Zobur Shorif 40
40
al-Zobur 40
Ebadot-bondegi forisaloḳor lagi: Hozrot Daudor mizmor.
1Sobor ḳoria sai roislam amar Allar lagi,
kial ḳori tain zuaf dila amar foriad huni.
2Golaima gaṛa taki tulia anla more,
feḳor gator moron doshat basaila amare.
Amar faore bor deoaila fattoror ufor,
shokto maṭit ṭai zugaila amar dui faor.
3Zugai dila amar muko noya gozol tan,
oḳon ami gai amar Allar gunogan.
Deḳbo ita bout zone, dekia ḍoraibo,
teu tara Allar ufre iman anibo.
4Doinno ḳali hou bonda, Mabud-u zar ṭikana,
bul fote gia zetae ḳore boṛai-gorima,
itar baedi he to firia-o sae na.
5Ogo amar Mabud Alla gonia fuṛail zaito nae,
tumar kudroti kamor hishab aro nanan sinta-ufae,
zanaia ba ḳoia ami fuṛanir shaiddo nai,
tumar tulyo ḳe ase, ḳeu nai ḳeu nai.
6Kurbani ar lilla-sodgae kushi o na tumi,
kushi o na tumi go, kushi o na tumi,
sao na tumi zalail kiba koforar foshu kurbani,
hunar laḳ dui kan diso more hunia zanu mani.
7Teu ami ḳoilam Alla, aisi ami ono,
leḳa ase amar befar zela kitabo,
8ogo amar Alla, ami kushi tumar morzi furone,
hokkol hukum gata amar dilor bitre.
9Moha zon-shomabesho ami zanaisi,
tumar hoḳol hokkani kamor kush-ḳobri,
amar aoaz bond ḳori na ita to zano,
tumi shoyong shakki amar, O Mabud go.
10Lukaia raḳsi na mor dilor bitor,
tumi ze shoṭik hokkani zanaisi kobor,
tumar deoa nazat ar hok-halali koisi hoḳolre,
doya-maya ar hok tumi zanaisi moha shomabeshe.
11O Mabud! Bond ḳorio na mor lagi tumar rohomotor duar,
tumar doya ar hok ouk mor siroḳalor ḳanḍar.
12Deḳrae ni! Hishab saṛa mosibote berilise more,
fesailise aia amar hoḳol oforade,
dekiar na kunta ami amar soukedi,
amar matar sul taki-o ita to beshi,
mor finjirar mon moyna-o saṛia gesoingi.
13O Alla, tumar duai diar amar zan basao,
Mabud go, amare shaijjo ḳorat zoldi ao.
14Amar zanre zetae nita saira ḳaṛia,
nisa ouk tarar mata shorminda bonia,
amar ḳeti oile zetae ḳorba kushi,
beijjot bonia tara bagi zauk koredi.
15Amar ḳetie zetae ḳoin, oisere oise,
muk lukaia horouk ota nizor laj-shorome.
16Oile kushi-bashi korouk tumar ashik bondar dole,
tumar deḳail basar fot bala fain zeta zone,
hor-hamesha zofi zofi furti korouk tara,
tumi-u mohan Moula, tumi-u mohan Alla!
17Duki kangal zon to ami boṛoi obabi,
amar lagi to sinta ḳoroin Mabud Elahi.
Tumi-u mor shaijjoḳari zan basanir ṭikana,
amare basao go Malik deri korio na.
നിലവിൽ തിരഞ്ഞെടുത്തിരിക്കുന്നു:
Zobur Shorif 40: sylL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Ahle Kitab Society. All rights reserved.
Zobur Shorif 40
40
al-Zobur 40
Ebadot-bondegi forisaloḳor lagi: Hozrot Daudor mizmor.
1Sobor ḳoria sai roislam amar Allar lagi,
kial ḳori tain zuaf dila amar foriad huni.
2Golaima gaṛa taki tulia anla more,
feḳor gator moron doshat basaila amare.
Amar faore bor deoaila fattoror ufor,
shokto maṭit ṭai zugaila amar dui faor.
3Zugai dila amar muko noya gozol tan,
oḳon ami gai amar Allar gunogan.
Deḳbo ita bout zone, dekia ḍoraibo,
teu tara Allar ufre iman anibo.
4Doinno ḳali hou bonda, Mabud-u zar ṭikana,
bul fote gia zetae ḳore boṛai-gorima,
itar baedi he to firia-o sae na.
5Ogo amar Mabud Alla gonia fuṛail zaito nae,
tumar kudroti kamor hishab aro nanan sinta-ufae,
zanaia ba ḳoia ami fuṛanir shaiddo nai,
tumar tulyo ḳe ase, ḳeu nai ḳeu nai.
6Kurbani ar lilla-sodgae kushi o na tumi,
kushi o na tumi go, kushi o na tumi,
sao na tumi zalail kiba koforar foshu kurbani,
hunar laḳ dui kan diso more hunia zanu mani.
7Teu ami ḳoilam Alla, aisi ami ono,
leḳa ase amar befar zela kitabo,
8ogo amar Alla, ami kushi tumar morzi furone,
hokkol hukum gata amar dilor bitre.
9Moha zon-shomabesho ami zanaisi,
tumar hoḳol hokkani kamor kush-ḳobri,
amar aoaz bond ḳori na ita to zano,
tumi shoyong shakki amar, O Mabud go.
10Lukaia raḳsi na mor dilor bitor,
tumi ze shoṭik hokkani zanaisi kobor,
tumar deoa nazat ar hok-halali koisi hoḳolre,
doya-maya ar hok tumi zanaisi moha shomabeshe.
11O Mabud! Bond ḳorio na mor lagi tumar rohomotor duar,
tumar doya ar hok ouk mor siroḳalor ḳanḍar.
12Deḳrae ni! Hishab saṛa mosibote berilise more,
fesailise aia amar hoḳol oforade,
dekiar na kunta ami amar soukedi,
amar matar sul taki-o ita to beshi,
mor finjirar mon moyna-o saṛia gesoingi.
13O Alla, tumar duai diar amar zan basao,
Mabud go, amare shaijjo ḳorat zoldi ao.
14Amar zanre zetae nita saira ḳaṛia,
nisa ouk tarar mata shorminda bonia,
amar ḳeti oile zetae ḳorba kushi,
beijjot bonia tara bagi zauk koredi.
15Amar ḳetie zetae ḳoin, oisere oise,
muk lukaia horouk ota nizor laj-shorome.
16Oile kushi-bashi korouk tumar ashik bondar dole,
tumar deḳail basar fot bala fain zeta zone,
hor-hamesha zofi zofi furti korouk tara,
tumi-u mohan Moula, tumi-u mohan Alla!
17Duki kangal zon to ami boṛoi obabi,
amar lagi to sinta ḳoroin Mabud Elahi.
Tumi-u mor shaijjoḳari zan basanir ṭikana,
amare basao go Malik deri korio na.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Ahle Kitab Society. All rights reserved.