Lucas 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

—Yʉre tʉoya: Mʉjã Manigʉ̃ cʉtiropʉre warugara mʉjãcã tutuarocãrõ esaherisopepʉtogãpe sãwaya. Mʉjãrẽ wede. Pajʉ cʉ̃ cʉtiropʉre sãwarugamirõãgawa. Buri sãwarugacaperãcãrã icãta sãwamasĩheriroagawa. Sãwaro wisiocapetacãrã ‘sãwarada’ ĩrã Manigʉ̃yere tirucũmocãña ―ĩyugʉ.

Topʉre ĩcõ nomiõ dieciocho cʉmarĩ upamutĩrõ nigõ niyugo. Wãtĩ core tairo nigõ eañerõcã tiyugʉ; dairenomena ñujeacomerã niyugo. Jesús core ĩñagʉ̃ sioco abiro ĩyugʉ: —Yʉ mʉrẽ tie diaremanigõ pʉtʉañerõcã ya ―ĩyugʉ.

Tairo ĩgʉ̃rã cʉ̃ya wãmorĩrẽ core ñapeoyugʉ. Cʉ̃cã tairo tiremenarã diamacãsuyugo. Siro “Manigʉ̃ ñucametʉagʉ ñawĩ” ĩ ʉseare nʉniyugo.

Tairo tira marĩcʉorore buri nirã siropʉre nirũpãrãrã abiro nira earagawa. Marĩcʉorore nirũpãrãrã abiro nirãpe siropʉre buri nirã pʉtʉara earagawa ―ĩyugʉ Jesús.

Cʉ̃jãrẽ ĩnemoyugʉ: —Manigʉ̃ ĩcʉ̃ wi nirũpʉ̃rã abiro ñawĩ. Wi nirũpʉ̃ wʉmʉnʉcã sopepʉtore biariasiro mʉjãpe sopepʉ pʉtʉariara cʉ̃yawipʉ sãwarugara abiro ĩrõãcu: Ʉ̃sã Nirũpʉ̃ ʉ̃sãrẽ pãwõsonegʉ̃ watiya. Buri wi nirũpʉ̃pe mʉjãrẽ ĩgʉagawi: ‘Yʉ mʉjãrẽ icãta ĩñamasĩheriga. Mʉjã no macãrã nirã nigã’ ĩgʉagawi.

Tairo niheri. Mʉjãrẽ wedegʉda: Mʉjãcã ñañarẽ tirecʉtirere wãcũpasʉtihera mʉjãcã wãcũrẽrẽ wasoahera mʉjãcã tiwãmerã ñañarĩwãmejoro Manigʉ̃mena nirã eawaherianarã cõwõrõãcu.

Cʉ̃pe mʉjãrẽ yʉgʉagawi: “Yʉ mʉjãrẽ ĩñamasĩheriga ĩtuwasiamoãwʉ̃ba. Mʉjã ñañarẽ wadore tirucũrã yʉ cʉtirore waya” ĩgʉagawi wi nirũpʉ̃ mʉjãrẽ.

Siro Jesús cʉ̃jãrẽ wedenemoyugʉ: —¿Manigʉ̃cã cʉ̃yarare dotire ñenorã abiro nigari o ñenomena tiera abiro ña ĩmasĩrãgari? Tie ĩcʉ̃ basocʉ mostaza capegãrẽ cʉ̃ya wesepʉ newa oteyoriasiro warora abiro ña. Cʉ̃cã oteariasiro ticapegã wi ĩcãgʉ yʉcʉgʉ pairigʉ bʉtiro eaga; miniãpʉra tigʉ dʉpʉripʉre ea cʉ̃jãya sutire suagawa.