Ninge 106
106
1 #
1Sto 16.34,41; Nng 136.1 Pirlat no Watong
Tanga tahut tano Watong, kanong a bilai ie.
No uno harmarsai i kis hathatika.
2Sige i tale bia na hinawas ta ira dadas na pinapalim tano Watong,
bia i tale bia na tar ira pirharlat bakut ing i takodas bia da pirlat ie me?
3A haraidaan na kis ta diet ing diet mur ira takodasiana harkurai,
diet ing diet la gilgil haitne ira takodasiana magingin.
4Watong, lik leh iau ing nu harahut ira num matanaiabar.
Mai, nu taho mah iau ing u halon diet huo,
5waing iau nigi nes ira bilai na kinkinis audiet ing u gate gilamis diet,
ma waing iau nigi guama mah tika ma no num huntunaan
ma nigi kis tika ma ira num tus wara pirpirlat ugu.
6 #
1Kng 8.47; Esr 9.7; Neh 1.7; 9.2; Jer 3.25; Dan 9.5 Mehet gate gil magingin sakena hoing ira hintubu mehet diet ga gil.
Mehet gate gil nironga ma mehet ga tatalen sakasaka.
7 #
KBk 14.11,12 Ing ira hintubu mehet diet ga kis taar Isip,
diet pa ga lik mur ira num dadas na pinapalim na kinarup.
Diet pa ga lik kawase ira num tamat na harmarsai ing u ga hamhamines ta diet,
ma diet ga patnau taam kaia tano Dardarana Tes.
8 #
KBk 9.16
Iesen no Watong ga halon diet wara gaiena no hinsana,
waing naga hamines hapalaine no uno tamat na dadas.
9 #
KBk 14.21
Ga boor no Dardarana Tes ma ga mamasa.
Ga lue diet nalamin ta ira iruo palpal na tes hoing bia tiga mamasina hanuo ie.
10 #
KBk 14.27-30
Ga halon leh diet sukun ira lima diet ing diet ga malentakuane diet.
Ga halangalanga pukus leh diet sukun ira lima diet ira nudiet ebar.
11No tes ga kasar ira nudiet ebar
ma pa ga waak tar tikai ta diet bia na lon.
12 #
KBk 14.31; 15.1-21 Io, diet ga nurnur um ta ira uno kunubus
ma diet ga inge ira ninge na pirharlat tupas ie.
13 #
KBk 15.24; 16.2; 17.2 Iesen diet ga luban hagasiaan ira linge ing gate pakile
ma diet pa ga nanaho wara utano uno bilai na lilik na harharahut.
14 #
Nam 11.4; 1Ko 10.6,9 Aram ra hanuo bia diet ga ngurungur wara adiet ta nian
ma diet ga walar God kaia.
15 #
Nam 11.31
Kaik, ga tabar diet ma ira linge ing diet ga saring,
iesen ga tule tiga sakana minaset ukaia ho diet.
16 #
Nam 16.1-3
Tano subaan diet ga sangeh taar tana, diet ga bala ngungut taar ta Moses
ma Aaron mah, no halhaliana tultulai tano Watong.
17 #
Nam 16.32,35 No pise ga tamapapos ma ga kanam ne Datan
ma ga bus no kabaan tane Abiram.
18Tiga iaah ga lulungo nalamin ta diet ing diet ga murmur dir.
No karamena iaah ga ien ira ut na gil sakena.
19 #
KBk 32.4
Kaia hono uladih Sinai diet ga gil puan tiga palimpuo hoing tiga sigar bulumakau,
ma diet ga lotu tupas no palimpuo di ga pakilei ma ra gol.
20 #
Jer 2.11; Rm 1.23 No udiet God nong a tamat na minamarine, diet ga kios ie
ma tiga palimpuo tiga tumatena bulumakau nong i la ienien huro.
21 #
Lo 10.21
Diet ga lik luban no God nong ga halon diet,
aie nong gate gil ira tamat na linge saakit arau Isip.
22Diet ga lik luban ira uno dadas na pinapalim na kinarup kaia tano pise ta Haam
ma ira gingilaan ing pai a malmaliana kaia tano Dardarana Tes.
23 #
KBk 32.10-14; Lo 9.14,25-29 Io, God ga tange bia na haliare diet.
Iesen Moses, nong God gate gilamis leh ie,
ga tur nalamin ta ira matanaiabar ma God
wara turtur bat no uno tamat na ngalngaluan bia pa naga haliare diet.
24 #
Nam 14.31; Lo 1.32; 9.23; Hb 3.19 Io, diet ga miliguruane no bilai na pise.
