Mattaios 14
14
14 Ik.
1Nei ita Tetrakes Herod anak ne Yesu gusu an 2orushpe nu wa — Tan guru anak Baptisma kore Yoannes ne, rai orowa no hetopo-shiknu nisa ruwe ne, tambe gusu otta tan okai kiroro unbe aki ruwe ne, ari koro uitek utara otta ye. 3Inambe gusu ne yakun, Herod anak ne koro iriwak piripos koro machi Herodias gusu Yoannes kishima wa tupetupe hine upakashnu chisei orota omare yara nisa ruwe ne. 4Nei shiwentep koro ambe anak ne ipawetenge ehaitap ne ruwe ne, ari orota Yoannes ye nisa ruwe ne gusu ne na Orowa, 5shinuma Yoannes raige kuni ramu, awa, inne utara koishitoma ruwe ne, nei guru anak ne uweingara guru ne ani utara esanniyo nisa ruwe ne gusu ne na. 6Koroka, Herod hekatu toho ek ita anak ne Herodias koro matne-po ainu tumta rimsei wa Herod nupetnere. 7Aige, nep ne yakka eikoramkorobe e kore ash kusu ne, ari shinuma nei matkatchi otta shiyuppa no eitakamkire nisa ruwe ne. 8Orowa, koro habo orowa no aonishnishi wa, — Nima kashiketa Baptisma kore Yoannes sapaha aande wa teda en kore ari itak. 9Orowa, sapane guru oknatara; koroka, ibe gusu tura no rok utara gusu hemhem, koro eitakamkire ambe gusu hemhem, nei ambe akore kuni kashpaotte nisa, 10aige, ainu omande wa upakashnu chisei ta an Yoannes sapaha otuyere yara nisa ruwe ne. 11Orowa, shinuma sapaha nima kashiketa akoro wa ek wa nei matkachi otta akore; aine, matkachi anak ne koro habo otta koro wa oman nisa ruwe ne. 12Orowa, koro koikara utara araki hine nei kaise uk wa iyurui orota omare; orowa, paye wa Yesu nure nisa ruwe ne na.
13Yesu tan orushpe nu chiki ekohopi hine chip o wa shinen ne utara isam no an ushi orun oman nisa ruwe ne: orowa inne utara nu chiki machiya orowa no payekai wa Shinuma oshi araki nisa ruwe ne. 14Aige, Shinuma ek wa poro ainu topaha nukara, awa, erampokiwen wa kore hine koro tashum ki utara iwangere nisa ruwe ne. 15Shiri-onuman an chiki, koro koikara utara Shinuma otta araki wa ene itak-hi :— Tan ushike anak ne nepka isam ushi ne, orowa tane moire okere ruwe ne; inne topaha utara yaikota gusu aep hok kuni ne machiya orun payere wa un kore, ani ye. 16Koroka, nei utara otta Yesu ene itak-hi :— Oman kuni ika isam; echi utara ibere yan, ari itak. 17Shinuma orota nei utara ene itak-hi :— Teda anak ne ouse pan ashikne tak newa tu chep patak an ruwe ne. 18Orowa Shinuma ene itak-hi :— Ete-un koro wa araki yan. 19Orowa, Shinuma nei topaha utara mun kata rokte kuni kashpaotte nisa ruwe ne; awa, nei ashikne pantak hemhem nei tu chep hemhem uina hine kando orun hepuni wa yaiiraige ki, orowa, meshpa wa koikara utara otta pantak kore, aige, koikara utara anak utara topaha otta koropare nisa ruwe ne. 20Utara obitta ibe wa akironnure ruwe ne: orowa, nei ameshpa pantak ikashima ike anak ne tu saranip ikashima wan saranip pakno umomare nisa ruwe ne na. 21Awa, shiwentep utara newa pon utara moshima e ainu pish ki-i anak ne go sen nin ne ainu ehange ruwe ne.
