Tongo nda ti aye 49
49
Jacob asara tufa na ndö ti amolenge ti lo baleoko na use
1Jacob airi amolenge ti lo ti koli si lo tene na ala:
“Ala bongbi tere ti ala titene mbi fa na ala
ye so ayeke si na ala gbanda.
2Amolenge ti Jacob,
ala bongbi tere ti ala ti ma tënë!
Ala ma tënë ti mbi, Israel, babâ ti ala!
3Ruben, mo yeke kozo molenge ti mbi,
mo laa mo yeke kozo ngangu ti tere ti mbi.
Mo yeke kozo molenge
so mbi ngba ngangu si mbi du mo.
Mo hon amba ti mo kue
na lege ti nengo tere, nga na ngangu.
4 Me mo yeke tongana ngu
so ayeke sua gi ngangu ngangu so.
Mo yeke ngba ande yaya ti a-ita ti mo pepe.
Mo lango na ndö ti gbogbo ti mbi, babâ ti mo
si mo sara titene gbogbo ti mbi aga sioni.
5Siméon na Lévi ayeke a-ita.
Mango tere ti ala ayeke ti sara gi ngangu na azo.
6 Mbi ye ti li na ya ti bongbi ti lekengo tënë ti ala pepe,
mbi yeke bongbi tere na ala pepe.
Na ya ti ngonzo ti ala, ala fâ zo,
ndali ti nzerengo tere ti ala, ala fâ ngbongo ti akoli-bagara.
7Mbi deba ngonzo ti ala;
ngonzo ti ala ni ayeke sioni mingi!
Mbi deba nga sarango ye ti ala na ngonzo;
sarango ye ti ala ni ayeke sioni mingi!
Mbi yeke kangbi ya ti ala na sese ti Jacob kue
si ala yeke kangbi tere ti ala na ya ti kodro ti Israel.
8 Juda, fade a-ita ti mo ayeke gonda mo.
Mo yeke gbu go ti awato ti mo,
amolenge ti babâ ti mo ayeke kuku na gbe ti mo.
9 Juda, molenge ti mbi,
mo yeke tongana mbeni kete bamara
so afâ nyama si akiri na ni na ndo ti lango ti lo.
Lo kuku, lo lango na sese,
lo kpa koli-bamara wala wali-bamara.
Zo wa laa alingbi ti ndu lo titene lo londo?
10Mbata ti gbia ayeke ngba lakue na ya ti sewa ti Juda.
*Ahale ti lo ayeke ngba lakue na komandema,
ngbii taa wa ti komandema ni asi.
Lo laa azo ti mara kue ayeke ma yanga ti lo.
11Lo yeke kanga lele ti lo na tere ti keke ti *vinye,
lo yeke kanga molenge ti lele ti lo
na tere ti pendere keke ti vinye.
Lo yeke sukula bongo ti lo na ya ti vin,
lo yeke sukula yongoro bongo ti lo
na ngu ti ale ti vinye.
12Le ti lo aza, apendere ahon vin,
pembe ti lo avuru ahon ngu ti me ti bagara.
13Zabulon ayeke lango ande na yanga ti kota ngu-ingo,
lo yeke luti na tere ti amangboko.
Yanga ti kodro ti lo ayeke gue ngbii asi na Sidon.
14Isakar ayeke tongana mbeni ngangu lele,
lo yeke lango na popo ti agbagba use.
15Lo baa lo tene wungo tere ayeke nzoni
si sese ni nga ayeke nzoni na le ti lo.
Lo yoro go ti lo titene a zia nengo kungba daa,
lo yeke sara kua ti ngbaa.
16 Dan ayeke fâ ande ngbanga ti azo ti kodro ti lo,
tongana ti ambeni mara ti Israel oko oko.
