Zobur Shorif 19
19
al-Zobur 19
Gan-baznar forisaloḳor lagi: Hozrot Daudor mizmor.
1Asman oḳole boyan ḳore Alla Pakor mohima,
san-shuruz groho-terae deḳae tan lila-ḳela.
2Dine dine gae tan zalal ar shan,
raite raite hikae tan aḳolor boyan.
3Nai kunu mat-ḳota nai kunu buli,
aoaz-shur zae na huna erar muko taki.
4Ta-o tarar aoaz mile duniai zuṛi,
fub fosim uttor dokkin hara zogot bori.
Gaṛila Allae ono shuruzor boshot gor,
tambur maze roia shuruz ḳore zogot for.
5Bashor taki bar oin zela noya biati daman,
douṛai douṛai furti koroin zoyi zonor laḳan.
6Asmanor ek kinar taki zain arok kinaro,
iṭar gorom taki shaiddo nai kunu kichchu lukaito.
7Allar deoa hedayot furafur nikut,
bondar zanre ḳore ikan tortaza mozbut.
Allar forman hok ar shoṭik siroḳal boail,
be-aḳol zonre banae furafur aḳoldar.
8Allar deoa niom-niti shoṭik hamesha,
monor maze zugae itae kushir fuara.
Allar hukum-ahkam to kula-mela forishkar,
uzila ḳore itae dilor souk amrar.
9Allar ḍor-ḳof to nikut, hor-hamesha zari,
furafur shoṭik ray dein hok-insafḳari,
10shuna taki-o bout dami, mulloban ar ḳaṭi,
mousaḳor fuṭa foṛa mou taki-o mishṭi.
11Tumar i gulame ota hunia hushiar roy,
amol ḳorle ita nichchoy bout fayda oy.
12Bondae kunu nizor bul nize-u buze ni?
Bekiale ḳora gunar lagi ami mafi mangi.
13Monor gorimae ḳora guna taki basao amare,
itae zanu ḳobza ḳorto na fare more.
Teugi ami nekkar bonda bonitam farmu,
boṛo boṛo guna taki mor zan basaimu.
14Toraneala O Mabud, amar asroy ṭilla,
dilor dian mukor zoban kobul ḳoro go Alla.
നിലവിൽ തിരഞ്ഞെടുത്തിരിക്കുന്നു:
Zobur Shorif 19: sylL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Ahle Kitab Society. All rights reserved.