22Orowa Shinuma nani inne utara payere okere pakno koro koikara utara chip ore wa kotchaot ekush un omande nisa ruwe ne Orowa, 23inne utara payere okaketa Shinuma inonno-itak ki gusu oyakta an nupuri hemesu: orowa, onuman an koro shinen ne an ruwe ne. 24Koroka, chip anak ne tane atui kata an wa riri gusu ramuchuptek; rera wen wa gusu ne na. 25Orowa anchikara ine ikinne no an pungi pakita anak ne Shinuma atui kata apkash wa nei utara orota ek nisa ruwe ne. 26Aige, koikara utara anak ne Shinuma atui kata apkash shiri nukara chiki yaikowepekere hine :— Tukap ne, sekoro itak; awa, ishitoma gusu hawe ashte nisa ruwe ne. 27Koroka, orota Yesu nani itak sange wa ene itak-hi :— Ramu-ritetke yan; 28Kuani ne; iteki ishitoma yan, ari itak. Orowa; Petros Shinuma orota ese wa ene itak-hi; — Utarapa, Aokai ne yakun, wakka kashiketa ku apkash wa E orun ku oman kuni ne en kashpaotte wa en kore, ari itak. 29Orowa, Ek, ani Shinuma ye nisa ruwe ne. Tata otta Petros chip orowa no yan, aige, Yesu otta ek kuni gusu wakka kata apkash nisa ruwe ne. 30Koroka, rera yupkep nukara chiki ishitoma, awa, wakka tumuge un ren heashi, aige, hawe ashte wa :— 31Utarapa, en kaobiuki wa en kore, ari itak. Orowa, Yesu nani tekehe turi hine shinuma kishima wa orota ene itak-hi :— Aa eishokoro-i pon guru, hemanda gusu keutum utumashi ya? 32Orowa, chip otta ahup chiki, rera okake an ruwe ne. 33Awa, chip otta okai utara Shinuma ko-ongami wa :— Son no poka Aokai anak ne Kamui Poho E ne ruwe ne, ari an itak ani ye nisa ruwe ne na.
34Orowa, atui-tomotuye wa ya ta yap chiki Gennesaret kotan ta araki nisa ruwe ne. 35Aige, nei kotan un utara Shinuma eamkiri koro anak ne nei kotan okari teshkara wa tashum guru obitta Shinuma orun koro wa araki nisa ruwe ne; 36awa, Shinuma mipihi paruruge tomooshma kuni koramkoro: aige, nen ne yakka nei ambe tomooshma gurʼanak ne aiwangere nisa ruwe ne na.
നിലവിൽ തിരഞ്ഞെടുത്തിരിക്കുന്നു:
Mattaios 14: AINU
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© British and Foreign Bible Society 1897, 2018
Mattaios 14
14
14 Ik.
1Nei ita Tetrakes Herod anak ne Yesu gusu an 2orushpe nu wa — Tan guru anak Baptisma kore Yoannes ne, rai orowa no hetopo-shiknu nisa ruwe ne, tambe gusu otta tan okai kiroro unbe aki ruwe ne, ari koro uitek utara otta ye. 3Inambe gusu ne yakun, Herod anak ne koro iriwak piripos koro machi Herodias gusu Yoannes kishima wa tupetupe hine upakashnu chisei orota omare yara nisa ruwe ne. 4Nei shiwentep koro ambe anak ne ipawetenge ehaitap ne ruwe ne, ari orota Yoannes ye nisa ruwe ne gusu ne na Orowa, 5shinuma Yoannes raige kuni ramu, awa, inne utara koishitoma ruwe ne, nei guru anak ne uweingara guru ne ani utara esanniyo nisa ruwe ne gusu ne na. 6Koroka, Herod hekatu toho ek ita anak ne Herodias koro matne-po ainu tumta rimsei wa Herod nupetnere. 7Aige, nep ne yakka eikoramkorobe e kore ash kusu ne, ari shinuma nei matkatchi otta shiyuppa no eitakamkire nisa ruwe ne. 8Orowa, koro habo orowa no aonishnishi wa, — Nima kashiketa Baptisma kore Yoannes sapaha aande wa teda en kore ari itak. 9Orowa, sapane guru oknatara; koroka, ibe gusu tura no rok utara gusu hemhem, koro eitakamkire ambe gusu hemhem, nei ambe akore kuni kashpaotte nisa, 10aige, ainu omande wa upakashnu chisei ta an Yoannes sapaha otuyere yara nisa ruwe ne. 11Orowa, shinuma sapaha nima kashiketa akoro wa ek wa nei matkachi otta akore; aine, matkachi anak ne koro habo otta koro wa oman nisa ruwe ne. 12Orowa, koro koikara utara araki hine nei kaise uk wa iyurui orota omare; orowa, paye wa Yesu nure nisa ruwe ne na.
