Salmos 5
5
Vi ndakuatuo nuu ia Dios in in neꞌe
Yaa ni tee David
1Konini ni tnoꞌo kaꞌan san, vi Jitoꞌo san,
te tanuu ña ni joo nuu kana ndaꞌu san.
2Konini ni nuu jikantaꞌu san nuu ni,
chi Dios maa san vi rey maa san kuu ni,
te nuu maa ni ndakuatu san.
3Tnoꞌo neꞌe nini ni tnoꞌo kaꞌan san, vi Jitoꞌo san,
chi in in neꞌe ndakuatu san nuu ni,
te ndetu kaꞌnu san ja taa ni nagua jikan san.
4Chi masu in Dios ja junkuaan ini jakueꞌe kuu ni,
te ma kuu vi koo ñayiu kueꞌe nuu oo ni.
5Te ni ma vi koo ñayiu ka saꞌa teyii mai nuu ni,
chi skexiko ni ndiꞌi ñayiu ka saꞌa jakueꞌe.
6Te xnaa ni ñayiu ka kaꞌan tnoꞌo tnoꞌo,
vi skexiko ni ñayiu ka jaꞌni ndiyi vi ñayiu ka xndaꞌu inka ñayiu.
7Su sein, chi ja kundaꞌu ndevaꞌa ini ña ni jin san,
te kuu kiuu san ini veꞌe ni, te junkuiin jiti san,
te chiñuꞌu ña san nuu veñuꞌu ii ni.
8Kondeka ña ni jin san, vi Jitoꞌo san, ja na saꞌa ndaa san
ja jaꞌa ñayiu ka kaꞌan uꞌu ña jin san,
te na kaka ndaa san ichi maa ni.
9Chi tu ka kaꞌan ndaa ñayiu yun,
te oo chitu jakueꞌe ini anui,
te sukuin kuu na kuinio yau ñaña ja nune,
chi luu ndevaꞌa ka kaꞌin jin yai ja ka xndaꞌui ñayiu.
10Tetniuu ni tnundoꞌo siki, vi Dios,
te saꞌa ni ja na vi nanakau mai nuu jakueꞌe ka ndukui ja vi saꞌi.
Skunu ni jin, chi kuakuaꞌa jakueꞌe ka saꞌi,
chi ka ndakoi siki ni.
11Su na vi kokusii ini ndiꞌi ñayiu ka kukanu ini ña jin ni,
te siun ni na vi kokatai ja ka kusii ini,
chi maa ni kuu ia in niꞌnu in sagua ja jaꞌi,
te nuu maa ni na vi kokusii ini ñayiu ka kutoo ña jin ni.
12Chi maa ni saꞌa vii saꞌa vaꞌa ñayiu ndaa, vi Jitoꞌo san,
te na kuinio in kaa tikute saa jionduu ni ñayiu ja chindee chituu ni jin.
നിലവിൽ തിരഞ്ഞെടുത്തിരിക്കുന്നു:
Salmos 5: xtnNTplus
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2016, Wycliffe Bible Translators, Inc. All rights reserved.
Salmos 5
5
Vi ndakuatuo nuu ia Dios in in neꞌe
Yaa ni tee David
1Konini ni tnoꞌo kaꞌan san, vi Jitoꞌo san,
te tanuu ña ni joo nuu kana ndaꞌu san.
2Konini ni nuu jikantaꞌu san nuu ni,
chi Dios maa san vi rey maa san kuu ni,
te nuu maa ni ndakuatu san.
3Tnoꞌo neꞌe nini ni tnoꞌo kaꞌan san, vi Jitoꞌo san,
chi in in neꞌe ndakuatu san nuu ni,
te ndetu kaꞌnu san ja taa ni nagua jikan san.
4Chi masu in Dios ja junkuaan ini jakueꞌe kuu ni,
te ma kuu vi koo ñayiu kueꞌe nuu oo ni.
5Te ni ma vi koo ñayiu ka saꞌa teyii mai nuu ni,
chi skexiko ni ndiꞌi ñayiu ka saꞌa jakueꞌe.
6Te xnaa ni ñayiu ka kaꞌan tnoꞌo tnoꞌo,
vi skexiko ni ñayiu ka jaꞌni ndiyi vi ñayiu ka xndaꞌu inka ñayiu.
7Su sein, chi ja kundaꞌu ndevaꞌa ini ña ni jin san,
te kuu kiuu san ini veꞌe ni, te junkuiin jiti san,
te chiñuꞌu ña san nuu veñuꞌu ii ni.
8Kondeka ña ni jin san, vi Jitoꞌo san, ja na saꞌa ndaa san
ja jaꞌa ñayiu ka kaꞌan uꞌu ña jin san,
te na kaka ndaa san ichi maa ni.
9Chi tu ka kaꞌan ndaa ñayiu yun,
te oo chitu jakueꞌe ini anui,
te sukuin kuu na kuinio yau ñaña ja nune,
chi luu ndevaꞌa ka kaꞌin jin yai ja ka xndaꞌui ñayiu.
10Tetniuu ni tnundoꞌo siki, vi Dios,
te saꞌa ni ja na vi nanakau mai nuu jakueꞌe ka ndukui ja vi saꞌi.
Skunu ni jin, chi kuakuaꞌa jakueꞌe ka saꞌi,
chi ka ndakoi siki ni.
11Su na vi kokusii ini ndiꞌi ñayiu ka kukanu ini ña jin ni,
te siun ni na vi kokatai ja ka kusii ini,
chi maa ni kuu ia in niꞌnu in sagua ja jaꞌi,
te nuu maa ni na vi kokusii ini ñayiu ka kutoo ña jin ni.
12Chi maa ni saꞌa vii saꞌa vaꞌa ñayiu ndaa, vi Jitoꞌo san,
te na kuinio in kaa tikute saa jionduu ni ñayiu ja chindee chituu ni jin.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2016, Wycliffe Bible Translators, Inc. All rights reserved.