Maatiyu 16-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ye̱so zet bo̱ an la̱a̱s baa ru, “Koowe̱ a̱n to̱nin u gaba me, ke̱ng u ha̱l to̱nun de̱bc ru. U walg ryaaka̱ d'kob ho̱da̱n kan na twe̱e̱se̱in kanka̱n nan hot o, u gaba me.

A̱m zeka ta̱m vo, i vo Bitrus. (Rina̱n nan po̱g Bitrus a̱n remda̱n C'Girik, i K'Taare.) Ta̱'m de̱l a̱v bo̱p an batin d'ba̱t a gabk a̱m ho̱da̱na̱n nan kaakt a'maa a̱n k'taare. Wa̱a̱'a a ta pa̱t we̱sa̱m na̱ da.

Ta̱'m nes a̱v risa̱n gwedasama̱n hutda̱n go̱mc na'cona. Kooye̱ v esasain a̱n copun yanda̱hna, Sila ta esasa e a'cona. Kooye̱ ta̱m a̱v butin a̱n copun yanda̱hna, Sila ta but e a'cona.”

Rema̱n kowe̱ a̱n hyain naps ri a̱n gelva̱n nan hwaa o, tu wa̱a̱. Koowe̱ la a̱n nan hwaa rem ri, i unwa a̱n tu po̱to̱.

Iye̱ ke̱mda a̱n noc tu honga, au kum rihica̱n copun yanda̱ha̱n kwe̱, u wa̱a̱ kaa d'kala? Alla iye̱ a̱n noc tu nes u to̱vt hid ru?

U sudt bo̱ a̱n ipk na̱, “Nwaa la bano, iwe̱ a̱n rein ta̱n po̱g me?” Simo̱n Bitrus se̱st bo̱ o, “I vo a̱n rein Ka̱risti, Waav Sila nan rein kooye̱ daava.”

Ye̱so se̱st bo̱ o, “Sila emaka vo, Simo̱n waav Joona. Za nocurimu a̱n kwesain v ri ha̱n da. I Cet me un rein a̱nmi na'cona.