Mututo 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Kono ni sa mi pilisize kuli mu bone maata a ka, mi butumo bwa ka bu hasane mwa lifasi kamukana.

Muñ'a Bupilo a li ku Mushe, “U ye ku Faro, mi u y'o li ku yena, ‘S'a bulela Muñ'a Bupilo, Mulimu wa Maheberu, ki se, u li, Lukulula sicaba sa ka, si y'o ni lapela.

Kambe ne ni nanuzi lizoho la ka ku ku nata ka butuku, wena ni batu ba hao, kambe mu felile mbuu kaufel'a mina.

Ha mu ta eza cwalo, ni ta ku utwisa butuku ka ku kulisa lifolofolo za hao, ili lipizi, limbongolo, likamele, likomu, lingu ni lipuli. Ni ta kauhanya mwahal'a lifolofolo za Maisilaele ni za Maegepita, mi ha ku na simunanu sa Maisilaele se si ta shwa.

Utwahe, kamuso ka yona nako ye, ni ta nelisa simbwewewe, se si si ka bonwa kale mwa Egepita haisali naha i tomwa. Cwale u fe taelo ya kuli limunanu, ni ze mu na ni zona fande li beiwe mwa mukunda. Simbwewewe si ta wela batu ni lifolofolo kaufela ze si ka silelezwa, mi li ta shwa kamukana.’ ”

U ta hasana sina lilulinyana feela mwa naha kamukana ya Egepita, mi u ka tahisa litombo ze ta ba mambongola kai ni kai, kwa batu ni kwa lifolofolo.” Cwale ba nga mulola fa liyonga, mi ba y'o yema fapil'a Faro. Mushe a u nepela mwahalimu, mi wa tisa litombo kwa batu ni kwa lifolofolo.