ᐁᐠᓴᑕᐢ 10
10
1ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐱᑐᑲᐤ ᐯᕒᐅ; ᒋᑫᒫ ᓂ ᑭ ᒪᐢᑲᐃᐧᑖᐋᐧᐣ ᐅᑌᐦ ᒥᓇ ᐅᑌᐦᐃᔨᐊᐧ ᐅᐟ ᐊᑐᐢᑫᔮᑲᓇ; ᑭᑕ ᐋᐧᐸᐦᑕᐦᐃᐁᐧᔮᐣ ᐅᐦᐃ ᓂ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒣᑳᐧᐨ ᐃᑕ ᐁ ᐊᔮᒋᐠ. 2ᒥᓇ ᒫᑲ ᑭᑕ ᐃᐧᐦᑕᒪᐊᐧᐟ ᐅᐦᑕᐊᐧᑳᕽ ᑭᑯᓯᐢ, ᒥᓇ ᑭᑯᓯᐢ ᐅᑯᓯᓴ, ᐊᓂᐦᐃ ᐁ ᑭ ᐊᔨᑐᑕᒫᐣ ᐃᒋᑊᑎᕽ, ᒥᓇ ᐊᓂᐦᐃ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᑳ ᑭ ᐊᔨᑐᑕᒫᐣ ᐃᑕ ᐁ ᐊᔮᒋᐠ; ᑭᑕ ᑭᐢᑫᔨᑕᒣᐠ ᓂᔭ ᐁ ᑎᐯᔨᐦᒋᑫᔮᐣ. 3ᒧᓯᐢ ᒫᑲ ᒥᓇ ᐁᕒᐊᐣ ᑭ ᐯ ᐱᑐᑲᐁᐧᐊᐧᐠ ᐯᕒᐅᐊᐧ ᐅᒥᓯ ᒫᑲ ᐁ ᑭ ᐃᑖᐟ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᐦᐃᐸᕒᐅᐊᐧᐠ, ᑖᓂᔨᑯᕽ ᑫ ᐋᓀᐧᑕᒪᐣ ᑭᑕᐸᑕᐱᐢᑕᐃᐧᔭᐣ? ᐸᑭᑎᓂᐠ ᓂᐟ ᐊᔨᓯᔨᓂᒪᐠ ᑭᑕ ᓇᑕᐃᐧ ᐊᑐᐢᑲᐃᐧᒋᐠ. 4ᒋᑫᒫ ᑭᐢᐱᐣ ᐁᑳ ᐃᐧ ᐸᑭᑎᓇᑖᐧᐃᐧ ᓂᐟ ᐊᔨᓯᔨᓂᒪᐠ, ᒫᑎᑲ ᐋᐧᐸᐦᑭ ᓂ ᑲ ᐯᓯᐋᐧᐊᐧᐠ ᑳᐧᐢᑯᑎᓯᓴᐠ ᑭᐟ ᐃᐦᑖᐃᐧᓂᕽ. 5ᐁᑯᓯ ᒫᑲ ᑭᑕ ᐊᑲᐧᓂᐢᑲᒪᐧᐠ ᐊᐢᑭ, ᐁᑳ ᐊᐃᐧᔭᐠ ᑭᑕ ᑲᐢᑭᑖᐟ ᑭᑕ ᐋᐧᐸᐦᑕᕽ ᐊᐢᑭ; ᐁᑯᓯ ᒫᑲ ᑭᑕ ᒥᒋᐊᐧᐠ ᐊᓂᒪ ᑳ ᑭ ᐃᐢᑯᑖᒪᑲᕽ ᓭᓭᑲᐣ, ᒥᓇ ᑭᑕ ᒧᐁᐧᐊᐧᐠ ᑲᐦᑭᔭᐤ ᒥᐢᑎᑲᐧ ᑳ ᓂᐦᑖᐃᐧᑭᔨᐟ ᑭᐢᑎᑳᓂᕽ. 