Diet pa ga nurnur tano uno kunubus.
25 #
Nam 14.2; Lo 1.27 Diet ga ngurungur narako ta ira nudiet palpalih
ma diet pa ga mur ira nianga tano Watong.
26 #
Nam 14.28-35; Hb 3.11 Kaik, gaam hasasalim taar ta diet
bia na bu bing diet kaia tano hanuo bia,
27 #
Lo 4.27; WkP 26.33 ma na bu bing ira udiet bulumur kaia ta ira taman ta ira mes na kantri
ma na tule harbasiane diet nalamin ta ira hanuo tapaka.
28 #
Nam 25.2-13; Lo 4.3 Diet ga mur ira mes wara lalotu tupas Baal nong me Peor
ma diet ga ien ira hartabar di ga tus tar ta ira minaat na god.
29Diet ga hangalngaluan God ma kaike ra udiet sakana magingin,
ma tiga hinangul ga hanuat nalamin ta diet.
30Iesen Pinias ga tur naliu ma ga tur bat no udiet sakana magingin,
ma no hinangul ga marur.
31Ma God ga was leh iakano linge nong Pinias ga gil ie hoing i haruat bia Pinias i takodas ra matmataan tana,
gaam tange bia iakan ra nesnes kilam na kis hathatika taar wara gaiena ira uno bulumur namur.
32 #
Nam 20.2-13
Diet ga gil hangalngaluan God aram ra taah Meriba,
kaik a tinirih ga haan tupas Moses.
33Diet ga patnau tano Tanuo tane God,
ma a nianga na singsingit ga hansur tano hane Moses.
34 #
Het 1.21,27-36; Lo 7.2,16 Diet pa ga haliare ira mes na hunhuntunaan
hoing God ga tule diet bia diet na gil,
35 #
Het 3.5,6 iesen diet ga goota tika ma kaike ra hunhuntunaan ta ira mes na hanuo,
ma diet ga kap leh ira udiet tintalen.
36 #
Het 2.12; Lo 7.16 Diet ga lotu tupas ira udiet palimpuo,
ma kaike ra palimpuo ga hakuni diet.
37 #
Lo 12.31; 32.17; 2Kng 17.17; 1Ko 10.20 Diet ga hartabar ma ira nati diet tunaan
ma ira nat na hi diet taar ta ira sakana tanuo.
38Ira nati diet pa ga gil ta sakena,
iesen diet ga kut bing diet ma ira de diet ga saal.
Ma diet ga tabar se ira palimpuo me Kenan ma diet,
ma ira de diet ga habilinge no pise ra matmataan ta God.
39 #
Het 2.17; Ese 20.18 Diet ga habilinge habalin at diet ma ira linge diet ga pakile.
Ira udiet tintalen ga haruat ma ira hilawa ing diet ga lotu tupas ira palimpuo huo.
40 #
Het 2.14
Io kaik, God ga ngalngaluan taar ta ira uno matanaiabar
ma ga malentakuane ira uno tus.
41 #
Het 2.14; Neh 9.27 Ga tar se diet taar ta ira lima diet ira hunhuntunaan ta ira mes na hanuo
ma ira adiet suk ga kure diet.
42 #
Het 4.3; 10.12 Ira udiet ebar ga helar ta diet
ma diet ga paas hasur mah diet.
43 #
Het 2.16-18
Haleng pakaan no Watong ga halon diet sukun ira udiet ebar,
iesen diet ga patnau taar at
ma diet ga hiruaan pane ira udiet magingin sakena.
44 #
Het 3.9
Iesen ga nas tar ira udiet tinirih
ma ga hadade ira udiet sunuah.
45 #
WkP 26.42; Het 2.18 Ga lik leh no uno kunubus wara gaie diet,
ma ga mahu no balana murmur no uno tamat na harmarsai.
46 #
2Sto 30.9; Esr 9.9 Ga gil ira tunotuno ing diet ga palim kawase tar diet
bia diet na marse diet.
47 #
1Sto 16.35,36 Watong, no numehet God, halon pukus mehet,
ma nu lam hulhulungan habalin mehet sukun ira mes na kantri,
waing het naga tanga tahut uram hono halhaliana hinsaam
ma het naga lat ugu ma ira numehet pirharlat tupas ugu.
48A pirhakasing tupas no Watong, no God ta Israel,
mekatiga laah menalua tano hamhaburen tano ula hanuo tuk taar tano hauhawatine ma pana le pataam.
I bilai bia ira matanaiabar bakut diet na tange, “Amen!”
Pirlat no Watong.
നിലവിൽ തിരഞ്ഞെടുത്തിരിക്കുന്നു:
Ninge 106: gfkNTP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.
