کُوطٜ نٜلَابٜٔ 20

ݠٛلْ يٜحِ مَکٜدٛنِيَ عٜ عَکَيَ

1ندٜ ڢِتِنَ مَنْ دٜعِّتِ، ݠٛلْ مٛوࢡْتِ نُطِّنْࢡٜ، سٜمْبِطِنِ ࢡٜ؞ ندٜنْ عٛجَࢡِّتِ ࢡٜ، عٛدِلِّ مَکٜدٛنِيَ؞ 2عٛيِيلِ لٜسْدِ مَنْ، عٛسٜمْبِطِنِ يِمْࢡٜ بٜى بٛلّٜ طُوطّٜ؞ ندٜ عٛيٛتِّ عَکَيَ، 3عٛجٛوطِ تٛنْ لٜبِّ تَتِ؞ يَاکٜ عٛطٛنّٛ تَاسْکٛ نَسْتُغٛ کٛومْبٛوَلْ يَحُغٛ سِرِيَ، عٛنَنِ يَحُودُعٜنْ کَࢡِّ دَبَرٜ دٛوْ مَاکٛ؞ نغَمْ مَاجُمْ عٛتٛکّٛرِ مَکٜدٛنِيَ ڢَحِنْ؞ 4سٛݠَتٜرْ ࢡِي ݠِرُّسْ مٛ بٜرٜيَ، يَحْدِ بٜى مَاکٛ؞ عَرِسْتَرْکُسْ عٜ سٜکُنْدُسْ، يِمْࢡٜ تٜسَّلٛنِيکِ عٜ غَيُسْ مٛ دٜرْبٜ عٜ تِمٛتٜ، نٛنْ بٛو تِکِکُسْ عٜ تٛرٛڢِمُسْ يِمْࢡٜ لٜسْدِ عَسِيَ، ࢡٜ ڢُو ࢡٜنجَحْدِ بٜى مَاکٛ؞ 5ࢡٜعَرْدِ مِنْ، ࢡٜنجٜحِ حَا تٛرٛوَسْ، ࢡٜندٜىٰنِ مِنْ تٛنْ؞ 6مِنْ نَسْتِ کٛومْبٛوَلْ#20‏:6 کٛومْبٛوَلْ مَلَّ لَانَوَلْ؞ حَا ڢِلِݠِّ ࢡَاوٛ جُولْدٜ تَمْسٜىٰجٜ طٜ عُڢْنَاکَ؞ ࢡَاوٛ بَلْطٜ جٛوِ مِنْ نجٛکِّ ࢡٜ حَا تٛرٛوَسْ؞ مِنْ مبَطِ عَسَوٜىٰرٜ حَا تٛنْ؞

ݠٛلْ لَارِ يِمْࢡٜ تٛرٛوَسْ

7ࢩَنْدٜ عَلَتْ مِنْ کَوْتِ نغَمْ ࢩَامُغٛ کِيرْتَارِ جَوْمِرَاوٛ#20‏:7 لَارْ مَتَّ 26‏:17‏-29؞؞ ݠٛلْ طٛنْ وٛلْوَنَ يِمْࢡٜ، عٛتٛکِّ وٛلْوُغٛ حَا شَکَ جٜمَّ، نغَمْ عٛدِلَّنّٛ جَنغٛ مَنْ؞ 8وٛودِنٛ ݠِتِّرْلَاجِ طُوطِّ حَا سُودُ دٛوْرُ حَا مِنْ مٛوࢡْتِ؞ 9دٜرْکٜىٰجٛ بِعٜتٜىٰطٛ عٜوْتِکُسْ طٛنّٛ جٛوطِ حَا وُرْدٜرٜ سُودُ، طٛيْنغٛلْ تٜدُّنغٛلْ حٛوعِمٛ يَاکٜ ݠٛلْ طٛنْ تٛکِّتِنَ وَازُ؞ ندٜ عٛطٛنْ طَانِ، عٛدٛعِّ حَا لٜسْدِ دِغَ سُودُ دٛوْرُ تَتَࢡْرُ؞ ࢡٜتَوِمٛ، عٛمَايِ؞ 10ندٜ ݠٛلْ جِݠِّ، عٛحِݠِّ دٛوْ مَاکٛ، حَرْلِمٛ، وِعِ‏: «تَا شَکْلٜ، عٛمَايَايْ‏!» 11ندٜنْ عٛلٛرِ حَا سُودُ دٛوْرُ، عٛيٜوِ تَمْسٜىٰجٜ، عٛࢩَامْدِ بٜى مَࢡّٜ؞ عٛوٛلِدِ بٜى مَࢡّٜ حَا بَࢡّٛلْ، ندٜنْ عٛدِلِّ؞ 12ࢡٜکٛوتِدِ بٜى دٜرْکٜىٰجٛ غٛ، عٛ غٜىٰتٛ؞ طُمْ دٜعِّتِنِ ࢡٜ مَسِنْ؞

