Zobur Shorif 10
10
al-Zobur 10
1Mabud go, tumi kene duroi roirae?
Bifodor ḳalo kitallagi lukairae?
2Zalimor bahadurie duki-ḳangal buge,
heshe tarar soturir fando tara-u dora foṛe.
3Mondo zone tar monor bojjatir bahaduri deḳae,
lubi manshe Mabudre tuchcho mono ḳoria galiae.
4Beṭagiri koria mondo luke sae na tan didar,
Alla bolte ḳeu nai, ola ekin tarar.
5Duniabi zindegi hamesha laboban tarar,
tarar souke deḳe na to hok insaf tumar,
“Ita bule bout ufre,” oḳan tara ḳoy,
“Amar birudire fu dia uṛailimu nichchoy.”
6Mone mone ḳoy tara, “Amar kunu foton nai,
kunu zuge kunu din-u bifod-afod aito nae.”
7Tar mato lannot ar danda, zur-zulume bora,
zifra bora naformani bojjatir boshot ḳana.
8-9Nirai zonglar maze he ut fatia boy,
nirjon zagat ni-oforadire kun ḳorat roy.
Oshohae-obaga oḳol tarar duio souḳor nishana,
shinghoe zela ḳaf doria zonglat boy lukaia,
duki zonre dorar lagi tara-o ola boy,
doria tare ṭania ani fando harai toy.
10Fando harai norom ḳori fishia surmar ḳore,
oshohae-obaga zon tarar nokur tabat foṛe.
11Mone mone ḳoy tara, “Allae ita deḳoin na,
tan muk to lukailisoin, itar baedi sain-o na.”
12O Mabud zoldi ao, tumar atḳan baṛao,
duki-ḳangalre na fauria zan ḳan basao.
13Naformane ḳene ḳore Alla Pakre elami?
Mone mone ḳene ḳoy, “Tain hishab loiba ni?”
14Otoso tumi to duḳ-mosibot deḳrae,
erar zimmadari tumar ator ḳobzae.
Oshohae zone to tumar ato-u nizore shofe,
tumar gese-u asroy fae etim-miskine.
15Naforman bojjator bol oḳon bangilao,
tarar hoḳol bod ḳamor hishab tumi loilao.
16Sirodin siroḳal Mabud-u oila bashsha,
tan zomin taki bidormi zati shorbonash oiba.
17Mabud go, ḳangal-dukir asha tumi fura ḳoro,
tarar mono shaosh zugai dilor foriad huno.
18Etimor bae sao go Alla, bisar ḳoro shob zalimor,
ḍor deḳani bond ḳorilao maṭir foyda manushor.
നിലവിൽ തിരഞ്ഞെടുത്തിരിക്കുന്നു:
Zobur Shorif 10: sylL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Ahle Kitab Society. All rights reserved.