6ᑭᑕ ᓵᑲᐢᑭᓀᐊᐧᐠ ᒫᑲ ᑭᑭᕽ ᒥᓇ ᐃᐧᑭᐋᐧᕽ ᑭᐟ ᐊᑐᐢᑫᔮᑲᓇᐠ, ᒥᓇ ᐃᐧᑭᐋᐧᕽ ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ; ᐊᓂᒪ ᐁᑳ ᑯᑖᐃᐧᐋᐧᐊᐧᐠ ᐊᐦᐳ ᑯᑖᐃᐧᐋᐧᐊᐧᐠ ᐅᑖᐃᐧᐋᐧᐊᐧ ᑳ ᑭ ᐋᐧᐸᐦᑕᐦᑭᐠ ᐊᐢᐱᐣ ᐊᓂᒪ ᐁ ᑭᓯᑳᐠ ᐅᑕ ᐋᐧᐢᑭᑕᐢᑲᒥᐠ ᑳ ᑭ ᐊᔮᒋᐠ ᐱᔨᐢ ᐊᓄᐦᐨ ᑳ ᑭᓯᑳᐠ. ᑭ ᑫᐧᐢᑭᑳᐸᐃᐧᐤ ᒫᑲ ᐁ ᑭ ᓇᑲᑖᐟ ᐯᕒᐅᐊᐧ. 7ᐊᓂᐦᐃ ᒫᑲ ᐯᕒᐅ ᐅᐟ ᐊᑐᐢᑫᔮᑲᓇ ᐅᒥᓯ ᑭ ᐃᑎᐠ, ᑖᓂᔨᑯᕽ ᐊᐊᐧ ᐊᔨᓯᔨᓂᐤ ᑫ ᓇᑳᐧᑎᑯᔭᕽ? ᐸᑭᑎᓂᐠ ᐊᓂᑭ ᐊᔨᓯᔨᓂᐊᐧᐠ ᑭᑕ ᓇᑕᐃᐧ ᐊᑐᐢᑲᐋᐧᒋᐠ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ; ᓇᒣᐢᑲ ᒋ ᑭ ᑭᐢᑫᔨᑌᐣ ᐃᒋᑊᐟ ᐁ ᓂᓯᐊᐧᓈᑕᕽ? 8ᒧᓯᐢ ᒫᑲ ᒥᓇ ᐁᕒᐊᐣ ᑳᐃᐧ ᑭ ᐯᓯᐋᐧᐊᐧᐠ ᐃᑕ ᐁ ᐊᔮᔨᐟ ᐯᕒᐅᐊᐧ; ᐅᒥᓯ ᒫᑲ ᑭ ᐃᑎᑲᐧᐠ, ᓯᐯᐧᑌᐠ, ᓇᑕᐃᐧ ᐊᑐᐢᑫᐢᑖᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᒫᑲ ᑖᓈᓂᑭ ᑭ ᓯᐯᐧᑌᒋᐠ? 9ᒧᓯᐢ ᒫᑲ ᐅᒥᓯ ᑭ ᐃᑌᐤ, ᓂ ᑲ ᐃᐧᒉᐋᐧᓈᓇᐠ ᓄᐢᑳᑎᓯᒥᓈᓇᐠ ᒥᓇ ᓂ ᑭᓭᔨᓂᒥᓈᓇᐠ, ᓂᑯᓯᓯᓈᓇᐠ ᒥᓇ ᓂᑖᓂᓯᓈᓇᐠ, ᓂ ᒫᔭᑎᐦᑯᒥᓈᓇᐠ ᒥᓇ ᓂᐟ ᐊᐊᐧᑳᓂᓈᓇᐠ ᓂ ᑲ ᑭᑭ ᓯᐯᐧᑖᓈᐣ; ᒋᑫᒫ ᓂ ᑲ ᐃᐧᐦᑯᐦᑫᐢᑕᐋᐧᓈᐣ ᑳ ᑎᐯᔨᐦᒋᑫᐟ. 10ᐅᒥᓯ ᒫᑲ ᑭ ᐃᑌᐤ, ᑭᔮᒼ ᑳ ᑎᐯᔨᐦᒋᑫᐟ ᐁᑯᓯ ᑭ ᑲ ᐃᓯ ᐃᐧᒉᑯᐋᐧᐤ, ᒣᐧᐦᒋ ᑫ ᐃᓯ ᐸᑭᑎᓂᑕᑯᐠ, ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ, ᒣᔮᑲᐧᒼ; ᒋᑫᒫ ᒪᒑᔨᐃᐧᐣ ᑭᐟ ᐊᐢᑲᒫᑯᓈᐋᐧᐤ ᑭ ᓂᑳᓂᒥᐋᐧᕽ. 11ᓇᒪᐃᐧᔭ ᐁᑯᓯ, ᓯᐯᐧᑌᐠ ᑭᔮᒼ ᑭᔭᐋᐧᐤ ᑳ ᓈᐯᐃᐧᔦᐠ, ᐁᑯᓯ ᐊᑐᐢᑫᐢᑖᕽ ᑳ ᑎᐯᔨᐦᒋᑫᐟ; ᒋᑫᒫ ᐁᐊᐧᑯ ᑳ ᑭ ᓇᑕᐁᐧᔨᑕᒣᐠ. ᑭ ᐊᐧᔭᐃᐧᑎᓴᐋᐧᐊᐧᐠ ᒫᑲ ᐯᕒᐅᐊᐧ ᐃᑕ ᐁ ᐊᔭᔨᐟ ᐅᐦᒋ.
12ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓱᐃᐧᓂᐢᑫᐢᑕ ᐊᓂᒪ ᐃᒋᑊᐟ ᐊᐢᑭ, ᑭᑕ ᑕᑯᓯᐦᑭᐠ ᑳᐧᐢᑯᑎᓯᓴᐠ, ᑭᑕ ᐯ ᑕᑯᐸᔨᒋᐠ ᐃᒋᑊᐟ ᐊᐢᑭᕽ, ᒥᓇ ᑭᑕ ᒥᒋᒋᐠ ᑳ ᑕᐦᑐ ᓂᐦᑖᐃᐧᑭᓂᔨᐠ ᐊᐢᑭᕽ ᑲᐦᑭᔭᐤ ᑳ ᑭ ᐃᐢᑯᑖᒪᑲᕽ ᓭᓭᑲᐣ. 13ᒧᓯᐢ ᒫᑲ ᑭ ᓱᐃᐧᓇᒼ ᐅ ᓴᐢᑲᐅᐣ ᒥᓯᐁᐧ ᐃᒋᑊᐟ ᐊᐢᑭᕽ, ᑳ ᑎᐯᔨᐦᒋᑫᐟ ᒫᑲ ᑭ ᐋᐧᐸᓂᔪᑎᓂᑖᐤ ᐁᑯᐢᐱ ᑲᐯᑭᓯᐠ ᒥᓇ ᑲᐯᑎᐱᐢᐠ; ᐃᐢᐱ ᒫᑲ ᐁᑎ ᑫᑭᓭᐹᔮᐠ ᑭ ᑕᑯᐸᔨᐊᐧᐠ ᑳᐧᐢᑯᑎᓯᓴᐠ ᐋᐧᐸᓄᑖᕽ ᐅᐦᒋ. 14#ᑭᐢᑫᔨᐦᑖᑯᐦᑫᐃᐧᐣ 9:2,3ᑳᐧᐢᑯᑎᓯᓴᐠ ᒫᑲ ᑭ ᐊᔨᑐᑌᐊᐧᐠ ᒥᓯᐁᐧ ᐃᒋᑊᐟ ᐊᐢᑭᕽ, ᒥᓇ ᒥᓯᐁᐧ ᐋᐧᐢᑳ ᐃᒋᑊᑎᕽ ᐁ ᑭ ᐊᔭᔮᒋᐠ; ᓈᐢᐱᐨ ᐁ ᑭ ᐅᓵᒣᔭᑎᒋᐠ; ᒪᐧᔦᐢ ᐁᐊᐧᑯᓂᐠ ᓇᒪᐃᐧᑳᐨ ᑭ ᐯ ᐃᑌᔭᑎᐊᐧᐠ ᑳᐧᐢᑯᑎᓯᓴᐠ, ᐊᐦᐳ ᐊᐢᑕᒥᐢᐱ ᒥᓇ ᓇᒪᐃᐧᑳᐨ ᑭᑕ ᐃᑌᔭᑎᐊᐧᐠ. 15ᒋᑫᒫ ᑭ ᐊᑲᐧᓂᐢᑲᒪᐧᐠ ᒥᓯᐁᐧ ᐁᐢᐱᒑᐠ ᐊᐢᑭ, ᐁᑯᓯ ᒫᑲ ᐊᐢᑭ ᑭ ᐊᐧᓂᑎᐱᐢᑲᐤ; ᒥᓇ ᑭ ᒥᒋᐊᐧᐠ ᑳ ᑕᐦᑐ ᓂᐦᑖᐃᐧᑭᓂᔨᐠ ᐊᐢᑭᕽ ᐊᓂᒪ ᑳ ᑭ ᐃᐢᑯᑖᒪᑲᕽ ᓭᓭᑲᐣ; ᓇᒪᐋᐧᐨ ᒫᑲ ᑫᑲᐧᐩ ᑭ ᐃᐢᑯᒪᑲᐣ ᑳ ᓂᐦᑖᐃᐧᑭᕽ ᒥᐢᑎᑯᕽ, ᐊᐦᐳ ᐊᓂᐦᐃ ᑳ ᓂᐦᑖᐃᐧᑭᑭ ᑭᐢᑎᑳᓂᕽ, ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ.
