रोम 1-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

एनते भागे सोमबात रेयाक् दो बा़ञ लाजावक् काना, चेदाक्‌जे ओना दो मिमित् पा़तिया़उक्‌को ला़गित् बाञचावक् रेयाक् इसोराक् मित्‌टेन दाड़े काना, जिहुदिको ला़गित् हों पा़हिल आर जिहुदि बाहरेरेनको ला़गित् हों।

एनते ओनारे इसोराक् भा़क्‌ला़इतेत्‌ सोदोरोक् काना, बिसवा़सते पा़तिया़उक् ला़गित्‌गे, चेत् लेका ओलआकान, मेनखान सा़रियिच्‌ दो पा़तिया़उतेगे जिवेत्ए ताहेन।

चेदाक्‌जे उनियाक् बाङ ञेल ञामोक्आक्‌को, मेताक्‌मे, उनियाक् जायजुग दाड़े आर इसोरतेत् दो धा़रति सिरजा़उ खोन का़मियाक्‌कोते बुजहा़उक्‌कानते पुसटा़उ ञेल ओरोमोक् काना जेमोन आलोको आ़न्डुङ दाड़ेयाक्।

एनते ओनको दो इसोर बाडाये तुलुच्‌ इसोर मेनकाते बाङ दोको ठोनोकादेया आर बाङ दोको गुनमानाव जोहारआदेया, मेनखान आकोवाक् हुदिसजोङकोरेको आ़उड़ि पा़था़उड़ियेना आर ओनकोवाक् बेबुज ओनतोर ञुतेनताकोवा।

ओनको दो इसोराक् सा़रियाक्‌तेत् दो एड़ेयाक्‌तेको बोदोलकेदा आर सिरजा़वाक्‌गे डोबोक् आरको सेवावादा, सिसिरजा़विच् बाङकाते, ओने उनि जायजुग हा़बिच्ए सारहावानिच्‌ कान। आमेन।

एनते इसोराक् एदरे दो सेरमा खोन सोदोरोक्‌ काना, मानवाकोवाक् जोतो बेभोकति आर बा़ड़िच्‌आक्‌को उपा़रते ओने ओनको बा़ड़िच्‌आक्‌ते सा़रियाक्‌तेत्‌को एसेत् दोहोयेत्

ओना इया़ते इसोर दो निला़जिया़ लालोचकोरेये सोपरोतकात्‌कोवा एनते ओनकोरेन मायजिउ होड़को दो जोनोम बेवहार दो उलटा़वाक्‌तेको बोदोलकेदा। आर ओनकागे हेरेल होड़को हों मायजिउको तुलुच् जोनोम बेवहार बा़गिकाते आको आकोरे आकोवाक् रिजतेको जालजालावेना; हेरेल हेरेल लाजावपाड़ावाक्‌को का़मियेत् आर आकोवाक् दुसटा़मि रेयाक् कुड़ा़इ दो आकोरेगेको एच्‌जोङकाना। आर चेत्‌लेका ओनको दो बाडायजोङरे इसोरे ताहेनताको लेक बाको बुजहा़उलेत्, ओनका लेका इसोर दो बेठिकाक्‌को का़मिया मेनते छिया़क् मोन गोबोलरेये आलाय गिडिकात्‌कोवा।

आकेलानको मेनोगोक्‌कान तुलुच्‌को लेलहायेना, आर बिनमारावक् इसोराक् ठोनोक दोको फेरावकेदा मारावक् मानवा आर चेंड़ेंको आर पोन जाङगावानको आर लेञोंक् टुन्‌डा़ङकोवाक् मुरहुत् रेयाक् मुठा़नते।