Ninge 106
106
1 #
1Sto 16.34,41; Nng 136.1 Pirlat no Watong
Tanga tahut tano Watong, kanong a bilai ie.
No uno harmarsai i kis hathatika.
2Sige i tale bia na hinawas ta ira dadas na pinapalim tano Watong,
bia i tale bia na tar ira pirharlat bakut ing i takodas bia da pirlat ie me?
3A haraidaan na kis ta diet ing diet mur ira takodasiana harkurai,
diet ing diet la gilgil haitne ira takodasiana magingin.
4Watong, lik leh iau ing nu harahut ira num matanaiabar.
Mai, nu taho mah iau ing u halon diet huo,
5waing iau nigi nes ira bilai na kinkinis audiet ing u gate gilamis diet,
ma waing iau nigi guama mah tika ma no num huntunaan
ma nigi kis tika ma ira num tus wara pirpirlat ugu.
6 #
1Kng 8.47; Esr 9.7; Neh 1.7; 9.2; Jer 3.25; Dan 9.5 Mehet gate gil magingin sakena hoing ira hintubu mehet diet ga gil.
Mehet gate gil nironga ma mehet ga tatalen sakasaka.
7 #
KBk 14.11,12 Ing ira hintubu mehet diet ga kis taar Isip,
diet pa ga lik mur ira num dadas na pinapalim na kinarup.
Diet pa ga lik kawase ira num tamat na harmarsai ing u ga hamhamines ta diet,
ma diet ga patnau taam kaia tano Dardarana Tes.
8 #
KBk 9.16
Iesen no Watong ga halon diet wara gaiena no hinsana,
waing naga hamines hapalaine no uno tamat na dadas.
9 #
KBk 14.21
Ga boor no Dardarana Tes ma ga mamasa.
Ga lue diet nalamin ta ira iruo palpal na tes hoing bia tiga mamasina hanuo ie.
10 #
KBk 14.27-30
Ga halon leh diet sukun ira lima diet ing diet ga malentakuane diet.
Ga halangalanga pukus leh diet sukun ira lima diet ira nudiet ebar.
11No tes ga kasar ira nudiet ebar
ma pa ga waak tar tikai ta diet bia na lon.
12 #
KBk 14.31; 15.1-21 Io, diet ga nurnur um ta ira uno kunubus
ma diet ga inge ira ninge na pirharlat tupas ie.
13 #
KBk 15.24; 16.2; 17.2 Iesen diet ga luban hagasiaan ira linge ing gate pakile
ma diet pa ga nanaho wara utano uno bilai na lilik na harharahut.
14 #
Nam 11.4; 1Ko 10.6,9 Aram ra hanuo bia diet ga ngurungur wara adiet ta nian
ma diet ga walar God kaia.
15 #
Nam 11.31
Kaik, ga tabar diet ma ira linge ing diet ga saring,
iesen ga tule tiga sakana minaset ukaia ho diet.
16 #
Nam 16.1-3
Tano subaan diet ga sangeh taar tana, diet ga bala ngungut taar ta Moses
ma Aaron mah, no halhaliana tultulai tano Watong.
17 #
Nam 16.32,35 No pise ga tamapapos ma ga kanam ne Datan
ma ga bus no kabaan tane Abiram.
18Tiga iaah ga lulungo nalamin ta diet ing diet ga murmur dir.
No karamena iaah ga ien ira ut na gil sakena.
19 #
KBk 32.4
Kaia hono uladih Sinai diet ga gil puan tiga palimpuo hoing tiga sigar bulumakau,
ma diet ga lotu tupas no palimpuo di ga pakilei ma ra gol.
20 #
Jer 2.11; Rm 1.23 No udiet God nong a tamat na minamarine, diet ga kios ie
ma tiga palimpuo tiga tumatena bulumakau nong i la ienien huro.
21 #
Lo 10.21
Diet ga lik luban no God nong ga halon diet,
aie nong gate gil ira tamat na linge saakit arau Isip.
22Diet ga lik luban ira uno dadas na pinapalim na kinarup kaia tano pise ta Haam
ma ira gingilaan ing pai a malmaliana kaia tano Dardarana Tes.
23 #
KBk 32.10-14; Lo 9.14,25-29 Io, God ga tange bia na haliare diet.
Iesen Moses, nong God gate gilamis leh ie,
ga tur nalamin ta ira matanaiabar ma God
wara turtur bat no uno tamat na ngalngaluan bia pa naga haliare diet.
24 #
Nam 14.31; Lo 1.32; 9.23; Hb 3.19 Io, diet ga miliguruane no bilai na pise.
