SAM 77:11-15

സർവേശ്വരന്റെ പ്രവൃത്തികൾ ഞാൻ അനുസ്മരിക്കും, അവിടുന്നു പണ്ടു പ്രവർത്തിച്ച അദ്ഭുതങ്ങൾ തന്നെ. അവിടുത്തെ സകല പ്രവൃത്തികളെയും ഞാൻ ധ്യാനിക്കും. അവിടുത്തെ മഹത്തായ പ്രവൃത്തികൾതന്നെ. ദൈവമേ, അവിടുത്തെ മാർഗം വിശുദ്ധമാകുന്നു. നമ്മുടെ ദൈവത്തെപ്പോലെ ഉന്നതനായി ആരുണ്ട്? അവിടുന്നാണ് അദ്ഭുതങ്ങൾ പ്രവർത്തിക്കുന്ന ദൈവം, അവിടുന്നു ജനതകളുടെ ഇടയിൽ ശക്തി വെളിപ്പെടുത്തി. തൃക്കൈകൊണ്ടു സ്വജനത്തെ അവിടുന്നു രക്ഷിച്ചു. യാക്കോബിന്റെയും യോസേഫിന്റെയും സന്തതികളെത്തന്നെ.