Luk 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ndien Enye ama ọdọhọ mmọ kpukpru ete, “Edieke owo ndomokiet oyomde nditiene Mi, enye enyene ndisin idem esie, onyuñ emen Krọs esie ke usen ke usen etiene Mi.

Koro owo ekededi emi oyomde ndinyaña uwem esie, ọyọduọk enye, edi owo ekededi emi ọduọkde uwem esie ke ntak Mi eyenyaña uwem owo oro enim enọ enye.

Jisọs ama ọbọrọ ete, “Owo baba kiet emi esinde ubọk esie ke ufuñisọñ ndien enye ese edem idotke ke utom Obio Ubọñ Abasi.”

Nso udori idu do edieke owo enyenede ofuri ererimbot edi ọduọk idem esie?

Edieke owo ndomokiet okopde but abaña Mi ye mme ikọ Mi, Eyen owo eyenyuñ okop but abaña enye ke ini Enye edidide ke Ubọñ Esie ye ke Ubọñ Ete Esie ye eke mme ndisana enjel.

Jisọs ama ọbọrọ enye ete, “Mme ebua ikọt enyene mme ndudu, ndien mme inuen enyọñ enyene mme efọk, edi Eyen Owo inyeneke ebiet emi Enye ebride ibuot.”

Ndien Enye ama ọdọhọ mmọ ete, “Owo ekededi emi adarade ekpri eyen emi ke enyiñ Mi adara Mi, ndien owo ekededi emi adarade Mi adara Enye emi ọkọdọñde Mi. Koro enye emi edide usuhọde ke otu mbufo enye oro okpon akan.”