Diet pa ga nurnur tano uno kunubus.
25 #
Nam 14.2; Lo 1.27 Diet ga ngurungur narako ta ira nudiet palpalih
ma diet pa ga mur ira nianga tano Watong.
26 #
Nam 14.28-35; Hb 3.11 Kaik, gaam hasasalim taar ta diet
bia na bu bing diet kaia tano hanuo bia,
27 #
Lo 4.27; WkP 26.33 ma na bu bing ira udiet bulumur kaia ta ira taman ta ira mes na kantri
ma na tule harbasiane diet nalamin ta ira hanuo tapaka.
28 #
Nam 25.2-13; Lo 4.3 Diet ga mur ira mes wara lalotu tupas Baal nong me Peor
ma diet ga ien ira hartabar di ga tus tar ta ira minaat na god.
29Diet ga hangalngaluan God ma kaike ra udiet sakana magingin,
ma tiga hinangul ga hanuat nalamin ta diet.
30Iesen Pinias ga tur naliu ma ga tur bat no udiet sakana magingin,
ma no hinangul ga marur.
31Ma God ga was leh iakano linge nong Pinias ga gil ie hoing i haruat bia Pinias i takodas ra matmataan tana,
gaam tange bia iakan ra nesnes kilam na kis hathatika taar wara gaiena ira uno bulumur namur.
32 #
Nam 20.2-13
Diet ga gil hangalngaluan God aram ra taah Meriba,
kaik a tinirih ga haan tupas Moses.
33Diet ga patnau tano Tanuo tane God,
ma a nianga na singsingit ga hansur tano hane Moses.
34 #
Het 1.21,27-36; Lo 7.2,16 Diet pa ga haliare ira mes na hunhuntunaan
hoing God ga tule diet bia diet na gil,
35 #
Het 3.5,6 iesen diet ga goota tika ma kaike ra hunhuntunaan ta ira mes na hanuo,
ma diet ga kap leh ira udiet tintalen.
36 #
Het 2.12; Lo 7.16 Diet ga lotu tupas ira udiet palimpuo,
ma kaike ra palimpuo ga hakuni diet.
37 #
Lo 12.31; 32.17; 2Kng 17.17; 1Ko 10.20 Diet ga hartabar ma ira nati diet tunaan
ma ira nat na hi diet taar ta ira sakana tanuo.
38Ira nati diet pa ga gil ta sakena,
iesen diet ga kut bing diet ma ira de diet ga saal.
Ma diet ga tabar se ira palimpuo me Kenan ma diet,
ma ira de diet ga habilinge no pise ra matmataan ta God.
39 #
Het 2.17; Ese 20.18 Diet ga habilinge habalin at diet ma ira linge diet ga pakile.
Ira udiet tintalen ga haruat ma ira hilawa ing diet ga lotu tupas ira palimpuo huo.
40 #
Het 2.14
Io kaik, God ga ngalngaluan taar ta ira uno matanaiabar
ma ga malentakuane ira uno tus.
41 #
Het 2.14; Neh 9.27 Ga tar se diet taar ta ira lima diet ira hunhuntunaan ta ira mes na hanuo
ma ira adiet suk ga kure diet.
42 #
Het 4.3; 10.12 Ira udiet ebar ga helar ta diet
ma diet ga paas hasur mah diet.
43 #
Het 2.16-18
Haleng pakaan no Watong ga halon diet sukun ira udiet ebar,
iesen diet ga patnau taar at
ma diet ga hiruaan pane ira udiet magingin sakena.
44 #
Het 3.9
Iesen ga nas tar ira udiet tinirih
ma ga hadade ira udiet sunuah.
45 #
WkP 26.42; Het 2.18 Ga lik leh no uno kunubus wara gaie diet,
ma ga mahu no balana murmur no uno tamat na harmarsai.
46 #
2Sto 30.9; Esr 9.9 Ga gil ira tunotuno ing diet ga palim kawase tar diet
bia diet na marse diet.
47 #
1Sto 16.35,36 Watong, no numehet God, halon pukus mehet,
ma nu lam hulhulungan habalin mehet sukun ira mes na kantri,
waing het naga tanga tahut uram hono halhaliana hinsaam
ma het naga lat ugu ma ira numehet pirharlat tupas ugu.
48A pirhakasing tupas no Watong, no God ta Israel,
mekatiga laah menalua tano hamhaburen tano ula hanuo tuk taar tano hauhawatine ma pana le pataam.
I bilai bia ira matanaiabar bakut diet na tange, “Amen!”
Pirlat no Watong.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.