Qaq huaña nache so faraón 'enapega so José, 'eeta':
«Ca 'arta'a qataq ca 'arqaỹañecpi anac da 'am naỹa da yaqto' 'am lauoreua. Qaq nam 'alhua Egipto maiche 'oiqueetac qome. 'Aỹa'anem qome ye 'alhua Gosén, maye nacheye ye ỹataqta 'onaxaic ne'ena 'alhua, da yaqto' nalec yemaye. Qaq qom 'auaỹaten da namayepi huo'o ca ỹataqta ỹaỹaten da ilo'ogue na 'atet, qaq nacheca qome ca 'aupataxalec da ilo'ogue na ña'atetpi.»