17Dan ayeke duti tongana mbeni ngbo na ndö ti lege,
lo yeke duti tongana sioni ngbo na ndö ti kete lege,
lo yeke te gere ti mbarata si zo ti kpengo na mbarata ni ati,
le ti lo na nduzu.
18 *KOTA GBIA, mbi yeke ku
songo so mo yeke soo azo na kuâ.
19Gad, *azaragina atuku na ndö ti lo,
me lo ti na ndö ti ala
si lo yeke tumba peko ti ala.
20Aser ayeke na anzoni kobe ti tengo ni,
lo laa lo yeke mu na azo anzerengo kobe ti gbia.
21Neftali ayeke tongana mbeni wuga
so ayeke tambula tongana ti so be ti lo aye.
Lo yeke du apendere molenge.
22Joseph ayeke tongana mbeni keke so ayeke le mingi,
keke so ayeke na tere ti li ti ngu.
Amaboko ti keke ni ayeke hon na ndö ti gbagba ti kodro.
23Azo ti pikango kokora agi yanga ti lo,
ala tokua ale ti kokora na ndö ti lo, ala tiri bira na lo.
24Me lo gbu kokora ti lo lakue ngangu,
maboko ti lo angba daa ngangu
na lege ti ngangu ti Nzapa,
lo so lo yeke ngangu Nzapa ti Jacob,
Nzapa so ayeke tongana wabatango-taba,
wala tongana têne so ayeke bata azo ti Israel.
25Fade Nzapa ti babâ ti mo ayeke mu na mo maboko,
Nzapa so ngangu ti lo ahon angangu kue.
Lo yeke sara tufa na ndö ti mo,
tufa ni ayeke ga na lege ti ngu-Nzapa so ayeke pika,
na lege ti angu so ayeke sigigi na gbe ti sese,
na lege ti dungo ti awali, na dungo ti anyama.
26Tufa so babâ ti mo asara na ndö ti mo so
ayeke ngangu ahon tufa so
azo ti dungo mbi asara na ndö ti mbi.
Tufa ni ahon anzoni kobe ti ndö ti ahoto ti kozoni.
Fade tufa ni so ayeke ngba na ndö ti Joseph,
lo so lo yeke makonzi na ndö ti a-ita ti lo.
27Benjamin ayeke tongana mbo ti ngonda
so ayeke suru ya ti nyama.
Na ndaperere, lo yeke te nyama so lo fâ;
na lakui, lo yeke kangbi ya ti nyama so lo gbu.”
28Mara baleoko na use ti azo ti Israel kue laa. Tënë so babâ ti ala atene ti sara tufa na ndö ti ala laa. Lo sara tufa na ndö ti ala si tufa ti zo oko oko ayeke nde na ti mba ti lo.
Jacob akui
29Na pekoni, Jacob amu yanga na amolenge ti lo, atene: “Mbi yeke gue na peko ti akotara ti mbi so akui so. Ayeke nzoni ala lu kuâ ti mbi na tere ti akotara ti mbi, na ya ti du ti têne so ayeke na yaka ti Efron, zo ti mara ti Het. 30 Yaka ni ayeke na kodro ti Makpela, abaa le na kodro ti Mamre, na sese ti Kanaan. Abraham avo lani yaka ni na maboko ti Efron titene aga ndo ti lungo akuâ ti sewa ti lo. 31Kâ si a lu kuâ ti Abraham na wali ti lo Sara; kâ si a lu kuâ ti Isaac na wali ti lo Rébecca; kâ si mbi lu kuâ ti Lea. 32Yaka ni na du ti têne so ayeke na ya ni, a vo ni na maboko ti azo ti mara ti Het.” 33 So Jacob ahunzi ti mu yanga na amolenge ti lo ti koli awe, lo bongbi agere ti lo daa na ndö ti gbogbo, lo kui si lo gue na peko ti akotara ti lo so akui so.
