Tongo nda ti aye 39:7-9

Na peko ti aye so, wali ti wa ti lo abaa lo si asara nzara ti lo. Wali ni atene na lo: “Ga mo lango na mbi.” Me Joseph ake si lo tene na wali ti wa ti lo, lo tene: “Baa, wa ti mbi ayeke hunda na mbi ti fa na lo peko ti aye ti da ti lo pepe. Lo zia aye ti lo kue na maboko ti mbi. Mbeni zo so ayeke kota ahon mbi na ya ti da so ayeke daa pepe. Lo gbanzi na mbi lege ti sarango mbeni ye oko pepe; gi mo oko, ngbanga ti so mo yeke wali ti lo. Mbi lingbi ti sara mara ti ye ti sioni tongaso tongana nyen, ti sara siokpari so ake Nzapa?”