16ᐯᕒᐅ ᒫᑲ ᑭᔨᐸ ᑭ ᓇᑐᒣᐤ ᒧᓯᓴ ᒥᓇ ᐁᕒᐊᓇ ᐅᒥᓯ ᒫᑲ ᑭ ᐃᑌᐤ, ᓂ ᑭ ᒪᒋᑐᑕᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᒥᓇ ᑭᔭᐋᐧᐤ. 17ᐁᑲᐧ ᒫᑲ ᐳᓀᔨᑕᒪᐃᐧᐠ ᑭ ᐸᑯᓯᔨᒥᑎᓈᐋᐧᐤ ᓂ ᒪᒋᐃᑐᐃᐧᐣ ᑌᐱᔮᕽ ᐅᒪ ᐯᔭᑳᐧᐤ, ᑭ ᐸᑯᓭᔨᒥᑎᓈᐋᐧᐤ; ᒥᓇ ᒪᐃᐧᒧᐢᑖᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭᑕ ᐃᑲᑎᓇᒪᐃᐧᐟ ᐅᒪ ᓂᐳᐃᐧᐣ. 18ᑭ ᓇᑲᑌᐤ ᒫᑲ ᐯᕒᐅᐊᐧ, ᐁᑯᓯ ᐁ ᑭ ᒪᐃᐧᒧᐢᑕᐋᐧᐟ ᑳ ᑎᐯᔨᐦᒋᑫᔨᐟ. 19ᑳ ᑎᐯᔨᐦᒋᑫᐟ ᒫᑲ ᑭ ᑫᐧᐢᑭᑎᓂᑖᐤ ᓱᐦᑭ ᑭᑕ ᓇᑳᐯᐊᓂ ᔪᑎᓂᔨᐠ ᐁᑯᓯ ᑳᐧᐢᑯᑎᓯᓴᐠ ᐁ ᑭ ᓯᐯᐧ ᐁᐧᐹᓯᒋᐠ ᒥᓇ ᐁ ᑭ ᐃᓯᐁᐧᐹᓯᒋᐠ ᒥᐦᑳᐧᑲᒥᐃᐧ ᐃᐧᓂᐯᑯᕽ ᓇᒪᐋᐧᐨ ᒫᑲ ᐯᔭᐠ ᑭ ᐃᐢᑯ ᐊᓂᑕ ᐃᒋᑊᐟ ᐊᐢᑭᕽ. 20ᒫᑲ ᑳ ᑎᐯᔨᐦᒋᑫᐟ ᑭ ᒪᐢᑲᐃᐧᑌᐦᐁᐁᐤ, ᐯᕒᐅᐊᐧ. ᐁᑯᓯ ᒫᑲ ᓇᒪᐃᐧᔭ ᐃᐧ ᐸᑭᑎᓀᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᓯᐯᐧᑌᔨᐟ.
21ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᑭᓯᑯᕽ ᐃᓯ ᓱᐃᐧᓂᐢᑫᔨ, ᑭᑕ ᐊᐧᓂᑎᐱᐢᑳᐠ ᒥᓯᐁᐧ ᐃᒋᑊᐟ ᐊᐢᑭᕽ ᐊᓂᒪ ᐅᑎ ᐊᐧᓂᑌᐱᐢᑲᐤ ᑫ ᑭ ᒧᓯᑖᕽ. 22#ᓂᑲᒧᓇ 105:28; ᑭᐢᑫᔨᐦᑖᑯᐦᑫᐃᐧᐣ 16:10ᒧᓯᐢ ᒫᑲ ᑭᓯᑯᕽ ᑭ ᐃᓯ ᓱᐃᐧᓂᐢᑫᔨᐤ, ᐁᑯᓯ ᒫᑲ ᑭ ᐸᓴᑯ ᐊᐧᓂᑎᐱᐢᑳᐤ ᓂᐢᑐ ᑭᓯᑳᐤ ᐃᔨᑯᕽ ᒥᓯᐁᐧ ᐁᑯᑕ ᐊᐢᑭᕽ. 23ᓇᒪᐋᐧᐨ ᑭ ᐋᐧᐸᑐᐊᐧᐠ, ᐊᐦᐳ ᓇᒪᐃᐧᔭ ᐊᐃᐧᔭᐠ ᐅᐟ ᐊᐱᐃᐧᓂᕽ ᑭ ᐅᐦᒋ ᐸᓯᑯ ᓂᐢᑐ ᑭᓯᑳᐤ; ᒫᑲ ᐃᐧᔭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐋᐧᓭᔮᔨᐤ ᐃᑕ ᑳ ᐊᔮᒋᐠ.