നിലവിൽ തിരഞ്ഞെടുത്തിരിക്കുന്നു:
Tongo nda ti aye 49: MNF2010
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© La Société Biblique de Centrafrique 2010
Tongo nda ti aye 49
49
Jacob asara tufa na ndö ti amolenge ti lo baleoko na use
1Jacob airi amolenge ti lo ti koli si lo tene na ala:
“Ala bongbi tere ti ala titene mbi fa na ala
ye so ayeke si na ala gbanda.
2Amolenge ti Jacob,
ala bongbi tere ti ala ti ma tënë!
Ala ma tënë ti mbi, Israel, babâ ti ala!
3Ruben, mo yeke kozo molenge ti mbi,
mo laa mo yeke kozo ngangu ti tere ti mbi.
Mo yeke kozo molenge
so mbi ngba ngangu si mbi du mo.
Mo hon amba ti mo kue
na lege ti nengo tere, nga na ngangu.
4 Me mo yeke tongana ngu
so ayeke sua gi ngangu ngangu so.
Mo yeke ngba ande yaya ti a-ita ti mo pepe.
Mo lango na ndö ti gbogbo ti mbi, babâ ti mo
si mo sara titene gbogbo ti mbi aga sioni.
5Siméon na Lévi ayeke a-ita.
Mango tere ti ala ayeke ti sara gi ngangu na azo.
6 Mbi ye ti li na ya ti bongbi ti lekengo tënë ti ala pepe,
mbi yeke bongbi tere na ala pepe.
Na ya ti ngonzo ti ala, ala fâ zo,
ndali ti nzerengo tere ti ala, ala fâ ngbongo ti akoli-bagara.
7Mbi deba ngonzo ti ala;
ngonzo ti ala ni ayeke sioni mingi!
Mbi deba nga sarango ye ti ala na ngonzo;
sarango ye ti ala ni ayeke sioni mingi!
Mbi yeke kangbi ya ti ala na sese ti Jacob kue
si ala yeke kangbi tere ti ala na ya ti kodro ti Israel.
8 Juda, fade a-ita ti mo ayeke gonda mo.
Mo yeke gbu go ti awato ti mo,
amolenge ti babâ ti mo ayeke kuku na gbe ti mo.
9 Juda, molenge ti mbi,
mo yeke tongana mbeni kete bamara
so afâ nyama si akiri na ni na ndo ti lango ti lo.
Lo kuku, lo lango na sese,
lo kpa koli-bamara wala wali-bamara.
Zo wa laa alingbi ti ndu lo titene lo londo?
10Mbata ti gbia ayeke ngba lakue na ya ti sewa ti Juda.
*Ahale ti lo ayeke ngba lakue na komandema,
ngbii taa wa ti komandema ni asi.
Lo laa azo ti mara kue ayeke ma yanga ti lo.
11Lo yeke kanga lele ti lo na tere ti keke ti *vinye,
lo yeke kanga molenge ti lele ti lo
na tere ti pendere keke ti vinye.
Lo yeke sukula bongo ti lo na ya ti vin,
lo yeke sukula yongoro bongo ti lo
na ngu ti ale ti vinye.
12Le ti lo aza, apendere ahon vin,
pembe ti lo avuru ahon ngu ti me ti bagara.
13Zabulon ayeke lango ande na yanga ti kota ngu-ingo,
lo yeke luti na tere ti amangboko.
Yanga ti kodro ti lo ayeke gue ngbii asi na Sidon.
14Isakar ayeke tongana mbeni ngangu lele,
lo yeke lango na popo ti agbagba use.
15Lo baa lo tene wungo tere ayeke nzoni
si sese ni nga ayeke nzoni na le ti lo.
Lo yoro go ti lo titene a zia nengo kungba daa,
lo yeke sara kua ti ngbaa.
16 Dan ayeke fâ ande ngbanga ti azo ti kodro ti lo,
tongana ti ambeni mara ti Israel oko oko.
