2 کٛرِنْتُعٜنْ 8
8
شَاحُ مَسِيحِنغْکٜعٜنْ
1دٜىٰرْطِرَاࢡٜ، مِنْ نغِطِ عَنْدِنْغٛ عٛنْ نٛ مٛعّٜرٜ اَللَّه وَنغِرِ ندٜرْ جَمَعَاجٜ نُطِّنْࢡٜ حَا لٜسْدِ مَکٜدٛنِيَ؞ 2ࢡِلَّاجٜ طُوطّٜ ݠٛونْدِ نُطِّنْࢡٜ ࢡٜعٜ، عَمَّا ࢡٜتَبِتِ ندٜرْ سٜيٛ مَنغٛ مَسِنْ؞ کٛو ندٜ ࢡٜطٛنّٛ ندٜرْ تَلَکَاکُ نَاوْنغُ، ࢡٜ سَاحِيࢡٜ جَمُمْ؞ 3مِطٛنْ سٜىٰدَنٛ ࢡٜ ࢡٜ ندٛکِّ کٛ ࢡٜمبَاوِ، حَا ࢡُرِ بَاوْطٜ مَࢡّٜ مَا؞ ࢡٜندٛکِّ بٜى نغِطَ مَࢡّٜ؞ 4ࢡٜتٛرِ مِنْ طُوطُّمْ حَا ࢡٜکٜࢡَ دُنغَيٜىٰرٜ حَوْتَنْغٛ وٛطْࢡٜ ندٜرْ وَلِّيندٜ نغَمْ سٜنَاࢡٜ#رٛمَعٜنْ 15:26؞؞ 5ࢡٜمبَطِ کٛ ࢡُرِ تَمُّندٜ عَمِنْ؞ ࢡٜعَارْتِ ࢡٜندٛکِّ کٛعٜ مَࢡّٜ حَا جَوْمِرَاوٛ، ندٜنْ بٜى مُويٛ اَللَّه، حَا عَمِنْ بٛو؞ 6نغَمْ مَاجُمْ مِنْ تِطِّنِ تِتُسْ حَا عٛسُکْلَنٛ کُوغَلْ شَاحِينغَلْ نغَعَلْ شَکَ مٛوطٛنْ، حَا عٛتِمِّتِنَ نغَلْ بٛوطُّمْ، ندٜ نِي عٛ ݠُطُّنٛوطٛ نغَلْ؞ 7عٛنْ شٛويَايْ کٛو طُمٜ؞ عٛنْ نغٛودِ نُطِّنْکِ عٜ بَاوَلْ وٛلْدٜ عٜ عَنْدَلْ عٜ تِينَارٜ عٜ يِيدٜ حٜىٰدِ عَمِنْ#8:7 ڢَسَّرُويٜىٰجِ غٛطِّ طٛنْ مبِعَ: يِيدٜ عَمِنْ نغَمْ مٛوطٛنْ؞ ؞ مِنْ نغِطِ عٛنْ مبَنغِنَ شَاحَاکِ مٛوطٛنْ ندٜرْ کُوغَلْ نغَعَلْ بٛو؞
8مِوِعَايْ دٛولٜ عٛنْ مبَطَ نٛنْ؞ عَمَّا بٜى کُبَرْ تِينَارٜ وٛطْࢡٜ نغِطْمِ ڢٛوندِرْغٛ لَاࢡٜىٰنغَ يِيدٜ مٛوطٛنْ؞ 9عٛنْ عَنْدِ نٛ مٛعّٜرٜ جَوْمِرَاوٛ مٜىٰطٜنْ عِيسَى اَلْمَسِيحُ وَعِ؞ کٛو ندٜ عٛ دِسْکُطٛ، عٛوَرْتِرِ حٛورٜ مَاکٛ تَلَکَاجٛ نغَمْ دَلِيلَ مٛوطٛنْ، حَا عٛنْ لَاتٛ رِسْکُࢡٜ دَلِيلَ تَلَکَاکُ مَاکٛ؞
10مِوِعِ عٛنْ کٛ مِنُمَتَ؞ مِتَمِّ طُمْ نَڢَنْ عٛنْ تٛ عٛنْ تٛکِّتِنِ تِينَارٜ مٛوطٛنْ؞ عٛنٛنْ عَارْتِ وَطُغٛ عَنِّيَ کَعَ دِغَ رٛوَنِ، نٛنْ بٛو عٛنْ ݠُطِّ کُوغَلْ مَنْ؞ 11جٛنْتَ کَمْ، تِمِّتِنٜ نغَلْ؞ تِمِّتِنٜ نغَلْ ڢٛدّٜ بَاوْطٜ مٛوطٛنْ بٜى عَنِّيَ مبٛوطْکَ بَنَ نٛ عٛنْ ݠُطِّرِ نغَلْ؞ 12تٛ عٛنْ مَرِ عَنِّيَ مبٛوطْکَ نغَمْ حٛکُّغٛ، اَللَّه جَࢡَنْ دٛکَّلْ مٛوطٛنْ؞ عٛࢨَمَتَا کٛ عٛنْ نغَلَا، سٜيْ کٛ مَرْطٛنْ؞