24ᐯᕒᐅ ᒫᑲ ᑭ ᓇᑐᒣᐤ ᒧᓯᓴ ᐅᒥᓯ ᐁ ᑭ ᐃᑖᐟ, ᓯᐯᐧᑌᐠ, ᓇᑕᐃᐧ ᐊᑐᐢᑫᐢᑖᕽ ᑳ ᑎᐯᔨᐦᒋᑫᐟ ᑭᔮᒼ ᐱᑯ ᑭ ᒫᔭᑎᐦᑯᒥᐋᐧᐊᐧᐠ ᒥᓇ ᑭᐟ ᐊᐊᐧᑳᓂᐋᐧᐊᐧᐠ ᑭᑕ ᐊᐱᐊᐧᐠ; ᑭᔮᒼ ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ ᑭ ᑲ ᐃᐧᒉᐃᐧᑯᐋᐧᐊᐧᐠ. 25ᒧᓯᐢ ᒫᑲ ᐅᒥᓯ ᑭ ᐃᑌᐤ, ᑭ ᑲ ᒥᔨᓈᐣ ᐸᑭᑎᓈᓱᐃᐧᓇ ᒥᓇ ᒪᒍᐢᑌᐦᐊᒫᑫᐃᐧᓇ ᒥᓇ ᑭᑕ ᐸᑭᑎᓈᓱᐢᑕᐋᐧᔮᕽ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ. 26ᓂᐟ ᐊᐊᐧᑳᓂᓈᓇᐠ ᐊᓯᒋ ᓂ ᑲ ᐃᐧᒉᐃᐧᑯᓈᓇᐠ; ᓇᒪᐋᐧᐨ ᑫᑲᐧᐩ ᐅᑖᓈᕽ ᑭᑕ ᓇᑲᒋᑳᑌᐤ, ᒋᑫᒫ ᐁᑯᑕ ᑫ ᐅᐦᑎᓇᒫᕽ ᑭᑕ ᐅᐦᒋ ᐊᑐᐢᑲᐋᐧᔮᕽ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ; ᓇᒪᐃᐧᔭ ᒫᑲ ᓂ ᑲ ᑭᐢᑫᔨᑌᓈᐣ ᐊᓂᒪ ᑫ ᐋᐸᒋᐦᑖᔮᕽ ᐁ ᐊᑐᐢᑫᐢᑕᐋᐧᔮᕽ ᑳ ᑎᐯᔨᐦᒋᑫᐟ ᐹᑎᒫ ᐁᑯᑕ ᑕᑯᓯᓂᔮᑭ.
27ᒫᑲ ᑳ ᑎᐯᔨᐦᒋᑫᐟ ᑭ ᒪᐢᑲᐃᐧᑌᐦᐁᐁᐤ ᐯᕒᐅᐊᐧ, ᐁᑯᓯ ᓇᒪᐃᐧᔭ ᐃᐧ ᐸᑭᑎᓀᐤ. 28ᐯᕒᐅ ᒫᑲ ᐅᒥᓯ ᑭ ᐃᑌᐤ, ᓇᑲᓯᐣ, ᒣᔭᑳᐧᒼ, ᐁᑳᐃᐧᔭ ᒥᓇ ᐃᐧᑳᐨ ᐋᐧᐸᒥᐣ, ᒋᑫᒫ ᐊᓂᒪ ᐁ ᑭᓯᑳᐠ ᐋᐧᐸᒥᔭᓂ, ᑫᐦᒋᓈ ᑭ ᑲ ᓂᐱᐣ. 29ᒧᓯᐢ ᒫᑲ ᑭ ᐃᑌᐤ, ᑲᐧᔭᐢᐠ ᑭ ᑭ ᐃᑖᐧᐣ, ᓇᒪᐃᐧᑳᐨ ᒥᓇ ᑭ ᑲ ᐋᐧᐸᒥᑎᐣ.
നിലവിൽ തിരഞ്ഞെടുത്തിരിക്കുന്നു:
ᐁᐠᓴᑕᐢ 10: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.
