Jọn 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“Ami ndi eto Vain, mbufo edi mme ñkọk. Edieke owo odude ke Ami, ndien ami ñko ndu ke enye, enye eyeñwum ediwak mfri; ke esiode Mi efep mbufo idikemeke ndinam ñkpọ ndomokiet.

Ediana kiet ye Ami, ndien Ami ñyediana kiet ye mbufo. Baba ñkọk kiet ikemeke ndiñwum mfri ke idem esie, ibọhọke eyire ke idem eto Vain. Ke ntre mbufo ikemeke ndiñwum mfri ibọhọke mbufo esine ke Ami.”

Edieke mbufo edude ke Ami, ndien mme ikọ Mi eduñ mbufo ke esit, ebup sededi emi mbufo emade, ndien eyenọ mbufo.

Idighe mbufo ekemek Mi, edi Ami ñkemek mbufo, ñnyuñ ndọñ mbufo nte eka ekeñwum ediwak mfri, mme uduot mfri emi edibighide. Ndien ke ntre, Ete eyenọ mbufo se ededi emi mbufo ebupde ke enyiñ Mi.

Owo ndomokiet inyeneke ima emi okponde akan ima enye emi anamde ufan ayak uwem esie ọnọ ke ntak mme ufan esie.

Enye eyesibe kpukpru ñkọk ke Ami, emi miñwumke mfri efep, ndien Enye eyekpọñ kpukpru ñkọk emi oñwumde mfri.

Ewuhọ Mi edi emi: Ema kiet eken kpa nte Ami mmade mbufo.

Emi owut ubọñ Ete Mi edieke mbufo eñwumde ediwak mfri, ke usuñ emi ke mbufo ekeme ndiwut idem nte edi mme mbet Mi.”

“Ami ndi ata Vain, ndien Ete Mi edi ese iñwañ.

Edieke owo ekededi miduhọ ke Ami, enye ebiet ñkọk emi ema eketop eduọk ndien onyuñ asat, mme utọ ñkọk oro ke etañ enyuñ edọñ ke ikañ efọp.

Ami ñketiñ mme ñkpọ emi nnọ mbufo man otodo inemesit Mi odu ye mbufo, man inemesit mbufo ọfọn ama.

Edieke mbufo enimde mme mbet Mi, mbufo eyesuk edu ke ima Mi, kpa nte Ami nsukde ibuot nnọ mme mbet Ete Mi ñnyuñ ndude ke ima Esie.

Emi edi ewuhọ Mi: Ema kiet eken.

Edieke mbufo edide eke ererimbot, ererimbot eyema mbufo nte esie. Ke emi mbufo idighe eke ererimbot, edi Ami ñkemek mbufo nsio ke ererimbot; ntak edi oro ererimbot asuade mbufo.