17Dan ayeke duti tongana mbeni ngbo na ndö ti lege,
lo yeke duti tongana sioni ngbo na ndö ti kete lege,
lo yeke te gere ti mbarata si zo ti kpengo na mbarata ni ati,
le ti lo na nduzu.
18 *KOTA GBIA, mbi yeke ku
songo so mo yeke soo azo na kuâ.
19Gad, *azaragina atuku na ndö ti lo,
me lo ti na ndö ti ala
si lo yeke tumba peko ti ala.
20Aser ayeke na anzoni kobe ti tengo ni,
lo laa lo yeke mu na azo anzerengo kobe ti gbia.
21Neftali ayeke tongana mbeni wuga
so ayeke tambula tongana ti so be ti lo aye.
Lo yeke du apendere molenge.
22Joseph ayeke tongana mbeni keke so ayeke le mingi,
keke so ayeke na tere ti li ti ngu.
Amaboko ti keke ni ayeke hon na ndö ti gbagba ti kodro.
23Azo ti pikango kokora agi yanga ti lo,
ala tokua ale ti kokora na ndö ti lo, ala tiri bira na lo.
24Me lo gbu kokora ti lo lakue ngangu,
maboko ti lo angba daa ngangu
na lege ti ngangu ti Nzapa,
lo so lo yeke ngangu Nzapa ti Jacob,
Nzapa so ayeke tongana wabatango-taba,
wala tongana têne so ayeke bata azo ti Israel.
25Fade Nzapa ti babâ ti mo ayeke mu na mo maboko,
Nzapa so ngangu ti lo ahon angangu kue.
Lo yeke sara tufa na ndö ti mo,
tufa ni ayeke ga na lege ti ngu-Nzapa so ayeke pika,
na lege ti angu so ayeke sigigi na gbe ti sese,
na lege ti dungo ti awali, na dungo ti anyama.
26Tufa so babâ ti mo asara na ndö ti mo so
ayeke ngangu ahon tufa so
azo ti dungo mbi asara na ndö ti mbi.
Tufa ni ahon anzoni kobe ti ndö ti ahoto ti kozoni.
Fade tufa ni so ayeke ngba na ndö ti Joseph,
lo so lo yeke makonzi na ndö ti a-ita ti lo.
27Benjamin ayeke tongana mbo ti ngonda
so ayeke suru ya ti nyama.
Na ndaperere, lo yeke te nyama so lo fâ;
na lakui, lo yeke kangbi ya ti nyama so lo gbu.”
28Mara baleoko na use ti azo ti Israel kue laa. Tënë so babâ ti ala atene ti sara tufa na ndö ti ala laa. Lo sara tufa na ndö ti ala si tufa ti zo oko oko ayeke nde na ti mba ti lo.
Jacob akui
29Na pekoni, Jacob amu yanga na amolenge ti lo, atene: “Mbi yeke gue na peko ti akotara ti mbi so akui so. Ayeke nzoni ala lu kuâ ti mbi na tere ti akotara ti mbi, na ya ti du ti têne so ayeke na yaka ti Efron, zo ti mara ti Het. 30 Yaka ni ayeke na kodro ti Makpela, abaa le na kodro ti Mamre, na sese ti Kanaan. Abraham avo lani yaka ni na maboko ti Efron titene aga ndo ti lungo akuâ ti sewa ti lo. 31Kâ si a lu kuâ ti Abraham na wali ti lo Sara; kâ si a lu kuâ ti Isaac na wali ti lo Rébecca; kâ si mbi lu kuâ ti Lea. 32Yaka ni na du ti têne so ayeke na ya ni, a vo ni na maboko ti azo ti mara ti Het.” 33 So Jacob ahunzi ti mu yanga na amolenge ti lo ti koli awe, lo bongbi agere ti lo daa na ndö ti gbogbo, lo kui si lo gue na peko ti akotara ti lo so akui so.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© La Société Biblique de Centrafrique 2010