13نَا نغَمْ حَا عٛنْ تَلْکِطَ ندٜنْ وٛطْࢡٜ ݠٛوڢْتَ؞ عَمَّا مِيِطِ ڢٛتْنُغٛ عٛنْ بٜى مَࢡّٜ؞ 14جٛنْتَ عٛنْ طٛنْ ندٜرْ جٜيْنِتَارٜ، عٛنْ مبَاوَنْ وَلُّغٛ وٛنْࢡٜ ندٜرْ سٛويْندٜ؞ يٜىٰسٛ طٛ، تٛ عٛنْ ࢡِلَّکٜ، کَمْࢡٜ ࢡٜمبَلَّ عٛنْ؞ بَنَ نِي ݠٛتُّکِ لَاتٛرْتٛ، 15بَنَ کٛ وِنْدَ:
«ࢡٛڢْتُطٛ طُوطُّمْ ࢡُرْنَايْ،
ࢡٛڢْتُطٛ ݠٜىٰتُمْ بٛو نغَکِّنَايْ#غُرْتَاکِ 16:18؞؞»
تِتُسْ عٜ وٛنْدُࢡٜ بٜى مُوطُمْ
16مِنْ طٛنْ نغٜتَّ اَللَّه دٛکُّطٛ تِتُسْ تِينَارٜ عِرِنْ ندٜ عَمِنْ نغَمْ عٛوَلَّ عٛنْ؞ 17تِتُسْ جَࢡِ تٛرْندٜ عَمِنْ؞ نَا کَنْجُمْ تَنْ، عَمَّا نغَمْ دَلِيلَ تِينَارٜ مَاکٛ طُوطْندٜ، عٛعَنِّنِ يَحُغٛ حَا مٛوطٛنْ؞ 18مِنْ نٜلِمٛ بٜى دٜىٰرْطِرَاوٛ مٛ جَمَعَاجٜ نُطِّنْࢡٜ ڢُو مَنَتَ وَازُ لِنْجِيلَ مُمْ؞ 19جَمَعَاجٜ حَا طٛ شُࢡِمٛ نغَمْ حَا عٛطٛڢْتَ مِنْ سَاعِ مِنْ نجَحْرَتَ دٛکَّلْ غٛ حَا عُرُسَلِيمَ؞ مِنْ طٛنْ مبَطَ طُمْ نغَمْ تٜدُّنغَلْ جَوْمِرَاوٛ بٜى حٛورٜ مُمْ؞ بَنَ نٛنْ بٛو مِنْ طٛنْ مبَنغِنَ عَنِّيَ عَمِنْ مبٛوطْکَ؞
20مِنْ طٛنْ کَکِّلَ نٛ مِنْ نجٛغٛرْتٛ دٛکَّلْ مَنغَلْ نغَعَلْ، نغَمْ تَا غٛطّٛ حٜࢡَ ڢٜلُغٛ مِنْ؞ 21مِنْ نغِطِ وَطُغٛ کٛ ڢٛتِّ، نَا يٜىٰسٛ جَوْمِرَاوٛ تَنْ، عَمَّا يٜىٰسٛ يِمْࢡٜ بٛو#بَلْندِ 3:4؞؞
22مِنْ نٜلِ دٜىٰرْطِرَاوٛ مٜىٰطٜنْ غٛطّٛ بٜى مَࢡّٜ؞ مِنْ ݠٛونْدِ تِينَارٜ مَاکٛ ندٜ طُوطُّمْ، مِنْ تَوِ عٛ تِينِيطٛ ڢٛرٛيْ؞ جٛنْتَ بٛو عٛࢡٜسْدِ تِينَاغٛ، نغَمْ عٛطٛنْ حٛولِ عٛنْ طُوطُّمْ؞ 23تِتُسْ کَمْ، عٛ کَوْتِطِّرَاوٛ عَمْ، کُووْدٛووٛ بٜى عَمْ نغَمْ مٛوطٛنْ؞ دٜىٰرْطِرَاࢡٜ يَحْدَنْࢡٜ بٜى مَاکٛ بٛو، کَمْࢡٜ نغٛنِ نٜلَاࢡٜ جَمَعَاجٜ؞ ࢡٜطٛنْ کُووَ نغَمْ تٜدُّنغَلْ اَلْمَسِيحُ؞ 24کٛلّٜ ࢡٜ يِيدٜ مٛوطٛنْ؞ ندٜنْ کَمْ جَمَعَاجٜ نُطِّنْࢡٜ ڢُو تَبِتِنَنْ ڢَکَتْ مِنْ مَنْتٛرَاکِ عٛنْ مٜىٰرٜ؞
നിലവിൽ തിരഞ്ഞെടുത്തിരിക്കുന്നു:
2 کٛرِنْتُعٜنْ 8: داَ
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Fulfulde Bible Ajamiya © Bible Society of Cameroon, 2016.