ݠٛلْ عُمِّ تٛرٛوَسْ دِلِّ مِلٜتُسْ

13مِنْ عَارْتِ ݠٛلْ نَسْتُغٛ کٛومْبٛوَلْ، مِنْ ندِلِّ حَا عَسّٛسْ؞ عٛوِعْنٛ مِنْ مِنْ عَرْدٛ، نغَمْ عٛيِطِ يَحُغٛ بٜى کٛسْطٜ؞ حَا تٛنْ عٛتَمِّ نَسْتُغٛ کٛومْبٛوَلْ مَنْ؞ 14ندٜ عٛجٛکِّ مِنْ حَا عَسّٛسْ، مِنْ نَسْتِنِمٛ کٛومْبٛوَلْ عَمِنْ، مِنْ ندِلِّ مِتِلٜنٜ؞ 15مِنْ عُمِّ تٛنْ بٜى کٛومْبٛوَلْ، جَنغٛ مَنْ مِنْ تِيتٛتِرِ بٜى کِيٛسْ؞ ڢَࢡِّجَنغٛ مَنْ مِنْ نجٛتِّ سَمٛسْ، ڢَࢡِّتِجَنغٛ مَنْ بٛو مِنْ نجٛتِّ مِلٜتُسْ؞ 16ݠٛلْ وَطِ عَنِّيَ سَالَاغٛ عٜڢٜسُسْ بِلَا جِݠَّاغٛ، نغَمْ عٛيِطَا نٜىٰࢡُغٛ حَا لٜسْدِ عَسِيَ؞ عٛطٛنْ يَاوَنَ يٛتَّاغٛ عُرُسَلِيمَ حِدّٜکٛ جُولْدٜ ݠَنْتٜکٛسْتَ وَطَ، تٛ حٜࢡٛتٛ؞

وَازُ ݠٛلْ حَا ندٛتِّعٜنْ عٜڢٜسُسْ

17دِغَ مِلٜتُسْ ݠٛلْ نٜلِ حَا ندٛتِّعٜنْ جَمَعَارٜ نُطِّنْࢡٜ عٜڢٜسُسْ نغَمْ حَا ࢡٜنغَرَ حَا مَاکٛ؞ 18ندٜ ࢡٜنجٛتِّ، عٛوِعِ ࢡٜ‏: «عٛنٛنْ عَنْدِ نٛ مِجٛوطٛرِ بٜى مٛوطٛنْ، دِغَ ࢩَنْدٜ مِوَرِ حَا لٜسْدِ عَسِيَ؞ 19مِحُووَنِ جَوْمِرَاوٛ بٜى يَنغْکِنَارٜ تِمُّندٜ، بٜى بٛجِّ، ندٜرْ بٛنٜىٰجِ کٜࢡْطِ يَمْ نغَمْ يَحُودُعٜنْ عَنِّنِ حَلّٜىٰندٜ دٛوْ عَمْ؞ 20عٛنْ عَنْدِ، ندٜرْ وَازُ عَمْ مِسُوطَايْ عٛنْ کٛو طُمٜ کٛ نَڢَتَ عٛنْ ڢُو؞ مِعٜکِّتِنِ عٛنْ يٜىٰسٛ يِمْࢡٜ ڢُو عٜ حَا شِعٜ#20‏:20 شِعٜ مَلَّ شَلَاجٜ؞ مٛنْ بٛو؞ 21ڢٛرٛيْ مِوٛلْوَنِ يَحُودُعٜنْ عٜ يِمْࢡٜ عُمَّاتٛوجٜ غٛطّٜ ڢُو حَا ࢡٜتُوبَ، ࢡٜنُطِّنَ جَوْمِرَاوٛ مٜىٰطٜنْ عِيسَى؞ 22کَدِ جٛنْتَ مِطٛنْ دِلَّ عُرُسَلِيمَ نغَمْ رُوحُ شٜنِيطٛ طٛنْ يٜرْࢡَمِّ#20‏:22 ڢَسَّرُويٜ وٛطْندٜ طٛنْ وِعَ‏: نغَمْ رُوحُ عَمْ طٛنْ يٜرْࢡَمِّ؞ ، مِعَنْدَا کٛ وَطَتَمِّ حَا تٛنْ؞ 23حُوندٜ وٛورٜ عَنْدُمِ‏: رُوحُ شٜنِيطٛ طٛنْ حٛلَّمِّ حَا غُرٜ طٜ مِيَالَتَ ڢُو شَلَّلُّوجِ عٜ بٛنٜىٰجِ طٛنْ ندٜىٰنَمِّ؞ 24عَمَّا مِلَارَايْ يٛنغْکِ عَمْ بَنَ حُوندٜ مَرْندٜ سَمَنْ، کٛ نغِطْمِ کَمْ، مِتِمِّتِنَ دَطَ-دَطَ عَمْ عٜ کُوغَلْ نغَلْ جَوْمِرَاوٛ عِيسَى حَلْڢِنِ يَمْ، وَاتٛ سٜىٰدَاغٛ لِنْجِيلَ کَ مٛعّٜرٜ اَللَّه#2 تِمٛتٜ 4‏:7؞؞

