Kutani Yehovha u ku humesile, u endlile hilaha a nga vula hakona, hikuva mi dyohele Yehovha, a mi yingisanga rito ra yena, hikokwalaho mi humeleleke hi mhaka yoleyi. Loko u ri wena, vona sweswi, ndzi tshunxa tiketana emavokweni ya wena; hambiloko u rhandza ku famba na mina eBabilona, hi nga famba, ndzi ta ku londzovota, kambe loko u nga rhandzi ku ya na mina eBabilona, u nga sala; languta, tiko hinkwaro ri le mahlweni ka wena, laha ku sasekeke, laha u rhandzaka ku ya, yana kona.