जोहा 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“इञगे दारखा ना़ँड़ि, आपे दो डा़रको, ओकोय इञ तुलुच्‌ मित्‌आकाने ताहेंलेन आर इञ दो उनिरे उनि दो आ़डि जोय जोक्आ, एनते इञ बेगोर दो चेत् हों बापे चेका दाड़ेयाक्आ।

इञरे ताहेनपे आर इञ दो आपेरे। चेत्‌लेका डा़र दारखा ना़ँड़िरे बाङ ताहेंलेन खान आच्‌ते दो ओहो जो दाड़ेलेना, ओनकागे आपे हों इञरे बापे ताहेंलेन खान ओहोपे जो दाड़ेलेना।”

इञरेपे ताहेंलेन खान, आर इञाक् काथाको आपेरे ताहेंलेन खान, जाहानाक्‌गे सानापे, कोयपे आर ओना दो होयापेया।

आपे दो इञ बापे बाछावआकादिञा, मेनखान इञगे आपेञ बाछावआकात्‌पेया आर इञ टारहावकेत्‌पेया, जेमोन सेनकातेपे जोक् आर आपेयाक् जो ताहेंआकान ताहेन, जेमोन जाहानाक्‌गे इञ ञुतुमते बाबापे कोये, ओनाय एमापे।

जाहाँय आच्‌रेन गातेको ला़गित् आयाक्‌ जिविये आलाय, नोवा खोन माराङ दुला़ड़ दो ओकोयाक् हों बा़नुक्‌ताकोवा।

इञरे मेनाक् बाङ जोक् मित्‌के मित् डा़र, ओना दोए गेत् गिडिया, आर मित्‌के मित् जो जोक्आक् ओना दोए कामान साफाया जेमोन बा़ड़तिगे जोक्।

“इञाक् हुकुमको दो नोक्‌ओंय, दुपुला़ड़पे इञिञ दुला़ड़ाकात्‌पे लेका।

ढेर जोपे जोक्‌तेगे आ़पुञ दोए ठोनोक ओचोक्आ, आर आपे दो इञरेन चेलापे होयोक्आ।”

“इञगे सा़रि दारखा ना़ँड़ि दो आर आ़पुञ दो चाचासिच् कानाय।

जाहाँय इञ तुलुच्‌ मित्‌आकान बाय ताहेन खान, डा़र लेका बाहरेतेये गिडिक्आ आरे रोहोड़ोक्आ, आर ओनाको जारवाकाते सेङगेलरेको खादलेया आर लोक्आ।

नोवाकोञ ला़इयाकावात्‌पेया, जेमोन इञाक् रा़सका़ आपेरे ताहेन आर आपेयाक् रा़सका़ पुरा़उक्।”

इञाक् हुकुमकोपे दोहोले खान, इञाक् दुला़ड़रे ताहेंआकानपे ताहेना, जेलेका इञ हों आ़पुञाक् हुकुमकोञ दोहोआकात् आर उनियाक् दुला़ड़रे ताहेंआकानिञ ताहेनकान।

नोवाकोञ हुकुमापेकाना जेमोनपे दुपुला़ड़।”

धा़रतिरेनपे ताहेंलेन खान होनाङ, धा़रतिरेनको दो आपनाराक्‌को दुला़ड़केया, मेनखान धा़रतिरेनपे बाङकानते, बिचकोम धा़रति खोन इञ बाछावआकात्‌पेतेगे धा़रतिरेनको दोको कुरुदआपेकाना।