Zobur Shorif 22
22
al-Zobur 22
Gan-baznar forisaloḳor lagi: ‘Biankur horini’ shure. Hozrot Daudor mizmor.
1O amar Alla, amar Moula, tumi kene amar log saṛi dilae?
Amare na basaia amar ḳandon na hunia ḳene duroi horia roilae?
2O amar Alla, ami dinor bala ḍakilam tumi kunu zuaf na dilae,
raitor bala-o na ḍakia ami roi na nirai.
3Oile tumi-u to fak-fobitro,
Boni Israilor gaoa proshongsha-tarif-u tumar raz-godi.
4Amrar moy-murobbie tumar ufre ekin raḳsoin,
tara tumar ufre borosha ḳorae tumi-o tarare basaitae.
5Tumar dorbaro foriad ḳoria zan-man basaita,
tara borosha ḳoria to shorom faisoin na.
6Oile ami to manush nae, ḳali elamir ek kiṛa-fuk,
manshe amare loia ḳauri kae ṭaṭṭa ḳoria siṛae.
7Zoto zone amare deḳe, hokkole
ṭuṭ bekaia ṭiṭkari maria ḳoy,
8“He zebla Mabudor ufre ḳore borosha,
te oḳon deki tain tare basaukka,
tain zebla tar ufre kushi ar razi,
oḳon tare rokka ḳoroin ni deki.”
9Maʼr feṭo taki tumi-u amare zogoto anlae,
maʼr dud ḳaoar shomoy-o amare borosha dilae.
10Zonom taki amare tumar ato shofi deoa oise,
maʼr feṭo taki-u tumi amar Alla.
11Oḳon amare falaia tumi horia roio na,
samne bout boṛo bifod, amare basanir dusra ḳeu nai.
12Zongli bisalor falor laḳan tara amare berilisoin,
Bashon deshor foyluan bolod oḳole amare aṭḳaisoin.
13Gorzon ḳorra fashan shinghor laḳan tara,
a ḳoria amare gililita saira.
14Borbad fanir laḳan amare ḍalia falai deoa oise,
amar asta shorilor aḍḍi-guḍḍir zuṛa suṭi gese,
amar ḳoilja-gurda momor laḳan golia,
feṭor at-boṛo hamaise.
15Amar bol-shokti hukaia maṭir saṛor laḳan oise,
ar zifra hukaia talut lagigese,
tumi amare dula-balur ḳoyboro harai toiso.
16Ḳobis oḳole amare kuttar falor laḳan berilisoin,
amar at-faore gatilisoin.
17Ami to amar hokkol aḍḍi gonitam fari,
otae amar bae souk melia sai roisoin.
18Tara nizor maze amar ḳafoṛ-sufoṛ baṭa-baṭi korse,
amar kurtar lagi tara loṭari-o marse.
19Oile O Mabud, tumi duroi horia roio na,
O amar ḳanḍari, amare shaijjor lagi zoldi aguai ao.
20Toluaror tol taki basao amar zan,
ota kukror muk taki basao mor foran.
21Shingho falor muk taki rokka ḳoro more,
zongli bisalor darail hingre horao bout dure!
Ou foriad hunia tumi amar zan basaiso,
22te ami-o amar baiaintor gese tumar nam toblig kormu,
shomazor maze tumar tarif-gozol gaimu.
23Tumra zara Mabudor ḍor-ḳofe ro,
tumra tan tarif-gozol gao.
O Iakubor aolad oḳol huno,
Mabud Elahire tazim ḳoro.
Ebadot-bondegi koro tumra hoḳole,
Boni Israilor hoḳol ḳandan ekḳano mile.
24Duki zonor duk dekia tain horoin na,
ḳangalre deḳle tain horia zain na,
afon fak muk lukain na tarare deḳle,
minot-ḳajji hunia tain shaijjo ḳorla tarare.
25Tumar name moha mahfilo zoto tarif-gozol gai,
tumare ḍoraora zonor samne mor mannot ḳormu adae.
26Feṭ bora ḳani kaiba duki-ḳangal zone,
Mabud Moular tarif gaiba tan ashik dole.
Siroḳal zinda rouk ashikor ontor!
27Zogotor hesh shimanar manshe-o touba ḳori firia aiba,
zati oḳlor hokkol gusṭie Mabudor samne ḳorba soizda.
28Raz-shinghashon nichchit Mabud Moular-u,
tain-u hoḳol zatir ufre bashshai koroin.
29Zogotor boloban oḳole ḳaoa-daoa ḳorba,
tan samne aia ebadot ḳorba,
ar zarar nizor zan basanir ufae nai,
tara-o aia noto oia tanre soizda ḳorba.
30Tan ebadot-bondegi korba samnor zugor ḳandane,
Malik Moular ḳobor hunba hou zomanar hoḳole.
31Bobishote zonom oibo duniait zarar,
tarar gese zanail oibo ou kudroti karbar.
നിലവിൽ തിരഞ്ഞെടുത്തിരിക്കുന്നു:
Zobur Shorif 22: sylL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Ahle Kitab Society. All rights reserved.