Mateu 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Kono h'a bona mo n'o fukela moya, a saba, mi a kala ku tiba. A huwa, a li, “Mulena, ni pilise!” Kapili Jesu a otolola lizoho, a mu swala, mi a li ku yena, “Mutu wa tumelo ye nyinyani, kikabakalañi ha u honona?”

Kono h'a bona mo n'o fukela moya, a saba, mi a kala ku tiba. A huwa, a li, “Mulena, ni pilise!”

Kono Jesu a bulela ni bona kapili, a li, “Mu tiye lipilu! Ki na! Mu si ke mwa saba!”

Pitrosi a mu alaba, a li, “Mulena, haiba ki wena luli, u laele kuli ni tahe ku wena ni nze ni zamaya fa mezi.” Jesu a alaba, a li, “Taha!” Pitrosi kih'a longoka mwa sisepe mi a kala ku zamaya fa mezi ku ya ku Jesu.

Cwale balutiwa ba ba ne ba li mwa sisepe ba kubama fapil'a Jesu, ba li, “Kaniti, u Mwan'a Mulimu!”

Jesu a ba alaba, a li, “Ba si ke ba ya ko kuñwi. Mu ba fe za ku ca ili mina!” Ba mu alaba, ba li, “Lu na ni mahobe a ketalizoho ni litapi ze peli feela mo.”

Jesu a li ku bona, “A mu ni tiseze zona kwanu.” Kih'a laela batu kuli ba ine fa mwengelele. Cwale a nga mahobe a ketalizoho ni litapi ze peli, a talima kwa lihalimu, mi a itumela ku Mulimu. Kih'a komauna mahobe, a' fa balutiwa ba hae, mi balutiwa b'a abela batu.

Kaufela ba ca, mi ba kula, mane balutiwa ba taza lizuma ze lishumi ka ze peli za bungululwa bo bu ne bu siyezi.