Matyu 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Danab nug wanppanu bau dayak maditte ele amu, nug iitta mekku, amge laa nug dahilnu dabma, nug beɗunu bau mak kakidtte amu, nug genab bauklel anidkku.

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Laa ele, danab nug nuhig ad emaitak awa, da dim ii lamiɗtte, nug da layal iitta.

Danab laa nug dahilnu daatte danab ah amelagppa akku dayeb amu, geha da, da ele danab amunu, ‘Nug dahilnu daatte,’ hab aabppa da Mamel amegppa akkul. Amge danab nug danab ah noolagppa da dimeɗatte amu, da ele danab amu Mama, Nug hab attan daatte, da Nug noobppa dimedakkul.

Ag gona, oɗe danab bappaladnana, danab mauhppig maɗattanna, danab gaɗalag oɗe nau ele bappaladppeg, ena daappeg, amu ag ouɗi nau ele lamatteg! Keeke ag aoppig amu, ag daden mena ii aoppig, ag hamu aoppig amunu, ag hamu, daden iitta, ag matteg!

amunu, ag aib baɗappig. Ag ai naunau kuɗum, ag amu dilag daden oh eɗadna malappig.

Da uɗimi amunu, wanppa maɗoɗib daakkunu aib dabmeppig. Da uɗimi amunu, maɗoɗib ii daama. Iitta. Qep aeg ele keeke oppate, laih laih daattep, amubia da uɗimi amunu, danab bekka nug mameg ele dabmak laippu iitta, bekka nug mameg ele aa oolah laippu iitta daaglah. Anig nug aɗeg ele aa dabmak laippu iitta, aɗeg nug anig ele aa oolah laippu iitta daaglah. Ahipa bau nug ahipa kaino ele dabmak laippu iitta, ahipa bau, ahipa kaino ele aa oolah laippu iitta daaglah.