25«مِيِيلِ شَکَ مٛوطٛنْ ڢُو، مِوَازِ حَبَرُ لَامُ اَللَّه؞ جٛنْتَ مِنْ، مِعَنْدِ عٛنْ مٜىٰتَتَا يِعُغٛ يَمْ ڢَحِنْ؞ 26نغَمْ مَاجُمْ، مِسٜىٰدِ عٛنْ حَنْدٜ‏: تٛ غٛطّٛ مٛوطٛنْ حَلْکِ، نَا طُمْ عَيْبٜ عَمْ، 27نغَمْ مِوَازِ عٛنْ مُويٛ اَللَّه ڢُو، مِسُوطَايْ عٛنْ کٛو طُمٜ؞ 28عَيْنٜ کٛعٜ مٛوطٛنْ‏! عَيْنٜ تٛکّٜرٜ ندٜ رُوحُ شٜنِيطٛ حَلْڢِنِ عٛنْ‏! بَنَ وَيْنَاࢡٜ، عَيْنٜ جَمَعَارٜ نُطِّنْࢡٜ اَللَّه، ندٜ عٛحٜࢡْرِ بٜى ࢨِيࢨَمْ ࢡِطّٛ مَاکٛ ندُڢَاطَمْ؞ 29نغَمْ مِعَنْدِ تٛ مِدِلِّ، شَاڢَالِ کَانغَاطِ نَسْتَنْ شَکَ مٛوطٛنْ، طِ عَشَّتَا تٛکّٜرٜ؞ 30وٛطْࢡٜ شَکَ مٛوطٛنْ بٛو عُمّٛتٛ، کُووْتِنِرَنْ ݠٜوٜ نغَمْ حَا نُطِّنْࢡٜ تٛکّٛ ࢡٜ؞ 31نغَمْ مَاجُمْ عَيْنٜ‏! شِڢْتٛرٜ نٛ دُوࢡِ تَتِ، جٜمَّ بٜى نَانغٜ ڢُو، مِعَشَّايْ بَرَّاغٛ کٛو مٛيْ مٛوطٛنْ بٜى غٛنْطِ؞

32«جٛنْتَ مِحَلْڢِنِ عٛنْ حَا جُنغٛ اَللَّه عٜ حَا حَبَرُ مٛعّٜرٜ مَاکٛ؞ عٛوَاوَنْ مَوْنِنْغٛ عٛنْ ندٜرْ نُطِّنْکِ عٜ تَبِتِنْغٛ ندٛنْنغُ مٛوطٛنْ، نغُ عٛسِغَنِ سٜنَاࢡٜ مَاکٛ ڢُو؞ 33مِسُونَايْ شَرْدِ مَلَّ کَنغّٜىٰرِ مَلَّ لِمْشٜ غٛطّٛ؞ 34عٛنٛنْ بٜى کٛعٜ مٛوطٛنْ عٛنْ عَنْدِ جُوطٜ عَمْ طٜعٜ کُمْتِ حَاجٜ عَمْ عٜ حَاجٜ وٛنْدِطِّرَاࢡٜ عَمْ؞ 35ندٜرْ کٛ مبَطْمِ ڢُو مِحٛلِّ عٛنْ سٜيْ عٜنْ کُووَ، عٜنْ مبَلَّ تَمْݠُࢡٜ؞ عٜنْ شِڢْتٛرَ بٛو کٛ جَوْمِرَاوٛ عِيسَى وِعِ بٜى حٛورٜ مُمْ‏: بَرْکَ دٛکُّطٛ ࢡُرَنْ کَ دٛکَّاطٛ؞»

36ندٜ ݠٛلْ تِمِّنِ وٛلْوُغٛ، ڢُو مَࢡّٜ ࢡٜتُغِّ کٛݠِّ، عٛوَطِ دٛعَ؞ 37ࢡٜ ڢُو ࢡٜمبٛيِ، ࢡٜکَرْلِمٛ، ࢡٜکٜبِّمٛ؞ 38ࢡٜشُنِ مَسِنْ سَکّٛمَا ندٜ ࢡٜنَنِ عٛوِعِ ࢡٜمٜىٰتَتَا يِعُغٛ مٛ ڢَحِنْ؞ ندٜنْ ࢡٜطٛڢْتِمٛ حَا کٛومْبٛوَلْ#20‏:38 کٛومْبٛوَلْ مَلَّ لَانَوَلْ؞؞

നിലവിൽ തിരഞ്ഞെടുത്തിരിക്കുന്നു:

کُوطٜ نٜلَابٜٔ 20: داَ

ഹൈലൈറ്റ് ചെയ്യുക

പങ്ക് വെക്കു

പകർത്തുക