Mateo 18-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yutol yal cꞌal bꞌey eyecꞌ cawanoj ma oxwanoj catuꞌ chi syambꞌan sbꞌa yu yiꞌon ey sbꞌa ebꞌ ey jin an, ey jin ecꞌ yetoj ebꞌ, ẍi Jesucristo.

Chi wal pax can ey jex an, ta ey cawanoj jex jun laan cꞌal ẍaꞌon je cꞌul junoj tzetyetal catuꞌ che kꞌanon yin txail, oj akꞌle ey jex yu cu Mam eyecꞌ bꞌey satcan.

Catuꞌ jix awteletej jun unin yu Jesús tuꞌ, catuꞌ jix yaon oc snan xol ebꞌ. Jix yalon naj jaxca tiꞌ: —Caw yel chi wal ey jex, ta cꞌam chi snaꞌ sbꞌa je cꞌul, ta cꞌam che yute je naꞌbꞌal jaxca ebꞌ unin tiꞌ, ma skeꞌ yoc Naj a satcan je Yaawiloj.

Yuxan, jaꞌ ebꞌ yeynajil chi yute sbꞌa jaxca jun unin tiꞌ, jaꞌton ebꞌ tuꞌ, caw miman yeloc apnoj yalan jun Yaawil Naj a satcan.

Yal cꞌal mac chi chaꞌon sjul junoj unin jaxca jun tiꞌ, yutol wet an, jaxca tol jain chin ẍaꞌ ebꞌ an.

Caw yel chi wal ey jex, jaꞌ tzet oj je yakꞌ sleyal yul yibꞌankꞌinal tiꞌ, ey pax sleyal yu Naj a satcan. Jaꞌ tzet cꞌam sleyal je yu yul yibꞌankꞌinal tiꞌ, cꞌam pax sleyal yu Naj a satcan.

Ta cꞌam che yakꞌ mimancꞌulal yin masanil je cꞌul yin spenail je yuẍtaj, je yanabꞌ chi oc ey jex, cꞌam pax chi yakꞌ mimancꞌulal cu Mam eyecꞌ satcan je yin, ẍi Jesús tet ebꞌ.

Ta ey mactxequel chi akꞌon etex el snaꞌbꞌal junoj unin chi yaoc scꞌul win an, caw okꞌbꞌalcꞌule ebꞌ. Yutol caw miman syaꞌilal oj ẍaꞌ yu jun tuꞌ. Yel watxꞌ yet ta chi pixle oc tꞌunan junoj chꞌen chꞌen yet molino yin snukꞌ, catuꞌ chi kꞌojletoj xol jaꞌ mar, yet watxꞌ cꞌam chi yetne el snaꞌbꞌal jun unin tuꞌ.

Kꞌinaloj ta ey junoj mactxequel ey junoj cien smeꞌ, catuꞌ chi qꞌueytoj junoj noꞌ, ¿cꞌam mi chi sbꞌejcan noꞌ 99 yetbꞌi tuꞌ low bꞌey junoj wonan, catuꞌ chi too seyon ecꞌ noꞌ jix qꞌueytoj tuꞌ?