Lucas 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Juan, cʉ̃rẽ peresupʉ sonedopoatosʉguero pajʉ basocare cʉ̃jãcã ñañarẽ tirecʉtirere wãcũpasʉti wasoariarare wãmeõtiriwatoa Jesúcã wãmeõtiyogʉ eayugʉ. Jesúcã ñubueriwatoa ʉmʉãwese pãwõãsuyuro. Espíritu Santo ĩcʉ̃ buarora abiro baugʉ cʉ̃sotoapʉ duiati eapeayugʉ. Tairo wariwatoa Manigʉ̃ ʉmʉãwesepʉmena Jesúre abiro wederucũdujiocoyugʉ: —Mʉ ña yʉmacʉ̃, yʉcã bʉtoro maĩyogʉ. Mʉmena bʉtoro ʉsea ―ĩyugʉ.

Cʉ̃jãcã tairo wãcũrẽrẽ masĩnigʉ̃ Juan nipetira basocare ĩyugʉ: —Yʉ mʉjãrẽ diamacãrã ocomena wãmeõti. Buri yʉsiro watigʉpe yʉsotoare tutuacametʉanʉcãgʉ̃ ñawĩ. Tairo tigʉ pẽrõgãno cʉ̃ya dʉposuti siarere ã tuwemasĩheriga. Cʉ̃ doca mʉjãrẽ Espíritu Santomena, pecamemena wãmeõtigʉ Espíritu Santore tidujiocogʉagawi mʉjãmena nirucũmocãro ĩgʉ̃. Ñañarẽrẽ soecõãrõ tirora abiro mʉjãcã ñañarẽ tirere cõãgʉagawi.

Mʉjã ‘Ʉ̃sãcã ñañarẽ tirecʉtirere wãcũpasʉtiawʉ, ñañarõ wãcũrẽrẽ wasoawʉ’ ĩrã mʉjãcã ñañarẽ tirecʉtirere piti ñurẽpere tiya. ‘Ʉ̃sã Abraham pãrãmerã nitutiara ña’ ĩñerõcã ‘Manigʉ̃ ʉ̃sãrẽ ñañarõ tiherigawi’ ĩ wãcũherimocãña. Mʉjã mʉjãbasurupe ‘Ʉ̃sã Abraham pãrãmerã nitutiara ninirã, Manigʉ̃ ĩñacorore ñurã ña’ ĩ wãcũherimocãña. Mʉjãrẽ wede: Anorã abiro mʉjãcã wãcũrẽrẽ wasoaheriñerõcã mʉjãcã ‘Abraham pãrãmerã nitutiara ña’ ĩrẽ wapamani. Manigʉ̃ atie ʉ̃tãperirena Abraham pãrãmerã nitutiara wañerõcã timasĩwĩ.

Ĩcãgʉ yucʉgʉ ñurẽ dicamaniñerõcã tigʉre cʉogʉ cõmeãmena nʉcõrĩpʉra patacõã pecamepʉ soecõãmocãgawi. Tairora Manigʉ̃cã mʉjãcã ñañarẽ tirecʉtirere pitiheriñerõcã ĩñagʉ̃ ñañarẽ dicacʉtirigʉre cõmeãmena nʉcõrĩpʉra patacõã pecamepʉ soecõãrõrã abiro mʉjãrẽ ñañarõ tigʉagawi ―ĩyugʉ Juan.

Isaías Manigʉ̃ye quetire wedesʉgueribasocʉ Juancã tiatere abiro ojarigʉ niwĩ: «Ĩcʉ̃ yucʉ manirõpʉ basocare bʉtoro bʉsʉromena abiro ĩ wede caribiwõnogʉagawi: “Marĩ Nirũpʉ̃ watiatosʉguero cʉ̃cã watiatimarẽ diamacãma ñurĩma quenorõrã abiro mʉjãcã nirẽcʉtirere, mʉjãcã wãcũrẽrẽ wasoa diamacã maquẽrẽ tiya. Nipetire ditatʉri ĩcãrõpeyoroacu. Nipetire buri, upaburi diamacãbaparo tiyoroacu. Upabetoricʉtirima niãriaro diamacãsuroacu. Copericʉtirima niãriarocã ĩcãrõperibaparo yayorima pʉtʉaroacu. Manigʉ̃cã marĩrẽ cametʉoacʉre ticoñerõcã nipetira basoca cʉ̃rẽ ĩñarõãgawa”» ―ĩ ojarigʉ niwĩ Isaías.