Zobur Shorif 35
35
al-Zobur 35
Hozrot Daudor mizmor.
1Amar birudita ḳorer zara,
tumi Mabude ḳoro tarar birudita,
laṛai ḳorer zara amar loge,
tumi-o laṛai ḳoro tarar loge.
2Zan basanir atiar lo tumar ato,
amar shaijjor lagi zoldi ao go.
3Amare ḳedaorar lagi ato lo sulfi-kusa,
amar zanre ḳo go, “Ami-u tumar basaneala.”
4Amare kun ḳorto sae zara,
beijjot-shorminda ouk tara,
amar ḳeti ḳorto sae zara,
bagia zauk tara mata nuaia.
5Danor susare zela tufane ney uṛaia,
Mabudor firistae ola tarare deukka ḳedaia.
6Tarar fot ouk andair ar fisla,
ḳedaia neukka tarare Mabudor firista.
7More dorar lagi tara fatise zal lukaia,
amar zan nibar lagi kudise gat ḳamoḳa.
8Aḳta ḳori tarar ufre shorbonash lamouk,
tarar fatail zalo tara-u hamauk.
9Teugi amar dile gaibo Mabudor kushir gan,
tain amar zan basanie gaimu tan shan.
10Amar mone-tone ḳouk,
“O Alla, tumar homan ar ḳe ase zogote?
Bolobanor at taki uddar ḳoro nirasroyre,
luṭḳarir ges taki tumi basairae duki-kangalre.”
11Ingshakur misa shakkir dol lagsil amar birudde,
ami zeta zani na ota bishoy more zikaise.
12Ufoḳaror bodla tara ḳorse amar ḳeti,
ḳoto ḳofal fuṛa ami, hay-hutash ḳori.
13Bemar-azar oile tarar solar soṭ finditam,
ḳoshṭo ḳori ruza rakia dile-zane dua ḳortam.
14Bai-birador dust morle manshe ḳande zela,
tarar lagi ami-o to ḳanditam ola,
ma morle ḳandi ḳandi mata zela oizae nisa.
15Ami kunu usṭa ḳaile kushir ṭelae tara zome,
osina manshe mor bodnam gaite ar mair-doir ḳorte na tame.
16Beimanor dole mili ashi-tamsha ḳorlo more,
dat kiṛimiṛi ḳailo tara amar birudde.
17Saia saia ḳotodin deḳtae Mabud tarar ingsha-ginna?
Shinghor dato taki amar zanḳan tumi basao na.
18Moha mozliso ami adae ḳormu shukria,
tumar tarif gaimu ami bout manshor samne dia.
19Misa matra dushmon fale na ḳorouk kushi-bashi more loia,
ḳamoḳa ginnae more zara souk ṭifaṭifi koria,
20tara to shantir mat mate na,
deshor ni-oforadi manshor loge ḳore solona.
21Muk bengaia amar bae tamsha ḳori koy tara,
“Ḳoto moza, ḳoto moza, nizor souke deḳlam amra.”
22Nirai roio na Mabud go deḳrae to hoḳolta,
amare saṛia Mabud horia roio na.
23Zoldi ḳori aguai ao ḳoro amar hok bisar,
amar fokke ro go Alla tumi-u Mabud amar.
24Amar bisar ḳoro Alla nizor pak forezgarie,
ogo amar Alla Mabud, more loia tara zanu kushi-furti na ḳore.
25Tarar dio na mone mone ḳoite,
“Amra zeta saisi ota-u to oise.”
Eoḳan ḳoite dio na tumi tarare,
“Zinda gilia haraisi ogure feṭor bitre.”
26Mosibot dekia amar ḳoroin zetae kushi-furti,
shorminda bonia tara ouk nisa muki,
amar ufre zetae ḳore boṛai-beṭagiri,
shorom ar beijjotit ḍubouk ita hokkolṭi.
27Fak-forezgari dekia mor oy zara kush-bash,
kushir suṭe tara ḳorouk anondo-ullash.
Hor-hamesha ḳouk tara Alhamdulilla,
nizor bondar shanti dekia kushi oin to Alla.
28Tumar hok bisaror gun gaimu amar zifradi,
gunogan gaimu tumar din-rait bori.
നിലവിൽ തിരഞ്ഞെടുത്തിരിക്കുന്നു:
Zobur Shorif 35: sylL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Ahle Kitab Society. All rights reserved.