یوحنا 21-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

قِیله ناهارَه پَش، عیسی، شمعون پطرسی نَه واتِشه: «اِی شمعون، یوحنا زوعَه، تِه مِنَه اِمون کا وِرتَر خِشییش؟» شمعون پطرس، عیسی نَه واتِشه: «بله آقا؛ تِه بَزنیش که تِنَه خِشیمَه.» عیسی اَیی نَه واتِشه: «چِمِن وَرَه اوون خوراک بِدَه.» دومین کَرَه عیسی، شمعون پطرسی نَه واتِشه: «اِی شمعون، یوحنا زوعَه، مِنَه خِشیش؟» اَ عیسی نَه واتِشه: «بله آقا؛ بَزنیش که تِنَه خِشیمَه.» عیسی اَیی نَه واتِشه: «چِمِن گوسَندون رَسیدگی بِکَه.» سوّمین کَرَه عیسی، شمعون پطرسی نَه واتِشه: «اِی شمعون، یوحنا زوعَه، مِنَه خِشیش؟» پطرس اِمی واسی که عیسی سِه کَرَه اَیی کا دَفَرسِشه، «مِنَه خِشیش؟» ناراحت آبَه و واتِشه: «آقا، تِه گِردِ چییون کا خَوَرِر هِستَه؛ تِه بَزنیش که تِنَه خِشیمَه.» عیسی واتِشه: «چِمِن گوسَندون خوراک بِدَه.

حقیقتن، تِنَه بَواتیم، وختی که جَوونتَر بیش اِشتِه کَمری دَوَسیش و هَر جِگا که پیستِرَه بَشیش؛ امّا وختی پیر آبیش اِشتِه دَسون آکَری و ایی نفر دییَر اِشتِه کَمری دَوَسِه، تِه بَبَردی جِگایی را که نِپیستِرَه بِشی.»

عیسی اَوون نَه واتِشه: «ماشکی دَرَفَنه لوتکا راستَه طرفی را تا مایی بِگِرَه.» اَوِن دَرَفَندِشونَه و هَدَه مایی وِر بَه که نیمَشاین ماشکی بواَرین لوتکا دیلَه.

شمعون پطرس اَوون نَه واتِشه: «اَز کارا بَشیم مایَه گِری.» اَوِن واتِشونَه: «اَمَه نی تِنَه بومَیمون.» بَس شینَه بِرون، لوتکا دَنِشتینَه. امّا هَ شَوی کا چیی صِید نِکَردِشونَه.