Nɛra Kura 30
30
Nyoa baɡa Mmarare
1Mosis ŋɔ nomonome baa chɔ Israel deene nyoo la be ŋɔ waa Korowii aa do ba a ta laanee nɔ. 2“Dɛ nomɛlbwa baɡɛ Korowii nyoa kɛɛ dɛ ŋwɛɛ ntam waane ta naa, o bɛ ɡel a chɔ. Ó ɛ wobɛlbwa waa ŋɔa wɛɛ ɛo la.
3Dɛ haah baɡɛ Korowii nyoa kɛɛ dɛ ŋwɛɛ ntam waane ta o toli saŋ waa lɔ o mɛɛ dem, 4asɛ o mɛɛ no o nyobaɡa la, kɛɛ ŋwɛɛra la, o ta wobɛlbwa bolaa, a ta chɔ le. 5O mɛɛ noɔ dɛ kaoh waa, a ta chɛ kɛ haah la teŋɛ a ta kpa. Korowii ɛɛ kpɔɔ kɛo dɛkalkɛ o mɛɛ ta sɛɛh.
6Dɛ o yalɔ mɔɔ dɛ baɡɛ nyoa la kɛɛ a le o nyoa warane o baɡɛ dɛ kpɔ vɔrɔwe o te, 7asɛ o jaa no dɛ tɔ nyoa o ta wobɛlbwa haah la be bolaa, amɔ te ntam kɛɛ nyoa waa baɡa dɛ kpɔ vɔrɔwe o te la ta chɔ le. 8Dɛ o jaa noɔ dɛ kaoh ŋɔ o kpɔ nyobaɡa kwaa la la naa, o bɛ ɡel a chɔ. Korowii ɛɛ kpɔɔ kɛo.
9Luhaah kɛɛ haah o ne o jaa aa vɛh dɔŋa, o ŋwɛɛ ntam kɛɛ dɛ baɡɛ nyoa la, a dawɛ o nɛ.
10Dɛ haah yalɔ asɛ dɛ ŋwɛɛ ntam kɛɛ dɛ baɡɛ nyoa dɛ le waane ta, 11asɛ o jaa no o ta o haah kaeh yaa, dɛ ntam kɛɛ nyobaɡa la ta chɔ le. 12Dɛ o jaa la noɔ dɛ kaoh ŋɔ ó kpɔ ntam kɛɛ nyobaɡa kwaa la la, kɛ a ta chɛ kɛ ó ɡel a chɔ aa, Korowii ɛɛ kpɔɔ kɛo, dɛkalkɛŋɔ o jaa kaoh. 13O jaaree dɔ kpeɡri kɛŋɔ ó sɛh kɛɛ dɛ vɛh nyobaɡa kɛɛ ntam haah la aa ŋwɛɛra la. 14Dɛ o jaa la ta wobɛlbwa bolɛ awola waa noa kɛŋɔ o baɡɛ nyoa la aa, amɔ te dɛ o sɛh haah la ntam ne nyobaɡa waa kpɔa vɔrɔwe o te la. A waa o ta wobɛlbwa bolɛ la. 15O jaa la noɔ mɔɔ dɛ kaoh waa, amɔ te haah la wechɔɡa dawɛ o jaa la nɛ.”
16A ɡɛ Mmarare laanee Korowii do Mosis ŋɔ a chɔ le tɛ baa ne o haah, dɛ baa ne o bihaah o taa soɡe o mɛɛ dem.
നിലവിൽ തിരഞ്ഞെടുത്തിരിക്കുന്നു:
Nɛra Kura 30: mzw
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.