Mathew 24-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ac oherwydd yr amlha anghyfraith, fe a oera cariad llawer. Eithr y neb a barhao hyd y diwedd, hwnnw a fydd cadwedig.

A’r efengyl hon am y deyrnas a bregethir trwy’r holl fyd, er tystiolaeth i’r holl genhedloedd; ac yna y daw’r diwedd.

A chwi a gewch glywed am ryfeloedd, a sôn am ryfeloedd. Gwelwch na chyffroer chwi; canys rhaid yw bod hyn oll, eithr nid yw’r diwedd eto.

Canys cyfyd cenedl yn erbyn cenedl, a theyrnas yn erbyn teyrnas. Ac fe fydd newyn a heintiau, a daeargrynfâu mewn mannau. Ond dechreuad gofidiau yw hyn oll.

Nef a daear a ânt heibio, eithr fy ngeiriau i nid ânt heibio ddim.

Canys daw llawer yn fy enw i, gan ddywedyd, “Myfi yw Crist”, ac a dwyllant lawer.

‘Yna y’ch traddodant chwi i’ch gorthrymu ac a’ch lladdant; a chwi a gaseir gan yr holl genhedloedd er mwyn fy enw i. Ac yna y rhwystrir llawer, ac y bradychant ei gilydd, ac y casânt ei gilydd. A gau broffwydi lawer a godant ac a dwyllant lawer.

A’r Iesu a atebodd ac a ddywedodd wrthynt: ‘Edrychwch rhag i neb eich twyllo chwi.

Am hynny byddwch chwithau barod; canys yn yr awr ni thybioch y daw Mab y dyn.

‘Gwyliwch gan hynny, am na wyddoch pa awr y daw eich Arglwydd.

‘Ond am y dydd hwnnw a’r awr nis gŵyr neb, nac angylion y nefoedd, ond fy Nhad yn unig.

Canys cyfyd gau Gristiau a gau broffwydi, ac a roddant arwyddion mawrion a rhyfeddodau, hyd oni thwyllant, pe byddai bosibl, ie, yr etholedigion.

Ac fel yr oedd dyddiau Noa, felly hefyd y bydd dyfodiad Mab y dyn. Oblegid fel yr oeddynt yn y dyddiau o flaen y dilyw yn bwyta ac yn yfed, yn priodi ac yn rhoi i briodas, hyd y dydd yr aeth Noa i mewn i’r arch, ac ni wybuant hyd oni ddaeth y dilyw a’u cymryd hwy oll ymaith, felly hefyd y bydd dyfodiad Mab y dyn.