لوقا 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

وختی که مردم گِرد غسل تعمید بَگَتین و عیسی نی غسل تعمید گِتَش بَه و کارا دعا بَکَردی، آسِمونِن آبینَه و روح القدس جِسمی کا، ایلَه کَفتری شیوار اومَه جیر چَیی سَر و ایلَه سَسی آسِمونی کا اومَه که: «تِه چِمِن عَزیزگِرامی یَه زوعَه ایش، و اَز تِه کا راضی ایمَه.»

یحیی گِردی جواوی کا واتِشه: «اَز شِمَه آوی نَه تعمید بَدایم، ولی کَسی که بَه مِن کا قُدرتمندتَره کارا بومَی. هَ کسی که اَز لایق نیمَه چَیی کَفشون بَندون آکَرِم. اَ شِمَه روح القدس و آتشی نَه غسل تعمید بَدای.

شِمَه اَعمالی نَه نیشون بِدییَه که توبَه رون کَردَه و اِشتَن نَه مَواجَه که: ”اَمَه اِبراهیم پیغمبری نَسلی کا ایمونَه.“ چوم که شِمَه نَه بَواتیم خِدا قادِرَه اِم سِنگون کا اِبراهیمی را خِردَنونی خَلق بِکَرِه.

حتی حِسَه تَبَری تیشه، آرَستَه دارون بِن و بِنجِقی کا. هَر داری که چاک میوه مَدَه، دَوِرِن و آتشی دیلَه کا دَرَفَنِن.»

هَتَه که اِشعَیای پیغمبری کیتابی کا نیویشته بییَه که: «ایی نفر ویاوونی کا بِلَنده سَسی نَه بَواتی: ”خِداوندی راه حاضیر آکَرَه! چَیی اومِه را دوز آکَرَه! گِرد دَرَّه اِن پور آبون، و گِرد کوه اِن و کولِن صاف آبون، کَجه راه اِن، راست آبون و ناهَمواره راه اِن هَموار آبون. اَ موقع گِرد آدَمِن خِدا نِجاتی بَویندین.“‌»