ᑫ ᑭᐢᑭᓈᐊᐧᑕᐢᑖᔮᐣ ᓂ ᐃᐧᔪᐃᐧᐣ ᑭ ᑲ ᐯ ᓈᑎᑎᐣ ᒥᓇ ᑭ ᑲ ᓴᐁᐧᔨᒥᑎᐣ. 25#ᑎᔪᑕᕒᐊᓇᒥ 27:5-7; ᒑᐢᔪᐊ 8:31ᑭᐢᐱᐣ ᒫᑲ ᐅᓯᐦᑕᒪᐃᐧᔭᓂ ᐊᓯᓂᐃᐧ ᐸᑭᑎᓈᓱᐃᐧᓈᐱᐢᐠ, ᓇᒪᐃᐧᔮ ᐁ ᐅᔨᑲᐅᐦᒋᐠ ᐊᓯᓂᔭᐠ ᑭ ᑲ ᐋᐸᒋᐦᐋᐊᐧᐠ; ᒋᑫᒫ ᑭᐢᐱᐣ ᑭᐟ ᐋᐸᒋᐦᒋᑲᐣ ᐅᐦᒋ ᐸᑲᒪᐦᐊᒪᓂ ᑭ ᑭ ᐃᐧᔨᐱᑖᐣ. 26ᓇᒪᐃᐧᔭ ᒥᓇ ᑭ ᑲ ᐃᐢᑲᐧᑕᐃᐧᐣ ᐁ ᓈᑕᒪᐣ ᓂ ᐸᑭᑎᓈᓱᐃᐧᓈᐱᐢᐠ, ᐁᑳ ᑭ ᒧᓭᐢᑲᑌᐃᐧᐣ ᑭᑕ ᓄᑲᐧᕽ ᐁᑯᑕ.
നിലവിൽ തിരഞ്ഞെടുത്തിരിക്കുന്നു:
ᐁᐠᓴᑕᐢ 20: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.