13Yesu tan orushpe nu chiki ekohopi hine chip o wa shinen ne utara isam no an ushi orun oman nisa ruwe ne: orowa inne utara nu chiki machiya orowa no payekai wa Shinuma oshi araki nisa ruwe ne. 14Aige, Shinuma ek wa poro ainu topaha nukara, awa, erampokiwen wa kore hine koro tashum ki utara iwangere nisa ruwe ne. 15Shiri-onuman an chiki, koro koikara utara Shinuma otta araki wa ene itak-hi :— Tan ushike anak ne nepka isam ushi ne, orowa tane moire okere ruwe ne; inne topaha utara yaikota gusu aep hok kuni ne machiya orun payere wa un kore, ani ye. 16Koroka, nei utara otta Yesu ene itak-hi :— Oman kuni ika isam; echi utara ibere yan, ari itak. 17Shinuma orota nei utara ene itak-hi :— Teda anak ne ouse pan ashikne tak newa tu chep patak an ruwe ne. 18Orowa Shinuma ene itak-hi :— Ete-un koro wa araki yan. 19Orowa, Shinuma nei topaha utara mun kata rokte kuni kashpaotte nisa ruwe ne; awa, nei ashikne pantak hemhem nei tu chep hemhem uina hine kando orun hepuni wa yaiiraige ki, orowa, meshpa wa koikara utara otta pantak kore, aige, koikara utara anak utara topaha otta koropare nisa ruwe ne. 20Utara obitta ibe wa akironnure ruwe ne: orowa, nei ameshpa pantak ikashima ike anak ne tu saranip ikashima wan saranip pakno umomare nisa ruwe ne na. 21Awa, shiwentep utara newa pon utara moshima e ainu pish ki-i anak ne go sen nin ne ainu ehange ruwe ne.
22Orowa Shinuma nani inne utara payere okere pakno koro koikara utara chip ore wa kotchaot ekush un omande nisa ruwe ne Orowa, 23inne utara payere okaketa Shinuma inonno-itak ki gusu oyakta an nupuri hemesu: orowa, onuman an koro shinen ne an ruwe ne. 24Koroka, chip anak ne tane atui kata an wa riri gusu ramuchuptek; rera wen wa gusu ne na. 25Orowa anchikara ine ikinne no an pungi pakita anak ne Shinuma atui kata apkash wa nei utara orota ek nisa ruwe ne. 26Aige, koikara utara anak ne Shinuma atui kata apkash shiri nukara chiki yaikowepekere hine :— Tukap ne, sekoro itak; awa, ishitoma gusu hawe ashte nisa ruwe ne. 27Koroka, orota Yesu nani itak sange wa ene itak-hi :— Ramu-ritetke yan; 28Kuani ne; iteki ishitoma yan, ari itak. Orowa; Petros Shinuma orota ese wa ene itak-hi; — Utarapa, Aokai ne yakun, wakka kashiketa ku apkash wa E orun ku oman kuni ne en kashpaotte wa en kore, ari itak. 29Orowa, Ek, ani Shinuma ye nisa ruwe ne. Tata otta Petros chip orowa no yan, aige, Yesu otta ek kuni gusu wakka kata apkash nisa ruwe ne. 30Koroka, rera yupkep nukara chiki ishitoma, awa, wakka tumuge un ren heashi, aige, hawe ashte wa :— 31Utarapa, en kaobiuki wa en kore, ari itak. Orowa, Yesu nani tekehe turi hine shinuma kishima wa orota ene itak-hi :— Aa eishokoro-i pon guru, hemanda gusu keutum utumashi ya? 32Orowa, chip otta ahup chiki, rera okake an ruwe ne. 33Awa, chip otta okai utara Shinuma ko-ongami wa :— Son no poka Aokai anak ne Kamui Poho E ne ruwe ne, ari an itak ani ye nisa ruwe ne na.
34Orowa, atui-tomotuye wa ya ta yap chiki Gennesaret kotan ta araki nisa ruwe ne. 35Aige, nei kotan un utara Shinuma eamkiri koro anak ne nei kotan okari teshkara wa tashum guru obitta Shinuma orun koro wa araki nisa ruwe ne; 36awa, Shinuma mipihi paruruge tomooshma kuni koramkoro: aige, nen ne yakka nei ambe tomooshma gurʼanak ne aiwangere nisa ruwe ne na.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© British and Foreign Bible Society 1897, 2018