NEHEMIA 6:17-19

ആ കാലത്ത് യെഹൂദാ പ്രഭുക്കന്മാരും തോബീയായും തമ്മിൽ കത്തിടപാടുകൾ ഉണ്ടായിരുന്നു. തോബിയാ ആരഹിന്റെ പുത്രൻ ശെഖന്യായുടെ ജാമാതാവ് ആയിരുന്നു. അയാളുടെ പുത്രനായ യോഹാനാൻ ബേരഖ്യായുടെ പുത്രനായ മെശുല്ലാമിന്റെ പുത്രിയെ വിവാഹം കഴിച്ചിരുന്നു. തന്നിമിത്തം യെഹൂദ്യയിൽ അനേകം പേർ അയാളുമായി ബന്ധപ്പെട്ടിരുന്നു. അവർ എന്റെ മുമ്പിൽവച്ച് അയാളെ പ്രശംസിക്കുകയും ഞാൻ പറഞ്ഞതെല്ലാം അയാളെ അറിയിക്കുകയും ചെയ്തു. തോബീയാ എനിക്കു ഭീഷണിക്കത്തുകൾ അയച്ചുകൊണ്ടിരുന്നു.