MATAYO 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Hombani boso mɛnɛ Bokumu bo Ndjakomba ko na bodju bo nde, iboa ilua losusu losadika lopamadea na nu.

Ta tina emina pɛpɛ bosatungea na disu di puma: ta tina e bo puma esatungeadea iyo mɛnɛ. Engi busa na momina moya.»

«Ta tina emina naotɔndeakadeani bo: Pɛpɛ bosatungeanioko ta tina e bomɔ bo bino, na eka eyakadea ino kaoko eka emwakadea ino, kaoko esendja e bolwa ta mokuku. Bomɔ bonɔi mia maboyaka ko mokuku monɔi bisendja, ediiti oko iboa?

Endelo wɛ, okapala boangɔnɔ, kwea ta ekenge e wɛ e ndako, dipa modipe ko angɔnɔ Sangwao odii ta esika e mbombi; ko Sangwao okaɛnɛ ta mbombi, aoputadea.

Indjani mondumba ndani mobwani na nu boangɔnɔkɔ: “Sangwasu odii ta busa, yɛɛ bo Kombe e wɛ edae esɛnɔke, yɛɛ bo Bokumu bo wɛ bodoe yɛɛ bo bolulea bowɛ bokɔme iyaya ta kpɔtɔ ondingo ta busa.

Lopa busabubu boyaka bo biso boengi busa.

Loyɛɛ na mabe ma biso, ondingo aka yɛɛ iso ibia bakalokɔe bobe.

Pɛpɛ bolokina oko lokwee ta tei e mameko, endelo lotingoa ta bobe. [Ta tina ebo adii wɛ edina bokumu, bopilo, ko na ekumu kɔbili na kɔbili.]”

«Modjɔ mo okama yɛɛni bato na pekato dji bobo, Sangwanu odii ta busa aoyɛɛbini pongono.

Pete indjani mbulu ba diko: te baane ko te babuke mbuma, badiiti na bibombelo bi mbuma, endelo Sangwanu odii ta busa akabayakedje! Iboa ino onɔitini mbulu na tɛtɔ?

«Pɛpɛ boboleani oko bodieli iyaya ta kpɔtɔ, ta polo ebwani sɛɛ na ngusu bonɛlɛkɛkɛ, ta polo ebwani baibi bobuka bɛngi baibe. Endelo boleani bodieli bobino wɛtoko ta busa, iho abwani sɛɛ na ngusu bodaa pɛpɛ bonɛlɛkɛkɛ kaoko, baibi babwaniti bobuka bɛngi baibe. Modjɔ mo iho ta polo edii bodieli bo wɛ, molema mo wɛ modaadea oko iyana.»

«Pɛpɛ moto omɔti obwani bosalea bakumu babae: modjɔ mo ndelo ekina alonadea omɔti kaoko apaladea okina; kaoko aokanadea na omɔti ko atsioladea okina. Obwanitini bosalea Ndjakomba ko na Palanga engbanga emɔti.»

Iboa ko Ndjakomba alwadjakadea ndjani dji gbie idii iya busɛbubu puma badjidumbi ta mosa: abwaniti bokɔɔ na bonɔɔ ta tina e bino? Bato ba bodhima bokɛkɛ!

Endelo okapa ikabo di pɛhɛ, ebɔ ewɛ e bali edae pɛpɛ bodjeba eka ekɔkɔdea ebɔ e baami. Iboa etungi ikabo di wɛ di pɛhɛ ipame ta mbombi; ko Sangwao, iyona okaɛnɛ midjɔ mi mbombi, aopute.»

«Kebani, pɛpɛ bokɔɔni oko bodju bo bino ta miso ma bato, bɛngi baonɛni. Emiti daa boa, otadiabini iputi di Sangwanu odii ta busa.

«Ta ehole ekɔino mongilo, pɛpɛ bodaani na boso bo ndjokwa mondumba mokakɔe bato ba ndango e mongi: bakainedje ndjokwa ta mbanda dji bobo bɛngi bainedje moto mosusu bo badii ta mongilo. Naotɔndeakadeani sooti mɛnɛ bo: babolodja iputi i bobo ehele. Endelo ta ehole esakɔɔ wɛ mongilo, sopea malasi ta molo mo wɛ ko sosa boso bo wɛ, bɛngi bato badae pɛpɛ bodjeba bo odii ta mongilo. Endelo dongedja oko Sangwao odii iho, ta esika e mbombi, ko Sangwao, okaɛnɛ, ta mbombi aoputadea.»